Tuesday, December 24, 2013

మరో వెయ్యేళ్ళ్యు దాటినా ఈ తెలుగోడి బతుకు ఇంతే..

దెబ్బకి దెయ్యం వదిలినట్టు.. ఎన్నికల్లో బోల్తా పడ్డ కాంగేయులకి రాష్ట్ర విభజన మీద జోరు తగ్గింది.. 

ఘోర పరాజయ భారంతో డీలా పడ్డ ఇటలీ మాత నోరు మూగబోయి చాటు మాటు సంకేతాలను నిలిపివేసివుంటుంది..

తె.రా.స విలీనానికి, సెపరేషన్ కి సంబంధం లేదని డిగ్గీ వారు డంబాలు పలికినా ముక్కు పోలయ్య వారు పొత్తుకి దూరంగా జరగడం వలననే ఢిల్లీ పెద్దలు  పునరాలోచనలో పడ్డారు..(love failure).. 

సర్వోన్నత సర్వాధికారాల్తో రాజ్యం ఒప్పగించే దాకా వుద్యమం కొన సా......గుతూనే వుంటుందని ఆచార్యుల వారు నొక్కి వక్కాణిస్తూ చిలక పలుకు వల్లిస్తున్నారు.. 

మరల  బలిదానాలకు  ప్రోత్సహిస్తున్నారు సదరు ముక్కు పోలయ్య గారు.. 

కిస్మిస్సు, సంకురాతిరి మొదలగు పండగల హడావుడిలో జనం వుండగానే.. ఎవరి ఎత్తులు వాళ్ళు చేస్తూ ఎత్తులకి పైఎత్తులు పన్నుతూ రాబోయే ఎలచ్చన్ల పండగకి నాయకులంతా అప్పుడే సంబరాలకి కండువాలు దులుపుతున్నారు.. 

గోడలకి ఏ రంగులు వేయిద్దామా అని దీర్ఘంగా మంతనాలు చేస్తున్నారు.. 
పందెం కోళ్ళను సిద్దం చేయడంలో పెద్దలు బిజీగా వున్నారు..

ఎన్ని ఆమ్మ్ ఆద్మీలు వచ్చినా మనోళ్ళు మాత్రం ఖచ్చితంగా నోటుకి, కులానికి తప్ప మరొకడికి ఓటు వెయ్యరు కాబట్టి ఏ పందెం కోడి ఎక్కడ గెలుస్తుందో వెండి తెరమీద వేచి చూడాల్సిందే.. 

మరో వెయ్యేళ్ళ్యు దాటినా ఈ తెలుగోడి బతుకు ఇంతే..         

Sunday, December 22, 2013

ఈ రమణీయ దృశ్యం మీద చక్కటి కవితను రాయండి..please..

వర్షపు నీటిలో తడిసిన పచ్చటి ఆకుపై నీటిబిందువులు ..
ఇది ఆ ప్రకృతి గీసిన సహజ సౌందర్య వర్ణ చిత్రము.. 
ఈ రమణీయ దృశ్యం  మీద మీ  అభిరుచి మేరకు చక్కటి కవితను రాయండి..
అందరి అభిమానము జూరగొనండి..    

Wednesday, December 18, 2013

మళ్ళీ అక్కడా... ఇక్కడా దొరల పాలన రావాలి..

ఎప్పుడో... సుమారు 29 ఏండ్ల క్రితం... పవిత్ర గోదావరి నదీమ తల్లి మీద కట్టిన రైల్ కం రోడ్ బ్రిడ్జ్ మీద నుండి నా చిన్న మోపెడ్ మీద ప్రయాణం చేసాను..
ఎంతో ఆనందాన్ని అనుభవించాను.. 

నున్నటి  సిమెంట్ రోడ్డుమీద బండి సాఫీగా సాగిపోతుండగా ఆ నదీమతల్లి అందాల్ని గంభీరతను గమనిస్తూ పొంగిపోయాను.. 

మొన్న ఫామిలీ తో కారులో మరల ఇన్నాళ్ళకు అదే రైల్ కం రోడ్డు బ్రిడ్జి మీదుగా తణుకు మీదుగా అత్తిలి వెళ్ళాము.. 

ఎంత ఘోరంగా వుంది బ్రిడ్జి.. అంతా గతుకుల మయం. ఇనుప బద్దీలు బయటకు తేలిపోయి వున్నాయి.. 
ఒకటో గేరు, రేండో గేరు లోనే బండి వెళ్ళగలిగింది..



నేటి ఈ దుస్థితికి కారకులెవ్వరు? సుమారు పది సంవత్సరాల నుండి ఒక దిక్కుమాలిన సమస్యను పట్టుకుని వేలాడుతున్న ప్రజా పాలకులకు రాష్ట్రం లోని అన్ని ప్రధాన నగరాల్లోను రోడ్లు, బ్రిడ్జిలు, డ్రైనేజిలు  ఎంత ఘోరంగా వున్నా పట్టించుకోవడం లేదు.. 
అసలు ప్రభుత్వ వ్యవస్థ వున్నదా.. లేదా అన్న స్థితి.. ప్రజలు కూడా ఇబ్బందులను అలవాటు చేసుకుంటున్నారు..  ఇంకా ఎన్నాళ్ళీ ఘోర స్థితి.. అంతులేదా..

ఆశ్చర్యం గొలిపే సంగతి ఏవిటంటే తిరుగు ప్రయాణం లో సర్.ఆర్ధర్ కాటన్ కట్టిన ధవళేశ్వరం బ్రిడ్జి మీదుగా వచ్చాం .

.
ఇప్పటికీ చెక్కు చెదరని ఈ బ్రిడ్జి ల సమాహారాన్ని చూసి రెట్టింపయిన వుత్సాహంతో, ఆ దొర గారికి నివాళులు అర్పిస్తూ రాజమండ్రి చేరుకున్నాం... 



అందువలన మళ్ళీ అక్కడా.. ఇక్కడా... దొరల పాలన రావాలి.. అప్పుడే రాష్ట్రమంతా సుభిక్షంగా వుంటుంది... సర్వే జనా సుఖినో భవంతు..              

Monday, December 16, 2013

ఈ ఒక్క పాయింటు చాలదూ ఆయనకి "భారత రత్న" ఇవ్వడానికి..

ఇక్కడ చూడండి ..మా ఎదురుగా వున్న ఇల్లు పడగొట్టేసారు..

 (before ....)

After...




ఒక నెల రోజుల క్రితం మా పెరటి వేపు (ఇప్పుడు పెరడు లేదు అయినా అలవాటులో వాడాను) ఇల్లు కొట్టేసి గ్రూప్ హవుసో.. అపార్టుమెంటో కడుతున్నారు..
బిల్డింగులు వాళ్ళకి.. దుమ్ము..ధూళి మాకు.. 
దానికి తోడు రాత్రల్లా పనిచేసిన జె.సీ.బీ వలన one week శబ్ద కాలుష్యం..
ఇప్పుడు డెక్కింగుల కోసం కలపను బిగిస్తూ చేసే చప్పుళ్ళు.. 
ఇంకా సంవత్సర కాలం భరించాలి.. 

ఇలాంటప్పుడే సచిన్ గుర్తుకొస్తాడు..
ఆయన ఇల్లు కట్టుకుంటున్నప్పుడు చుట్టుపక్కల వాళ్ళకి జరుగుతున్న అసౌకర్యానికి మన్నించమని వుత్తరాలు రాసాడట.. నేను సచిన్ మీద ఆర్టికల్ రాసినపుడు.. వేరొకరి బ్లాగుల్లోను చాలామంది విమర్శిస్తూ కామెంట్లు రాసారు..
ఈ ఒక్క పాయింటు చాలదూ ఆయనకి "భారత రత్న" ఇవ్వడానికి..       

చెక్కు చెదరని తపాలా కార్యాలయం..

ఇలాంటి పోస్ట్ ఆఫీసు మన భారత దేశం అంతటా వుండేవి.. 
ఇప్పుడు దాదాపు కనుమరుగు అయిపోతున్నాయి..
ఇలాంటి పోస్ట్ ఆఫీసు శ్రీ ఆర్కే.లక్ష్మన్ గారి కథ మీరు దూరదర్శన్ సీరియల్ "మాల్గుడీ డేస్" లో చూసే వుంటారు.
.పోస్టు మేన్ కి వూళ్ళో వాళ్ళకి గల మానవీయత సంబంధాలను చాలా బాగా  టచ్ చేశారు.. హాట్స్ ఆఫ్ టు ఆర్కేజీ..
     
ఈ పోస్ట్ ఆఫీసు  పశ్చిమ గోదావరి జిల్లా "అత్తిలి" అను వూరులోని పోస్ట్ ఆఫీసు..
 ప్రస్తుత రోజుల్లో పోస్ట్ ఆఫీసుకి-మనకీ అంతరం పెరిగిపోతున్న ఈ యుగంలో ఇంకా ఇలాంటి  పురాతన  పోస్ట్ ఆఫీసుల్ని కాపాడుతూ రావడం మనకి ఆశ్చర్యం..ఆనందకరం..  
అధికారులకి.. ఆ వూరి వాళ్ళకి జోహార్లు.. 
అమెరికాలోనో మరెక్కడో విదేశాల్లోనో వున్న మితృలకి వింతగా వుండచ్చు.. కాని ఇక్కడ మీ వూళ్ళో ఇలాంటి ఫుటో వుంటే పెట్టి మమ్మల్ని అలరిస్తారని కోరుకుంటూ..   

Saturday, November 16, 2013

నా మనసులో అనుకున్నది వెంటనే జరిగినది..


ఎప్పటినుంచో సచిన్ తెండూల్కర్ కి భారత రత్న ఇవ్వాలనే డిమాండు తెరమీదకి వచ్చింది గాని..
నిన్నా మొన్నటి పత్రికలలో ఎక్కడా నామమాత్రం గా గాని 
ఆ ప్రస్తావన రాలేదు.. 

కాని మొన్నటి నా పోస్ట్ లో (14/11/2013) ఇలా రాసాను:


"అందుకే ప్రతిష్టాత్మక మైన భారతరత్న బిరుదు 
అతనికి రావాలని కోట్లమంది ప్రజల ఆకాంక్ష.. 
సర్కారు వారు ఇవ్వకపోయినా ప్రజలు ఇచ్చేసారు.. 
ఇహ లాంఛనప్రాయమే.." 


నా మనసులో అనుకున్నది వెంటనే జరిగినది.. ప్రభుత్వం వారి నుండి ఇలా ప్రకటన వస్తుంది అని ఎవరూ ఊహించలేదు.. దానిపై పత్రికలలో రాలేదు.. "భారత రత్న" అవార్డు శ్రీ సచిన్ కి ఇవ్వడం అందునా మొదటిసారిగా   క్రీడాకారులకి ఇటువంటి ప్రతిష్టాత్మక అవార్డు ఇవ్వడం ప్రతి ఒక్క భారతీయుడు గర్వించదగ్గ విషయం.. కంగ్రాట్యులేషన్  టు సచిన్ అండ్ ఆల్ ద ఇండియన్స్ .. 
అలాగే భారతరత్న అందుకోబోతున్న శ్రీ. సి.ఎన్.ఆర్ .రావు గారికి కూడా..      

ఒకవేళ పోలవరం ప్రాజెక్టు పూర్తి అయితే మనమూ మునిగిపోతావేమో..



సీతా దేవి: స్వామీ! ఈ తెలుగు భక్తులకు మీమీద ఎంత ప్రేమ.. పరమ పవిత్ర భద్రాచలం మాది అంటే కాదు మాదీ అని ఎంత పోరాడుతున్నారు..

రామయ్య: పిచ్చిదానా..వాళ్ళు  కొట్లాడుకుంటున్నది   నీకోసమూ నాకోసమూ కాదు   భద్రాచలం గుడి మీద ప్రేమకోసమూ  కాదు... గోదావరి మీద హక్కు కోసం.. పోలవరం ప్రాజెక్టు కోసము..   

సీతా దేవి: అవును స్వామీ ఒకవేళ పోలవరం ప్రాజెక్టు పూర్తి అయితే గుడి మునిగిపోయి.. మనమూ మునిగిపోతావేమో.. 


రామయ్య: మనం మునిగితే ఎవడికి కావాలి మునగక పోతే ఎవడికి కావాలి.. అసలు ఈ గుడికి ప్రత్యామ్నాయంగా వేరొక చోట గుడిని కట్టి మనల్ని అక్కడకి చేర్చే ఆలోచనే ఇంతవరకూ రాలేదు వాళ్ళకి.. 

సీతమ్మ: మరి ఎవరో ఒక పెద్దాయన..మాకు ఏ దేవుడూ వద్దు భద్రాచల రామయ్యే మాకు ముద్దు అని చెప్పాడే.. 

రామయ్య: ముందే చెప్పానుగా వాళ్ళ ప్రేమ గోదావరి మీద అని.వాళ్ళకి వారి సోదరులమీదే ప్రేమ లేనప్పుడు ఎక్కడో అయోధ్యలో పుట్టిన నార్త్ ఇండియా వాణ్ణి నా మీద ఎందుకు వుంటుంది.. 

