Wednesday, November 28, 2012

మనదీ ఒక బతుకేనా కుక్కల వలె, పందుల వలె

డబ్బు గాని, మరేదైనా వస్తువు గాని అవతలి వారు పుచ్చుకునే టప్పుడు ఏ రూలు, ఏ న్యాయం, ధర్మం కనబడదు..
ఇవ్వాల్సి వచ్చినప్పుడు పద్ధతులు గుర్తుకుని వస్తాయి, ముఖాలు చిట్లిస్తాయి.. 


ఒకరికి ఇచ్చి మనం తినడం ముందునుంచి మనకి అలవాటు.. ఆ అలవాటు ఎదుటివాని  నుండి ఆశించడం తప్పే.. మనల్ని వాళ్ళు ఎంతలేసి  మాటలైనా అనే వచ్చు వాటిని సరదాగా, జోకులుగా. లైట్ గా తీసుకోవాలి.. కాని మనం ఒక్క మాట తేడాగా అనేసరికి పెద్ద నేరం అవుతుంది... 

పోనీ మాట్లాడ కుండా మన తోవన మనం వెళ్ళి పోతే పొగరు బోతు. అహంకారం అని పేర్లు.. ముఖం నిండా నవ్వు పులుముకుని మనసు లేని అభిమానాన్ని పైకి చాటిస్తూ అవసరార్ధం మాట్లాడి వెళ్ళిపోవాలి అంతకన్నా  అవకాశం  లేదు.. 

ఇంటికి వెళ్తే కనీసం మంచినీళ్ళు ఇవ్వరు సరికదా, మనం మాట్లాడిన మాటలకు విపరీత అర్ధాన్ని వెతికి  వేరేవాళ్ళకి చెప్తూ వాళ్ళ దగ్గర మనల్ని చులకన  చెయ్యడం.. మంచిగా వుంటే పనిమనిషి, చాకలి మనిషి, చివరికి రోడ్లు తుడిచే వాడికీ లోకువే.. నోరు పెట్టుకుని బతికే వాడికి ఒంగి వుంటారు..  

సెల్ ఫోను లు వచ్చాక దరిద్రం మరీ ఎక్కు వ అయ్యింది.. ప్రతీదీ లైవ్ టెలికాస్ట్ అయిపోయింది... మల మూత్రాలు విసర్జించే  కార్యక్రమం తప్ప అన్ని ప్రత్యక్ష పురాణం అయిపోయాయి.. మనం ఇక్కడ దగ్గితే, (ఇంకోటి కూడా వుంది) ఎక్కడో అమెరికా లో వున్న వాడికి నిముషాల్లో చేరిపోతుంది.. అట్నుంచి వాళ్ళు ఇలాగట కదా, అలాగట కదా అని ఆరాలు.. 
మనసారా అన్నయ్యా అనో, అక్కా అనో, మావయ్యా అనో, అత్తయ్యా అనో పిలిపించుకుని, పిలిచే రోజులు పోయాయి.. పొట్టి పొట్టి పలకరింపులు, చిట్టి చిట్టి మెసేజ్ లు (ఇప్పుడు అవీ కరువే) 
ఏంటీ చాలా డల్ గా వున్నావు../ అరె ఈ మధ్య లావు అయినట్టున్నావే / మీ చొక్కా కొత్తది లావుందే./. పిల్ల లెలా వున్నారు..(ఏదో ఒక ప్రశ్న మాత్రమే వేస్తాడు)   ప్రశ్నకి జవాబు ఇచ్చే లోగా, మరో కాల్  వస్తుంది.. హాయ్ రా.. నేనా ఇప్పుడే బజారుకి వచ్చా..పదినిముషాల్లో మళ్ళి కాల్  చేస్తా.. (ఓ వుల్ఫా  గాడితో మాట్లాడుతున్నాను అని అర్ధం వచ్చేటట్టు ముఖం పెట్టి)... 
"ఆ చెప్పండి సార్ ఏమిటి సంగతులు".. మళ్ళి రింగ్ టోన్... మాష్టారు... ఇందాకా ఫోన్ చేసాను.. బిజీ గా  వున్నట్టున్నారు...ఆ రమేష్ కి కాల్ చేసి మన ప్రాబ్లం చెప్పండి.. ఓకె..మళ్ళి కాల్ చేస్తా... 

"ఆ చెప్పండి.. మొన్న ఏదో వూరు వెళ్ళినట్టున్నారు"... మళ్ళి కాల్.. ఆ చెప్పండి  సార్.. నేనా.. బజార్ లో వున్నా (మళ్ళి సేం ఫీలింగ్ తో చూపు) మా బావగారా ఆ అక్కడే వున్నారు.. ఏమిటీ సెల్ కి చేస్తే రెస్పాన్సు లేదా.. మరేం లేదు సిమ్ము మార్చి    వుంటాడు లెండి...  అతగాడు నెలకో సిమ్ము మారుస్తాడు  లెండి.. ఓకె..మా బావకి మీరు ఫోన్ చేసారని  చెప్తాలెండి..బై.. వుంటా..  
"ఆ చెప్పండి"... 
బీపి రైజ్ అయ్యింది అంటే నాదా తప్పు.. మీరే చెప్పండి.. 
Note: టైటిల్ వల్ల కుక్కల, పందుల మనోభావాలు దెబ్బతింటే నేనేమీ చెయ్యలేను.. శ్రీ శ్రీ మీద కేసు పెట్టాలి..

