Monday, December 29, 2014

మీ కంటే బంధువులు, ఆప్తులూ ఎవరూ లేరు.. కాబట్టీ..

నూతన సంవత్సర శుభాకాంక్షలు 2 రోజులు ముందుగానే అందుకోండి.. 
మా సిబ్బంది, అధికార్లు, బంధువుల కోసం తయారు చేసాను... 
మీ కంటే బంధువులు, ఆప్తులూ  ఎవరూ  లేరు.. కాబట్టీ..ముందుగా మీకు...అందుకోండి మీరు... 


 

"కొత్తా దేముడండీ..శిశువా..కొత్తా దేముడండీ.

రాష్ట్ర విభజన చేసిన పాపానికో..స్కాముల పుణ్యమా అనో..(కొంత మోడీ ప్రభంజనం).. కాంగిరెస్సు అడ్రస్సు లేకుండా పోయింది..ఇటు తెలుగు రాష్ట్రాల్లో.. అటు దేశంలో..

"కొత్తా దేముడండీ..శిశువా..కొత్తా దేముడండీ. " అంటూ ఓ సినిమాలో నూతనప్రసాద్ పాడుతూ..ఎగతాళి చేసినట్టుగనే.. ఈ కొత్త దేవుళ్ళు వచ్చి ఏమీ ఒరగబెట్టినట్లు లేదని ఇప్పుడిప్పుడే ప్రజలు అర్థం చేసుకుంటున్నారు..

ఠాట్ మే పుట్టి ఇంకా నెలలు నిండలేదు..అప్పుడే ఇంత ఎక్స్పక్టేషన్లా...ఇలా అయితే ఎలా?? గెడ్డం వున్న ఇద్దరు బాబులు..గెడ్డం లెని పొడుగు ముక్కాయన.. ధీర్గాలు తీస్తున్నారు..

ఇంగో పక్క సింగపూర్ చేస్తాం.. జపాన్ లాగ చేస్తాం..అంటూ పిట్ట దొర కబుర్లు చెబుతున్నారు.. ఎక్కడి సమస్యలు అక్కడనే వున్నాయి...

బాబూ గెడ్డపాయనా..కాస్త రాజమండ్రి రైల్ కం రోడ్డు బ్రిడ్జి వంక చూడవయ్యా... గోతులు పడ్డ రహదారుల వంక చూడండయ్యా...



బాబూ గద్ద ముక్కాయనా... కాస్త భద్రాచలం బ్రిడ్జి వంక చూడవయ్యా..అయిదరబాదీ నల్లాల వంక చూడవయ్యా..
 
ఎప్పుడో ఇరవై ..ముప్పై సంవత్సరాల కితం ఎట్లున్నయో మన రోడ్లన్నీ ..డ్రైనేజీలన్నీ దాదాపు అలాగే వున్నాయి... ఎంతో మంది ప్రాణాలు గాల్లో కలిసిపోతున్నాయి.. ముందు వీటి పరిస్థితి చూడండి...
ఆనక సింగపూరే చెస్తారో.. జపానే చేస్తారో మీ ఇష్టం...

ఢిల్లీలో పెద్ద గెడ్డపాయన.. ప్రధాన మంత్రి అవడమే జీవిత ఆశయంగా పెట్టుకుని తీరా ఆ గద్దె ఎక్కింతరవాత.. ఇక పాలన తన మిత్రులకి అప్పచెప్పి ఇంచెక్కా రోజుకో దేశం తిరుగుతున్నాడు.. ఈ దేశంలో ప్రధానమంత్రి కంటే పెద్ద పోస్ట్ ఇక లేదుగా మరి... ఏవంటారు భయ్యా...    

Sunday, December 28, 2014

సుధీర్గ ప్రయాణం కారులో ...మంచుకురిసే వేళలో..

మొన్న December 25 తేదీన ఉదయం 5 గం.లకు విశాఖపట్నం లో బయలు దేరి మధ్య మధ్యలో ఆగుతూ సాయంత్రం 4.30 గం.లకు భద్రాచలం చేరితిమి.. 
26 వ తేదీన రాముల వారి దర్శన అనంతరం మణుగూరు వెళ్ళి తిరిగి రాత్రి భద్రాచలంలో విశ్రాంతి తీసుకుని... 27 వ తేదీన ఉదయం 7.30 గం.లకు బయలు దేరి మధ్య మధ్యలో భోజన విశ్రాంతి సమయాలు తీసుకుంటూ 6.30 గం.ల్కు విశాఖ చేరుకుంటిమి.. 
మొత్తం రాను పోను 900 కి.మీ ...సింగిల్ డ్రైవింగ్.. ఈ వయసుకు సాహస యాత్ర అని నేను అనుకుంటున్నాను..
కొన్ని ఫుటోలు ఇక్కడ పెడుతున్నాను.. వీక్షించండి...

-------- --------
 1. కుక్కునూర్ గ్రామం..అశ్వారావుపేట నుండి భద్రాచలం వెళ్ళే దారిలో..

 2. భద్రాచలం గుడి ముందు...నా కారుతో..

3. తిరుగు ప్రయాణం లో ఉదయం 8.30 గంటలకు.. కుక్కునూరు గ్రామం వద్ద... మంచుకురిసే వేళలో..  


5. కొవ్వూరు దగ్గర మన గోదారండె.. ఆయ్..   

Monday, December 22, 2014

మతం పేరుతో మోసం చేసేవాడు.. ఏ మతస్థుడైనా వాడికి శిక్షపడాలి..

ఈ మధ్య మతమార్పిడుల నిరోధక చట్టాన్ని గురించి పెద్ద చర్చే జరుగుతోంది.. 
(Note:నా వ్యాఖ్యలలో ఏవైనా సహేతుకమైన తప్పులు వుంటే చెప్పండి మారుస్తాను.. ఎవరినీ కించపరచడానికి కాని బాధపెట్టడానికి కాదు.. కొన్ని నా అనుభవాలు రాసాను. అంతే .. నాకు అన్ని మతస్థుల వారు మంచి స్నేహితులు వున్నారు). 
సెంట్రల్ లో బి.జె.పీ అధికారం లోకి వచ్చింది కాబట్టి.. హిందూ మత భావావేశాలు కలిగిన  ఆరెస్సెస్ ప్రభావం కలిగిన నాయకులు ఎక్కువగా వున్నారు కాబట్టి ఇన్నాళ్ళు దేశములో జరిగిన..జరుగుతున్న మత మార్పిడులను అడ్డుకట్ట వేయడానికి నడుము కట్టడం హర్షనీయమే.. .