సీతమ్మ: మన గుడి కట్టిన కంచెర్ల గోపన్న వారి ప్రాంతం వాడట..భక్త పోతన కూడా ఆ ప్రాంతం వాడేనటా.. అందుకే మీ మీద హక్కు వారికేనట కదా.. 

రామయ్య: వారి కాలంలో ఇలా వేరువేరు ప్రాంతాలుగా కాకుండా ఒకే ప్రాంతం అన్న భావనలో వున్నారు.. అందుకే వారి భక్తి గీతాలను తెలుగు వారు అందరూ కలిపే పాడుతున్నారు.. 
ఇన్నాళ్ళు భద్రాచల రాముడు అందరి వాడే అన్న భావం లో వున్నారు..
కానీ శకుని వారసులు కొంతమంది అన్నదమ్ముల మధ్యలో చిచ్చురేపి అన్ని వర్గాల ప్రజలలో విషబీజాలు నాటి వందల సంవత్సరాలుగా ఇక్కడి వారిని అక్కడ అక్కడి వారిని ఇక్కడ సంబంధాలు సైతం కలుపుకుని పోయి విడదీయరాని సంబంధ బాంధవ్యాలు కలిగివున్న రాష్ట్రాన్ని విభజించాలని చూస్తున్నారు... ఇది కలియుగ ధర్మం తప్ప మరేమీ కాదు.. 

సీతమ్మ: మరి దీనికి పరిష్కారమార్గం.. 

రామయ్య: ఇప్పటికి పదేళ్ళుగా ఈ ప్రాజెక్టు కడుతునే వున్నారు... 
ఒకపక్క పొరుగు రాష్ట్రాల వాళ్ళ గొడవ ఎలాగూ వుంది...  
అది పూర్తి అయ్యేదెప్పుడు..మనం మునిగేది ఎప్పుడు... చూద్దాం.. 
మనల్ని ముంచడానికి అయినా వాళ్ళలో సఖ్యత వుండాలిగా.. 
ఈ రాష్ట్ర ప్రజలందరి సుఖసంతోషాల కోసం మనం మునిగినా పర్వాలేదు.. ద్వాపర సముద్రంలో మునిగిన చందాన..     

సీతమ్మ:  ప్రజల్ని పీడిస్తున్న పాలకుల నుండి వాళ్ళకి విముక్తి ఎప్పుడు స్వామీ..



రామయ్య: పరిత్రాణాయ సాధూనాం.. వినాశాయ చ దుష్కృతాం 
                ధర్మ సంస్థాపనార్ధాయ సంభవాని యుగే యుగే.. 

అంతదాకా వేచివుండు దేవీ..    

Thursday, November 14, 2013

డాక్టరూ కాలేదు .. యాక్టరు అవలేదు.. కానీ దేవుడయ్యాడు ..

 అతను ఏనాడూ స్కూల్ కి వెళ్ళలేదు.. కాలేజీ మెట్లను ఎన్నడూ ఎక్కలేదు..

డాక్టరూ కాలేదు .. యాక్టరు అవలేదు..

కానీ దేవుడయ్యాడు ..
మహా మనీషిగా ఎవరెష్టు శిఖరమంత 
ఎత్తుకి ఎదిగాడు.. 


అతను మెలవుకువగా వున్నా.. నిద్రపోయినా..
కనిపించేవి మూడు కర్రలు..
అవి పడిపోకుండా కాపాడుటయే అతని కర్తవ్యం.

ఊహ తెలిసినగ్గరనుండి అడుగున్నర చెక్కముక్కే ఆయుధం.. 
దాంతో గుండ్రని వస్తువుని గాల్లోకి కొట్టడమే విద్య.. 
పట్టుదల..ఏకాగ్రత..కసి..వెరసి విశ్వ విజేత 

క్రీజులో నిలబడ్డ యోధుడు
ప్రత్యర్ది ఎంత బలవంతుడయినా 
అదే ధైర్యం.. అదే వీరోచితం..


ఒక్కడు కొడితే పదిమందీ మైదానంలో 
అట్నుంచి ఇటు ఇట్నించి అటు పరుగులెత్తి అలసిపోవలసిందే..

కళాత్మకం అయిన బ్యాటింగ్ ను చూసి ప్రత్యర్ధులు కూడా 
నోరు వెళ్ళబెట్టవలసిందే.. చప్పట్లు కొట్టవలసిందే.. 

అతను ఉన్నంత సేపూ కన్నార్పకుండా చూసే జనం..
అతను అవుటు అయిపోగానే టి.వీలను కట్టేయ వలసిందే..

అతను సెంచెరీ చేస్తే తానే సెంచెరీ చేసినంతగా 
సంబరపడిపోయాడు ప్రతీఒక్క భారతీయుడు..
ఒకవేళ మొదటి ఓవర్లోనే డక్కౌట్ అయినా 
ఎన్నడూ అతన్ని నిందించలేదు జనం. 
నెక్స్ట్ టైం బెటర్ లక్ అని సర్దుకుని పోయారు.. 

అతనికి ఇదే ఆఖరు మాచ్.. కానీ జనం గుండెల్లో కాదు ఆఖరుది..

జనానికి ఇతడిపై ఎందుకు అంత ప్రేమ..
కేవలం అతని ఆటకే దాసోహం అయ్యారా.. 
కాదు అతని వినయానికి.. సంస్కారానికి.. 
మచ్చలేని అతని వ్యక్తిగత జీవితానికి.. 
సెంచరీ అయిపోగానే శిరాస్త్రాణం తీసి..
ఆకాశంలో వున్న నాన్నకి అంకితం చేసిన అతని తీరుకి.. 

మన భారతానికి కోహినీరు వజ్రం లాంటి సంపద  
అని పొంగిపోయారు భారతీయులంతా..

అందుకే ప్రతిష్టాత్మక మైన భారత రత్న బిరుదు 
అతనికి రావాలని కోట్లమంది ప్రజల ఆకాంక్ష.. 
సర్కారు వారు ఇవ్వకపోయినా ప్రజలు ఇచ్చేసారు.. 
ఇహ లాంఛనప్రాయమే.. 

ఇంత వరకూ ఏ క్రికెట్టు వీరుడికీ దక్కని గౌరవాలు అతని సొంతం... 

అతనే .. సవ్యసాచి - సచిన్ తెండూల్కర్.. 

ఓ వీరుడా ..నీకు లేదు విరామం... 
విడవకు నీ అనుబంధం ..బ్యాటుతో.. 
ప్రజల ఆదరాభిమాలతో కొనసాగించు నీ భావి జీవితం.. 

అందుకే నీకు లేదు వీడ్కోలు..
అందుకో మా ప్రేమాభిమానం...
ఈ భువిపై జీవి వున్నంతవరకు.. 
   
(బెట్టింగు మాయలో పడిన యువ కిరికెట్టు  వీరులలో
ఎవరు నిజమైన వీరులో తెలియని అయోమయంతో 
జనం ఇక రేపట్నించి కిరిక్కెట్టు అనబడే ఈ ఆటను ఎవరూ చూడరు..) 




Sunday, November 10, 2013

బొచ్చు పెదపిచ్చయ్య గారి సన్మాన కార్యక్రమం

నాకు ఏ.వి.ఎస్ గారి సినిమాల్లో కామెడీ కంటే సినిమా వాళ్ళ  ఫంక్షన్ "మిఠాయి పొట్లాం" లో గుండు హనుమంతరావు (బొచ్చు పెదపిచ్చయ్య) గారి సన్మాన కార్యక్రమం చాలా బాగా నచ్చింది.. నవ్వి నవ్వి కడుపు చెక్కలయ్యేటట్టు గా వుంటుంది.. మీరు కూడా ఈ కిందన ఇచ్చిన యూ టూబ్ లింక్ ద్వారా చూడండి.. 

ఒక నటునిగా ఆ మహా నటుడుకి నీరాజనాలు అర్పించుకుంటూ..    

http://www.youtube.com/watch?v=PcfPIAunzGM

Saturday, November 2, 2013

పెళ్ళికాని ప్రసాదు వింత అనుభవం -part 2

ప్రసాదునకు మరొక అనుభవం ఇంతకు ముందు జరిగింది... 

మనవాడు వుద్యోగంలో  సెలక్టు  అయి పోస్టింగ్ ఆర్డర్ చేతిలో పట్టుకుని తాను జాయిన్ కావలసిన సంస్థ ఎడ్రస్ పట్టుకుని బయలుదేరాడు.. 
అతను వుంటున్న జిల్లాకి పక్క జిల్లాలో పోస్టింగ్ తగిలింది.. 
ఒక్కడూ కొద్దిపాటి బట్టల బ్యాగుతో బయలుదేరాడు.. 
సదరు జిల్లాలొ ఒకానొక టౌన్ కి 80 కి.లో మీటర్లు వున్న మారుమూల ప్రాంతం..
మనవాడికి   వుద్యోగాన్ని ఇచ్చిన  ఫ్యాక్టరీ ఆ వూరిలో వుండడం వలన ఫాక్టరీకి 10 కిలో మీటర్ల దూరంలో వున్న కేంప్ ఆఫీసుకి వెళ్ళాడు.. 
అక్కడ ఇ.ఇ గారికి జాయనింగ్ ఆర్డర్ సబ్మిట్ చేసి మరల తనకు కేటాయించిన ఫీల్డ్ ఆఫీసులో పనిచేయాలి..

ఫ్యాక్టరీకి దూరంగా వున్న ఆ కాంప్ ఆఫిసు చుట్టూ కొన్ని సిబ్బంది క్వార్టర్లు తప్ప ఏవీ లేవు.. కాని ఈ విషయం తెలియని మన హీరో ప్రసాదు.. అక్కడ ఏవైనా తినడానికి దొరుకుతుందిలెమ్మని ఏవీ తినకుండానే సుమారు 12 గంటలకు అక్కడకు చేరుకున్నాడు.. 

అక్కడ టైము కీపర్ ఒకాయన, ఆఫీసు కనిపెట్టుకుని వుండే ఆడ ప్యూను (కం) స్వీపర్ (కం) కీపర్ తప్ప ఎవరూ లేరు.. ఇ.ఇ గారు లంచ్ కి వెళ్ళిపోయారని మరల సాయంత్రం 4 గంటలకు గాని రారని సదరు టైము కీపర్ గాడు- తాను కూడా లంచ్ కి ఇంటికి వెళ్ళిపోతున్నానని ..
అదిగదిగో ఆ ఎదురుగుండా కనిపించే అరటి చెట్టు వున్న ఇల్లే తన ఇల్లని చెప్పి వెళ్ళిపోయాడు.. 

తాను ఏవీ తినలేదని నేరుగా ఇక్కడకి వచ్చిసానని తెలిపినా అతడు మాట వరసకైనా తన ఇంటికి రమ్మని పిలవనందుకు లోలోన కుమిలిపోయాడు... ఆకలి వేస్తోంది గాని తినడానికి గాని తాగడానికి గానీ ఏవీ దొరకని ప్రదేశంలో వచ్చిపడ్డాడు... ఆ టైము కీపర్ గాడు వెళ్ళిపోతూ ఓ వుచిత సలహా కూడా ఇచ్చాడు - ఇ.ఇ గారు వచ్చేలోగా 10 కి.మీ దూరంలో వున్న ఫాక్టరీ వున్న చిన్న టౌన్ ప్రంతానికి వెళ్ళి ఏమైనా తినేసి 4 గం కల్లా తిరిగి వచ్చీమన్నాడు.. 
10+ 10 = 20 కి.మీ దూరం..వెళ్ళిరావడానికి ఇప్పటిలాగ ఆటోలు గాని ఏ ఇతర రవాణా సౌకర్యాలు గాని లేవు..ఈ క్వార్టర్లలో వున్నవాళ్ళకి ఎవరి సొంత వాహనం వారికి వుంది..లేదా షిఫ్ట్ నకు ఒకసారి మాత్రమే తిరిగే వాను ఒకటి వుంటుంది.. ఇంతకు తప్ప రవాణా సౌకర్యం లేదు..
అప్పుడప్పుడు ఇటు అటూ తిరిగే పెద్ద ఆంబులన్స్ లో ఆ డ్రైవర్ ని బతిమాలి కొంతమంది ఆడవాళ్ళు అందులో కూరుకుని వెళుతూ వుంటారు..అదీ ఆ డ్రైవర్ ఒప్పుకుంటేనే..లేకపోతే లేదు..

ఒక్కడూ ఇ.ఇ రూము లో కూర్చున్నాడు మన ప్రసాదం..ఇందాక చెప్పిన ప్యూను అనబడే మగవాడిలాగ కనబడే ఆడ లేడీ ఎదురుగా బల్లమీద వచ్చి కూలబడినది.. మనిషి నల్లగా తుమ్మమొద్దులాగ వుంది...కాని దృఢమైన ఆకారం అంటే బలసిన ఒళ్ళు అనమాట.. బహుశా మూడు పదులు నిండాయేమో. మనిషి నలుపైనా ముఖం అందంగా నే వుండి ఆకర్షణీయంగా వుంది..భర్త చనిపోవడం వలన కాబోలు ఈ క్లాసు ఫోరు వుద్యోగం ఇచ్చి కంపెనీ "అన్నివిధాలా" ఆదుకుంది.. 