Thursday, November 22, 2012

మర్చిపోలేని అనుభవం

ఇది ఒక డైరీ లాంటిది.. నిన్న జరిగిన అనుభూతుల ప్రవాహం.. ఒక ముఖ్యమైన పని మీద నర్శీపట్నం దగ్గర కోటవురట్ల వయా అనకాపల్లి, మా కుగ్రామం కొక్కిరాపల్లి (పుట్టిన వూరు)  వెళ్ళవలసి వచ్చింది.. 
కారు లోనే మదీయ డ్రైవింగ్ తో.. కారు నడపడం అంటే ఎవరికి ఇష్టం వుండదు చెప్పండి. కాని ముందు రోజు జరిగిన సంఘటన ల వల్ల మనసంతా చికాగ్గా అనిపించింది.. ఒహ ఆఫీసర్ గాడితో వాగ్వాదం వల్ల మనసంతా పాడయింది.. హుషారు లేదు... తప్పదు కాబట్టి ఫామిలీ మాతర్ కాబట్టి బయలు దేరక తప్పక వెళ్ళం.. 
సరిగ్గా కారు దగ్గరకి వెళ్తున్నాను ఎవరో రోడ్డు మీంచి వెళ్తూ పెద్దగా తుమ్మాడు..సరే ఇలాంటి సెంటిమెంట్లు పట్టించు కోవడం మానేసి చాలా కాలం అయ్యింది కాని ఎందుకైనా మంచిదని కాసేపు కూచుని నెత్తిన నీళ్ళు జల్లుకుని కారు తీస్తున్నాను.. మా అబ్బాయి కారు డోరు తీసి కూచుంటూ హాచ్ అని తుమ్మాడు.. ఇదేమిట్రా భగవంతుడా అనుకుని సరే మన తలరాత ఎలా వుంటే అలా జరుగుతుందిలే అనుకుని మరో సారి కారులో వున్న విఘ్నేస్వరుని, ఆంజనేయుల వారిని ప్రార్ధించి కారు స్టార్ట్ చేసా.. 
అనన్య మస్కంగానే డ్రైవ్ చేస్తున్నాను.. అంద్లోను నిన్న జరిగిన ఆర్గుమెంట్ అలా రీలు లాగ బుర్రలో సినిమా రీలు లాగ తిరుగుతోంది.. యోగా క్లాసుల్లో చెప్పారు.. ఎవరితోను వాదనకు దిగద్దు.. ఏ విషయం లోను ఎక్కువ ఆర్గుమెణ్ట్ లు చేసుకుని మనసుని పాడుఛేసుకుంటే ధ్యానానికి ఆటంకం అని.. 
కాని ఎదుటి వాడు అడ్డ దిడ్డంగా వాగి నప్పుడు గాని..పస లేని వాదన చేస్తున్నప్పుడు కాని, మన ఆత్మాభిమానం మీద దెబ్బ కొట్టినప్పుడు కాని విపరీతమైన కోపం వస్తుంది.. నా వాదన తారా స్థయికి వెళ్ళిపోయి నా వాక్ ప్రవాహానికి అడ్డు అదువుండదు..అవతాల వాడు ఎంత పెద్దవాడైనా దులిపి పారెయ్యడమే.. మొత్తానికి లోపల వున్నాది దాచుకోకుండా కక్కేస్తే గాని మనశ్సంతి గా వుండదు.. 
కాని తర్వాత ఆవేశం తగ్గాక, ఎందుకు అలాంటి వెధవలతో అనవసరంగా ఆర్గుమెంట్ అనిపిస్తుంది.. అప్పటిదాకా, మన చెవులను కొరికేసిన మహానుభావులు నోరు మెదపరు.. మనకి సపోర్టుగా ఒక్క ముక్క మాట్లాడరు.. తర్వాత చెవులు కొరుక్కుంటారు... బాగా అడిగేరు అని కొందరు అంటే కొందరేమో మనకెందుకు చెప్పండి.. పై అఫీసర్ల మీద కి తోసేస్తే సరి అనో గోడ మీద పిల్లివాటంగానో చెప్తారు...  సరే ఎవరు ఎలా అనుకున్నా నేను చేసింది ధర్మానికి, అన్యాయానికి వ్యతిరేక పని కాదని నన్ను నేను సమాధాన పరుచుకుని నాలో నేనే సమాధానం చెప్పుకుంటాను... 
ఇహ విషయానికొస్తే...కోటవురట్లకి వెళ్ళలంటే ఇంచుమించు  నర్శీపట్నం వూర్ళొకి వెళ్ళక ముందు ఎడమ పక్కకి తిరిగి జల్లూరు  (పూరి జగన్నాధ్ వూరు) మీదుగా వెళ్ళలి, కాని నాకు సరిగ్గా తెలియక మాకవరి పాలేం అనే వూళ్ళో కుడి పక్క తిప్పేసాను.. అక్కడున్న వాళ్ళని అడిగితే ఇలాగక్కూడా వెళ్ళొచ్చు అసలు ఇదే దగ్గర దారి అని చెప్పారు... అది పళ్ళెటూళ్ళని కలుపుకుంటూ వెళ్ళే సింగిల్ రోడ్డు మార్గం.. 
ఇక్కాడే అద్బుతం జరిగింది.. ఈ రోడ్డు పక్కా పళ్ళెటూర్లను కలుపుకుని పోతూ పచ్చని పొలాలంట, మధలో సెలయేరు మీదుగా చాలా హాయిగా, అలౌకిక అనందాల మధ్య సాగింది...మధలో పిల్ల ఏరు వద్ద ఆగాను.. అక్కడే నాలుగు పశువుల పాకలు, మట్టితో కలసిన పేడవాసనలు, పక్కన చెరుకు తోటలు, నా కారుని ముందుకి వెళ్ళనీయలేదు.. 
అపేసి, ఆ సెలయేట్లో దిగి, పసువలని నిమిరి వస్తూడగా ముగ్గురు పల్లె పడుచులు ఎదురై కుశల ప్రశ్నలు వేసారు.. ఇదేమిటి ముందున పెద్ద సెలయేరు వుంది అన్నారు.. 
అక్కడే పొలాల మధ్య సెలయేటి ని తవ్వి పారేస్తూ పెద్ద ఫక్టరీ ని ప్రకృతి మాత గుండె చీలుస్తూ వెలిసింది.. ఆ ఫాక్టరీ ఏమిటమ్మా అంటే అదేదో సిల్వర్ ఫక్టరీ అట బాబూ బోల్డెన్ని మా పొలాలు లాగేసుకుని కడతన్నారు.. అని విచారంగా మొహాలు పెట్టి సమాధానం ఇచ్చారు.. 
మనసు పాడైది గాని, అభివృద్ధికి సంతోషించాలా, ప్రకృతి విధ్వంసానికి బాధపడాలా  తెలియలేదు..వూరుచేరతాం అనుకునేలోగా పెద్ద సెలయేరు (వరాహ నది) మీదుగా వేసిన బ్రిడ్గి ని దాటుతూ వుంటే అనుభవం వుంది చూసారూ,, నా సామిరంగా నేను పడ్డ మానసిక క్షోభను మరిచి పోయి చిన్న పిల్లాడి లాగే అయిపోయి కేరింతలు కొట్టాను.. 
మా లేడిస్ పరిస్థితి కూడా ఇంచు మించు అంతే... పొరపాటున ఈ మార్గంలోకి అడుగు పెట్టామేమో అని బాధ మొదట్లో బాధ పడిన వాళ్ళు,, మర్చి పోలేని ఈ అనుభుతులని అనుభవించి.. ఈ మార్గం లో వచ్చినందుకు మమ్మల్ని మేమే అభినందించు కుంటూ.. మొత్తానికి కోటవురట్ల చేరాం.. 
కొసమెరుపు ఏమిటంటే.. మా జూనియర్ కి ఫోన్ చేసి.. నిన్న జరిగిన ఆర్గుమెంట్ కి ఫేడ్ బాక్ అడిగా,, ఆ ఇంకా దాని గురించి ఆలోచిస్తారేమిటండి... మీరు అడిగిందాంట్లో తప్పేమీ లేదు.. ఏమీ జరగదు.. మీకెందుకు నేనున్నాను కదా నా మీద వదిలెయ్యంది.. మీరు ముఖ్యమైన పనిలో వున్నారు.. దాని మీద మనసు పెట్టండి.. ఇవన్ని మమూలే అని హిత బోధ చేసాడు.. ఇవాళ మా సీనియర్ ఫోన్ చేసి.. మీరు వాదించడం మంచిదే అయ్యింది.. అన్నాడు.. అదీ పరిస్థితి.. సుత్తి ఎక్కువై నట్టుంది.. శెలవ్...     
(చిన్నా చిన్న తప్పులున్నాయి .. తర్వాత సర్దు తాను టైం లేదు..సారీ)

Thursday, October 11, 2012

మహా నగరంలో మాయ గాడు..


మహా నగరం లోకి మాయ గాడు వచ్చాడు..ఆ నగరంలో రాజు గారు మరణించడం వల్ల మహా రాణి గారు పరిపాలిస్తున్నారు.. 
రాణి గార్ని కలవడానికి ముందు మంత్రులు, ఉప మంత్రులని కలవడానికి  ప్రయత్నించాడు..
విందులతో, పొందులతో చాలా బిజీ గా వున్న అమాత్యులు మన వాడికి కేవలం పది నిముషాల సమయం కేటాయించారు.. 
నమస్తే బావున్నారా.. రాత్రి బాగా నిద్ర పట్టిందా.. అని వీరు అడిగితే...నీ సంగతి ఏమిటి..రాత్రి సత్రవులో భోజనం బావుందా.. సురాపానము, మధు సేవనం మంచిగా జరిగినదా.. అని ప్రశ్నించడం తో   వీరికిచ్చిన కాలం ముగిసింది.. 
రాణి వారి దర్శనానికై సిఫార్స్ చెయ్యమని వీరు అడగను లేదు.. వారు ఇవ్వనూ లేదు..  
సరే కోట గుమ్మం దాకా వెళ్ళి భటులని బతిమాలేడు.. చీ.. పో.. అన్నారు.. అయినా కొద్ది సేపు కోట గుమ్మం లోపలి కి వెళ్ళి కళ్ళారా కోటని చూసి వెనుదిరిగి వచ్చేసాడు..  
పన్లో పని  వూళ్ళో వున్న ప్రముఖుల దర్శనానికే  ప్రయత్నించాడు..ఒకరిద్దరు తమ మందిరంలోకి  రానిచ్చి..కుశల ప్రశ్నలు వేసి పంపించి వేసారు.. ఎందుకొచ్చావు అని వాళ్ళు అడగ లేదు.. వీడు చెప్పలేదు..
సరే ఇక్కడ చూస్తే తన గ్రామ ప్రజలు చాలా రోజులనుండి .. మన నాయకుడైన గద్ద ముక్కుల పోటు గాడు ఏదో పొడిస్తాడని...పట్నాని కి వెళ్ళి చాన్నాళ్ళుగా తమకు లేని పోని ఆశలు చూపించి వుద్దరిస్తాడని..వీణ్ణి నమ్ముకుని రాణి గారి మీద తిరగబడే ప్రత్నాలు మానుకుని, వీడు చూపెట్టిన ఆశలకు లొనై తమ ప్రాణాలను సైతం ఈ మాయగాడి ప్రబోధంతో పోగొట్టుకుని ఎన్నో ఆశలతో ఎదురు చూస్తున్నారు... 