చరిత్ర తవ్వుకుని అప్పుడు మీరు మాకు అన్యాయం చేసారు కాబట్టి ఇప్పుడు మీకు బతకడానికి హక్కు లేదు అన్నట్టుగా అగ్రవర్ణాల మీద సామాజిక, ఆర్ధిక, మానసిక దాడులు ఏ విధంగా ఇన్నాళ్ళూ జరిగాయో.. అదేవిధంగా హిందూ వాదులు ఇతర మతస్థులపై నిందలను మోపుతూ గత చరిత్రను తవ్వి తోడుతూ భారత దేశం అంటే కేవలం హిందూ దేశమే అన్నట్లుగా ప్రచారం చెస్తున్నారు.. 
నిజానికి అది నిజమే అయినప్పిటికీ కొంతమంది వ్యతిరేకిస్తున్నారు..
1. ధ్వంసం అయిన హిందూ దేవాలయాలను చూస్తే ఏ హిందువుకైనా గుండె తరుక్కుపోతుంది.. ముక్కులు తెగిపోయి..చేతులు విరిగిపోయిన దేవతా మూర్తులని చూసిన హిందువులు బరువెక్కిన హృదయాలతో కుమిలిపోతారు..
2. ఎప్పటికైనా ప్రపంచం అంతా మా మతస్థులతోనే నిండి పోవాలి అని దురాశయంతో ఇతర మతస్థుల వాళ్ళు యుద్దాలు చేస్తూ.. మారణహోమాల్ని సృష్టిస్తూ..అమాయకులను బలితీసుకుంటూ వుంటే మానవత్వం వున్నవాళ్ళు రోదిస్తున్నారు..
నా అనుభవాలు:
1. ఒకసారి ఢిల్లీ వెళ్ళి ఎంతో ప్రయాసబడి శ్రీకృష్ణుని జన్మ స్థానమైన మధురా కి వెళ్ళాం.. ఆహా ఎంతో పవిత్రమైన స్థలానికొచామే అనుకుంటూ గుడి లోపల క్యూలైన్లో వుండగా.. హఠాత్తుగా ఒకామె.."హె..కృష్ణ నహీ.. అల్లా హై." అంటూ బిగ్గరగా అరుస్టూ విపరీతంగా ఏవో చేష్టలు చేస్తూ వుంటే భయపడిపోయాం.. ఏం గొడవ జరుగుతుందో అని బిక్కచచ్చిపోయాం.. వూరుకాని వూరు భాషకాని భాష... ఏదైనా జరిగితే???  ఇంతలో పోలీసులు వచ్చి ఆమెను పక్కకి లాగారు.. కాని అక్కడ వున్నంత సేపూ ఏదో అభధ్రతా భావం వెన్నాడుతూనే వుంది..చుట్టు గట్టి బందోబస్తు మధ్య ఏదోలా దర్శనం అయిందనిపించుకుని బయట పడ్డాం.. 
2. ఒకసారి తిరుపతి క్యూలైన్లో వున్నాం.. ఒకడు టీలు అమ్ముతున్నాడు.. నోట్లో కైనీ వుంది.. మందు కొట్టేసి వున్నాడు.. "మీరు ఎందుకు ఇంత కష్టపడి.. బాధలు పడి ఈ దేవుణ్ణి చూడటానికి వస్తారు?? మా ప్రభువుని పూజించండి.. ప్రార్థించండి..మీకు ఏ బాధలు వుండవు అంటున్నాడు.. ఎవరూ ఏమీ మాట్లాడ్డం లేదు.. వాడు దాన్ని అలుసుగా తీసుకుని ఇంకా బిగ్గరగా అరుస్తున్నాడు.. అప్పుడు నేను కలుగచేసుకుని "మీ దేవుడు నీకు మందు తాగమని చెప్పాడా..పాన్ పరాగ తినమని చెప్పాడా..ఇలా ఇతరులని కించపరచమని చెప్పాడా" అని అడిగి గట్టిగా దెబ్బలాడాను.. అప్పుడు నలుగురూ కలసి వాణ్ణి బయటకు పంపి వేసారు..   
3. ఒకానొక ఆసుపత్రిలో వరండాలో ఒకామె అరుస్తోంది బిగ్గరగా.. మా మతం లో కలవండి.. మీకు ఏ జబ్బులు రావు.. ఇది మరీ చిత్రం.. వాళ్ళ మతంలోని వాళ్ళు ఎవరికీ జబ్బులు రాలేదా..మరణించలేదా.. పేదరికంలో లెరా??? ఇదేం లాజిక్కో నాకు ఇప్పటికీ అర్ధం కాదు.. శ్రీ కృష్ణుడు భగవద్గీతలో  పుట్టిన ప్రతీ వారికీ మరణం తప్పదు అని చెప్పాడు..అది నిజం.. కాని ఆ మతం లోకి వెళితే వ్యాధులు రావు..మరణం సంభవించదు..ఎలా??

షరా: పై వ్యాఖ్యలను బట్టి నేను ఏ మతానికి వ్యతిరేకిని కాదు.. నేను చదివింది మిషనరీ స్కూల్లోనే.. కాని ఆ రోజుల్లో మా ఫాదర్లు..బిషప్పులు హిందువులన్నా.. పండితులు అన్నా.. చదువుకున్న వారన్న ఎంతో గౌరవంగా చూసేవారు... ఇప్పుడు రాను రాను.. పరిస్థితులు దారుణంగా వున్నాయి.. దీనికి అడ్డుకట్ట ప్రతీ ఒక్క మతస్థులు చెయ్యాలి.. హిందూ మతాన్ని అడ్డుపెట్టుకుని కుహనా బాబాలు..స్వామీజీలు ఎంతో మంది వెలుస్తూ  ప్రజలను దోచుకుంటున్నారు.. ఇక మూఢనమ్మకాలకు బలీయ్యేవారు బోలెడు మంది.. 

వీటన్నిటికీ  చట్టం రావాలి.. మతం పేరుతో మోసం చేసేది వాడు ఏ మతస్థుడైనా వాడికి శిక్షపడాలి..    

Sunday, December 21, 2014

హుద్ హుద్ తుఫాను అనుభవాలు..

ఈ వీడియో తుఫాను వెలిసిన అనంతరం తీసినది.. 
 ఇక్కడ నొక్కండి
తుఫాను రాకముందు కైలాసపురం (సాలగ్రామపురం) పోర్టు క్వార్టర్లు నేను తీసిన  భవనం నుండి కనిపించవు.. అలాగే దూరాన కొండమీద ఇండ్లు కూడా తుఫాను రాకముందు కనిపించేవి కావు.. చెట్లు కూలిపోవడము వలన..ఇప్పుడు అవన్నీ స్పష్టంగా కనిపిస్తున్నాయి..
బోసిపోయిన హైవే రోడ్డు ను చూసి ..రోజూ తిరిగే  జంక్షన్లను చూసి నోట మాట రాక బాధతో కుమిలిపోయాం..
నిజం చెప్పాలంటే ఇండ్ల ముందు పడిన చెట్లను స్వచ్చందంగా ప్రజలే ఎవరికి వారు నరుక్కుని దారి ఏర్పరచుకున్నారు.. మంచి నీటిని ఎవరి ఏర్పాట్లు వాళ్ళే చేసుకున్నారు... 

మా ఏరియాలో చేతి పంపులతో వున్న బోర్లు మా ప్రాణాల్ని కాపాడగా.. కొండవాలు ప్రాంతాలైన కైలాసపురం మొదలు మురళీ నగర్ వరకు సహజసిద్ధంగా దొరికిన నీటిని పట్టుకున్నారు.. 
ఎపార్టుమెంట్లో వాళ్ళు జనరేటర్ల సహాయంతో (అద్దె గంటకి వెయ్యి రూపాయలు)  నీటిని (బోర్ వాటర్లను) పైకి టాంకుల మీదికి ఎక్కించుకున్నారు... 
అయితే పది అంతస్తుల వాళ్ళు వుదా: నావల్ క్వార్టర్లలో వాళ్ళు ఇబ్బంది పడ్డ మాట వాస్తవం..
చంద్ర బాబు నాయుడు గారు హుటాహుటిన రావడము వలన కరెంటు నాలుగు రోజులలో వచ్చింది.. రేషను కార్డుల మీద అందరికీ నిత్యావసర సరుకులు ఇచ్చారు..(వుచితంగా).. మిగిలిన అన్ని సౌకర్యాలు వెనువెంటనే జరిగాయి (పాల సరఫరా వగైరా).. 

కాని మిగిలిన స్థానిక ఎం.ఎల్.ఏలు గాని..అధికార్లు గాని ఇండ్ల వద్దకు వచ్చి ధైర్యం చెప్పిన పాపాన పోలేదు... 
కేవలము ప్రజల సహనము వలన, మంచితనం వలన కొట్లాటలు జరుగలెదు...ఇంతటి విపత్కర పరిస్తితుల్లో కూడా విశాఖ నగరం ప్రశాంతంగానె వుంది.. 
అయితే మన వాళ్ళకన్నా ఒరిస్సా రాష్ట్రం నుండి వచ్చిన ఎలక్ట్రికల్ సిబ్బంది చాలా చురుగ్గా   పనిచేసారు.. కారణం ఒకటి అనుభవము రెండు కుర్రాళ్ళ సంక్ష్య ఎక్కువ..    

Thursday, December 18, 2014

హుద్-హుద్ తుఫాన్ భీభత్సాన్ని కనులారా వీక్షించండి.




మిత్రులారా ...హుద్-హుద్ తుఫాన్ భీభత్సాన్ని  కనులారా వీక్షించండి.. మా ఇంటి గుమ్మం లోంచి తీసాను ఈ వీడియో.. మీ అభిప్రాయాలు తెలియచేయండి..

Link:
https://www.youtube.com/watch?v=acSr7iK0BDc&feature=youtu.be


Tuesday, December 16, 2014

అన్యమతస్థులు యోగా చెయ్యకూడదా??




భారతీయ యోగా కి అంతర్జాతీయంగా గుర్తింపు వచ్చి ఐక్యరాజ్య సమితి వారు ప్రకటన చేయడం హర్షణీయం..గర్వించతగ్గ విజయం.. 
ఈ క్రెడిట్ అంతా మన ప్రధాని శ్రీ మోడీ గారిదే అని ఘంటాపదంగా చెప్పొచ్చు.. 
ఇంకా శ్రీ రాందేవ్ బాబా లాంటి గొప్ప యోగీశ్వరులది... 
స్వాతంత్రం వచ్చిన ఇన్నేళ్ళ తర్వాత మాత్రమే ఈ గుర్తింపు రావడం కొంత బాధాకరం.. గత పాలకుల నిర్లక్షం..
యోగా పుట్టింది మన పవిత్ర భారతా వనిలో ..  మనం గుర్తించం..
 