ముందు కుసల ప్రశ్నలు వేసింది " ఏ వూరు బాబూ ?" అంటు మొదలు పెట్టి ప్రాధమిక విషయాలన్నీ లాగేసింది....

వేసవి కాలం అవడం వలన చెమట దానికి తోడు వుక్కపోత... తన పైట చెంగు తీసి గాలికోసం విసురుకున్నట్టు విసురుకుంటూ కాస్త ముందుకి వంగుతూ తన కున్న మేని అందాలను బహర్గితం చేస్తోంది.. 

ఇవేమీ ప్రసాదుకు పట్టినట్టు లేదు.. ఈ టైములో ఇక్కడ ఇలా ఇరుక్కుని పొయానేవిటబ్బా అని తిట్టుకుంటూ కనీసం మాటవరసకి అయినా తన ఇంటికి పిలవని ఆ టైము కీపర్ గాణ్ణి తిట్టుకుంటున్నాడు.....

ఇక్కడ ఈమె లొడ లొడా ఏవిటేవిటో చెప్పుకుపోతోంది.. రోజూ ఇ.ఇ.గారు.మిగిలిన స్తాఫ్ అంతా లంచ్ కి ఇంటికి పోతారని తాను  ఒక్కర్తీ మాత్రమే  ఇక్కడ ఒంతరిగా వుంటానని...మరొక నాలుగు గంటలదాకా ఎవరూ రారని...ఏవైనా  కావలిస్తే అడగమని ఇలా ఇండైరెక్ట్ గా తనలోని కోర్కెను బయటపెడుతోంది... 
ఇక్కడ అతడు ఆమే తప్ప పిట్టమనిషైనా కానరాలేదు... 

ఇద్దరిలోనూ ఆకలే.. ఆమెది ఒకరకమైన ఆకలి అయితే అతడిది వేరొక ఆకలి...

ఈవిడ ఇచ్చె సిగ్నల్స్ అర్ధం చేసుకోని అమాయకుడేమీ కాదు మన హీరో..కాని ఇంతవరకూ చదువుమీద ధ్యాస తప్ప అన్య భావన లేని కుర్రాడు అతను..తల్లితండ్రుల సంస్కారవంతమైన పెంపకంలో ఇంతవరకూ ఎట్టి వ్యసనాలకు గాని స్త్రీల పట్ల అగౌవరంగా గాని ప్రవర్తించ లేదు..

అందువలన ఎటువంటి మనోవికారానికి లోను కాలేదు..ఆమెని పరీక్షగా చూసాడు తనకంటే సుమారు పదిఏండ్లయినా పెద్దది..పైగా కారునలుపు.... కాని ఆమె మాటకారితనం, ఆప్యాయత చూసి ఆ టైముకీపర్ గాడికన్నా ఈవిడే నయం అని అనుకున్నాడు... 

తనకు వచ్చీరాని ఇంగిలీషు ముక్కలను తన యాసతొ పలుకుతూ తనని ఆకర్షించడానికి ప్రయతిస్తున్నా ఆమెను చూసి మొదటి సారి ఒక అపరిచితురాలు ఇంత కలుపుగోరుతనంగా మాట్లాడుతున్నందుకు మొదట బిడియపడ్డా.. ఆమె దురవస్థకు జాలి, భర్త లేని ఆ యువతి పట్ల సానుభూతి కలిగాయి.. 
కాని దేవత సినిమాలో సావిత్రి చూసి సావిత్రి లాంటి వున్నత స్త్రీ భార్యగా దొరకాలని భావించే వేలమంది యువకుల్లో ఒకడిగా వుంటూ తనుకూడా పెళ్ళివరకూ ఎటువంటి పొరపాట్లు చెయ్యకుండా శీలవంతునిగా వుండాలని కంకణం కట్టుకున్నాడు...(దీనికీ ఒక కథ వుంది..తరువాత చెప్పుకుందాం)..

ఇలా కాలం గడుస్తోంది.. ఆమె మాత్రం కుర్రాడు ఎర్రగా బుర్రగా వున్నాడు... ఇన్నాళ్ళూ చదువు సంస్కారం లేని డ్రైవర్ వెధవలు తనలోని వేడిని తగ్గిస్తున్నా ఇలాంటి చదువుకున్న ఎర్రగా వున్నకుర్రాడు పైగా పట్నం వాసపోడు ఈడుగా దొరికాడని సిగ్నల్ ఇస్తూనే వుంది..

తన ఓటమి అంగీకారంగా కుర్రాడు తలదించుకున్నాడు.. తను ఇలాంటి వాడు కాదు అనితెలియచేసే విధంగా.."అమ్మా.. నువ్వు ఇక్కడ బల్లమీదే పడుక్కో..నేనో సారి అలా బయట కాస్త తిరిగి వస్తాను" అని అక్కడనుండి మెల్లగా బయటపడ్డాడు... కాని నిరాశతో కూడిన ఆమె చూపులు వెంటాడాయి...చేసేదేమీ లేక వుస్సూరుమని బల్లమీద మేను వాల్చింది..

కాని అక్కడే ప్రసాదు గ్రహించలేని విషయం జరిగింది..
తాను నల్లగా వున్నా దృఢమైన శిల్పంతో నిగనిగలాడిపోయే తనంటే పడిచచ్చిపోయే మగాళ్ళూ వుండగా తన కోర్కెను కాదన్నందుకు ఆమె ప్రసాదు మీద పగతో రగిలిపోయింది...  

అందుకు ప్రతిగా ఏవిచేసిందీ అన్న విషయం తరువాయి భాగంలో ...

ఎందుకంటే లెంత్ ఎక్కువయ్యింది అని కట్ చేసా...  
యండమూరి వారి సీరియల్ లాగ ఆమె ఏమి చేసివుంటుందో అని మీలో ఆశక్తిని కలిగించవచ్చు..... 

అబ్బో పెద్ద రైటర్ ని అయినంత ఫీలింగ్ అప్పుడే వచ్చేసిందండోయ్..    

ఏవంటారు???

Friday, November 1, 2013

పెళ్ళికాని ప్రసాదుని వింత అనుభవం

 (కథ కొంచెం పెద్దదే అయివుండవచ్చు కాని చదివి మీ అభిప్రాయం చెప్తారని ఆశతో..) 

వర ప్రసాద్ ఒకానొక సంస్థలో సివిల్ సూపర్ వైజర్ గా పనిచేసేవాడు..ఆ సంస్థ ఆధీనంలో కొన్ని నిర్వాసిత కాలనీలు వున్నాయి..వాటి నిర్వాహణ బాధ్యత ప్రసాదు పనిచేసే సివిల్ డిపార్టుమెంటు వారిదే.. 

అందువల్ల సదరు వరప్రసాదు వృత్తి లో భాగంగా   రోజూ కాలనీలో కలియతిరిగి  సదరు కాలనీల్లో సివిల్ సమస్యలు ఏవైనా వుంటే గమనించి వాటిని రిపైర్స్ చేయిస్తాడు.. 
ఈ క్వార్టర్లలో ఆ సంస్థలో పనిచేసే వుద్యోగస్తుల నివాసం   వుంటారు.. వాళ్ళతో బాటు సంస్థ రక్షణ విభాగం లోని జవాన్లు కూడా నివాసం వుంటారు కుటుంబాలతో. 
వారు ఎక్కువగా వుత్తర భారతంలోని ఏ గుజరాత్ వాళ్ళో, పంజాబీలో అయివుంటారు..ఆ జవాన్ల వాళ్ళ ఇండ్లు కాలనీకి చివరన వుండి ప్రత్యేక వాతావరణం లో వుంటాయి.. అక్కడ వుత్తర భారత దేశపు వాతావరణం కనిపిస్తుంది.. తెలుగు కాకుండా హిందీ, మరాఠీ, పంజాబీ భాషలన్ని కలబోసి అలరిస్తాయి.. ఆడవారి అలంకరణ కూడా విభిన్నాంగా వుండి ప్రసాదు లాంటి యువకులకి ఆకర్షణీయంగా వుంటుంది.. 
పనున్నా లేకపోయినా ప్రసాదు లాంటి సూపర్వైజర్లు ఒకటికి పదిసార్లు ఈ ఇండ్ల చుట్టు ప్రదిక్షణలు చేస్తూ వచ్చీరాని హిందీలో వాళ్ళని సమస్యల గురించి అడుగుతూ యువతలను ఆకర్షించడానికి ప్రయత్నిస్తారు.. 

సాధారణంగా రిపైర్ పనులకు వచ్చే సిబ్బందితో మామూలుగా మాట్లాడిన యువతులకు, గృహిణులకు ఏ దురుద్దేశం వుండదు గాని సదరు ప్రసాదు లాంటి యువ సూపర్వైజర్లు ఏవిటేవిటొ వూహించేసుకోని లోలోన హీరోల్లాగ ఫీల్ అయిపోతూ వుంటారు.. 
దానికి తోడు కొంతమంది పెళ్ళయిన సీనియర్ సూపర్వైజర్లు కూడా గత అనుభావలను కథలు కథలుగా చెప్తూ వాళ్ళు ఏవిధంగా ఫలానా ఆవిడను పడగొట్టిన సంగతులు లేనివి వున్నవీ కల్పిస్తూ ప్రసాదు లాంటి కుర్ర వయస్కులను రెచ్చగొడ్తూ వుంటారు.. ఇది ఒకవిధంగా మానసిక దౌర్బల్యం.. 
నిత్యం శృంగార విషయాలనే ప్రస్తావిస్తూ నేను నీ వయస్సులో వుండగా ఫలానా స్త్రీ తో ఫలానా విధంగా రొమాన్సు చేసానని...ఎన్నో కోతలు కోస్తూ ఆనందాన్ని పొందుతారు..అందులో కొన్ని నిజాలు మరికొన్ని అబద్దాలు అన్నీ కలగలపి తానేదో మన్మధునికి ప్రత్యామ్నాయంగా పుట్టానని గొప్పలు పోతూ వుంటారు... నిజానికి వాడు సొంత భార్యని ఏనాడు సుఖపెట్టలేక పోయి వుండొచ్చు.. కాని ఇదొక మానసిక దౌర్భల్యం (ముందే చెప్పాగా).

ఎవరైనా పెళ్ళికాని ప్రసాదు లు వుంటే తాము ఈ విషయంలో ఏ స్థాయిలో వున్నామా అని పరీక్షించుకోవడానికి ఇలా కాలనీల్లో కనిపించే ఆడవాళ్ళకి సైటు కొడుతూ అంగలార్చి పోతూ వుంటారు.. మొదట్లో పెద్దగా పట్టించుకోని ఆడవాళ్ళు కొంతమంది ఈ  కుర్రాడు రోజూ నా కోసమే ఇక్కడ చక్కర్లు కొడుతున్నాడు పోనిలే పాపం అని వో నవ్వు పారేస్తూ వుంటారు.. అదే మహా ప్రసాదంగా భావిస్తూ మరో రెండు రౌడ్లు ఎక్కువ చక్కర్లు కొడుతూ వుంటారు.. 

సరే ఇక విషయానికొద్దాం.  మన హీరో ప్రసాదు ఇలా  ఇద్దరు హిందీ ఆడవారి పట్ల ఆకర్షణ కల్గి వున్నాడు... అవకాశం దొరికినప్పుడల్లా వారిని చూస్తూ ఒక్క క్షణం వారు తనవైపు చూడగానే పులకరించిపోయి వెళిపోతూ వుంటాడు.. దూర ప్రాంత మహిళలు కూడా ఇలాంటి  వాళ్ళు తమకు బాడీ గార్డుగా పనికి వస్తాడులే అనుకుంటూ వాడి వికార చేష్టలను తిరస్కరించే పనులు చేయకుండా వదిలేస్తూ వుంటారు..  

సీనియర్ల అనుభవాల లాగే తను కూడా వీళ్ళలో ఒక్కరి తోనైనా అందమైన అనుభవం జరుగుతుంది అని వాళ్ళతో మాటలను కలుపుకునే అవకాశం కోసం ఎదురుచూస్తున్నాడు... 

రోజులు దొర్లుతున్నాయి... ఇంతలో ప్రసాదు ఎదురుచేసిన సమయం రానే వచ్చింది...
కంపెనీ వాళ్ళు తమ క్వార్టర్లలో నివసించే వారి సంఖ్య ను గణించవలసిందిగా తమ డిపార్టుమెంటు వారిని ఆదేశించడం.. వాళ్ళ డిపార్టుమెంటులో అందరికంటే చిన్నవాడైన ప్రసాదుకి ఆ బాధ్యతను అప్పగించడం అన్నమాట... ఇంచుమించు జనాభా లెక్కల లాంటిది... 

మన వాడు చాలా వుత్సాహంగా బయలుదేరాడు... మగవాళ్ళు డ్యూటీకి వెళ్ళిపోతారు కాబట్టి ఇంట్లో ఆడవాళ్ళని ఇంటర్వూ చేసే మహభాగ్యం కలిగినందుకు వుత్సాహంతో గాల్లోకి సుమారు 5 అడుగుల ఎత్తులో ప్రయాణం చేస్తూ కాలనీలోకి అడుగు పెట్టాడు.... 