ఆ... వీడేమీ పీకడు.. మీరంతా నా వెనకాల చేరి వుద్యమించండి అని రాణి గారి కొలువులోనే భధ్రంగా వుద్యోగం చేస్తూ మిగిలిన వాళ్ళని రాజీనామా చెయ్యండి అని వుద్భోదించే శుక్రాచార్య  వంశములోని  వాడైన  ఓ గురువు వుద్భోధన  చేస్తున్నాడు.. 

చత్ ఈల్లెవరికీ చేతగాదు.. నాతో కలసి పోరాడండి అని పొరుగు రాష్ట్రం నుంచి వచ్చిన ఒక  నాయకుడు పరమవీర సింఘ్ అనే ఒకాయన కొత్తగా బయలు దేరాడు..
పసుపు రంగు వాళ్ళూ, ఎరుపు రంగు వాళ్ళూ, గులాబి పువ్వుల వాళ్ళు.... 
ఇంత మంది మేము మీ వెంటే వుంటాం మమ్మల్నే నమ్మండి అని వెనకాల తరుముతుంటే ఎవరిని నమ్మాలో ఎవరిని నమ్మకూడని అయోమయ స్థిలో ఆ ప్రజలు తిరుగుపాటి  ధోరణే ఇన్నాళ్ళు వూపిరిగా బతుకుతున్న ప్రజలు ఎవరి మీద తిరగ పడాలో తెలీక, వీళ్ళలాగే కూటి కోసం, గూటి కోసం, ఎక్కడెక్కడ నుంచో వచ్చిన ఇతర ప్రాంతాల వారిని  తిడుతూ అలా చెయ్యడం వల్లనే మన కష్టాలు తీరుతాయని నమ్మించిన వాళ్ళ నాయకుడైన గద్ద ముక్కుల పోటుగాడు తను వీళ్ళని అడ్డం పెట్టుకుని పబ్బం గడుపు కుంటున్నా, తన కొడుకు, కూతురు, అళ్ళుడు, బావమరదులు ఇలా నాయకుని కుటుంబం అంతా 
అష్ట ఐశ్వయాలతో తులతుగుతూ నిజంగా రాణి గారు వరమిస్తే ఈ స్వర్గ సుఖం దూరమవు తుందనే భయం తో.. ... పోరాటాన్ని కొన సా.......గిస్తున్నాడు...

Wednesday, October 10, 2012

గురు నీచ, గురు రాక్షస గురు మహా యమ


"గురు బ్రహ్మ, గురు విష్ణు
గురు దేవో మహేశ్వరహ
గురు సాక్షాత్ పరబ్రహ్మ
తస్మై శ్రీ గురవే నమః"

"మాతృదేవోభవ - పితృదేవోభవ - ఆచార్యదేవోభవ" అన్నారు పెద్దలు. తల్లి, తండ్రి తరువాత స్థానం గురువుదే అని స్పష్టం చేశారు. "గురువు" అనే పదానికి ప్రత్యేకమైన అర్ధముంది. "గు" అంటే చీకటి. "రు" అంటే తొలగించు అని అర్ధం. అజ్ఞానమనే చీకటిని తొలగిస్తాడు కాబట్టి గురువు అనే పేరు స్థిరపడిపోయింది. "గు" అంటే గుహ్యమైనది, తెలియనిది. "రు" అంటే దానిని రుచ్యము చేసేది. అంటే ఆ రహస్యమైన దానిని తెలియపరిచేది. ప్రేమ, ఆప్యాతలకు చిహ్నంగా నిలిచే గురువు విద్యార్ధుల కలలను నిజం చేసే ప్రత్యక్ష దైవం.
 (The above script adopted from another site)...

ఆహా
 హా.. ఎంత చక్కగా వున్నాయి పైన వాక్యాలు..
అయితే మన గురువుల సంగతి..
బాల్యంలో ఎలిమెంటరీ స్కూల్ లో చండసాసనురాలైన టీచర్.. 

దశరా  కట్నం ఓ ఐదురూపాయలు ఇవ్వలేదని నన్ను ఎన్నో బాధలకు గురిచేసిన
టీచర్.. 

డబ్బున్న పిల్లలకు ఎక్కువ మార్కులు వేసి నన్ను మానసికంగా
హింసించి బాధ పెట్టిన టీచర్ జీవితాంతం గుర్తుండి పోతుంది... 
(దసరా కట్నం ఇవ్వని తప్పు నాదా ?)
ఎంతో పేరు ప్రఖ్యాతులు వున్న గొప్ప స్కూల్ - హై స్కూల్.. 

ఆరవ తరగతి మొట్ట మొదటి క్లాస్ లో ఓ తాగుబోతు ఇంగ్లీష్ టీచర్.. 
ఆ పసి వయసులో ఎన్నో ఆశలతో స్కూల్ కి వెళితే పొద్దుటే వెనకాల బెంచ్ వాళ్ళని ఒళ్ళు
తెలియని మైకంలో చితక బాదే కీచక టీచర్.. 

(ఆ దెబ్బలు నాకు ఎక్కడ తగులు తాయేమో నన్న భయం) .. 
ట్యూషన్ కి వచ్చిన వాళ్ళకే ఎక్కువ మార్కులు వేసి వాళ్ళనే ప్రోత్సాహ పరిచే సైన్స్ మాష్టర్... 
ఒక  సైకో లెక్కల మాస్టర్.. తను చేసిన లెక్క తప్పని చూపి నందుకు
చెంప చెళ్ళుమని అని పించి మరి నోరు ఎత్తలేని స్థితిలోకి నెట్టేసిన
పిచ్చి లెక్కల మాస్టారు.. 

బూతులు తప్ప మామూలు భాష మాట్లాడని ఓ  ఇంగ్లీష్ మాస్టర్.. 
పుస్తకం మధ్యలో గైడ్ పెట్టుకుని అవస్థలు పడే ఓ లెక్కల మాష్టర్..(పదవ తరగతిలో)
ఈ మధ్య పేపర్ల లోనూ, టీ.వీ.లలోను నిత్యం మనకి కనిపించే కీచక గురువులని చూసి పై పద్యాన్ని మార్చాలని పిస్తోంది..

 
"గురు నీచ, గురు రాక్షస గురు మహా యమ
గురు సాక్షాత్ పరమ నికృష్ట: తస్మై శ్రీ గురు దండనే నమ: 


ఇది నాకు వున్న పరిజ్ఞానం తో రాసినది.. మీకు ఇంకా రాయాలని పిస్తే రాయచ్చు... 


 గమనిక: అయితే ఈ పద్యం యొక్క భావానికి అసలు సిసలైన నిర్వచనంగా నిలచిన నలుగురు, ఐదుగురు గురువులకు మనస్ఫూర్తిగా క్షమాపణలు.. 
గురువు అన్న పదానికే ఎంతో గౌరవం కల్గించిన  
శ్రీ సర్వేపల్లి రాధకృష్న గార్కి క్షమాపణలు... 
ఇంకా ఎంతో మంది గురు బ్రహ్మలకు క్షమాపణలు...
 

Tuesday, October 9, 2012

ఇదేనా మీ పద్దతి ? ఏమైంది మీ అందరికీ ?

ఇదేనా మీ పద్దతి ? ఏమైంది మీ అందరికీ ? మన బ్లాగులోకం లో ఒక మంచి సినిమా మీద రివ్యూ ఎవరూ రాయలేదా?.. లేక నేను దాన్ని చదవలేదా?.. 





ఏమో కాస్త ఆలస్యమైనా నాకు తోచింది రాస్తా..
ఆ మంచి సినిమా : "బర్ఫీ" అను హిందీ సినిమా..

మన సగటు తెలుగు సినిమా లాగ గ్రాఫిక్ ఫైట్లు (హీరో ఒక్కడే వందమందిని చితగ్గొట్టడం) లేవు.. 
చెవులు హోరెత్తించే మ్యూజిక్ లేదు.. గోచీ భామల ఐటెం సాంగ్ లేదు..
హీరో వద్దన్నా సరే కుక్కలాగ వెంటబడే హీరోయిను లేదు.. 
చెంపదెబ్బలు కొట్టించుకునే బ్రహ్మి కామెడీ లేదు..    
చత్ ఇదేం సినిమావయ్యా బాబూ... అని నిరుత్సాహపడే వాళ్ళు చూడక్కర్లేదు..