కాని.. పరాయి దేశస్థులు చాలా మంది యోగ విద్యను అభ్యసించి చక్కటి దేహదారుఢ్యాన్ని, ఆరోగ్యాన్ని కల్గివుంటే మన భారతీయుల్లో చాలామంది దురలవాట్లకు లోనై డబ్బుని ఆరోగ్యాన్ని పాడుచేసుకుంటూ సమాజానికి కూడా చెడు చేస్తున్నారు..  
ఈరోజున ఎన్ని మర్డర్లు..ఎన్ని మానభంగాలు.. తప్ప తాగి వాహనాలు నడుపుతూ ప్రమాదాల బారిన పడుతున్నవారు.. వీటన్నిటికీ ఒకే ఒక్క కారణం.. చెడు వ్యసనాలకు లోనవడం.. ఇంకా ప్రణాళికా బద్ధమైన జీవనవిధానం లోపించడం.. 
వీటన్నిటికీ యోగా చక్కటి పరిష్కారాన్ని చూపెడుతుంది..    
మా మిత్రుడు ఒకాయన కృష్టియన్ ఒకసారి "పొట్ట పెరిగిపోతోంది.. షుగర్ లెవెల్ పెరుగుతోంది ఏం చెస్తే బావుంటుంది చెప్పండి".. అని అడిగితే అప్పటికే యోగ మార్గంలో వున్న నేను "ఒక మూడు నెలలు యోగా చెయ్యండి .. మార్పు వస్తుంది అని సూచించా".. అప్పుడు అతను యోగా అంటే కేవలం హిందూ మతానికి సంభంధించినది అని..పైగా చాలా కష్టమైన  పని అని దాటవేశాడు.. పైగా వేళాకోళం చేసాడు... 

అయితే మరు మూడు సంవత్సరముల తర్వాత.. "మీరు చెప్పింది నిజమే ..నేను నెల రోజుల నుండి యోగా క్లాసులకి వెళ్తున్నాను.. చాలా మార్పు వచ్చింది.. అసలు యోగాకి మతానికి సంభంధమే లేదు...అవేళ మిమ్మల్ని అవహేళన చేసినందుకు సారీ" అని చెప్పాడు..
ఆరోజే నేను అతనితో వాదనకు దిగితే ప్రయోజనం వుండదు.. తన అంతట తానే తెలుకుని గుర్తించాడు.. ఈ సహనం.. నిరీక్షణ.. అనుకూల ప్రతికూల పరిస్థితులలొ కూడా  ఒకేలా వుండగలగడం ఇవన్నీ యోగా, ధ్యానముల మాత్రమే సిధిస్తుంది.. 



మిత్రులారా.. యోగాలో ఆసనాలు వేరు.. ధ్యానం వేరు... ఆసనాలు, ప్రాణాయాం చేస్తూ ధ్యానం చేసుకుంటే త్వరగా మంచి ధ్యాన స్థితికి చెరవచ్చు.. 
అట్లు వీలు కానిచో చక్కగా ధ్యానం మాత్రమే చేసుకుని ఆనందాన్ని అనుభవించచ్చు.. 
ఇకనేం మొదలు పెట్టండి.. 
మీకు దగ్గరలో గల యోగా సెంటర్ కి వెళ్ళండి.. కాని సరి అయిన గురువుని ఎంచుకోండి..ఈ రోజుల్లో ఇంటర్ నెట్ ద్వారా.. పుస్తకాల ద్వారా ధ్యాన పధ్ధతులు.. ఆసన పధ్ధతులు తెలుసుకోవచ్చు.. కేవలం ఒక అరగంట కేటాయించలేరా??? శ్రీ కృష్ణుని  ద్వారా యోగమార్గాన్ని  అందచేసిన వ్యాసభగవానుడికి పాదాభివందనములు... 
 హైందవ సిధ్ధాంతాలని ప్రపంచానికి అందచేసిన ఎందరో గురువులకు అనేక నమస్కారములు..
ప్రస్తుత ప్రధానికి వేల వేల నమస్కారములు..     
 

Friday, December 12, 2014

ఇదేనా బంగారు తెలంగాణా???

 

షర్మిలకి కనిపించినది ..తె.రా.సా వాళ్ళకి కనబడలేదా?
ఒక మహానేత..జననేత..పూర్వ రాజుగారైన వై.ఎస్స్.ఆర్ ముద్దు బిడ్డ శ్రీమతి షర్మిలమ్మ గారు గత రెండు / మూడు రోజులుగా తెలంగాణాలో ఓదార్పు యాత్ర అనబడు కార్యక్రమం పేరుమీద పర్యటిస్తూ అనేక విషయాలు సెలవిస్తున్నారు..
"రైతులు అప్పులు బారిన బడి,.. కరెంటు లేక, నీళ్ళు లేక, అనేక బాధలు పడుతున్నారు.. అత్యంత దయనీయ స్థితిలో బతుకు ఈడుస్తున్నారు" అని...
మరి నేటి తెలంగాణా పాలకులకు ఇవేవీ కనబడటం లేదా... హైద్రాబాదు లో ఆకాశ హర్మ్యాలు నిర్మించి సింగపూర్, జపాన్ లాగ తయారు చేసే వారికి రైతుల కన్నీళ్ళు ఆకలి చావు కేకలు వినబడటము లేదా???
ఇదేనా బంగారు తెలంగాణా??? 


ఇలా ఈ వివాదాస్పదమైన వాఖ్యలు ఎందుకు రాసానంటే నా ముందరి టపా ఎవరూ చదివినట్టు అనిపించలేదు.. అసలు "కూడలి" లో గాని, జల్లెడ లో గాని ఎక్కడా కనబడటము లేదు.. అందువల్ల ఈ టపా చదివిన వారు ఈ విషయములో హెల్ప్ చేస్తారని ఇలా టి.వీ 9 లాగ కాస్త అతిగా వాగాను... అదీ సంగతి...

 

Thursday, December 11, 2014

హుద్-హుద్ తుఫాను - మా ఇంటిపై కూలిన వృక్షాలు..

అయ్యలారా ! అమ్మలారా !
హుద్ -హుద్ తుఫాను ఎంత భీభత్సం సృష్టించిందో మీకందరకీ తెలుసు.. అయితే ఇన్నిరోజులు తుఫాను ప్రభావము వలన ఇంట్లో నెట్ వర్క్  లేక 

ఆ దృశ్యాలను మీతో పంచుకోలేక పోయాను..   
ఇప్పుడు వీక్షించండి.. 

ఇది మా ఇల్లు.. ఇంటిపై కూలిన చెట్లు..ఇతర దృశ్యాలు..





Thursday, October 9, 2014

"పనిలేక" అనేక విషయాలు కెలికితేనే మాలాంటి...

ఒక పెద్దాయన బ్లాగులో శ్రీ ఏసుదాసు గారి ప్రస్తావన రావడము..
అభిమానుల రియాక్షన్ కి కాస్త మనస్తాపం చెంది... ఆ పెద్దాయన రిటైర్మెంట్ ప్రకటించి...

మనసు మార్చుకుని  మరల ఫీల్డ్ లోకి రావడం జరిగిపోయాయి..
దానాదీనా శ్రీ ఏసుదాసు ఎడల నా మనసుని కెలికినట్టై ఏవో నాలుగు మాటలు రాద్దామని...


నాకు "పనిలేని" సంధ్యా కాలములో రెండు సినిమాలు రిలీజ్ అయ్యాయి...

ఒకటి "శంకరాభరణం" రెండు "మేఘసందేశం"..రెండూ మ్యూజికల్ హిట్సే..

ఒకదాంట్లో శ్రీ.బాలు గారు మరొక దాంట్లో శ్రీ.ఏసుదాసు గారు హీరోలు..


నాకు తెలిసిన సంగతి ఏవిటంటే శ్రీ.విశ్వనాథ్ గారు శంకరాభరణానికి శ్రీ.ఏసుదాసు గారిచే పాడించాలనుకొని.. ఆయన అందుబాటులో లేకపోవడము వలన శ్రీ బాలు గారితో పాడించారట..