కానీ ఈ అనుభవం తాను జీవితంలో మర్చిపోలేని అనుభవం అవుతుందని కలలో కూడా వూహించలేదు... 

మొదట తాను అత్యంత ఎక్కువగా ఇష్టపడే నార్త్ ఇండియా కాలనీకి వెళ్ళి రోజూ తను ఆరాధనగా చూసే నారీ మణుల ఇండ్లకి వెళ్ళాడు.. 
ఒకామె వయస్సులో చిన్నామె, ఏడాది బాబు వున్నాడు..
మనవాడు కాస్త బెరుగ్గానే మొదటి అంతస్థులో వున్న ఆ అమ్మాయి ఇంటికి వెళ్ళాడు... 
కానీ ఆ ఇంట్లో తాను చూసిన దృశ్యాన్ని చూసి అవాక్కయ్యాడు... 
ముందరి గదిలో ఒక నులకమంచం వుంది దానిమీద సదరు నారీమణి భర్తగారు వెల్లకిలా పడుకుని వున్నాడు...నైట్ షిఫ్ట్ కాపలాదారుని డ్యూటీ చేసివచ్చేడేమో అలసిపోయి గాధనిద్రలో వున్నాడు... 

ఆ గదిలోనే కాదు ఆ పోర్షనులో ఆ నులకమంచం తప్ప ఏ సామానూ లేదు.. రెందు తపేలాలు కనబడ్డాయి... ఈ అమ్మాయి ఒళ్ళో వున్న బాబు ఆకలికి కాబోలు ఏడుస్తున్నాడు..కాని ఆ బిడ్డ ఆకలి ఎలా తీర్చాలో తెలియక బిక్కముఖం వేసుకుని కూర్చుని వుంది ఆ పిల్ల...ఈవిడ కూడా నాస్తా చేసినట్ట్లు లేదు.. 

అసలు వండుకోవడానికి సామాన్లు గాని, ఆలి కట్టుకోవడానికి మంచి చీరలు గాని వున్నాయో లేదో అన్న ధ్యాసలో ఆ పురుషుడు వున్నట్టు లేదు..తనకొచ్చె కాస్త జీతం రాళ్ళు తాగుడుకో, గుట్కాలకో ఖర్చుచేస్తూ బోర్లా పడుక్కుని..తన శారీరక అవసరాల కోసం మాత్రమే ఈ పిల్లని చేసుకుని ఇంతదూరం వూరుగాని వూరులో భాషరాని దేశంలో తెచ్చిపడేసాడు...

డ్యూటీ అయిపోయేక ఫుల్ గా తాగివచ్చి అందమైన ఆ శరీరరంపై ఆంబోతులా పడి ఆమె అనుమతిగాని ప్రోత్సాహం గాని లేకపోయినా ఈ కార్యాన్ని ఒక హక్కులా భావించి..  ఆనక   నిద్రలేచి ఆమె పెట్టిన నాలుగు మెతుకులు తిని మళ్ళీ డ్యూటీకి  పోవడమే.. 
తన సంపాదనలో పావలా వంతు పారేసిన దాంట్లోనే  నెలంతా సర్దుకు పోతూ మొగుడి ఆకలి ఆ మొగుడి వలన తనలోంచి వచ్చిన బిడ్డ ఆకలి తీర్చాలి.... 

ఈ స్థితిలో ఆమెను చూసిన ప్రసాదుకి నోట మాట రాలేదు.. 
"క్యా నాము హై ???  ఆప్కా హజ్ బెండు కా నాం కా నాం క్యా హై??" అంటు వచ్చీరాని భాషలో తన హిందీ ప్రజ్ఞానాన్ని  ప్రయోగించి అడిగేడు.. 
ఆ అమ్మాయి కూడా "భయ్యా" అంటూ సంబోధించి ముక్తసరిగా చెప్పింది... . గట్టిగా మాట్లాడితే ఆ భర్త గారికి ఎక్కడ తెలివివస్తుండొ అన్న భయం మనవాడికి ఒకపక్క పీకుతూ వుండగా..
ఎక్కడో దూరంగా వున్న తన తమ్ముడుని ప్రసాదులో చూసుకుంటు "భయ్యా" అని ఆప్యాయంగా ఆమె పిలిచిన విధానానికి మనసు చలించిపోయి... ఒక్కక్షణం జాలిగా ఆమె వైపు చూసి..
కొన్ని వందల కిలో మీటరల దూరం నుండి ఇక్కడకు వచ్చిఇలాంటి బాధ్యతలేని తాగుబోతు భర్తతో సాహచర్యం చేస్తున్న... ఈ దేవతనా  ఇన్నాళ్ళూ నేను నా  వెకిలి చేష్టలతో బాధపెట్టాను అనుకుంటూ సిగ్గుతో తలవంచుకుని నిష్క్రమించాడు ప్రసాదు... 


 (తరువాయి భాగం తరువాత)... 

Thursday, October 31, 2013

సిగ్గు పడనక్కరలేని సమాజంలో వున్నాం.... ...



ఘోర అగ్ని ప్రమాదం జరిగి క్షణాల్లో బస్సులోని వారంతా కేవలం పదినిముషాల్లో బూడిగా మిగిలారు...

నిన్నటి నుండి ఒకటే హడావుడి...

అసలు దీనికి బాధ్యులు ఎవరు?? కారకులు?? ఎవరూ అంటూ సమీక్షలు..

చివరాఖరికి ప్రభుత్వానిదే బాధ్యత అని కనబడని ప్రభుత్వము మీద నెట్టేసి చేతులు దులుపుకుంటున్నారు..

కొన్నాళ్ళుపోతే ప్రజలు, మీడియా వారు జరిగిన సంఘటన లను మర్చిపోతారు.. షరా మామూలే... 
మళ్ళీ మరో ప్రమాదం జరిగేవరకూ అంతా గుప్ చప్... 

ప్రేవైట్ బస్సులు ఎవరు నడుపుతున్నారు ??? 
ప్రేవైట్ (కార్పొరేట్) ఆసుపత్రులు ఎవరివి???
ప్రెవైట్ విద్యా సంస్థలు ఎవరివి?? 

అర్ధరాత్రుళ్ళు పబ్బులు, క్లబ్బులు నడిపే వారు ఎవరు??
లిక్కర్ వ్యాపారాలు నడిపే వాళ్ళు ఎవరు??
ఇసుక మాఫియా, దందాలు చేసే వారు ఎవరు??
భూకబ్జాలు, సెటిల్ మెంట్లు చేసేది ఎవరు??

వీటన్నిటినీ ఏ పసిపిల్లాణ్ణి అడిగినా జవాబు చెప్తాడు..  

రాజకీయ నాయకులు మరియు వారి అనుచరులు..బంధువులు..

ఈ చీకటి వ్యాపారాలు, విచ్చలివిడి వ్యాపారాలు చేసి సామాన్యులని దోచుకుని కోట్లకి పడగెత్తడం కోసమే ఇవాళ జరుగుతున్న అధికార దాహ పోరాటాలు.. 

ఒకప్పుడు రాజుల పరిపాలనలో ప్రజలు అనేక వెతలకి లోనయ్యారని పుంఖాను పుంఖానులుగా రచనలు చేసిన రచయితలు ఇప్పుడు ఏమని సమాధానం చెప్తారు.... 

రాచకీయ వ్యవస్థలో వున్న లోపాలను సరిచేస్తూ ప్రజాస్వ్యామ్య రాజ్యాన్ని ఏర్పాటు చేసుకున్నాం.. 
కాని దోపిడీలు, దౌర్జన్యాలు ఎక్కువ అయ్యాయి.. 

వెయ్యో రెండు వేలో పడేస్తే స్కూటర్ లేదా కారు  డ్రైవింగ్ లైసెన్సులు దొరికేస్తాయి..ఇది సామాన్యుడి లెవెల్.. 
లక్షల్లో లంచం పడేస్తే కోట్లల్లో దోచుకోవడానికి పర్మిట్లు వచ్చేస్తాయి.. 

ఒక సెక్షన్ కి పది ఉప-సెక్షన్లు వుంటాయి లా లో .. 
ఏదో ఒక సెక్షన్ను అడ్డుపెట్టుకుని శిక్ష నుండి తప్పించుకోవచ్చు.. 

తన దాకా వచ్చీసరికి ప్రతీ ఒక్కరు లంచం ఇచ్చి తప్పించుకోవలసిందే...బతకాలంటే తప్పదు మరి...     

సామాన్యులు సైతం రాంగు రూట్లో వెళ్తున్న ఈ రోజుల్లో ..
అక్రమాలకు.. అన్యాయాలకు బలి అయిపోతున్న వారిమీద రెండు రోజులా.. కాదు కాదు.. 
రెండు క్షణాలు మాత్రమే బాధపడటం తప్ప ఏమీ చెయ్యలేని పరిస్థితిలో వుండి మన పని మనం చేసుకు పోవడం తప్ప....
ఇంకేమీ చెయ్యలేని చేతకాని స్థితిలో వున్నందుకు  సిగ్గు పడనక్కరలేని సమాజంలో వున్నాం.... 

వందే మాతరం...........   
  


  

Wednesday, October 16, 2013

సుందర మనోహర దృశ్యాలు (మాకు అతి చేరువలో)

గత కొద్ది రోజులుగా బ్లాగు మిత్రులకు ఎందుకు దూరం అయ్యానంటే .. ఈ క్రింది ప్రదేశాలను చుట్టి రావడం వలన... మీరు కూడా చిత్రాలను చూచి తరించండి..  




1. పంచదార్ల  (యలమంచిలి) ఉమా ధర్మ లింగేశ్వర స్వామి గుడి: 
 అతి పురాతనమైనది (ధర్మరాజు చేత ప్రతిష్టింపబడినది)  




2.ఎస్. రాయవరం (మహారాజశ్రీ గురజాడ వారి జన్మ స్థలం) వద్ద ఒక చక్కటి ప్రాంతం :  



 (ఆ చెరువులో జలకాలుడుతున్న  పిల్లల ఆనందం మనలో ఎవరికైనా వుంటుందా.. ఎన్ని లక్షలు ఖర్చుపెట్టినా రాదుకదా..)

 3. పుణ్యగిరి (శృంగవరపు కోట) దగ్గర "వాటర్ ఫాల్స్) :


4. రాజమండ్రి ధవళేశ్వరం బ్యారేజి వద్ద పుణ్య గోదావరి నది:



 5.అనపర్తి హైవే పక్కన శ్రీఆంజనేయస్వామి..    

Saturday, October 5, 2013

Telangana-andhra-rayalasima ---Biryani story

Copied from face book...
Thanks for originator...

your comments will be directed to the creator...

Wednesday, October 2, 2013

నెల్సన్ మండేలా నుండి ఒబామా వరకూ....స్పూర్తిదాయకం నీ అహింసా పోరాటం..



బాపూజీ అని ముద్దుగ జాతి పిలువంగ..
జాతిపిత అని సుద్దుగ కొలువంగ..
మహాత్మా అని జనులెల్ల కీర్తించగ... 

ఎవరివయ్యా నీవు .. 
ఎందుకయ్యా భరత జాతి విముక్తికై పోరాడినావు.. 

నెల్సన్ మండేలా నుండి ఒబామా వరకూ
ఎంతో మంది పరాయి దేశస్థులకు స్పూర్తిదాయకం 
నీ అహింసా పోరాటం.. 

కాని సొంత గడ్డపై 
లేదు నీకు గౌరవం.. 

నీ ఆశయాలు గోతిలో పూడ్చి
పీల్చుకు తింటున్నారు నేటి 
పాలకులు మమ్ములను  

నీవు కలలు గన్న 
స్వరాజ్యం ఛిద్రమైంది నేడు  

అర్ధరాత్రి కాదు
పట్ట పగలే 
ఆడది ఒంటరిగా తిరుగుట లేదు..  

సత్యము... అహింస.. నీ ఆయుధాలు 
అపహాస్యమై నిలిచాయి నేడు.. 

అయినా బాపూజీ ..
జాతి నీకు రుణ పడి వుందయ్యా.. 

అనాధ శవంలా పడివున్న 
స్వతంత్ర భావ స్వేఛ్చా సంఘానికి...   
ఊపిరి నీ పోరాట స్పూర్తి..  

ఇదే మా నివాళి..  

Tuesday, October 1, 2013

అత్తారింటికి దారేది పాటకు రీమిక్స్ .. తెలంగాణాపై..


ఇది ఫేస్ బుక్ లో దొరికింది కాబట్టి మీ ఆశీస్సులు  . శాపనార్ధాలు అక్కడికే చేరతాయి.. 

లింక్: 
https://www.facebook.com/photo.php?v=10151881989285973&set=vb.171458633041406&type=2&theater

Saturday, September 28, 2013

ఒపీనియన్స్ చేంజ్ చేస్తేనే గాని.. పొలిటీషీన్ కానేరడు..