హీరో మంచి అందగాడు.. కనుముక్కు తీరుగ వున్నవాడు.. చక్కటి భావ ప్రకటన చెయ్యగల సత్తా వున్నవాడు.. మూగ, చెవుడు వున్న యువకుని పాత్రలో ఎంత బాగా చేసాడంటే నిజంగా మూగ వాడేమొ అన్న సందేహం వస్తుంది..

ఇక ఇలియానా ..  
మన తెలుగు సినిమాల్లో లాగ కాకుండా ఎంతో పద్ధతిగ.,  కట్టు బొట్టు నిండుగా ఓ భారతీయ వనిత లాగ చాలా బాగ కనిపించింది.. 
తల్లి మాటకు తలఒగ్గి తను ప్రెమించిన హీరో ని దూరం చేసుకుని మరొకరిని మనువాడినా, అదే ప్రియుడి జాడ కోసం, ఆతడిని రక్షించడం కోసం.. భర్త వారిస్తున్న వినకుండా గడప దాటి బయటకు రావడం నిజంగా హాట్స్ ఆఫ్.. చివర్లో ఆమె చూపిన హావ భావాలు సింప్లీ సూపర్బ్..
ఇక కీలక పాత్ర ధారి "ప్రియాంక చోప్రా" 
ఆమె నటన గురించి ఎంత పొగిడినా తక్కువే.. ఒక మానసిక వైకల్యం  వున్న యువతి పాత్రలో ఆమె చూపిన నటన అద్భుతం, అమోఘం.. 
నేను ముందు నుంచి ప్రియాంకా అభిమానినే కాని ఆవిడ చేసిన సినిమాలు చాలా తక్కువ చూసాను..  అదేదో స్కూటర్ (మోపెడ్) యాడ్ లో - (చాన్నాల్ల క్రితం) ఆమె చూపిన నటన చూసి అభిమానిని అయిపోయాను.. 
కాని అదే ప్రియాంక ఇలా పూర్తి భిన్న మైన (డి గ్లామర్ రోల్ - (అనొచ్చునా)..  పాత్రలో జీవించారు.. 
ఈ సినిమా తీసిన దర్శకులకి, నిర్మాతలకి,, మిగిలిన సాంకేతిక వర్గానికి శతకోటి వందనాలు...
టోటల్ గా హాలివుడ్ రేంజ్ కన్నా మించినదిగా వుంది ఈ సినిమా..  మీరు ఇంత వరకూ చూడక పోతే నిర్భయంగా ఫామిలీ ని తీసుకుని వెళ్ళండి.. 
మీ వుళ్ళో సినిమా వెళ్ళిపోయి వుంటే కొన్నాళ్ళాగి సి.డి లో చూడండి.. కాని మిస్స్ అవకండి..  
ఇంత కన్నా బాగా రాయండం నాకు రాదు.. 
కాని మీలో చాలా మంది సినిమాల మీద రివ్యూలు బాగా రాస్తున్నారు.. 
కాని ఇలాంటి మంచి సినిమా మీద రివ్యూ ఎందుకు రాయలేదో.. నాకేతే తెలీదు.. చెత్త సినిమాల మీద కామెంట్లు రాస్తే వాళ్ళు చేసిన పాపం లో మనకి భాగం వస్తుంది.. ఇలాంటి మంచి సినిమా మీద రాస్తే పుణ్యం రావచ్చు (ఒక వేళ రాక పోయినా - ఒక మంచి పని చేసిన తృప్తి వుంటుంది). ఆలోచించంది..           

Monday, September 17, 2012

సుత్తి వేలు గారితో నా అనుభవం

నిన్న (ఆది వారం) తే 16/09/2012 ది.న పరమాత్మలో ఐక్యం చెందిన "సుత్తి వేలు" గారికి నివాళులు అర్పిస్తూ.. ఒక నటుడిగా నాకు ఆయన మీద వున్న అభిమానంతో ఈ పోస్ట్ రాస్తున్నాను..
 



"నాలుగు స్థంభాలాట" సినిమాలో "సుత్తి" పాత్ర ద్వారా ఆయన ప్రఖ్యాతి గాంచి చివరికి సుత్తి అన్నది వారి ఇంటి పేరుగా నిలిచి పోయింది..  

కాని ప్రతిఘటనలో "నా డ్యూటీ ఇంకా అయిపోలేదమ్మా" అన్న  ఆయన డైలాగ్ హృదయానికి హత్తుకుని పోతుంది.. కాని నిన్నటితో ఆయన డ్యూటీ అయిపోయింది అన్న భావమే మనల్ని కలచి వేస్తుంది.. మా అబ్బాయికి సుత్తి వేలంటే చాలా అభిమానం.. అస్తమాను "నా డ్యూటి ఇంకా అయిపోలేదమ్మా" అంటూ వుండేవాడు..
సరే ఆయనతో నా అనుభవం ఏమిటంటే, ఆయన కజిన్ బ్రదర్ (మొక్కల మోహన్, విశాఖపట్నం) గారు మా టీం లో వుండేవారు.. మా నాటిక (చీమ కుట్టిన నాటకం, రచన శ్రీ యండమూరి)  విజయవాడ లోను, హైదరాబాద్ లోను జరిగినప్పుడు ఆయన స్వయంగా వచ్చి మమ్మల్ని అభినందించి వెళ్ళారు.. ఆయనతో కలసి ఫొటోలు కూడా తీయించుకున్నాము.. 


ఆయన విజవాడ థియేటర్ కి వచ్చినప్పుడు మేకప్ రూం bath రూం లో ఇన్సులిన్ కిట్ మర్చి పోయారు.. నేను ముఖం కడుక్కోడానికి వెళ్ళినప్పుడు ఆ బాక్స్ (కిట్ మొత్తం) సింక్ మీద చూసి వెంటనే అది ఇన్సులిన్ కిట్ అని గ్రహించి అక్కడున్న వారిని అడిగాను.. మాది కాదంటే మాది కాదు అనడంతో నా బాగ్ లో పెట్టాను ఎవరైనా వచ్చి అడిగితే ఇద్దాములే అని.. 

ఒక పది నిముషల తర్వాత ఆయన వెనక్కి వచ్చి గాభరాగా అందర్ని అడుగుతున్నారు "బాబు ! నా ఇన్సులిన్ బాక్స్ బాత్ రూం లో మర్చిపోయాను ఎవరైనా తీసారా? అని, అవరో అన్నారు "శంకర్ తీసాడు"  అని వెంటన ఇదిగో గురూ గారు అని తీసిచ్చాను.. అప్పుడు ఆయన కళ్ళలో కనిపించిన ఆనందం వర్ణించలేను.. "చాలా థాంక్స్  బాబు నేను పోయిందేమో అని గాభరాపడ్డాను, ఇప్పుడు ఇదిలేందే నేను బతకలేను.. కనీసం మూడు సార్లు థాంక్స్ చెప్పి వుంటారు.. ఏదో దీవించారు కూడా..

 అయితే ఆ కిట్ పోతే మరొకటి కొనుక్కోవచ్చు కాని కాస్త ఖరీదు ఎక్కువ అవచ్చు.. అయినా వస్తువు పోయిందే అన్న బాధ మిగిలి పోతుంది.. పోయిన వస్తువు తిరిగి పొందితే ఆ ఆనందం వేరు.. కాని అంత పెద్దాయన..చిన్న పిల్లాడిలాగ అన్ని సార్లు థాంక్స్ చెప్పితే నాకు ఆశ్చర్యం, ఆనందం అనిపించింది.. 

ఆ కిట్ వెంటనే నేను చూసాను కాబట్టి సరిపోయింది.. అక్కడ సుమారు నలభై మంది దాకా పరాయి వాళ్ళు కూడా వున్నారు.. ఎవరు తీసినా ఇస్తారన్న గారంటీ నాకైతే లేదు.. 
అందులోనూ అది విజయవాడ..రైల్లో చెప్పులని కూడా వదలని బాచ్ వుంటారు అక్కడ..

అంతకు ముందు హైదరాబాద్ లో కూడా మా ప్రదర్శన చూసి మా టీం అందరినీ అభినంచి వెళ్ళారు... అదే నాటకాన్ని కొన్ని ఏళ్ళ క్రితం వాళ్ళు ఇలా వేసిందీ ఆయన అనుభావాలు చెప్పారు..    
మరొక్కసారి ఆ మాహా నటుడికి నా హృదయపూర్వక
నివాళులు అర్పిస్తూ ..శెలవ్...       