మేఘసందేశానికి శ్రీ.దాసరి గారు శ్రీ.బాలుతో పాడించాలని అనుకుని ఆయన అందుబాటులో లేకపోవడము వలన  శ్రీ ఏసుదాసు గారితో పాడించారని ....
ఇది చాలా ఆశ్చర్యకరమైనది కదా..   
ఈ కారణము వలననే ఇవి ఇంత ప్రజాదరణ పొందాయేమో.. ఎందుకంటే నటులలో కూడా వేరెవరో చేయవలసిన పాత్ర..వారితో చేయిస్తే మరింత శ్రద్ధగా  ఆ పాత్రలో లీనమై హిట్ చేస్తారన్నది గతానుభవం..ఇది హీరోయిన్లకు వర్తిస్తుంది..
మొదట విన్నవించుకున్నట్లు అది నా "పనిలేని" కాలము అగుట వలన... రోజులో సగభాగం (బహుశ) ఆ పాటలు విని ఆనందము పొందిన మధుర అనుభవము వుంది..
ఇక ప్రస్తుత విషయానికొస్తే శ్రీ ఏసుదాసు గారు కుల, మత, ప్రాంతాలకి.. భాషలకి  అతీతులు.. 

తన మతము కాకపోయినా హిందూ దేవుళ్ళ పాటలలో  భక్తి రసము 100% ఒలికించగల గాన గంధర్వులు.. ముఖ్యంగా అయ్యప్ప పాటలకు ఆయనే ప్రముఖుడు..మొదటి & చివరి గాయకుడు ఈ విషయములో.. 
ఆ అయ్యప్ప సందర్శనము కొరకై శబరిమల వెళ్ళక్కరలేదు.. ఒక్కసారి శ్రీ ఏసుదాసు గారి పాటల కేసెట్టు వింటే చాలు...
శాస్త్రీయ సంగీతాన్ని కాచి వడపోచి ఆద్యంతములను పట్టుకున్న మహానుభావుడు...
మరొక ముఖ్యవిషయం ఏవిటంటే మన మోహన్ బాబుగారి సినిమాలో ప్రేమ పాటలలో కూడా "అమ్మా" అన్న శబ్ధం ఎక్కడో ఒకచోట పలుకుతారు.. తప్పుగా కనిపించదు మనకు..ప్రియురాలిలో కూడా అమ్మను చూపెట్టిన మధురగాయకుడు..
నాకు తెలిసి ఒక దక్షిణాది గాయకుడు ఆ రోజుల్లో అనేక హిందీ పాటలను అలవోలగా పాడి సూపర్ హిట్ చేసింది ఈయన ఒక్కడే.. రియల్లీ గ్రేట్.. 
ముఖ్యంగా "చిత్ చోర్" అనే హిందీ సినిమాలోని "గొరి తెర గావొ బడా ప్యారా" అన్న పాట వుంది చూసారూ... ఆల్ టైం రికార్డు కదండి.. జనం పిచ్చెక్కి పోయారు.. పోతారు ఇప్పటికీ.. (ఎప్పటి పాత అండీ అది)..
ఇలా ఎన్ని పేజీలైనా రాయొచ్చు.. ఆ మహానుభావుని గురించి..
నా సినిమా.. నా ఇష్టం.. అన్న చందాన. .నా బ్లాగు నా ఇష్టం అని ఎవరి భావ ప్రటనా స్వేచ్చ వారికుంటుంది.. కాదనలేము.. 

కాని ఒక పెద్దాయన నేటి సమాజములో పోకడలను గూర్చి బాధ్యతాయుతమైన  ప్రకటన చేసినప్పుడు మనము సహెతుకంగా స్పందిస్తే బావుంటుంది.. 
ఇతరులను అవహేళన చేసినట్టే వారిని చేస్తే అభిమానులు బాధపడతారు.. ఒకింత ఘాటుగా స్పందిస్తారు..

ఏది ఏమైనప్పటికి సత్యాగ్రహం విరమించిన శ్రీ రమణ గారిని హృదయపూర్వకంగా అహ్వానిస్తూ.. మీలాంటి వారు "పనిలేక" అనేక విషయాలు కెలికితేనే మాలాంటి అనేక మందికి పని కల్పించిన వారు అయి.. మా మానసిక ఆందోళనలను తగ్గించిన వారయి.. మాకు చికిత్సను అందిస్తున్నారు కాబట్టి.. ఫీజు ను మా కామెంట్ల రూపంలో స్వీకరించవలసిందిగా కోరుతూ..   

 
 

Monday, October 6, 2014

చెత్త మీద..స్వచ్ఛ భారత్ మీద పేరడీలు..

కేవలము వినోదానికి (ఎవర్నీ నొప్పించడానికి కాదు).. 

1. చెత్తో రక్షతి రక్షిత: = చెత్తని నువ్వు రక్షించు అది నిన్ను రక్షిస్తుంది..
2. ఇందు కలదు.. అందు లేదని సందేహము వలదు.. చెత్త..ఎందెందు వెదకి చూసిన అందందే కలదు... భారతిలో కంటే....
3. అంతా చెత్త మయం.. ఈ ఇండియా అంతా చెత్త మయం..
4. గుమ్మడి కాయ అంత నాయకుడు చీపురు కట్టకు లోకువయ్యాడు..


5. ఒక కేంద్ర మంత్రి గారి స్వగతం (హరిశ్చంద్రుని ధోరణిలో)..: అధికార పీఠం మీద మీసమ్ము మెలేసి కూర్చొన వుత్సాహ పడుతున్న నాకు మా అధినాయకుడు పిలచి "ఓరీ..మంత్రి పుంగవా.. కాదు.. కాదు.. జన సేవకుడా! నీ నెత్తి మీద ఈ చెత్త బుట్ట పెట్టుకుని చేతిలో చీపురు పట్టి రాతిరంతయూ రోడ్లను వూడ్చి.. తెల్లారేసరికి బుట్టల నిండా చెత్తను నింపుకుని రమ్ము... అని నాకు వుపదేశించినాడు.. విధి ఎంత విచిత్రమైనదో కదా..     


6. పోకిరీలో షిండే : మీకు లేదా సోషల్ రెస్పాన్సిబిలిటీ.. ఎక్కడ బడితే అక్కడ చెత్త పడేస్తారు.. మున్సిపాలిటీ వారు సరిగ్గా పనిచేయట్లేదని పెద్ద పెద్ద హెడ్డింగులు రాస్తారు.. 

"మురికి కంపు కొడుతున్న కాలనీ.. నిద్ర పోతున్న అధికారుల్లు"...
"నగరంలో కలరా..కమీషనర్ పట్టించుకోడా?? 
మీరు రోడ్డు పక్కన మూత్రం పోస్తారు.. నగరం శుభ్రంగా లేదని మీరే రాస్తారు.. 

ఏం.. శుభ్రపరచేది మునిసిపాలిటీ వాళ్ళేనా.. మీకు లేదా సోషల్ రెస్పాన్సిబిలిటీ... 
తిన్నామా. పడుకున్నామా.. తెల్లారిందా...

7. ఇంట్లో గబ్బిలాల కంపు.. వీధిలో స్వచ్ఛ భారత్ వూరేగింపు..


8. నదులన్నీ సముద్రములో కలసినట్టు.. అన్నిరకాల చెత్తలు కలిసేది మురికి కాలువలోనె..


9. అతడులో తనికెళ్ళ:
చెత్తని కాల్చేసే వాణ్ణి చూసేను.. పూడ్చేసే వాణ్ణి చూసేను.. వీడేంట్రా వెరైటీగా.. ఎదో మొక్కకి అంటుకట్టినట్టు జాగ్రత్తగా మూటకట్టి మరీ డస్ట్ బిన్ లో వేస్తున్నాడు..  ఆడు మగాడ్రా బుజ్జీ..

10. ఈగల నాయకుడు రాజమోళీతో : "అన్నా!! ఈ నాయకులు మాకు ఇళ్ళు లేకుండా చేస్తారంట..పగ తీర్చుకోడానికి వుపాయం చెప్పన్నా"..  


11.ఏ నగరాన్ని చూసినా ఏమున్నది గర్వకారణము.. గతుకుల రోడ్లు..మురికి కాలువలు..కుళ్ళిన చెత్తకుండీలు..కంపు కొట్టే మరుగుదొడ్లు.. 

12.ఠాగూర్ లో చిరంజీవి: "పరిసరాలు పరిశుభ్రంగా వుంచండి.. స్వచ్ఛ భారత్ రూపొందించండి" ఈ నినాదాన్ని నువ్వు ఒక వందమందికి అందించు.. వాళ్ళు మరో వందమదికి అందించాలని చెప్పు..

  

Saturday, October 4, 2014

మీ మొఖాలు మండా.. ఎదగండిరా.. అప్ డేట్ అవ్వండిరా... (ఎవరు??? డైరెక్టర్లా??.. .. ప్రేక్షకులా???)