గురువు గారు నిన్నటి మీ పోస్ట్ లో అలనాటి గిరీశం గారి మాటలను ఈనాటి రాజకీయాలకు ముడిపెట్టారో లేదో, మరలా ఆయన చెప్పినట్లే జరిగింది..

ఏవిట్రా శిష్యా అది.. 

గిరీశం గారు ఏవన్నారు ? 

అప్పుడప్పుడు ఒపీనియన్స్ చేంజ్ చేస్తేనే గాని పొలిటీషీన్ కానేరడు అన్నారా.. 

అవును..

ఇప్పటి రాజకీయనాయకులు అప్పుడప్పుడు కాకుండా నిత్యం తమ ఒపీనీన్స్ ని చేంజ్ చేస్తున్నారు.. 
యూ టర్న్ లు, కె. టర్నులూ.... అబ్బో చాలా చాలా టర్నులు తీసుకుంటూ ప్రజల్ని అయోమయ స్థితికి నెట్టేస్తున్నారంటే నమ్మండి.. 

నిజమేరా అబ్బాయ్ .. ఎవడు ఎన్ని టర్నులు కొట్టినా, మేము మాత్రం వెజక్కి తగ్గేది లేదని డిగ్గీ గారు బల్ల (mike) కొట్టి మరీ చెప్పి పూట గడవలేదు... రాహుల్ గారు బాంబు పేల్చేడు..  

ఎవడో మన వాళ్ళని తిట్టే బదులు మనమే మన పార్టీని విమర్శించడం అన్నది కాంగిరేసు వాళ్ళకి వెన్నతో పెట్టిన విద్య.. 

పాలక, ప్రతిపక్షం పాత్రలు వాళ్ళే పోషించి వాళ్ళ నాయకత్వం మీద తీసుకున్న నిర్ణయాల మీద వ్యతిరేకిస్తూ మాట్లాడడం .. ఇదో పెద్ద రాజకీయం .. బహుశా ఇది గిరీశం వల్ల కూడా అవలేదు...  

పనిలో పనిగా అన్ని రాజకీయ పార్టీలని తిట్టిపోసి  ఆర్డినెన్సుని చించిపారెయ్యమని చాలా వుద్రేకంగా మాట్లాడాడు.. మరల ఒక అపరిచితుడి వేషం కట్టేడు యువరాజా వారు..  

రేపో నాడో వాళ్ళ పార్టీ వాళ్ళు తీసుకున్న ముఖ్య నిర్ణయాన్ని(రాష్ట్రాన్ని విడగొట్టాలనే తీర్మానాన్ని) నాన్సెన్స్ కింద జమకట్టి దీన్ని  కూడా అలా చించి పారెయ్యమని యువరాజా వారు శెలవిస్తారని ఎంతో ఆశ పడుతున్నారు సీమాంధ్రులు....  

అప్పుడు వేర్పాటు నాయకులకి పండగే పండగ .. కొన్నాళ్ళు వుద్యమాలు నడిపించి జనాల్ని రెచ్చగొట్టి సొమ్ములు వసూలు చేసుకుని తరతరాలకు తగ్గని సంపదని పోగేసుకోవచ్చు.. 

మరి ప్రజలో..
ఆ నాన్సెన్స్ .. వచ్చే ఎన్నికల వరకూ ఎంత అరచి గోలపెట్టినా మనవాళ్ళకి వినబడదుగా.. 



Thursday, September 26, 2013

"మనవాళ్ళు వట్టి వెధవాయలోయ్"..


"మనవాళ్ళు వట్టి వెధవాయలోయ్".. 
"ఇదేమిటి గురువుగారు ఇలా సెలవిస్తున్నారు..
ఇంతకీ ఎవరు వెధవాయలు.. 
మన భారతీయులా..తెలుగు వాళ్ళా? రాయలసీమవాళ్ళా?  ఆంధ్రులా ? తెలంగాణావాళ్ళా?? " 

తెలీదురా శిష్యా, But వందేళ్ళ కితం గిరీశం నోటి వెంట గురజాడ పలుకు నేటికీ మనవాళ్ళకి వర్తిస్తుంది.. ఆయన ఎవర్ని వుద్దేశించి  ఈ మాటఅన్నాడో గాని  ప్రతి తెలుగు వాడికీ ఇది వర్తిస్తుందోయ్. 

ఎలా??

నాటింది లీస్ట్ కొసాకి విను.. 
దేశం అంతా కాంగిరేసుకి వ్యతిరేక ఓటు వేస్తే మన వాళ్ళు కాంగిరేసుని గెలిపిస్తారు.. 
దేశం బిజేపీ ని గెలిపిస్తే మనవాళ్ళు వేరే  పార్టీకి పట్టం కట్టారు.. 

నిన్న మొన్న దాదాపు 32 పార్లమెంట్ స్థానాల్లో మనవాళ్ళు గెలిచి కాంగిరేసు పాలనకి మెజారిటీ ఇచ్చారు..కాని మన మహా నాయకుడు ఒక్క పదవి అడక్కుండా పైకి వెళ్ళిపోయాడు.. 

అదే తమిళ తంబీలు అయితే గెలిచినవి మూడే సీట్లు అయినా కీలక పదవులను ఇవ్వమని పేచి పెట్టి దర్జాగా దేశాన్ని (చక్రాన్ని) తిప్పే అవకాశం లాక్కుంటారు.. మనవాళ్ళు వట్టి వెధవాయలోయ్..  

ఊరంతా ఒక దారి అయితే ఉలిపిరి కట్టది వేరొక దారని సెంట్రల్ లో ఒక పార్టీ అధికారం లో వుంటే మన స్టేట్ లో వేరొక పార్టీ రూలింగ్ లో వుంటుంది.. అందువల్లే ఢిల్లీ పెద్దల దయా దాక్షీణాలపై, వాళ్ళ చేతుల్లో కీలుబొమ్మలై విలువ లేని చిల్లి కాణీల్లాగ మిగిలిపోతున్నారు.. 

అగ్నిహోత్రావధానులు "తాంబూలాలిచ్చేసాను తన్నుకు చావండి" 
ఈ మాట కూడా ఇప్పటికీ వాడుతున్నారు.. 
మనల్ని చులకన చేస్తూ "ఆడముండలతోనా ఆలోచన" అన్న తీరున అఫ్టరాల్ మీతోనా ఆలోచన అని మన అమాత్యులను ఢిల్లీ పెద్దలు ఈసడించుకున్నారు.. 

ఇక రామప్పంతులు చెప్పినట్టు "పదో  వంతు అన్నారుగా కాని సగానికి సగం మా బేరం.."అంటే...
 దానికి కరటక శాస్త్రి "ఈ పాపపు సొమ్మునా మీరాశించేది" అంటే 

"పాపపు సొమ్ము మా చేతికి రాగానే పవిత్రమయిపోతుందండీ" అన్న రీతిలో ప్రజల సొమ్ము రాజకీయ నాయకుల చేతిలో పడగానే పవిత్రమయిపోతోంది..
న్యాయస్థానలకు వారిని అడిగే హక్కులేదని రాజకీయ నాయకుల తీర్మానం.. 

మధురవాణి చుట్టుతా కన్యాశుల్కం నాటకం తిరిగినట్లు ఢిల్లీ మాత చుట్టు తెలుగు వారి జాతకం తిరిగుతోంది. ఎన్నో చీకటి ఒప్పందాలు.. 

"యంత్రం ఎదురుతిరిగిందో అయితే చక్రం అడ్డువేస్తాను..అన్న మాటలు అప్పటికీ ఇప్పటికీ ఏనాటికీ విలువైన మాటలు...వజ్రాల్లాంటి మాటలు అందుకే వండేళ్ళు దాటినా ఆ ప్రజాకవి తెలుగువారందరి మనసులో అమరుడై నిలిచాడు..    

అమాయకపు బుచ్చెమ్మ గిరీశం వలలో పడ్డట్టు.. 
డబ్బాశతో లుబ్ధావధాన్లుకి పసిబిడ్డను అమ్ముకున్నట్టు.... 
ఊరందర్నీ తన యంత్ర బలం చేత మోసగించే రామప్పంతులు మధురవాణి వేసిన వుచ్చులో పడ్డట్టు... 

సుమారు 60 ఏళ్ళ కిత్రం అమాయకపు పిల్లను ఒక గడుసు పిల్లోడి కిచ్చి పెళ్ళి చేసిన పెద్దలు ఇప్పుడు లేరు, కానీ ఇప్పుడు వారి మునిమనవలు తన్నుకు చస్తూ  ముసలం పుట్టి వారిలో వారే కొట్టుకుంటూ ఘోర పతనానికి అధారం అయి నిలిస్తున్నారు... 

దీనికి పరిష్కారం ఆ గురజాడ వలన కూడా కాదు.. 

ఎందుకు లేదండి .. గిరీశం గారు చెప్పినట్లు: "వాట్ ఇజ్ ఇన్ నేం" అని షేక్స్ పియర్ అన్నదు గాదండి" అందువల్ల ఇప్పుడున్న మన రాష్ట్ర పేరుని మార్చివేసి "తెలంగాణా ప్రదేశ్" అనో "తెలంగాణా నాడు" అనో "సీమాంధ్ర తెలంగాణ ప్రదేశ్"  అనో పేరు పెట్టినట్లాయినా ఈ సమస్య చిటికలో తేలిపోతుంది...  

నీ కున్న పరిజ్ఞానం కూడా మన వాళ్ళకి లేదోయ్.. మనవాళ్ళు వట్టివెధవాయలోయ్..కాదు వట్టి వాజమ్మలోయ్..       

Tuesday, September 24, 2013

హాయిగా నవ్వుకోండి కాసేపు.. మమ్మల్ని ఆశీర్వదించండి..

మితృలారా.. 
జగన్ జైల్లో నుండి బయటకు వచ్చీసేడని.. 
తెలంగాణా / ఆంధ్రా  వాళ్ళు (vice verse)  ఏదేదో అన్నారని బుర్రలు పాడుచేసుకోకండి.. 
ఈ దిగువ link open చేసుకుని  మేము నటించిన చిన్న సినిమా చూసి ఆనందించండి.. 

జరిగేది జరుగక మానదు అంతా ఇటలీ దేవత చేతుల్లో వుంది..
హాయిగా నవ్వుకోండి కాసేపు.. 
మమ్మల్ని ఆశీర్వదించండి..    

http://www.youtube.com/watch?v=ZkbQB3xSLPk


Sunday, September 15, 2013

విభజించిన చరిత్ర ను విభేదించిన నేటి తరం..

- - - - - - 


రేపటి రోజున ... 
ఆంధ్ర ప్రదేశ్ చరిత్ర రాయమంటే ఏది రాయాలో తెలియని అయోమయ స్థితిలో పిల్లలు... 

ఏది రాస్తే పూర్తి మార్కులు వస్తాయో .. ఏది రాయక పోతే వీపులు  పగులుతాయో తెలియని అభాగ్యులు..  

ప్రాంతీయ వివక్షతతో పేపర్లు దిద్దే ఆచార్యులు ...  జీవిత కాలం ఉత్తీర్ణత  సాధించలేని అభాగ్యులు 


నాయకుల పిల్లలు విదేశాల్లో .. సామాన్యుడి పిల్లలు సర్కారీ బడిలో .. 

మూర్ఖుల ఆచార్యుల ఒడిలో   

అవుతారు ఉన్మాదులు, సంఘ విద్రోహ శక్తులు .. దీనికి ఎవరు బాధ్యులు ???? 

(ఇది ఇరు ప్రాంతాలకు వర్తిస్తుంది)


Saturday, September 7, 2013

అటువంటి భర్తలను విడిచి పెట్టడం ఒకటే మార్గం.అప్పుడు ఎవరు దిక్కు ? ? ?

మితృలారా..
నా ముందటి పోస్ట్ కి చక్కటి వాఖ్యలు రాసి ఇంకా రామాయణం లాంటి మన గ్రంథాలపై మరింత విశ్లేషిండానికి అవకాశం కల్పించినందుకు ధన్యవాదములు..

ఒక అజ్ఞాత రాసినట్లు ఇది హారి పోటర్ లాగ  ఒక ఫాంటసీ లాంటి  కథ కాదు..మానవ జీవితాలకు, అనుబంధాలకు భారత జీవన విధానానికి  దగ్గరగా వాస్తవ జీవితాలకి దగ్గరగా వుండే అద్భుత కథ..

రామాయణం లోని ప్రతి పాత్ర సహజ పాత్రలకు దగ్గరగా వుంటాయి..
ప్రతి మానవులోని అంతర్గత సంఘర్షణలకు, ధర్మాన్ని ఆచరించుటలో సందేహాలు, అనుమానాలు ఆయా పాత్రలు ఒకరినొకరు ప్రశ్నించుకోవడము ద్వారా నివృత్తి అయి చదువుతున్న మనకి నిత్య జీవితంలో ఎదురయ్యే సందేహాలకు సమాధానాలు దొరుకుతాయి..