Wednesday, August 8, 2012

నాకు దేముడు ప్రత్యక్షం అవ్వాలి... నాకోసం కాదు.. మీ అందరి కోసం..

ఇవాళ చాల ఘోరమైన ఏక్సిడెంట్ చూసాను..సమయం సుమారు సాయంత్రం ఐదున్నర...  
సెవెన్ హిల్స్ ఆసుపత్రి జంక్షన్ దగ్గర నుండి రాం నగర్ రూట్ వైపు వచ్చే రోడ్డు మొదట్లో ఓ కాలేజ్ బస్సు కింద ఓ మోపెడ్ లాంటి బండి దూరిపోయింది..
(ఫొటో  అసలు సంఘటనది కాదు )
 శాల్తీ ఏమయ్యిందో అని భయపడుతూనే అడిగా ఇద్దరిలో ఒకతను అక్కడిక్కడే మరణించాడని మరొకతనికి తీవ్ర గాయాలయ్యాని చెప్పారు..నాకు భయమేసి ఆ జాగా నుండి వెళ్ళిపోయాను..చాలా బాధ అనిపించి చాలా సేపు మనసు బరువయిపోయింది..

అసలు విశాఖపట్నం అన్న మాటేవిటి.. హైదరాబాద్, బెంగుళూర్, చెన్నై ఎక్కడ చూసినా విపరీతమైన ట్రాఫిక్.. స్కూటర్లు,   కార్లు, ఆటోలు, బస్సులు పెరిగాయి కాని అందుకు అనుగుణంగా రోడ్లు విశాలం అవవు, అవలేవు.. ఎవరి ఇల్లు పడగొడితే ఎవరు వూరుకుంటారు? పబ్లిక్ పార్కులు, దేవాలయాలు, విగ్రహాల చుట్టూ వున్న సర్కిల్..ఇవి ట్రాఫిక్ కి ఎంత అడ్డు వచ్చినా  వాటిని పడగొట్ట కూడదు.. ఖబడ్దార్.. ఎన్ని ప్రాణాలు గాల్లో కలిసిపోయినా ఫర్వాలేదు... 

మా చిన్నప్పుడు మా స్కూల్ కి 3 కి.మీ దూరం నడిచే వెళ్ళేవాళ్ళం.. "అది మీ ఖర్మ ఆ రోజుల్లో మీకు ఆటోలు, స్కూల్ బస్సులు లేవు.. వున్నా వాటి ఫీజులు వేలల్లో కట్టే స్థితిలో మీ తల్లి తండ్రులు లేరు. 
మాకేం ఖర్మ.. మా పేరెంట్స్ డబ్బున్న వాళ్ళు..స్కూల్ ఫీజు కాక బస్సు ఫీజుకి కొన్ని వేలు నెలకి ఇస్తారు" అన్నది నేటి తరం వారి ప్రశ్న..  ఎంచక్కా షేర్ ఆటోల్లో పాతిక మంది కూరేసినా, ఆడవాళ్ళ మీద మగాళ్ళు కుమ్మేసినా 5 రూపాయలతో మన గమ్యం చేరామా లేదా..
అసలు వీటన్నిటికీ పరిష్కారం ఏమిటంటే... నాకు రాత్రికి  రాత్రి దేముడు పవర్స్ ఇస్తే..తెల్లారేసరికల్లా...  పెద్ద పెద్ద  ఫ్లై ఓవర్లు నగరం ఈ చివరి నుండి ఆ చివర వరకూ వుంటాయి. దాని మీద స్కూటర్లు, ఆటోలు మాత్రమే  వెళ్తాయి.. బస్సులు, కార్లు  కింద రోడ్లపై  వెళ్తాయి..  మనుషులకు భూమి కింద  నుండి నడిచే మార్గం (దగ్గరి దారి) వుంటుంది.. 


స్కూటర్లకి, ఆటోలకి పార్కింగ్   పైన వుండే మార్గం లోనే ఓ పక్క గా వుంటుంది.. ఓ ప్రత్యేక లిఫ్ట్ ద్వారా వాళ్ళు కావలసిన స్థలం నుంచి కిందకి దిగి మార్కెట్ చేసుకుని మళ్ళీ పైకి వెళ్ళిపోయి స్కూటర్ మీద ఇంటికి వెళ్తారు.. ఎలక్ట్రికల్ వైర్లు, కేబుల్ వైర్లు డక్టల్లో వుంటాయి.. అప్పుడు పెద్ద లారీలు వచ్చి వాటిని తెంపేసి రోడ్డున పడవెయ్యవు.. మా వీధిలో వారానికొకసారి కరెంటు వైరో, టెలిఫోన్ వైరో, కేబుల్ వైరో తెగిపోతుంది,, వాళ్ళకి ఫోన్ చెయ్యడం, వాళ్ళు వచ్చె లోగా ఎవరూ ఆ వైరుని ముట్టు కోకుండా చెయ్యడం.. అబ్బో  చాలా ప్రహసనం.. 

పిల్లలకి ఎస్కిలేటర్లు వుంటాయి.. నేరుగా వాళ్ళ స్కూల్ కి ఇంటి నుంచే వాళ్ళ అమ్మ మీట నొక్కితే స్కూల్లోకెళ్ళి పడతాడు.. పుస్తకాల బరువు, కారేజీ మోత వుండదు..ప్రతీ పది కిలో మీటర్లకి ఒక మైదానం వుండి, రిపైర్ వచ్చిన లారీలు అక్కడే రోడ్డు మీద కాక ఆ మైదానంలోకి పంపబడతాయి..  

అసలు ఆల్కహాల్ తాగితే కారు గాని, లారి గాని, బస్సు గాని స్టార్ట్ అవ్వదు.. అటోమేటిక్ గా  లాక్ అయిపోతుంది.. సరే మీకు కాస్త కామెడీ గా వున్నట్టుంది.. కాని ఈ అసహజ మరణాలు ఆపాలంటే ఇంతకంటే మార్గాలు నాకు కనిపించటం లేదు..
నాకు దేముడు ప్రత్యక్షం అవ్వాలని మీరు కోరుకోండి.. నా కోసం కాదు.. మీ అందరి కోసం...               

Monday, July 30, 2012

ఓ గోదారోడా.. ఇది ఏ ప్రాంతం ???

మీలో చాలా మంది గోదావరి జిల్లాల వాళ్ళు వున్నారు... మీకు మీ వూరన్నా, గోదావరి ఒడ్డున అందాలన్నా చాలా ప్రేమ అభిమానం... అది నాకు తెలుసు.. 

ఎలాగంటే మా  ఆవిడది..నేచురల్ గా వాళ్ళ అన్నయ్యది అత్తిలి..వాళ్ళు ఆ వూరు వదిలి సుమారు 40 ఏళ్ళు అవుతుంది, ఇక్కడ నీళ్ళు తాగుతూ, ఇక్కడ గాలి పీలుస్తూ, ఇక్కడ పొట్ట కూటి కోసం జీతం తీసుకుంటూ, సమయం వస్తే చాలు.. మా కోనసీమ, మా.. ప.గో.జీ..తూ.గో.జీ అంటూ ఎక్కడికో వెళ్ళిపోతారు... 

అక్కడే నాకు మండుద్ది.. నాకే ఇలా వుంటే మరి తెలంగాణా వాళ్ళకి ఇంకెంత మండాలి. అందుకే మా రాష్ట్రం మాగ్గవాలే, మా నీళ్ళు మాగ్గావాలే అంటూ వుద్యమిస్తున్నారు... ఇలాంటి ప్రాంతీయ, కుల పిచ్చి వున్నంత కాలం మన రాష్ట్రం అభివృద్ధి   చెందదు..

సరే ఇంతకీ విషయం ఏమిటంటే ఈ క్రింది ఫొటో నేను ఏదో గోదావరి ప్రాంతం లో తీసినదె.. ఎక్కడ తీసానా అని మర్చిపోయాను.. పాలకొల్లు, అమలాపురం, భీమవరం, అత్తిలి, రాజోలు..ఈ వూళ్ళు వెళ్ళినప్పుడు   తీసాననుకుంటా..

మీరే కనక నిజమైన గోదారి  అభిమానులైతే ఈ ఫొటొ ఎక్కడిది చెప్పుకోండి.. అబ్బ.. ఆ  కొబ్బరిచెట్లు.. అవీ ఎంత బావున్నాయో.. మీ గోదారొడ్డున తప్ప ఇలాంటి సీను వుండదని గర్వం... సరే చెప్పుకోండి చూద్దాం...   