"ఒరేయ్ నారిగా.. ఇది "ఢీ" సినిమాయే గదరా.. మరి మంచు బాబు బదులు ఎవడో హీరో వున్నాడేంటిరా..""వార్ని..ఇది "ఢీ" సినిమా కథే రా.. కాకపోతే హీరో మారాడు.. మిగిలిన పాత్రలు మారాయి...బెమ్మి గాడు తప్ప...
నిజానికి ఈ కథ ఫార్ములాతో ఇది తెలుగులో వందో సినిమా..
"ఎహె.. చానల్ మార్చెహె".. 
(ఐదు నిముషాల తర్వాత)
"ఓరోరె..ఇది వర్మ గాడి "మర్రి చెట్టో.. తాటిచెట్టో" కదా..
"కాదురా బాబు .. నీతో చచ్చి పోతున్నాను.. దెయ్యాల సినిమా అనగానే వర్మ తప్ప ఇంకెవరూ చెయ్యరా"...
-ఈ మధ్య "ప్రేమ కథా చిత్రం" అనే దెయ్యం కథ హిట్ అయ్యేసరికి వరుసగా బోల్డు దెయ్యం సిన్మాలు వచ్చాయి.. ఎర్రిమొగమా"..
"ప్రశాంతంగా ప్రేమించుకోక మద్దెలో ఈ దెయ్యాల గొడవేట్రా బాబు.. మనం ముందుకి వెళ్తున్నామా ... వెయ్యేళ్ళు వెనక్కి వెళ్తున్నామా.. "ఓ పక్క కంప్యూటర్లు..ఫేస్ బుక్కులు..స్మార్ట్ ఫోనులూ అంటూ యువత ముందుకి  వెళ్తుంటే ఈ దెయ్యాల గోల ఏవిట్రా..
"నీకు తెలవదా.. సోషల్ నెట్ వర్కుల్లో దెయ్యాల వీడియోలే ఎక్కువ"..పిడత మొహంగా..



 
"సర్లె .. చానల్ మార్చు...
(ఐదు నిముషాల తర్వాత)
"ఇది మెగా తనయుడు చరణ్ చేసిన మగధీరా లాగుంది..ఇది "మగధీరా -టూ" యా కొంపదీసి.. 

"ఒరే నాయనా. ఈ తెలుగు లోకంలో డజను మగధీరాలు.. అరడజను అరుంధతిలు... ఇరవై చంద్రముఖిలు వున్నారు... నీకైమేనా అభ్యంతరమా...మూసుకుని కూర్చో"...
"ఒరే తీసేవోళ్ళకి సిగ్గులేకపోతే .. చూసేవోళ్ళకైనా సిగ్గుండాలి కదా."..
నాయనా ఇలా కాదు గాని... ధియేటర్లో కెళ్ళి కొత్త బొమ్మ చూద్దాం రారా..
(ఇద్దరూ వెళ్ళేరు)
- ఐదు నిముషాల తర్వాత...
"అరె సీతారామయ్య గారి మనవడు"...
మరో ఐదు నిముషాల తర్వాత..
"అబ్బో అత్తారింటికి దారేది..."
మరో ఐదు నిముషాల తర్వాత...
ఒరే నారిగా... శుభలగ్నం ..మురారి... ఇంకా చాలా బొమ్మలు.. కనిపిస్తున్నయిరా.. భలె.. భలె.. ఒక్క టికట్టుమీద పది సినిమాలు.. బెమ్మాండం...
ఇంటర్వెల్ జరిగి పదినిముషాల తరవాత.. నారిగాడు ఎక్కడా కనబడలేదు.. వీరి గాడు గాభరా పడ్డాడు...ఆ చీకట్లో చుట్టూ చూసాడు.. "ఒరే నారిగా.. ఏడున్నావురా...బావూ మీకు మా నారిగాడెక్కడైనా అవుపించాడా బావూ.. ఆడసలే అమాయకుడు.. పాలకి నీళ్ళకి తేడా తెలియనోడు.." అంటూ నాటక ఫక్కీలో హాలంతా కలియతిరిగాడు.. మధ్యలో కాళ్ళకి అడ్డంగా ఎవరిదో కాలు తగిలింది..
ఎవడో ఒక పెద్దాయనా కిందపడి గిల గిలా కొట్టుకుంటున్నాడు.. అతనొక్కడే కాదు హాలులో సగం మంది అదే పరిస్థితి.. 

వాళ్ళలో నారిగాడు ఎక్కడున్నాడో ఎతుకుతున్నాడు వీరిగాడు...
మీకు ఎక్కడన్నా కనిపిస్తే చెప్పండి...మళ్ళీ జన్మలో తెలుగు సినిమా చూడడేమోనని భయం..  

P.S: 
ఏ తెలుగు సినిమా చూసినా ఏమున్నది గర్వకారణం.. 
నాలుగు పంచులు..బట్టల్లేని హీరోయిన్లు.. 
కండలున్నా బుర్రలేని విలన్లు.. 
సర్కెస్సు బఫూన్ల కన్నా నీచమైన కామెడీ సీన్లు..
కథకి సంబంధము లేకుండా మధ్యలో పాటలు..
సినిమా స్టార్ట్ అయిన ఐదు నిముషాలకి..హీరో ఎంట్రీ సాంగు..
తర్వాత ఇద్దరు హీరోయిన్లతో చెరొక రెండు సాంగ్సు.. 
కామెడీ నటుడ్ని ఏడిపిస్తూ.. కొడుతూ ఒక సాంగు.. 
చివర్లో ఒక సానుభూతి (ఎమోషనల్)సాంగు.. 
హీరో అసలు స్వరూపం మిగిలిన పాత్రలకు తెలిసిపోయేక విలన్లని చేజ్ చేసి చివరాకర్న పెద్ద డెన్ ఫైటు..
ఇంతేనా...  ఇంకేమైనా కావాలా... 

మీ మొఖాలు మండా.. ఎదగండిరా.. అప్ డేట్ అవ్వండిరా... 
(ఎవరు??? డైరెక్టర్లా??..  .. ప్రేక్షకులా???         




Thursday, October 2, 2014

వీర బ్లాగర్ మైత్రీ.. "చెత్తే" కదా అని పక్కకి తోస్తే..పీక కోస్తా..

అయ్యలారా.. అమ్మలార.. 
మేము సైతం "స్వచ్ఛ భారత్" నడుం బిగించాము.. 
చేతులెత్తి నినాదం చేసాము..ప్రస్తుతము ఫుటోలు మాత్రమే పెడుతున్నాను..
"పరిసరాలు పరిశుభ్రంగా వుంచండి..స్వచ్ఛ భారత్ ని రూపొందించండి"  - ఈ నినాదము నేను సొంతంగా రాయగా దానినే మా అధికారులు బేనరులో ప్రచురించి అధికారికంగా కార్యక్రమము జరిపినందుకు ఆనందము..


ఇంకా మరికొన్ని నినాదాలు, సొంతంగా ప్ల కార్డుల రూపంలో తయారుచేసాను:









"పచ్ఛని చెట్లు - ప్రగతికి మెట్లు"..
"కాలుష్య నివారణ-ఆరోగ్యానికి పరిరక్షణ
"శుభ్రత పాటించండి-ఆనందంగా  జీవించండి..
"స్వచ్ఛ భారత్" కీ జై.. "భారత్ మాతా" కి జై.. 

Note:  టైటిల్ కి మాతృక .."ఇంద్ర" సినిమా రచయితది.. ఎరైటీగా వుంటుందని కాపీ కొట్టా.. ఆమాత్రం ఎట్రాక్షన్ లెకపోతే నా బొమ్మ చూడరుగా.. 

Thursday, September 25, 2014

"స్వచ్చ భారత్" మూడు ముక్కలు...మూడు బొమ్మలు..

 "స్వచ్చ భారత్" ఇది నేటి నినాదం..
ఈ పిలుపు ఇచ్చింది నేటి ప్రధాని..
 
అంటే ఏమి చేయవలె.???.   
ఈ సంవత్సరం అక్టోబర్ 2 మొదలు కొని 2019 సంవత్సరం 2 అక్టొబర్ వరకు అంతా కలసి గట్టుగా కృషి చేసి 2019 అక్టొబర్ 2 తేదీ కల్లా "స్వచ్చమైన భారత దేశాన్ని" రూపొందించాలి.. 
ఎందుకంటే 2019 అక్టోబర్ 2 వ తేదీ మహాత్మా గాంధీ గారి 150 వ పుట్టినరోజు.. 
మహాత్మా గాంధీ గారు ఇంకా మహాత్ముడు కాని రోజుల్లో వుదయాన్నే గుజరాత్ వీధుల్లో చీపురు తో మురికి వాడలను శుభ్రపరచేవారు.. 