అయితే ముందుగా మీకు మనవి చేస్తున్నది ఏవిటయ్య అంటే ఇప్పటి యుగం వేరు.. అప్పటి యుగం వేరు.. ఇప్పటి జీవన విధానం, పద్ధతులు వేరు.. 
ఎంతో పటిష్టమైన రాజరిక వ్యవస్థ అది, ప్రస్తుత ప్రజాస్వామ్య రాజ్యంలో ప్రజలే రాజులు.. అయినా అంత కన్నా ఘోరంగా వున్నాయి నేటి పరిస్థితులు.. 
నేటి ఆధునిక స్త్రీకి స్వేచ్చ దొరికింది కాని  రక్షణ కరువయ్యింది.. 
  
రాముడు తానూ విష్ణు మూర్తి అవతార పురుషున్ని అన్న స్పృహ వున్నా ఏ విధమైన దైవీక మహిమలు కాక ఒక సామాన్య మానవుని వలే ప్రవర్తిస్తూ, ధర్మాన్ని ఆచరిస్తూ మానవులకు కలిగే సుఖ దుఃఖాలు, భావోద్వేగాలు కలిగి వుంటాడు.. 

తనకి కూడా కొన్ని సందర్భాల్లో ఏమైనా ధర్మ సంకట స్థితి కలిగినప్పుడు పక్కన వున్న తన గురువు లేదా స్నేహితుని ద్వారా ఆ సందేహాల్ని నివృత్తి చేసుకుంటాడు.. 
తాటకి వధ, వాలి వధ, రావణ సంహారం వరకూ ధర్మా ధర్మ విచక్షణ చాలా స్పష్టంగా విశిదీకరించ బడుతుంది.. 
ఇలా ఎన్నో చెప్పచ్చు కాని మనకున్న కాలము చాలదు.. మన కున్న పరిజ్ఞానం  కూడా చాలదు..


ఇక మన విషయంలోకి (చర్చ లోకి)  వస్తే....
స్త్రీ వాదులనబడే వాళ్ళు మన హిందూ సమాజం లో స్త్రీని వంటింటి కుందేళ్ళు గా చేయటలో మన భారత ఇతిహాసాలు ఒక కారణమని నిందిస్తూ ఆ విధంగా రాముని పాత్ర లోని భార్య ని కష్టాల పాలు చేసిన వైనం ప్రధానం గా చూపిస్తారు.. 
1. సీతమ్మ బలవంతంగా రాముని తో బాటు అడవికి రాలేదు.. రామయ్య వద్దని వారించినా భర్త కష్ట సుఖాలలో పాలు పంచుకోవాలని ఇష్ట పూర్వకంగా వచ్చింది.. ఒక మహారాజు కూతురు, వేరొక మహారాజు కోడలు ఇలా నార చీరలు ధరించి అతి నిరాబండర జీవితం గడపడం ఆదర్శం.. వన వాసంలో వారిద్దరి ప్రేమ అనురాగం వర్ణించ వీలులేనిది..  
2. ఒక అల్పుని మాటలకు విలువనిచ్చి తనని వదిలి వేస్తున్నందుకు సీతమ్మ మొదట విచారించినా ధర్మ పరిరక్షణ కోసం భర్త మాటను శిరసా వహిస్తుంది.. (లక్ష్మణుడు తనని వదిలివేస్తున్నపుడు వారిద్దరికి జరిగిన సంభాషణ పూర్తిగా తెలుసుకోవాలి).. 

వాల్మీకి ఆశ్రమంలో ఎవరికీ తన అసలు  పేరు గాని, తానూ ఫలానా వారికి భార్యను అన్న సంగతి కాని తెలియనివ్వదు.. ఏనాడు తన భర్త తనను ఇలా వదిలివేసాడని చెప్పలేదు.. పతిని నిందించలేదు..  

3. అసలు సీతారాముల మధ్య ఒకరు గొప్ప వేరొకరు తక్కువ అన్న భావం మనకి ఎక్కడా కనిపించదు.. అందుకే నేటికీ సీతా రాముల్లాగా కలకాలం జీవించండి అని దీవిస్తారు.. పెళ్లి శుభలేఖల్లో  "జానక్య.. "  అనే శ్లోకం వేస్తారు.. 
  
 ఈనాటి ఆధునిక భావాలు వున్న స్త్రీలు చాలమంది రామాయణాన్ని, రాముని మీద చాలా వ్యతిరేక భావంలో వుంటూ సీత లాగ భర్త పై విధేయత గా వుండకూడదు అన్న స్వతంత్ర భావాలతో జీవనం సాగిస్తూ ఆమె దే పై చేయి అవాలనే పట్టుదలకి పోయి కాపురాలను చెడకొట్టుకుంటున్నారు (ఇది నాకు తెలిసిన వారి (బందువులలో) కొంతమంది స్త్రీలను చూసి రాస్తున్నాను)..

 అందులోను వుద్యోగం చేస్తున్న ఆడవారిలో ఈ స్వతంత్ర భావాలు ఎక్కువ.. స్త్రీకి స్వతంత్ర భావం వుండకూడదు అని ఎవరూ అనరు.. కాని లోపల ఎడమొహం పెడమొహంలా వుండి పైకి సమాజం కోసం ఇద్దరూ అన్యోన్యంగా వున్నట్టు నటించే వాళ్ళు ఎంతో మంది వున్నారు..

శాడిష్టు భర్త తో ఇబ్బంది పడే స్త్రీలు అనేక మంది వున్నారు..అందులోను భర్త తాగుబోతు  అయితే  ఆ స్త్రీ పడే వేదన అంతా ఇంతా కాదు. అయితే నయానో భయానో లొంగని అటువంటి భర్తలను విడిచి పెట్టడం ఒకటే మార్గం.అప్పుడు ఎవరు దిక్కు ? ? ? అందుకే స్త్రీలు చదువుకోవాలి, ఉద్యోగాలు చెయ్యాలి. 

డబ్బు మాత్రమే శాసిస్తున్న నేటి కాలంలో భార్య భర్తల అనుబంధం కూడ డబ్బు తోనే ముడిపడి వుండి.. స్త్రీ తనకాళ్ళ మీద తానూ స్వతంత్రంగా నిలబడిన నాడు ఈ మగ వారిని బతిమి లాడి వారు పడవేసే ముష్టి తో సంసారాన్ని పోషించా వలసిన ఆగత్యం లేకుండా ఈ నాడు పురుషులతో సమానంగా స్త్రీలు అన్ని రంగాల్లో ముందు వున్నారు.. ఇది హర్షణీయమే...  
  
కాని... 

కొంత మంది మొత్తం మగ జాతిపైనే విద్వేషంతో వుంటూ అసలు పెళ్లి మీదే ఆసక్తి చూపరు. ఒకవేళ పెద్దల మాటతో  పెళ్లి చేసుకున్నా భర్త పై ప్రేమ, అనురాగము చూపక ప్రతి విషయానికి గొడవ పడుతూ పిల్లలు పుట్టినా తెగతెంపులు దాకా వెళ్లి పిల్లల బంగారు  భవిష్యత్తు  ని కూడా పాడు చేసిన వాళ్ళు అవుతున్నారు..
ఇలాంటి వారు రామాయణాన్నో మరేదో పురాణ గాధలనో వేలెత్తి చూపుతూ విమర్శిస్తూ, ఇతరులను కూడా అదే భావజాలంతో వుండేలా ప్రేరేపిస్తారు.. 

ఇవాళ   ఏ టి.వీ సీరియల్ చూసినా ఆడదానికి ఆడదే శత్రువు.. ఎంతో సుకుమార, సున్నిత మనస్తత్వం గల స్త్రీ ఎదుటి వారికి విషం ఇవ్వటమో,కత్తి  తోనో  తుపాకీ తోనో చంపడం ద్వారానో ఒక విలన్ కి వుండవలసిన దుష్ట పాత్రని ఇవాళ స్త్రీలు పోషిస్తున్నారు..అసలు కుటుంబ వ్యవస్థ నే అపహాస్యం చేసేలా వున్నాయి.. 
డైలాగులు మరీ ఘోరం.. "నీ కడుపులో పెరుగుతున్న బిడ్డకి తండ్రి నీకు తాళి కట్టిన  ప్రసాద్ కాదు..." (పెద్ద మ్యూజిక్.. విరామం) మరల ఓ పది ఎపిసోడ్ లకు  గాని ఆమె కడుపులో  పెరుగుతున్న బిడ్డకి తండ్రి ఎవరో మనకి గాని ఆమె కి గాని తెలియదు.. ఈ లోగా ఇద్దరు ముగ్గురు ఆమెకు భర్తలుగా కనిపిస్తారు.. ఏవైనా అంటే అదేదో నాటకంలో ఓ భాగం అంటూ సాగతీస్తారు.. 

అమ్మా ! మీరు విమర్శించ వలసినది రామాయణాన్నో భారతాన్నో కాదు ఆధునికత పేరుతో వెర్రి తలలు వేస్తున్న నేటి సంస్కృతిని.. 

ఆడవారికైనా  , మగ వారికైనా  ప్రాణం కంటే శీలం విలువ ఎక్కువ.. శీలం అంటే కేవలం మాన రక్షణ కాదు.. మంచి నడత, నడవడిక, సంస్కారం, నిబద్దత కల్గిన, జవాబు దారీ తనం గల గొప్ప జీవితం.. 

భర్త అడుగుజాడలో మీరు నడిచినా , మీ అడుగు జాడలో భర్త నడచినా ఇద్దరి అడుగు జాడలు తప్పటడుగులు వేయకుండా జాగ్రత్త పడి.. సంసార మనే రథాన్ని ఎటువంటి ఒడిదుడుకులు లేకుండ సాఫీగా సాగేట్లు కృషి  చేయాలి.. 

సర్వే జనా: సుఖినో భవంతు.. 

Thursday, September 5, 2013

అవన్నీ చెయ్యడం కష్టం .. రామాయణాన్ని విమర్శించడం సులువు..

ఆ మధ్య "వనజ వనమాలి" అను బ్లాగులో ఆగస్టు 13 వ తారీఖున రాసిన "మనం నేర్పేదేమిటి? " అన్న శీర్షిక న "రామాయణం" గురించి శ్రీరాముని వ్యక్తిత్వం గురించి, అగ్ని పరీక్ష మొదలు ఒక  అనామకుడి మాటలు పట్టుకుని గర్భిణి తో వున్న సీతమ్మని అడవిన వదిలేసిన సంఘటనలను విమర్శిస్తూ చాలా రాసారు.. ఇప్పటి తరం వాళ్ళకి మరీ ముఖ్యంగా ఆడపిల్లలకి ఇలాంటి పుక్కిటి పురాణాలు చెప్పి లాభం లేదని విమర్శిస్తూ ముగించారు.. 
రామునికి అనేక వేలమంది భక్తులలో ఒక చిన్న భక్తుడిగా బాధపడినా, రామాయాణ్ని సమర్ధిస్తూ రాయడం వలన వారిని మరింత ప్రోత్సాహ పరిచి వాద ప్రతివాదనలకు తావివ్వకూడదని ఇన్నాళ్ళూ వుపేక్షించినా, శ్రీరాముని పై నాకున్న అనన్య భక్తీ విశ్వాసం నాకు తోచిన ఈ  నాలుగు విషయాలు రాయడానికి  నన్ను ఉపక్రిమించేలా చేసాయి.. 

1. రామాయణాన్ని ముందు ఒక కథ గానే ఆలోచిద్దాం.. నవరసాలు కలిగిన ఒక ప్రేమ కావ్యం అవడం వలననే ఆది గ్రంథం అయిన  రామాయణమే నాటి నేటికీ చాలా గొప్ప కథాంశం. పాత సినిమాలైన  పాతాళ భైరవి,మల్లీశ్వరి, తోట రాముడు మొదలు ఈనాటి అనేక  హిట్ చిత్రాలకు రామాయణమే మూలం.. హీరోయిన్ ఒక రాక్షసుడి దగ్గరో, విలన్ దగ్గరో, రాజు కోటలోనో బందీగా వుండగా, హీరో ఒక్కడు వెళ్లి ఆమెను కాపాడి తన దాన్ని చేసుకుంటాడు.. అంతకన్నా హిట్ ఫార్ములా ఇంతవరకు పుట్ట లేదు.. తరాన్ని బట్టి మాటలు , వెనకాల సెట్టింగులు మారతాయి.   కాని హీరోకి పక్కన   కోతుల్లాంటి  స్నేహితులు  వుంటారు.. 

ఈ క్రింది విషయాలు రామాయణాన్ని భక్తి భావంతో చూసే వారికి మాత్రమే అనుభవ వైద్యం అయి అర్ధం అవుతాయి..ఏ మత గ్రంథం  గాని , గురు వాక్యాలు గాని వాటిపై భక్తీ విశ్వాసం వుంటేనే అవి చదవడం వలన మనకి మంచి ఫలితాలు వుంటాయి.. లేక పోతే పుక్కిటి పురాణాలు గానే అర్ధం అవుతాయి.. 

1. వాల్మీకి శోకం నుంచి పుట్టిన ఈ పవిత్ర కావ్యం బీజాక్షరాలు కల్గిన శ్లోకాలుగా ఈ లోకానికి వెలువడి, ప్రతి రోజు రామాయణం (ముఖ్యంగా సుందరకాండ) పారాయణం చెయ్యడం వలన సకల దుఃఖాల నుండి విముక్తులమై పతిత పావన మూర్తి ఆ శ్రీరాముని  కృపా కటాక్షములను పొందగలము.. 