Friday, July 13, 2012

మన సి.ని.మా ల గురించి నా గోల..

ఇది నా ముందరి టపాకు సీరియల్ లాంటిది అనుకుందాం.. చక్కటి విషయాలు రాసిన మితృలందరికి ధన్యవాదాలు ...
నాకు వచ్చిన సందేహాన్ని తీర్చిన జై.గొట్టిముక్కల గారికి ధన్యవాదాలు.. అయితే సిల్క్ నిజ జీవితంలో రజనీతో అలాంటి అనుభవాలు  జరిగిందో లేదో మనకి తెలీదు..
తరువాత అజ్ఞాత గారు చక్కగా రాసారు..మీరు చెప్పినట్టు కర్ఫ్యూ టైం లో ఎవరూ అలా తిరగరు..మీ ఉపమానం కూడా చాలా బావుంది.. ధన్యవాదములు...  కరెక్టే నండి..అయినా రాముడి చేతిలో విల్లంబు వుంటుంది అని చెప్పడానికి ఇంత గోల అక్కర్లేదు..అప్పుడే పుట్టిన పాపాయి కూడా చెప్పగలదు...దానికి పేదరికం, అవిద్య కారణం అక్కరలేదు.. అన్ని ప్రశ్నలు సిల్లీ పైగా దానికి బోలడంత చెత్త ఫ్లాష్ బాక్ ఒహటి..


తరవాత uknowat ??? గారు అలియాస్ రాజశెఖర్ దాసరి గారు మీ అభిప్రాయంతో నేను కాస్త ఏకీభవించట్లేదు.. ఇక్కడ నజిరుద్దిన్ షా అనుకరణ మన హీరోలకి (ఎన్.టీ.ఆర్, ఏ.ఎన్.ఆర్, కృష్ణ, శోభన్) లాంటి వాళ్ళకి అతికి పోయింది.. 

(Note:నేను ముందే చెప్తున్నాను నేను మన తెలుగు అగ్ర హీరోలయిన ఎన్.టి.ఆర్, ఏ.ఎన్.ఆర్, కృష్ణ, శోభన్ బాబు లకి వీరాభిమానిని కాని లేటు వయస్సులో వాళ్ళు వేసిన కుప్పిగెంతుల మీద, దాన్ని అనుసరించిన నజరుద్దిన్ మీదే నా టపా రాసాను.. వారి అభిమానులని క్షమించ మని ప్రార్ధన... సరదాగా రాసాను కాని ఎవర్నీ నొప్పించే వుద్దేశంతో కాదు)..
ఎంతో గొప్ప నటులయిన వీళ్ళంతా, వాళ్ళు అరవై దాటిన తర్వాత వాళ్ళ వేషాలేంటి, తమ కంటే సుమారు నలభై ఏళ్ళు చిన్నవాళ్ళయిన శ్రీదేవి, జయప్రద, జయసుధలతో ఆ గెంతులు, బూతు పాటలుకి స్టెప్స్, డబల్ మీనింగ్ డైలాగుల తో ఎంత రచ్చ చేసారండి.. 



భూకైలాస్, పాండురంగ మహత్యం, లవకుశ, మిస్సమ్మ, మాయాబజార్, గుండమ్మ కథ, మల్లీస్వరి, దాన వీర శూర కర్ణ, ఇలా ఒకటా రెండా అనేక చిత్రాలలో తన నటనతో విశ్వవిఖ్యాతి నట సార్వభౌముడు తన అరవై ఏళ్ళ వయసులో పదహారేళ్ళున్న శ్రీదేవి, జయప్రదలతో తో వేటగాడు, యమగోల, అడవి రాముడు, బొబ్బిలి పులి, ఇలాంటి సినిమాల్లో ఆయన వేషం డర్టీ పిక్చర్లో నజరుద్దిన్ వేషం లాగే వుంది... ఆ విగ్గు, బొమ్మల బొమ్మల పొట్టి చొక్కాలు హీరోయిన్లను తాకరాని చోట తాకుతూ ఎన్ని గెంతులు వాటినీ ఆదరించాం గతి లేక..

ఇక అక్కినేని....దేవదాసు, అనార్కలి, విప్రనారాయణ, సువర్ణసుందరి, మహాకవి కాళిదాసు,  పునర్జన్మ, తోడికోడళ్ళూ, జయభేరి,వెలుగు నీడలు,  మూగమనసులు లాంటి ఎన్నో కళా ఖండాలలో తన అసమాన నటనా కౌశల్యంతో మనలని మంత్ర ముగ్డుల్ని చేసిన ఆయన పైత్యం ఏమని వర్ణించాలి.. ముసలి వయస్సులో పెళ్ళికాని కుర్రాడిగా కనిపించ డానికి అనేక పాట్లు పడి శ్రీదేవి తో, జయసుధ, జయప్రదలతో ఎన్ని కుప్పిగెంతులు, అవన్ని భరించాం గతి లేక.. ఆయన అప్పట్లో వేసిన విగ్గులు, బొమ్మల బొమ్మల చొక్కాలు అచ్చం నజిరుద్దిన్ వేసినవే...

ఇహ ముదురు పెళ్ళికొడుకు శోభనబాబు ఈయనకి ఒక పెళ్ళం చాలదు అన్నిట్లోనూ ఇద్దరు వుండాలి(ఆంధ్రా అందగాడు కదా).. ఇద్దరి తోను డ్యూయెట్లు... ఆఖర్న ఒహరు చావాలి, లేదా మనం చావాలి..ఈయన అన్ని సినిమాల్లోను విగ్గు లోంచి ఒక పాయ ముందుకు వచ్చి రింగులాగ కనిపించాలి ఇది అచ్చం ఇలాగే నజిరుద్దిన్ షా చేసాడు..అందులో తప్పేమి వుందండి.. 


ఇహ మన కృష్ణ  గారు హిట్లు ఎన్నో ఫ్లాపులు కూడా అన్నే వుంటాయి.. కాని తెలుగులో ఎవరూ చేయని సాహసాలు చేసి సినిమాలు తీసినా. ఆయన నవ్వినా ఏడ్చినా ఒక్కలాగే వుంటుంది.. బిగుసుకుని పోయి, చెయ్యి పిడికిలి బిగించి తేనే గాని డైలాగ్ రాదు..పాపం హీరోయిన్లను ఎన్ని ఇబ్బందులు పెట్టేడో తన ఎక్సర్సైజు లాంటి కుప్పిగెంతులతో..ఈయన్ని అనుకరించని మిమిక్రీ అర్టిస్టు ఎవరూ లేరు.. అల్లూరి, గూఢాచారి 111, పండంటి కాపురం లంటి హిట్ సినిమాలు ఎన్నో వున్నా, తన విశిష్ట నటనా కౌసల్యంతో అలరించినా లేట్ వయస్సులో హీరోయిన్లతో పడ్డ పాట్లు ఇన్నీ అన్నీ కావు.. ఇది కూడా సరిగా నజరుద్దిన్ షా నటనకు అతికింది.. 

అసలు అంతవరకూ ఎందుకండి,, ఇప్పుడు బాలకృష్ణ విగ్గు ని చూడండి.. ఆ పొట్టి చొక్కాలు,  తర్వాత వెంకటేష్ ఇప్పటికీ పెళ్ళికాని కుర్రాడే.. వీళ్ళకి హీరోయిన్ మాత్రం పదహారేళ్ళ బాలాకుమారి వుండాలి..ముడతల పడ్డ వాళ్ళ చర్మాలు, నరాలు కనిపించే చేతులు.. ఇప్పుడు చెప్పండి .. నజరుద్దిన్ షా చేసిందాంట్లో తప్పేవిటి.. 
విశ్వనాధ్, బాపు, జంధ్యాల, బాలచందర్ లాంటి దర్శకులు లేకపోతే నిజమైన కళాఖండాలు వచ్చేవంటారా.. ఇప్పటికీ మనం ఎదగలేదు.. ఒక్కడే హీరో వందమందిని చితగ్గొడుతూ వుంటే అదీ గ్రాఫిక్ లో నోరెళ్ళబెట్టి చూడ్డమే తప్ప చేతకాని మన ప్రేక్షకులు వున్నంత కాలము ఇలాంటి సినిమాలే వస్తాయి.. సి (సిగ్గు), ని(నీతి), మా (మానం) లేని సి.ని.మా లపై ఇంత వాగి నందుగు దాన్ని భరించి నందుకు ధన్యవాదాలు.. నన్ను తిడుతూ రాయడం మర్చిపోకండేం..                    