మరలా ప్రజలు రాత్రి గడిచేసరికి పాడు చేసేవారు.. మరల తెల్లారేసరికి రోడ్లన్ని శుభ్రపడి వుండేవి.. 
ఆ గ్రామ వాసులు ఒక పెద్దాయన తెల్లారగట్ల నాలుగు గంటలకే వీధులను (మల మూత్రాలను) తుడవటం చూసి సిగ్గుపడి రోడ్లను పాడుచెయ్యటం మానివేసి వారూ పరిశుభ్రత పాటించుటలో కృషి చేసారట..
మహాత్మా గాంధీ నేటి ప్రధాని పుట్టిన గుజరాత్ గడ్డపై పుట్టారు కాబట్టి మహాత్ముని స్పూర్తితో ఈ యొక్క "స్వచ్చ భారత్" కార్యక్రమాన్ని రూపొంచించడం జరిగింది..  
ఇప్పటికే అధికారిక తాకీధులు అన్ని ప్రభుత్వ కార్యాలయాలకు అందచేయడం జరిగింది.. ఆ ఆదేశాల ప్రకారము ప్రతి ఒక్క అధికారి ఏమి చేయాలి అంటే:

1. అన్ని కార్యాలయాల సిబ్బందికి, ఆఫీసర్లకు పరిశుభ్రతా ఆవశ్యకతపై అవగాహన కల్గించి వారు తమ కార్యాలలోను, పబ్లిక్ ప్రదేశాలలోను పరిశుభ్రతా చర్యలు చేపట్టాలి.. అనేక కార్యక్రమాలు చేపట్టాలి..
 2. మరుగు దొడ్లను నిర్మిచుటలో సహాయపడాలి..
 3. ఇతరులను (అనుసంబధిత వ్యాపార వాణిజ్య రంగాలవారిని, (యూజర్ డిపార్టుమెంట్స్)    ఇందులో భాగస్వాములు చెయ్యాలి... 
  4. మహిళా సంఘాలకు, బడి పిల్లలకు  అవగాహనా కార్యక్రమాలు ఏర్పాటు చేసి వారిని భాగస్వాములు చేయాలి..
 5. ఇలా అనేక కార్యక్రమాలు చేపట్టి వాటి తాలుకా ఫొటోలను అఫీషియల్ వెబ్సైట్ లో పెట్టాలి..
(మిగతా విషయాలు మరో టపాలో వివరిస్తాను)
మనకు ఈ "క్లీన్ అండ్ గ్రీన్" మరియు "జన్మ భూమి" లాంటి పధకాలు కొత్తేవీ కాదని పెదవి  విరవకండి..
 "కొత్త సీసాలో పాత సారా" అని  మూతి మూడు వంకర్లు తిప్పకండి..
ప్రతీ ఒక్క నాయకుడు మన దేశాన్ని, రాష్ట్రాన్ని "సింగపూర్" లాగనో "అమెరికా" లాగనో తయారు చేస్తాం అంటున్నారు.. కాని అందుకు ప్రజల భాగస్వామ్యం తప్పని సరి కదా..

Friday, September 19, 2014

గతి తప్పిన మన ఎద లయను సరిదిద్దే మాంత్రికుడు....

అతనొక బాలుడు.. అద్భుతమైన ప్రతిభగల బాలుడు.. ప్రజలంతా తండొపతండాలుగా వెళ్ళారు..అతనిలోని ప్రతిభని ఆస్వాదించడానికి.. మైమరిచిపోయి, కళ్ళప్పగించి.. చెవులు రిక్కరించి మరీ ఆ అద్భుత లయవిన్యాసానికి.. సంకీర్తనా హేళికి పరవశులై ఆ చిన్నారిని ఆశీర్వదించారు.. 

బాల మురుగన్ లాగ నుడుట వీభూతి రేఖలతో వొప్పాడి..అలవోలకగా ఒక బుల్లి వాద్య పరికరముపై బుల్లి చేతులతో ఒకొక్క రాగాలు పలికిస్తూ..మధురమైన సాంప్రదాయ కీర్తనలను మధురంగా పలికిస్తూ వుంటే నోరెళ్ళబెట్టి స్థబ్ధులై పోయారు..
అలనాటి ఆ అదృష్టవంతుల్లో నేనూ ఒకడినై వుండటం నా అదృష్టం..
ఆ పరికరం పేరు ఏమిటో కూడా ఎవరికీ తెలియదు.. ఒక విదేశీ వాద్యపరికరం.. గిటారు లాగ చిన్న చిన్న శబ్దాలు తప్ప వీణలాగో వయోలిన్ లాగో పూర్తి రాగాలను పలికించలేదు.. కాని ఆ పరికరాన్ని పట్టుకున్నది ఎవరు??
తన ఇంటిపేరునే "మాండలిన్" గా మార్చుకున్న "మాండలిన్ శ్రీనివాస్" ..నిండా పదేళ్ళు కూడా నిండని బాలుడు..అయితే ఏం..అరవై ఏళ్ళ అనుభవం గల కళాకారునికి ఆబ్బిన  ప్రతిభ అతని సొంతం..   


ముందుగా "మహా గణపతిం" వాయించి వినిపించేవాడు... చేతులకి కలిగే శ్రమని, రాగాలు పలికించడంలో కష్టాన్ని తనమనసులోనే ఇముడ్చుకుని బయటకు మాత్రం ... అల్లరంతా చేసి "నేనేమీ తప్పు చెయ్యలేదమ్మా" అని అమాయకంగా నవ్వుతూ నిలబడే బాలకృష్ణుడిలా అందరివేపు చూసి నవ్వేవాడు..
"నేను చాలా కష్టపడుతున్నానని మీరు అనుకుంటున్నారేమో ..చూడండి ఎంత సులువుగా వాయిస్తున్నానో.." అని మనల్ని ప్రశ్నిస్తున్నట్టు వుండేది ఆ బాలుని చూపు..


చూస్తూ వుండగానే దేశ విదేశాల్లో అనేక ప్రదర్శనలు.. కేసెట్ల విడుదలలు.. ఎన్నో ...సన్మానాలు.. పురస్కారాలు..
తమిళియన్ అని మనం పప్పులో కాలేస్తాం..అక్కడ విద్యభ్యాసం చెయ్యబట్టి..కాని మన అచ్చతెలుగు కుర్రాడే.. పాలకొల్లు వాస్తవ్యుడు.. 
ఇంద్రాది దేవతలు ఆయన మధురమైన మాండలిన్ సంగీతాన్ని ఆస్వాదించడానికి తీసుకుని వెళ్ళారు.. కాని నాయనా శ్రీనివాస్ నీవు ఎప్పటికీ తెలుగు వారి గుండెల్లో శాశ్వతంగా వుంటావు..
సంగీత ప్రియుల అందరి ఇళ్ళళ్ళోను నీ మాండలిన్ సంకీర్తనా స్రవంతి నిక్షిప్తమై వుంటుంది.. 

అంతర్జాల పుణ్యామా అని "యూట్యూబ్" వారి ధర్మమా అని నీ కీర్తనలను అలసిన మా మనస్సులు ఆందోళనగా వున్నప్పుడు స్వాంతన  పరుచుకోవడానికి కాని..., గతి తప్పిన మా ఎద లయలను నీ లయవిన్యాసంతో సరిదిద్దుకుని ఆరోగ్యవంతులుగా వుండుటకు ప్రయత్నిస్తున్నపుడు గాని.. కుసింత సేపు దైవ ధ్యానంలో వుండాలని అనిపించినపుడు గాని నిన్ను సృజిస్తూ వుంటాము... 
నేటి యువత నీలో కార్యదీక్షతను, కఠోర పరిశ్రమను, నిశ్చల నిర్మల మనోభావాలను ఆదర్శంగా తీసుకుంటారని..తీసుకోవాలని  కోరుతూ.. 
నీ ఆత్మ శాంతికై నేను ఇచ్చే నివాళి..
నీ సంకీర్తలను వింటూ ఈ విధంగా పోస్టు రాయడం.. 
ఇంతకన్నా ఏవీ చెయ్యలేని ఈ అన్నయ్య నివాళి..      

Monday, September 1, 2014

ఈ వంకర టింకర లిపిని సంప్రదాయవాదులు ఇష్టపడే వారు కాదు..