2. మీరు ఏమీ చెయ్యవద్దు ఒక నెల రోజులో రెండు నెలలో శ్రీరాముని మీద అత్యంత భక్తి  విశ్వాసాలతో ఒక పుస్తకం లో "శ్రీ రామ" అని ప్రతి రోజు మీ తీరిక సమయములో మీకు తోచినన్ని సార్లు రాయండి.ఫలితము మీకే తెలుస్తుంది.. ఏకాగ్రత, భక్తీ భావము ఇక్కడ  Important .. అవి లేకుండా ప్రపంచ లౌకిక విషయాలు ఆలోచిస్తూ రాయ కూడదు..
 
3. రామాయణ కావ్యం ద్వారా వాల్మీకి పరమ పవిత్రమైన గాయిత్రి మంత్రాన్ని లోకానికి అందించాడు..ఏకాగ్రతతో ఈ గాయత్రి మంత్రాన్ని పఠించండి .. ఏకాగ్రత కుదరాలి అంటే కొన్ని నియమాలు అవసరం. ధ్యానం, యోగా పైన కొద్దిగా అవగాహన కలగాలి.. Life style ని అవసరము అయితే మార్చాలి.. అంటే చెడు అలవాట్లు నుంచి సాధ్యమైనంత వరకూ దూరంగా వుండాలి.. కాని అవన్నీ చెయ్యడం కష్టం .. రామాయణాన్ని విమర్శించడం సులువు.. 


ఇక రామాయణం లోని ఆ బ్లాగులోని వెలిబుచ్చిన సందేహాలు గురించిన చర్చ లోకి వెళితే :
1. శ్రీరాముని కి తన భార్య మీద అనంత ప్రేమ వుండ బట్టే ఏక పత్నీ వ్రతుడు అయ్యాడు.. వేరొక స్త్రీ కి ఆయన హృదయంలో స్థానం లేదు.. .. ఈ ఒక్క మాట చాలు రామునికి సీతా దేవి పై వున్న ప్రేమ.. సీతా దేవి అడుగగానే బంగారు లేడి కై పరుగెత్తాడు.. ఇప్పటి మగ వారిలాగ భార్య ఏదైనా బంగారు నగ లేదా ఏదైనా వస్తువు అడిగితే "రేపు, మాపు" అంటూ వాయిదా వెయ్యలేదు.. 

2. ఇక రెండవ విషయము భార్య పైన ఇంత ప్రేమ వున్నవాడు గర్భిణీ అని చూడకుండ ఒక అనామకుడు మాటకు విలువ ఇచ్చి అడవిలో వదిలి వేశాడు.. రాముడు నేటి పాలకుల వలె ప్రజా సంక్షేమం కాక స్వార్ధ ప్రయోజనము కై పాలిస్తున్న వాడు కాదు.. తన రాజ్యం లోని ప్రతి మనిషి యొక్క భావాలు వేగుల ద్వారా కనుక్కుని తదనుసారం ప్రజా రంజక పాలన అందించాడు.. అందుకే "రామ రాజ్యం" లాగ వుండాలనే నానుడి వచ్చింది..రామ రాజ్యంలో నివసిస్తున్న ప్రతి ఒక్కరి మాటకు అంత విలువ వుంది..  తన మీద సీతా దేవి మీద నింద వచ్చింది కనక ఆమెను పుట్టింటితో సమాన మైన వాల్మీకి ఆశ్రమంలో వదిలి వేస్తాడు..  
..మూల రామాయణంలో లక్ష్మనునితో రాముడు ఆమెను అడవిలో వదిలి రమ్మని పలికిన పలుకులు, దానికి లక్ష్మణుని అభ్యంతరాలు చదవాలి.. (మధ్యలో వచ్చిన సినిమాలు ఇతర రామాయాణాలు మనకి ప్రమాణికం కాదు).. 

ధర్మాన్ని ఆదర్శంగా తీసుకున్న వాడికి భార్య అయినా తల్లి తండ్రి అయినా చివరికి సంతానం అయినా ధర్మం ముందు దిగదుడుపే ..
కేవలం కొంత మందికే అది సాధ్యం అందుకే వారు ఆదర్శ మూర్తులు అయ్యారు.. (దేవుళ్ళే కాదు ధర్మాన్ని సత్యాన్ని గౌరవించే వారు చరిత్ర లో గొప్ప స్థానాన్ని పొందారు. )

(మిగిలినవి తరువాత ..) Duty time అయ్యింది. 
 షరా : నా మాటల వలన రాముని యెడల భక్తి భావము , రామాయాణం మీద  విశ్వాసం, గౌరవం పెంచుకుంటే మంచిది లేక పోతే లేదు కాని మీకు నమ్మకం లేక పోయినంత మాత్రాన అనేక వేలు లక్షల మంది ఇన్ని తరాలుగా కొలుస్తూ నిత్యం పూజలు చేస్తున్న వారి భావాలను అపహాస్యం చేస్తు రాయకండి..  

హిందూ మతం ఒక్కటే  కాదు ఏ  మతాన్ని ఆచరించాలన్నా, ఏ దేవుణ్ణి కొలవాలన్నా  కొన్ని నియమాలు పాటించాలి..(అసత్యం, హింస, చోరత్వము, చెడు నడత - మనలో ఇవి లేకుండుట) 

అవి పాటించలేక మత విశ్వాసాలను, గురువుల చక్కటి బోధనలను వ్యతిరేకిస్తూ ఎవరికీ వారు విచ్చల విడి జీవితాన్ని అవలంబిస్తూ  వుండడం వలననే నేడు దుర్భర పరిస్థితులు, మనం బాగుపడం ఎదుటి వాణ్ణి బాగుపడనీయం .. ఇవీ నేటి పరిస్థితులు..  

Friday, August 16, 2013

నా (ఆంధ్రా) కారుమీద భద్రాచల(తెలంగాణా) రాముడు

వరుసగా నాలుగు రోజులు సెలవులు కదా ఎక్కడికైనా లాంగ్ ట్రిప్ వేద్దామని అనుకున్నాం .. కాని ఈ బంద్ లు రాస్తా రోకో ల వలన సాహసం చెయ్యలేదు.. పైగా కారు కొత్తది, ఇంకా ఫస్ట్  సర్వీసింగ్ కూడా అవలేదు..  
అసలు వయా రాజమండ్రి (ర్యాలీ) , భద్రాచలం కారులో వెళ్దామని ఎన్నాళ్ళ బట్టో  కోరిక.. ఎప్పటికి తీరునో .. 
ఇప్పుడు సమ్మె వలన హోటళ్ళు బంద్  అయి తిండి కూడా దొరకదేమో అని ఆలోచించాము. 

"రామా ! భద్రాచల రామా!  త్వరగా ఈ సమ్మెలకు ఫుల్ స్టాప్ పెట్టి నీ దర్శన భాగ్యం కలిగించు  తండ్రీ "   అని రాముణ్ణి వేడుకుని ఈ సారికి  శ్రీకాకుళం బయలుదేరాం.. పంద్ర ఆగష్టు పుణ్యమా అని దార్లో టిఫిన్ సెంటర్లు అన్ని బంద్. . సరే ఒక చోట ఒక పుణ్యవతి ధర్మమా అని టిఫిన్ దొరికింది..(హోటలే గాని పూర్వకాలం పూట కూళ్ళమ్మ గుర్తుకు వచ్చింది)..  

శ్రీకాకుళం లో ఓ పావుగంట రోడ్డు రోకో లో చిక్కుకుని ముందుగా అరసవిల్లి సూర్యనారాయణ మూర్తిని దర్శించుకున్నాం. బంద్ ల పుణ్యమా అని గుడి ఖాళీ గా వుంది.. పైగా అలంకరణ సామగ్రి అంతా తోమడానికి తీసేసారు.. దాంతో నిజరూప దర్శనం అయ్యింది చక్కగా.. కెమెరా కారులో వుండి పోయింది.. ఇక్కడ (గుడి బయట) ఫుటోలు తియ్యలేదు.. 


అక్కడనుంచి శ్రీకూర్మం వెళ్ళాం. మన భారతదేశం లోనే కుర్మావతారం లో వున్న  వైష్ణవ ఆలయం ఇదొక్కటే (అట). ఇక్కడ కూడా చక్కగా మనకి కావలసినంత సేపు దర్శనం చేసుకుని, బయట గోపురానికి, శిల్పాలతో వున్న స్థంభాలకి  ఫుటోలు తీసుకుని ఆలయ అభివృధ్ధిని వీక్షిస్తూ బయటికి వచ్చాం.. 

 
శ్రీకూర్మం ఫుటోలు చూడండి..  
 



దార్లో మా కారు ఫొటొ చూడండి.. 
 


చూసారా .. నా (ఆంధ్రా) కారుమీద భద్రాచల(తెలంగాణా) రాముణ్ణి ఎలా బంధించానో.. కారు మీదే కాదండోయ్ మా పూజామందిరంలో ఎప్పట్నుంచో నిజరూప దర్శనంలో  కొలువై వున్నాడు.. 

జై తెలంగాణా. జై సమైక్యాంద్రా .. బాబోయ్ నాదీ రెండు కళ్ళ సిద్దాంతమే .. కాని ఇక్కడ అక్కడ చల్లగా వుండాలని కోరుకునే సిద్ధాంతం.. చిచ్చు పెట్టే సిద్ధాంతం కాదు.. 

మన వెధవాయిలు అన్ని ప్రాంతాల్లో సమానంగా అభివృధ్ధి చెయ్యడం మానేసి, అభివృధ్ధి పేరుతో హైదరాబాద్ లోనే కాదు దాదాపు అన్ని పట్టణాలలో ప్రభుత్వ  భూములన్నీ లాక్కుని ప్రైవేట్   పరం చేసేసారు..

జిల్లాలలో పేదరికం అలాగే వుంది అంతటా..  సహజంగానే తిరగబడే మనస్థత్వం తెలంగాణా లో ఎక్కువ కాబట్టి వాళ్ళు రియాక్ట్ అయ్యారు.. కాని అక్కడ వచ్చిన విప్లవం అన్ని ప్రాంతాల్లోనూ రావాలి.. సామాన్య ప్రజల్లో చిచ్చు రేపుతూ నాయకులు బాగానే వున్నారు.. 

మీకు గుర్తుందో లేదో చైనా లో 1989 లో వచ్చిన తియన్మాన్ స్క్వేర్ లో విద్యార్ధులు, ప్రభుత్వ వుద్యోగులు అప్పటి పాలనపై చేసిన ఉద్యమం ఇక్కడ మనకీ రావాలి అన్ని ప్రాంతాలలో..అప్పుడే మన భారత దేశం కూడా నాయకత్వ మార్పు వచ్చి ,ఈ వంశ పాలన రోజులు పోతాయని నా గట్టి నమ్మకం.  
ఏవంటారు ?  ఇలా మీలో మీరు గొణుక్కోవడం  కాదు .. బయటకి కక్కేయండి..



  

Saturday, August 3, 2013

మన సంస్కృతిని కాపాడుకోవడం మన బాధ్యత..

ఎవరు అవునన్నా కాదన్నా హై టెక్ సిటీ డెవలప్ అయింది చంద్ర బాబు హయాం లోనే (ఆయన నా చుట్టం, బంధువు కాదు.. నాకు తెలుగు దేశానికి ఏ సంబంధము లేదు అన్ని పార్టీలు  సమానమే) .. .. అభివృద్ధి అంటే ఇంతకు ముందు వున్న దాని కంటే వున్నతంగా వుండం.. (దాని అర్ధం అంతకు ముందు ఐ.టి కంపెనీలు లేవని కాదు..)
2. ఐ.టి రంగం అన్ని ముఖ్య పట్టణాలలో వున్నా బిల్ గేట్ ని హైదరాబాద్ కి తీసుకుని వచ్చిన ఘనత మనదే.. (కొన్ని వాత్సవాలు మనం ఒప్పుకుని తీరాలి)..
ఒక తెలుగు వాడు స్థాపించిన కంపెనీ అమెరికా లో వున్నత వాణిజ్య పధంలో ఒక్కటిగా నిలిచింది.. ఎంత గర్వ పడాలి మనం..
3. గడచిన పది ఏళ్ళలోనే హైదరాబాద్ గణనీయంగా అభివృద్ధి చేందింది.. ఆ డబ్బు అన్ని జిల్లాల వారి పన్నుల రూపంలో కట్టినవి.. హైదరాబద్ లో వున్నన్ని ఫ్లై ఓవర్ బ్రిడ్జిలు వేరే ఎక్కడన్నా వున్నవా.. మెట్రో రైల్ సిస్టం వుందా.. ఇవన్నీ ఆంధ్ర ప్రదేశ్  ఏర్పడక ముందు వున్నవా..
4. తిట్ల భాషను వాడడం తెలంగాణా సంస్కృతి కాదు అని అన్నాను... మా సంస్కృతి అదే .. కాదనడానికి మీరెవరు? అని అంటే నేను ఏమీ చెప్పలేను..
5. ఇరానీ చాయ్ తాగొద్దని, బతుకమ్మ ఆడటానికి వీలులేదని ఏ అంధ్రా వాడు అయినా అన్నాడా? అలా జి.వో పాస్ అయ్యిందా? మీతో బాటు మేమూ ఇవన్నీ అనుభవిస్తున్నాం ..హోలీ ఆడుతున్నాం.. పానీ పూరీలు, జొన్నరొట్లు ఇప్పుడు ప్రతీ తెలుగు వాడు తింటున్నాడు అన్ని ప్రాం
తాలలోనూ.. హైదరాబాద్ దం బిర్యానీ, ఇరానీ చాయ్  అన్ని ప్రాంతాలలోనూ అమ్ముతున్నారు.. ఇక మీకు మితండ వాదన తప్ప ఏవీ లేదు.. అడ్డగోలు కె.సీ.ఆర్ మాటలు పట్టుకుని వేలాడకండి.. 