Wednesday, July 11, 2012

అవార్డుల చిత్రాల పై..కామెంట్..ప్లీజ్


అవార్డు వచ్చిన సినిమాల గురించి చర్చిద్దామని.. ఈ రెండు సినిమాలు మీకు పాతవే కాని నేను మాత్రం మొన్ననే టి.వీ లో చూసా.. మనసు వుండబట్ట లేక రాస్తున్నా..
 
మొదటిది "స్లం డాగ్ మిలియినర్".. 


రెండవది "డర్టీ పిక్చర్" 

ఇండియా వాళ్ళని ఎంత అసహ్యంగా, పేదవారిగా చూపిస్తే అంత ఎక్కువ విదేశాల్లో అవార్డులు, డబ్బులు రావడం ఖాయం.. ఈ సంగతి ఇంతకు మునుపే రుజువయ్యింది సత్యజిత్ రే లాంటి వారి దయవల్ల..


కాని ఈ స్లం డాగ్ లో నిజంగా వీధి కుక్కల లాగే చూపించారు..ముఖ్యంగా ఆ అబ్బాయి మరుగు దొడ్డి లో నుండి మునిగి రావటం..(అమితాబ్ ఆటోగ్రాఫ్ కోసం) ఇది ఎంత జుగుప్సా కరంగా వుందంతే ఆ టైం లో ఇహ టి.వీ కట్టేసి సినిమా చూడక్కర్లేదు అన్నంత అసహ్యంగా, నీచంగా మోతాదు మించిన దరిద్రంగా తీసాడు.. తీసిన వాడికి, అవార్డు ఇచ్చిన వాడికి అది ఒక కళాఖండమే గావచ్చు..

కాని ఒక సగటు భారతీయునిగా తల భూమిలోకి పాతిపెట్టుకునే అంత ఘోరంగా వుంది..మిగిలిన సినిమా అంతా ముందే తెలిసిపోయేటట్టుగా వుంది.. కేవలం ప్రశ్నలకు తగ్గట్టుగా కధలు అల్లడం పెద్ద విశేషం అనిపించలేదు..తెలుగులో వీధి బాలల మీద ఇంతకన్న గొప్ప సినిమాలే వచ్చాయి..ఇంతకన్న నీచతి నీచమైన దారిద్రాన్ని అనుభవిస్తున్న దేశాలెన్నో వున్నాయి కాని మన భారతదేశం లోని దారిద్రమే వీళ్లకి కనిపిస్తుంది.. వదిలేయంది..

ఇక సిల్క్ స్మిత కధని అధరంగా తీసిన డర్టీ పిక్చర్ నన్నెంతగానో ఆలోచించేలా చేసింది.. కేవలం ఆవిడ పేరుని మాత్రమే వాడుకున్నారు గాని, ఇంచు మించు సినిమా హీరోయిన్ల, ముఖ్యంగా వాంప్ పాత్రధారుణిల  జీవితం ఎలా వుంటుందో కళ్ళకి కట్టినట్టు చూపించారు..  


ఇంతకు ముందు హీరోయిన్ జీవిత చరిత్ర అధారంగా ఎన్నో సినిమాలు వచ్చాయి గాని ఇది ఇంతకు ముందులాంటి సినిమలా కాక ఒక వాస్తవాన్ని సహజ సిద్ధమైన నటన ద్వారా విద్యా బాలన్, నజిరుద్దిన్ షా చాలా నేచురల్ గా   నటించారు.. కాదు జీవించారు.. 

ప్రతీ సన్నివేశం ఎంతో భావ గర్భంగా, సున్నిత హాస్యంతో కూడి, ఒక సినిమా  చూస్తున్నట్లుగా అనిపించలేదు.. వాళ్ళ జీవితాలపై సానుభూతి వచ్చేలా వుంది.. చివర నాలుగో వంతు సినిమా చూడలేక పోయాను కారణం అప్పటికే అర్థరాత్రి పన్నెండు దాటింది..చివర్లో ఆవిడ ఆత్మ హత్యా లేక  హత్యా అన్నది ఎలా తీసాడో చూడ్డం అవలేదు..మీకు తెలుస్తే చెప్పండి...  

పేరు "డర్టీ పిక్చర్" అన్నది కరక్టే కాని ఇలా పెట్టడం వల్ల చాలా మంది ఇదేదో బూతు సినిమా అని చూసి  వుండరు.. విద్యా బాలన్ కంటే సిల్క్ స్మిత కళ్ళలోనే శృంగార కరమైన మత్తుగా వుండేవి.. కేవలం ముఖ  కవళికలు, హావ భావ ప్రకటనల వల్లనే స్మిత గారికి   అంత పేరు వచ్చింది.. 

నాదో సందేహం నజిరుద్దిన్ షా అనుకరించి నటించిన నటుడు తెలుగులో ఎవరు? ఎన్.టి.ఆర్ లేక ఏ.ఎన్.ఆర్? లేక శోభన్ బాబ అని సందేహం.. 

ఈ సినిమా కి అవార్డు ఇచ్చినందుకు అప్పుడు బాధ పడ్డ నేను అలా బాధపడినందుకు ఇప్పుడు ఇంకా చాలా బాధపడుతున్నాను.. హాట్సాఫ్ టు డైరెక్టర్, నజిరుద్దిన్, విద్యా మరియు సాంకేతిక వర్గానికి..
నా సుత్తిని భరించిన మీకు జోహార్లు..            

Sunday, July 8, 2012

తప్పెవరిది?? మీరే తీర్పు చెప్పండి..


నిన్న ఓ ఏక్సిడెంట్ ప్రత్యక్షంగా చూసాను.. కంగారు పడకండి..ఏక్సిడెంట్ చిన్నదే.. కాని అది జరిగిన తీరు చెప్పి  తప్పెవరిదో తీర్పు ఇవ్వవలసిందిగా అభ్యర్ధిస్తున్నాను.. 
 
స్థలం విశాఖపట్టణం లో అక్కయ్యపాలెం సిగ్నల్ పాయింట్ దాటి నేషనల్ హైవే రోడ్డు (నగరం నడిబొడ్డున) ..
నాకు పది గజాల దూరంలో ఒక ఆవు రోడ్డుని క్రాస్ చేస్తోంది.. నా పక్క నుండే వెళ్తున్న మూడు కార్లు ఒకదాని వెనకాల ఒకటి వెళ్తూ, ఆవుని దాదాపు గుద్దినంత పనిచేసి తప్పించుకుని వెళ్ళాయి...ఒహడు కూడా ఆపి దానికి దారి ఇవ్వలేదు.. స్లో గానే వెళ్తున్నా ఒక్కరూ ఆపలేదు.. కాని మూడో కారతను దాదాపు గుద్దినంత పనిచేసి ఆపాడు (తప్పనిసరిగా) దాంతో పాపం ఆ ఆవు పడబోయి తమాయించుకుని దాటుకుని డివైడర్ మీద నుంచి దుమికి వెళ్ళే ప్రయత్నం లో వుంది.. 


ఇంతలో వెనకాల స్పీడ్ గా వస్తున్న లారీ వాడు బ్రేక్ వేసినా క్రాస్ గా వచ్చి దఢేల్ మని గుద్దేసాడు..బంపర్, లైట్లు పగిలి పోయాయి.. కాని డైరెక్ట్ గా వచ్చి గుద్దితే కారు బోల్తా పడి అందులో వున్న వాళ్ళు చచ్చి పోయే వారు.. ఆ లారి వాడు అదే స్పీడ్ కొనసాగి వచ్చి గుద్దితే నేను చచ్చి పోయేవాణ్ణి.. కారు అడ్డంగా వుంది కాబట్టి కారుని గుద్దేడు..

ఆ ఆవుకి బదులు మనిషి వుంటే ఆవులా తమాయించు కోక డివైడర్ మీద పడి తలపగిలి చచ్చే వాడు.. లారీ క్రాస్ గా కాక డైరెక్ట్ గా గుద్ది వుంటే కారులో వున్న వాళ్ళు ఒక్కడు మిగలడు..
ఈ ఘటన ఎక్కడో వూరవతల హైవే మీద జరిగితే అనుకోవచ్చు, ట్రఫిక్ ఎక్కువగా వుండి దాదాపు వెహికల్స్ నార్మల్ స్పీడ్ లో వచ్చి, ఆగే అవకాశం ఆవుకి దారి ఇచ్చి ఆ తర్వాత వెళ్ళే అవకాశం వున్నా, దాదాపు ఆవుని రాసుకుంటు, గుద్దేస్తూ వెళ్ళే అవసరం ఇక్కడ లేదు.. 