1980 సవత్సరానికి కాస్త అటు ఇటుగా "బాపు" లిపి ప్రాచుర్యం లోకి బాగా వచ్చింది.. కళాకారుడు అనే వాడు అంటే బొమ్మలు గీసే పెతీ వోడూ ఈ "బాపు స్టైల్" ల్లో తెలుగు రాతని గీక డానికి తెగ ఆపసోపాలు పడేవారు..
 కాని "శంకరాభరణం" సినిమాలో చూపెట్టి నట్టు ప్రాశ్చాత్య సంగీతం వచ్చి  సాంప్రదాయ సంగీతాన్ని మింగేసినట్టు ఈ వంకర టింకర లిపిని సంప్రదాయవాదులు ఇష్టపడే వారు కాదు.. 
చక్కగా గుండ్రంగా అక్షరాలు రాస్తేనే మంచి సంప్రదాయం.. దాన్ని కాదని ఇలా వంకర టింకర అక్షరాలు రాసినవాళ్ళను సమాజం తిరస్కరించేది..కొండకచో తిట్టే వాళ్ళు కూడా.. "ఏవిటి అక్షరాలను అలా ఖూనీ చేస్తున్నావ్" అని..
నిజం చెప్పొద్దూ.. అప్పట్లో మా మిత్రుడు ఒకాయన ఇలాగే బాపు లిపిలో రాయలేక ఆపసోపాలు పడుతూ వుంటే నవ్వేవాణ్ణి... 
పక్కన మరో కళాకార మిత్రుడు .."అదంత వీజీ కాదు.. కావాలంటే రాసి చూడు" అన్నాడు.. నిజమే... కష్టం అనిపించినా నాకు కూడా అదే అలవాటైపోయింది.. ఇప్పటికీ కొంతమంది "ఏవిటీ కొక్కిరి రాత?" అని పాతకాలం వాళ్ళు తిడతారు గాని... 

మా నాటకాల వాళ్ళకి నేనే స్క్రిప్టు రాస్తాను కాబట్టి.. బాపు గారి లిపిలో రాస్తేనే వాళ్ళు చాలా ఆనంద పడి మెచ్చుకుని తొందరగా డైలాగులు వంటబట్టడానికి నా రైటింగే కారణమని అభినిందిస్తూ వుంటారు.. ఆ గొప్పతనం నాది కాదు "బాపు" గారిది అని చెప్తు వుంటా...         

కళాకారులకు "బాపు" లిపి కేరాఫ్ అడ్రస్స్ గా మారింది.. అంటే ఎవడైనా కళాకారుడు బాపు లిపి లో రాస్తేనే వాడు కళాకారుడు..లేక పోతే వాడు ఆర్టిస్ట్ కానేరడు అనే స్థాయికి వెళ్ళిపోయింది.. 


బొమ్మలు వేసే వాళ్ళతో మొదలైన ఈ జబ్బు కవితలు, కథానికలు, నవలలు రాసేవాళ్ళు కూడా బాపు లిపిలోనే అక్షరాలు అలా  పరిగెడుతూ వుంటే వాళ్ళ భావం కూడా పాఠకుల మెదళ్ళలో పరిగెడుతూ వుత్సుకతను రేకెత్తిస్తూ ఆసాంతం చదివేలా చేస్తుంది ఈ లిపి..
అలా అంతా బాపు లిపికి దాసోహం అయిపోయి చివరికి పెళ్ళి శుభలేఖల్లో కూడా బాపు బొమ్మ నమస్కారం పెడుతూ బాపు లిపిలో "ఆహ్వానం" అని రాస్తేనే గాని అది శుభలేఖ కాదు అనేంతగా తెలుగు వారి మదిలో ఈ లిపి ముద్ర పడిపోయింది.. 

తెలుగువాళ్ళు చిత్రమైన మనుష్యులు.. .. ఎవరిని ఎప్పుడు పైకెత్తుతారో ఎప్పుడు దించుతారో తెలీదు.. ఎవడో వచ్చి చెప్పే వరకు మన వాళ్ళ గొప్పతనాన్ని గుర్తించరు.. ఎవడో పరాయి భాష వాడు తీసిన సినిమాని "ఆహా".. "ఓహో".. అంటూ ఆకాశానికి ఎత్తేస్తాం..  
కాని మనవాడే మేకప్ లేకుండా నేచురల్ గా సినిమా తీస్తే దాన్ని గుర్తించం.."ఆ(..ఏం తీసేడులే నా ముఖం" అంటాం.. అందుకే మొదట్లో  బాపు గారు తీసిన సినిమాలను తొందరగా ఆదరించలేదు జనాలు.. 

"తూర్పువెళ్ళే రైలు" లాంటి చిత్రాలు ఎంతమంది చూసారు చెప్పండి.. 
శ్రీధర్ ని హీరో గా పెట్టి ముత్యాలముగ్గుని, కృష్ణం రాజు తో భక్త కన్నప్పని, శోభన్ బాబు ని రాముడుగా పెట్టి తీసిన సంపూర్ణ రామాయాణాన్ని చూసి పెదవి విరిచిన వాళ్ళు చాలామంది వున్నారు.. 

కాని రాను రాను ప్రజల ఆదరణ ఎక్కువై అవి సూపర్ హిట్లై నిలిచాయి..
చాలామంది దర్శకులు సమాజాన్ని వుద్దరించే సినిమాలు తీసినా, అందులో ఒక కులమో మతమో ప్రాధాన్యత వుంటుంది.. కాని బాపు గారి సినిమాల్లో సమాజంలో వున్న పాత్రలే కనిపిస్తాయి.. కుల మత ఆచార వ్యవహారాలు అంతర్లీనంగా  వుంటాయి గాని హైలైట్ అవవు.. అని నా భావన..  

బాపుగారు ఆ శ్రీరాముని సన్నిధికి చేరినందుకు సంతసిస్తూ... రాముని పాదాలు వత్తుతున్న హనుమయ్య హటాత్తుగా లేచి వెళ్ళిపోతున్నాడుట.. అప్పుడు శ్రీరాముడు.."హనుమా ఏమయ్యింది? ఎందుకలా అలిగి నట్టు వెళ్ళిపోతున్నావ్?" అని అడుగగా..

"ఆ బాపు వచ్చాడుగా ఇక నాతో మీకేమి పని.. నేను పోయి హిమాలయాల్లో తపస్సు చేసుకుంటా" అని వెళ్ళిపోయాట్ట.. 
కోదండరామునికి  సేవించేందుకు బాపుగారు చేరుకున్నందుకు ఆనందిస్తూ... తెలుగువారికి ప్రపంచ స్థాయిలో గుర్తింపు తెచ్చినందుకు కృతజ్ఞతలు తెలియజేసుకుంటు నివాళి అర్పిస్తున్నాను..  

Saturday, August 23, 2014

సాగర ఘోషను మింగిన మీడియా హోరు..

ఈ రోజు కేంద్ర మంత్రిణి శ్రీమతి నిర్మల సీతారామన్ గారు విశాఖపట్నం లో గల ఫిషింగ్ హార్బర్ సందర్శించారు.. 

ఇన్నేళ్ళ హార్బర్ చరిత్రలో ఒక కేంద్ర మంత్రివర్యులు ఫిషింగ్ హార్బర్ లో గల మార్కెట్ ఏరియాలో ఎక్కువ సమయం కలియ తిరగటం ఇదే మొదటి సారి అట..

మంత్రులు వస్తారు.. అలా పైపైన ఎగిరే సందర్శనములు (flying visits) చేసి వెళతారు. కాని అందర్నీ పలకరిస్తూ వివిధ రకాల చేప వుత్పత్తులను చూస్తూ వాటి వివరాలు అడిగి తెలుసుకుంటూ.. రోజు వారి వ్యాపారం చేసుకునే ముసలమ్మలను కూడా పలకరిస్తూ వారికి రోజుకి ఎంత కిడుతుందో తెలుసుకుంటూ... 




సుమారు ఓ గంట పాటు ఫిషింగ్ హార్బరు లో వున్నారు.. ఆవిడ అటు తిరగ్గానే వాళ్ళ  కళ్ళలో ఆనందం, చూట్టూ వున్నవారిలో వుత్సాహం..
ఒక కుర్రాడు అయితే పాట పాడుతూ గెంతులు కూడా వేసాడు.. తల్లి రొయ్య అనబడు టైగర్ రొయ్యను పట్టుకుని గెంతులు వేసాడు..కేంద్ర మంత్రిగారు ఆ రొయ్య గురించి వాడిని అడిగినందుకు వాడి సంతోషం ..ఓ నెల రోజుల దాకా నిద్రపోడేమో అని నా అనుమానం..  