అమెరికాలో వున్నా తెలుగు వాడు తన సంస్కృతిని కాపాడుకుంటు వుంటే ఇక్కడ మిమ్మల్ని అవన్నీ చెయ్యొద్దని ఎవరు అన్నారు.. మన సంస్కృతిని కాపాడుకోవడం మన బాధ్యత..
6. నాలుగు వందల ఏళ్ళ పరాయి పాలనలో భారత దేశం మగ్గి
నా, మన సంస్కృతి మూలాలు ఎక్కడా చెడిపోకుండా కాపాడుకుంటూ వస్తున్నాం.. మన పండగలు ఎక్కడికీ పోలేదు.. సంప్రదాయాలు ఎక్కడికీ పోలేదు.. 

7. ఏదైనా పండగ వస్తే హైదరాబాద్ కర్ఫూ ఏర్పడినట్లు రోడ్లన్నీ ఖాళి
అయిపోతాయి.. తెలంగాణా కోడలైన ఆంధ్రా ఆడపిల్ల, తన మొగుడితో, పిల్లలతో పుట్టింటికి వెళి పోతే (vice verse)  హైదరాబాద్ ఖాలీ అయిపోతుంది.. ఇప్పుడు ఈ విభజన పేరుతో ఎన్ని కుటుంబాల్లో చిచ్చు రేపి ఎంతమంది మొగుడూ పెళ్ళాలని విడగొడతారు.. ? 
8. పంచవేణీ సంగమం (అన్ని భాషల సమాహరం కాస్మోపాలిటన్ సంస్కృతి నుండి ఒక్క తెలుగు వారిని  మినహాయించద్దని మనవి).. 

Friday, August 2, 2013

చైనా విప్లవ పంధాలో పయనిస్తారేమో

1. రాజకీయ డ్రామాలో పావులుగా మారాము మనము.. అంధ్ర ప్రదేశ్  అంతటా  అన్ని సీట్లు రావడానికి ఈ విభజన నాటకానికి కాంగిరేసు తెరతీసింది.. 

2. నాది రెండు కళ్ళ సిద్దాంతం అని బాబు ఎప్పుడో చెప్పి అక్కడా ఇక్కడా తమ్ముళ్ళ  చేత హై  డ్రామా నడిపిస్తున్నాడు... 

3. కాంగిరేసు ని తిట్టిన తిట్టు తిట్టకుండా తిట్టిన కరాచ ఇప్పుడు కాంగిరేసు లోకి దూరేలా ఒప్పందం చేసుకుని ఈ డ్రామాకి కొత్త రంగు పూసాడు.. 

4. ఏమీ తెలియని అమాయకులు లాగ సీమాంధ్ర నాయకులు కొత్తగా పాత రాజీనామాల డ్రామా ని మొదలు పెట్టారు.. 

5. ముఖ్య నాయకుడు జైలులో వున్నా వై. ఎస్స్. ఆర్. పి. గోడ మీద పిల్లిలాగా వ్యవహరించి ఆచి తూచి అడుగులు వేస్తోంది.. కోట్ల కొద్దీ డబ్బు వుంది.. అది అరిగేదాకా ఇలా అరుస్తూనే వుంటారు.. 

6. గోతి కాడ గుంట నక్క ల లాగ బి.జే.పీ వాళ్ళు కాచుకుని వున్నారు..కాంగిరేసు  ఫేల్యూర్ అయినా మార్కులు కొట్టినా అది తమకు అనుకూలంగా మార్చుకోవడానికి వ్యూహాలు పన్నుతున్నారు. 


అసలైనా డ్రామా ఇంకా ముందు వుంది.. ఎన్నికలు వచ్చేక చూడండి..  తెలంగాణా, సీమాంధ్ర  ప్రజలు నాయకుల మాటలు నమ్మి మోసపోతున్న వైనం నమ్మే రోజులు దగ్గర పడ్డాయి.. ఇరు ప్రాంతాల ప్రజలు సంయమనం పాటించి అసలు ఎన్నికలనే బహిష్కరించేలా ఒక విధమైన చైనా విప్లవ (విద్యార్ధులు, ఉద్యోగులు, కార్మికులు చేసిన ఉద్యమం) పంథా లో పయనిస్తారేమో నని నాకు అనిపిస్తోంది .. 

Sunday, July 28, 2013

"మూర్ఖుడా.. మీ సాగర్ లో అన్ని రాజకీయ పార్టీల (వి) నాయకులు లేరురా.. ...

కొంత మంది పల్లెటూళ్ళ నుండి వస్తున్న ఉద్యోగస్తుల మాటల ద్వారా తెలిసింది ఏవిటయ్యా అంటే ఒక్కొక్క ఓటుకు 2,500 చొప్పున ఒక ఇంట్లో ఇద్దరు వుంటే 5 వేలు ఇచ్చారట.. గుంపుగా ఒకే చోట వున్న కొంతమందికి కలిపి వుంటే  ఒక లక్ష రూపాయలట.. దేనికా నిన్న జరిగిన పంచాయితీ ఎన్నికల్లో...
 ఓ ఈపాటి దానికి ఎవడికి వాడు వాడి సొంత దృశ్య శ్రవణ యంత్రాల్లో మా పార్టీకి ఇన్నివేల మెజార్టీ .. కాదు మా పార్టీ కే ప్రజలు బ్రహ్మ రధం పడుతున్నారు అని పొద్దుటి నుంచి అర్ధరాత్రి దాకా గొంతులు చించుకుని అరుస్తున్నారు..

అందుకే...... 
1. పాకిస్తాన్ లాగ మనకీ మిలిటరీ పాలనో, రాష్ట్ర పతి పాలనో  వస్తే బావుంటుంది. లేదా.
2. చైనా జపాన్ వాడో .. కనీసం బ్రిటీష్ వాడైనా ఆక్రమించేసి దేశాన్ని అభివృధ్ధి పరచాలి.. 
3. సునామీయో ... భూకంపమో వచ్చేసి కుళ్ళు కంపు కొడుతున్న రాజకీయ వ్యవస్థ తో బాటు అవినీతిమయమైన ప్రదేశాల్ని కుప్ప కూల్చేయాలి.. మిగిలిన వారు కొన్నాళ్ళ పాటైనా అవినీతి జోలికి వెళ్ళకుండావుంటారు.. (అని ఎక్కడో చిన్న ఆశ). 
4. కొంత మంది (నేను కాదు) సమ సమాజ నిర్మాణానికి  తుపాకి రాజ్యం రావాలి అంటారు .. వాళ్ళకోసం అలాగ కూడ జరగొచ్చు.. 

ఇంకా... 
"నోర్ముయ్.. ఆపు  నీ చెత్త వాగుడు".. 
"నువ్వెవరు? ఎక్కడ నుంచి మాట్లాడుతున్నవు?"
"నీ అంతరాత్మను .. ఏం.. సినిమాల్లో చూడట్లేదా"..  
"అక్కడ  మనిషి లోంచి మరో మనిషి తెల్ల బట్టల లోనో నల్ల బట్టల లోనో వస్తాడు.. మంచి చెప్పే వాడు తెల్లగా వుంటాడు.. చెడు చెప్పేవాడు నల్లగా వుంటాడు.... ఇంతకీ నువ్వు ఏ టైపు ?".. 
"మూర్ఖుడా .. అంతరాత్మ ఒక్కటే వుంటుందిరా.. చెడ్డ అంతరాత్మ మంచి అంతరాత్మ అని రెండు వుండవు.. "
"మరి నేను చూసిన సినిమాల్లో ఒకే సారి రెండు అంతరాత్మ లు ఒకేసారి చెరో వైపు వచ్చి హీరోనో హీరోయిన్నో కన్ఫుజన్ చేస్తూ వుంటాయి".. 
"ఈ ప్రశ్న మీ సిన్మాలు తీసే దర్శకుల్ని అడుగు.. ప్రస్తుతం నాకు అట్టే టైమ్ లేదు.. చెప్పేది విను.. హాయిగా కాలు మీద కాలు వేసుకుని టిక్కు టిక్కు అని రిమోట్ నొక్కుకొని నీకు (నాకు) ఇష్టమైన చానల్స్ చూడక ఈ బ్లాకు గోల ఏవిట్రా.. ఎవరో ఏదో రాస్తారు.. చదివి ఆ సైటు పీక నొక్కక... నీ కామెంట్ ఒహటి గెలుకుతావు.. మరల దానికి జవాబు ఏమి రాసారో అని ఆ బ్లాగులన్నీ చదువుతావు.. ఇవన్నీ కాక నువ్వేదో దేశాన్ని వుద్దరిస్తున్నట్లు ... అవినీతి రహిత సమాజంకోసం నీ పుచ్చు  సలహాలు...బోడి అవిడియాలు .  

"ఒరేయ్ మూర్ఖుడా.. ఈ స్వతంత్ర భారతదేశం లో ఎన్నికల టైము లో మందు, బిర్యాని, డబ్బు, చీరలు, టి.వీ లు ఆఖరుకి కిరికెట్టు కిట్టులు అన్నీవాళ్లకి  ఉచితంగా వస్తూ వుంటే నీకెందుకురా కడుపు మంట.. 
అన్నీ ఉచితంగా ఇస్తామని హామీలు ఇస్తూ.. పదవిలోకి వచ్చిన వాడు పెద్ద పెద్ద భవనాలు, పడవల్లాంటి కార్లు, పెళ్ళాం తో బాటు వుంచుకున్న దానికి ఒంటినిండ నగలు ఇయన్నీ సంపాదించుకూంటూ వుంటే నీకెందుకురా కుళ్ళు.. 
రాజకీయ పలుకుబడితో వాళ్ళు మర్డర్లు చేసుకుంటారు, కబ్జాలు చేసుకుంటారు.. సెటిల్ మెంటులు చేసుకుని ఏదో పదవిలో వున్నంతకాలమన్నా నాలుగు రాళ్ళు వెనకేసుకుంటారు.. నీకేంటి బాధ.. 
అదేదో సినిమాలో పరాయి నటుడు అన్నట్టు.. "తిన్నామా, పడుకున్నామా.. తెల్లారిందా" . అన్నట్టు వుండాలి.. 

ఇంత చెప్పినా  నీకు జ్ఞానోదయం అవలేదా.. తిన్నగా మీ వూరు రైల్వే స్టేషన్ కి వెళ్ళు .. హైదరాబాద్ కి టికెట్టు కొనుక్కుని  రైలు ఎక్కు.. అక్కడనుంచి హుస్సేన్ సాగర్ కి వెళ్ళు.. బుద్దుడి విగ్రహం కనిపిస్తుంది.. ఆ గట్టు మీదకి చేరుకుని ఓ  దండం పెట్టి  నీళ్ళలో దూకెయ్.. "
- మా విశాఖపట్నం లో సాగర్ లేదా  ఏవిటి...ఆ సాగర్ కి వెళ్ళమంటున్నావ్  .. 
"మూర్ఖుడా..   మీ సాగర్ లో అన్ని రాజకీయ పార్టీల (వి) నాయకులు లేరురా.. ... 
అన్నట్టు ఒరే దూకే ముందు 
"జై తెలంగాణ" అని రెండు సార్లు, "జై సమైక్య ఆంధ్రా" అని రెండు సార్లు, "జై రాయల తెలంగాణా" అని రెండు సార్లు అరిచి మరీ దూకు.. 
చచ్చిన తరువాత అయినా బోల్డు పబ్లిసిటీ, సింపతీ పెరుగుతుంది నీ మీద .. 
ఈడు మావోడు అటే కాదు మావోడు అని ఓ రెండ్రోజులు కొట్టుకు చస్తారు ఈ దృశ్య శ్రవణ యంత్రాల సాక్షిగా.. 
ఏటి ఇలా చెయ్యడం తప్పనా  నీ అనుమానం .. ఇదే మాట డిల్లీ లో వున్న పెద్దలని అడుగు..సన్నాసీ.. ఈ మంత్రం తోనే 2014 లో రాహుల్  ప్రధానిగా ప్రమాణ స్వీకారం చేస్తున్న  సీను కళ్ళకి ఎదురుగా కనిపిస్తుంటే ఇంకా అనుమానం ఏట్రా నువ్వు దూకుతావా .. తోసీ మంటావా.."