ఓ మూగ జీవి రోడ్డుని క్రాస్ చేస్తూ వుంటే దానికి దారి ఇచ్చే సంస్కారం, ప్రేమ, జాలి, భూత దయ లేని మనుషుల మధ్య మనం వున్నాం..  ఆ మర్నాడు పేపర్లో "రోడ్డుకి అడ్డంగా ఆవు రావడం వల్ల ఏంచెయ్యాలో పాలుపోని స్థితిలో కారు సడెన్ బ్రేక్ వేసి ఆపితే, వెనకాల్ స్పీడ్ వస్తున్న లారీ డ్రైవెర్ తప్పని పరిస్థిల్లో కారుని గుద్దేడని, అప్పటికీ చాలా చాకచక్యంగా ఆపాడని, లేకపోతే పెద్ద ప్రమాదమే జరిగివుండేదని, కథలు కథలు రాస్తారు... 

వీలైతే సమయానికి స్పందించలేదని  పోలీస్ వాళ్ళని, పశువులని అడ్డదిడ్డంగా వదిలేస్తున్న  యజమానిని, మునిసిపాలిటీ వాళ్ళని తిడతారు.. కాని అసలు  తప్పంతా కారు వాళ్ళదే.. ముందే ఆ ఆవుకి దారి ఇచ్చుంటే ఇంత ప్రమాదం జరగదు.. ఆవుని గుద్దుకునైనా ముందుకి వెళ్ళే ప్రయత్రం చేసిన మూడో కారు వాడికి మంచి శాస్తి జరిగింది..
ఇప్పుడు చెప్పండి..
తెప్పెవరిది? నోరులేని మూగజీవిదా.. కారు వాళ్ళదా.. లారీ వాడిదా..లేక ఇంత సెన్సెటివ్ గా ఆలోచించి మీ బుర్రలు తింటున్న నాదా.. పోలీస్ వ్యవస్థ దా.. యజమాని,మునిసిపాలిటీ వాళ్ళదా..
జవాబు తెలిసినా చెప్పక పోయారో బేతాళ కథ లో విక్రమాదిత్యునిలా అయిపోతారు..   

(గమనిక: ఫొటో ఆ సంఘటనది కాదు.. గూగులోడిది..)   

Friday, July 6, 2012

సన్మాన చిత్రాలు...సరదాగా మీతో..

Dear Sirs / Madams...
ఈ మధ్య మా డిపార్టుమెంట్ వాళ్ళు మరియు "మెడికల్ కల్చరల్ అసోసియేషన్" తరఫున నన్ను సన్మానించారు.. ఆ ఫొటొలు..  సొంత డబ్బాకి కాదండోయ్.. సరదాగా మీతో పంచుకుందామని..   






వీలైతే నాలుగు మాటలు.. కుదిరితే కప్పు కాఫీ.,.

Wednesday, July 4, 2012

ఓ ఉచిత సలహా..ఇవ్వగలరా.. ప్లీజ్

మా స్నేహితుడు ఒకాయన కూతురికి అమెరికా సంబంధం వచ్చింది.. 
అబ్బాయి కుటుంబ నేపధ్యం, వుద్యోగం, గుణ గణాలు అన్నీ బాగానే వున్నాయి.. 
కాని అమ్మాయి తల్లికేమో వున్న ఒక్క కూతుర్ని అంత దూరం ఇచ్చేస్తే ఎలా అని బెంగ.. 
అందుకే మీ సలహా అడుగుతున్నాను.. 
మీలో చాలా మంది విదేశాల్లో ఎప్పటి నుంచో వుంటున్నారు కదా.. 
ఓ మంచి సలహా ఇచ్చి పుణ్యం కట్టు కుంటే..వాళ్ళకి మీ అభిప్రాయం చెప్తే....
ఏమైనా వాళ్ళకి సహాయం చేసిన వాళ్ళు అవుతారు...  .

Tuesday, July 3, 2012

కువైట్ లో తెలుగు వెలుగు

తెలుగు కళా సమితి, కువైట్ వారి ఆహ్వానం మేరకు మా నాటికలు ప్రదర్శించడానికి వెళ్ళినప్పుడు  తీయించుకున్న కొన్ని ఫొటోలు.. మీకోసం:  







Monday, July 2, 2012

గిరీశం ఉవాచ:

"ఈ ప్రపంచంలో  ఏమేమి వస్తువులున్నాయి?" మహారాజశ్రీ గిరీశం గారడిగిన ప్రశ్నకు
 "ఆవులు" శిష్యుడు వెంకటేశం జవాబు..
ఏవిటి ఎదురుగ్గా ఆవులు వున్నాయనా? సరిగ్గా చెప్పు.. అని గిరీశం గారి ఉవాచ..
ఆ రోజుల్లో కాబట్టి "ఆవులు", గేదెలు, చేగోడీలు అని జవాబులు..
కాని ఇప్పుడైతే.. వెంకటేషం మళ్ళి పుడితే ఠక్కున "దోమలు" అని చెప్తూ చేతిమీద వాలిన దోమని చటుక్కున కొట్టి చంపుతాడు..
"ప్రపంచములో దేముడు ప్రతీవస్తువును ఏదో ఒక వుపయోగము కొరకు చేసియున్నాడు. చేగోడీలను ఎందుకు చేసియున్నాడు?"   
"తినడనమునకు."
"ఆవులనెందుకు చేసాడు?"
"పాలు యివ్వడమునకు.."
"పెర్ ఫెక్ట్లీ రైట్! ఆడవాళ్ళ నెందుకు చేశాడు?"
"వంట చెయ్యడానికి."
"నాన్సెన్స్, పెండ్లాడమునకూ, పిల్లలని గనడమునకున్నూ,  గనుక పెండ్లాడకుండా వున్న విధవ దేవుని ఆజ్ఞను  అతిక్రమించిన పాపమును చేస్తున్నారు.." 
అభినవ గిరీశం, వెంకటేషం: 
"మరి దోమలను ఎందుకు సృష్టించెను.."
"మనలని కుట్టుటకును, రక్తమును పీల్చుటకును.."
       

Sunday, July 1, 2012

అబ్బ ..నవ్వండేహే

భర్త: ఏమోయ్! మీ బంధువులొచ్చారు.. కాస్త ఇలా వచ్చి రిసీవ్ చేసుకుని మర్యాద చెయ్యి..
(ఆవిడ పాపం గబ గబా వచ్చి చూసేసరికి రెండు గాడిదలు కనిపించేయి) .. 

కాని ఆ ఇల్లాలు వెంటనే తడుముకోకుండా.."రండి మావయ్య గారు! రండి అత్తయ్య గారు" అంది..
- - - - - - - - - -


ఓ కలి కాలం భక్తుడు రామ కోటి రాసి, రాముడ్ని ప్రార్ధిస్తే, ఆహా ఈ కలం లో కూడా నాకు రామ కోటి రాసే వాళ్ళున్నారా అని ఎంతో పొంగిపోయి ఆ భక్తుడికి  దర్శనమిస్తాడు..


కాని పక్క నున్న సీతాదేవి ఆ  రామకోటిని ఓ సారి పరికించి చూసి "స్వామీ.. ఈ భక్తుడు మిమ్మల్ని మోసం చేసాడు.. మొదటి పేజీలో మాత్రమే రాసి, మిగిలిన వన్నీ జెరాక్స్ కాపీలు పెట్టేడు.. అని చెప్పింది.. 

"స్వామీ ఇప్పుడున్న లేటెస్ట్ టెక్నాలజీని వుపయోగించి ఇలా రామకోటి రాసాను.. రామ కోటిలో రామ నువ్వుంచుకొని కోటి రూపాయిలు నాకు ప్రసాదిస్తే మంచి ఫ్లాట్, ఓ కారు కొనుక్కుని, డబ్బున్న అమ్మాయిని చేసుకుని సుఖంగా వుంటాను అంటాడు.. 

అంతట రాముడు ఓ వందరూపాయులు అతని చేతిలో పెడతాడు.. ఇదేమిటి రామా అని అడిగిన భక్తునితో ''ఈ వందా తీసుకో, నీ లేటెస్ట్ టెక్నాలజీని వుపయోగించి కోటి చేసుకో'' అని అంతర్ధానమవుతాడు..