ఒక చిన్న హాలు లో మీటింగ్ పెట్టారు..పక్క నున్న మా మిత్రుడు అన్నాడు "ఈ కంపు గదిలో పెట్టే కన్నా, వీళ్ళకి జాలరి పేట దగ్గరలో పెద్ద కమ్యూనిటీ హాలు వుంది అక్కడ పెట్టొచ్చు కదా" అని... దానికి నా సహజ సిద్దమైన హాస్యం తో "చేపల మార్కెట్టులో చేప కంపు వుండక, మల్లె పూల వాసన వస్తుందా.. రానివ్వండి".. అని ఓ కుళ్ళు జోకు వేసా.. 
దానికి పక్కనున్న మరో వ్యక్తి అన్నాడు "అదికాదండి.. ఇవాళ్టి ఒక్కరోజు మార్కేట్టు ఆపేవచ్చు కదా.." అని. 
దానికి నేను "చూడండి వాళ్ళు నెలరోజులో.. ఇంకా పైన రోజులో వేట కెళ్ళి అర్ధరాత్రికో..తెల్లార గట్రో చేపలు పట్టుకు వస్తారు.. వెంటనే మార్కెట్టు చెయ్యక పోతే అవి కుళ్ళిపోయి, పాడైపోయి పనికిరాకుండా పోతే.. ఎంత నష్టం.. అధికార్లు మూడు రోజులనుండి మైకుల్లో చెప్తే మాత్రం వ్యాపారం మానుకుంటారా.. వారి వ్యాపారం వారిదే మంత్రిగారి పర్యటన మంత్రిగారిదే... ఫిషింగ్ హర్బరు లో ఫిష్షులు కాక కూరగాయలు వుంటాయా..". అని మళ్ళీ కుళ్ళు జోకు ఒకటి వేసా... 
కుళ్ళిపోయిన చేపల కంపు ముందు నా కుళ్ళుజోకులు ఒక లెక్కా అన్నట్టు చూసారు...    
సరె చివరాగారికి నా అభియోగం ఏవిటంటే ఈ మీడియా వాళ్ళు వున్నారే.. సుమారు ఓ పాతిక కెమేరాలు అడ్డం పెట్టేసి కనీసం ఆవిడ ముఖం అన్నా మాకు కనబడకుండా "కవరేజి" చేసుకు పోయారు.. 

ఆవిడ వెళ్ళేచోటుకి ఆవిడకన్నా ముందు పరిగెట్టుకుని వెళ్ళడం.. ఆగివున్న ఆటో ఎక్కే వాడు ఒకడు..పిట్ట గోడ ఎక్కేవాడు ఒకడు.. సర్కస్ ఫీట్లు చేసే వాడు ఒకడు.. తోసుకుంటూ... నెట్టుకుంటూ..."మేడం..మేడం" అనో..."సార్..సార్" అనో కొన్ని వందల వేల క్లిక్కులు కొట్టివుంటారు.. 
హాలులో ఆవిడకు వూపిరి ఆడనివ్వలేదు... ఆవిడ ఏమి చెప్తున్నారో మిగిలిన వాళ్ళకి వినబడనివ్వ లేదు... కాస్త దగ్గరగా వెళదాం అనుకునే లోపు..ఒకడు రయ్యి మంటు వచ్చి గుద్దేసాడు.. పడిపో బోయా.. "ఓరి.. నీ బండ బడ" అని తిట్టా.. 

హాలు లో కూర్చున్నప్పుడు అన్నాను.."ఎందుకండీ ఇంతమంది?? ఓ ముగ్గురో..నలుగురో వచ్చి షూట్ చేస్తే.. దాన్నే మిగిలిన వాళ్ళు షేర్ చేసుకోవచ్చు కదా"..అన్నా పక్కనున్న మీడియా వ్యక్తి..ఏదో సర్దిచెప్పాడు వాళ్ళ మీడియా భాషలో... నాకు అర్ధం కాలేదు.. 
"ఇదే విదేశాల్లో అయితే ఇలా వుండదు.. ఒక్కరికో ఇద్దరికో పర్మిషన్ ఇస్తారు.. అదికూడా అధికార్లు  అనుమతి ఇచ్చిన తర్వాతనే ప్రసారం చేస్తారు.. ఇక్కడే ఇలా.." అన్నా.. పెద్ద నాకేదో తెలిసినట్టు.. 
కాని ఆ మీడియా వ్యక్తి "అది నిజమే సార్.. కాని ఇక్కడ అలా కాదు... ఎవరి తాపత్రయం వాళ్ళదే"... అన్నాడు.. 
మరి మీరు ఏవంటారు మిత్రులారా... 
"అయ్యా.. మీరింతమంది ఇన్ని కెమెరాలు పట్టుకుని వచ్చినా.. చూపించిందే పదిసార్లు చూపెట్టి రోజల్లా ఒకటే విషయాన్ని చూపిస్తారు.. పైగా అన్ని చానళ్ళ లోను ఒకేసారి... ఆ మాత్రం దానికి ఎందుకండీ ఇంతమంది.. ???" "నిజమే సార్.. అయినా తప్పదు.. మా వృత్తి ధర్మం మేము చెయ్యాలి కదా.." అలా అని ...చుట్టు వున్న వాళ్ళని కవర్ చేసేసి మరీ షూటింగ్ చేసిన కవరేజ్ ని.. అక్కడే వున్న మేము కూడా సదరు మంత్రిణిగారిని కేవలం టి.వీ లోనే చూడాల్సి వచ్చే ధౌర్భాగ్యాన్ని కలగ చేసిన మీడియా వారికి (అ)ధన్యవాదాలతో..స్వస్తి..                       

Saturday, August 16, 2014

భగవంతుని లీల.. ప్రత్యక్ష నిదర్శనం..

భగవంతుడు భక్తుల మధ్యలో వున్నాడు అనడానికి ఇది చక్కటి నిదర్శనం.. 
ఏ మాయా లేదు మంత్రం లేదు.. 
ఫొటో టెక్నిక్ అంతకన్నా లేదు బాబుల్లారా..
జాగ్రత్తగా పరిశీలించండి.. 

ఈ ఫొటో లోని జనాల మధ్యలో  శ్రీ వేంకటేశ్వర స్వామి కనిపిస్తున్నాడు..     
ఇది ఎలా వచ్చిందో తరువాత చెప్తాను.. 

ముందు ఈ వింతను ఆస్వాదించి తరించండి.. 
ఓం నమో వెంకటేశాయా.. 

Saturday, July 12, 2014

ప్రపంచ కప్ పోటీ మ్యాచులా??? గల్లీ మ్యాచులా???

 

  అర్థరాత్రుళ్ళు మేలుకుని ఒక్క బంతి కోసం చెరొక పదకొండు మంది తన్నుకునే (కొట్టుకునే) ఆట ను చూసి ఆనందించే వయసు దాటిపోవడము వలన మరురోజు తాపిగా విశేష భాగాలను (హై లైట్స్) చూస్తున్నాను..
కాని.. ఇప్పటి ఈ మ్యాచులను చూస్తూ వుంటే ఇవి ప్రపంచ ఫుట్ బాల్ మ్యాచులా.. లేక గల్లీ లో జరిగే పోటీలా అర్థం కాకుండా వుంది.. (అభిమానులు క్షమించాలి).. 

ఈ మాట అంటున్నందుకు ఎందుకు సాహసిస్తున్నాను అంటే.. నేను యువకుడిగా వున్నప్పుడు మాయల మాంత్రికుడు మరడొనా లాంటి దిగ్గజాల ఆటను చూసిన వాణ్ణి..
ఇప్పటిలా ఇంటికో టీ.వీ లేని రోజు.. అప్పుడు నేను పనిచేసిన అటవిప్రాంతపు వూరిలో అసలు టీ.వీ ఇంకా పుట్టలేదు.. అక్కడికి నలభై కి.లో మీటర్ల దూరాన ఒకానొక వూరిలో పారిశ్రామిక ప్రాంగణంలో రక్షక భటుల విశ్రాంతి గదిలో వారి వినోదం కోసం ఏర్పాటు చేసుకున్న టి.వీలో వాళ్ళని బతిమాలుకుని ...ఓ పక్కగా కూరుచుని ఈ వరల్డ్ కప్ ఫుట్ బాల్ మాచులు, మార్టినా నవ్రతిలోవా, అప్పుడే విరబూసిన  స్టెఫీ గ్రాఫ్ లాంటి దిగ్గజాల ఆటను కనులారా వీక్షించి రోమాంచిత వుద్వేగాలతో నిండిన.. 

నిదురలేని రోజులు అవి.. 

 

అప్పటి ఫుట్ బాల్ మాచుల్లో వ్యూహ రచన ముఖ్య మైనది.. ప్రత్యర్ధులకు అందని రీతిలో ఒకరికొకరు బాల్ అందించుకుంటూ ముందుకు సాగి ఎవరు ఎప్పుడు ఎలా గోల్ కొట్టారో తెలియని రీతిలో బంతి గోల్ లోకి వెళ్ళిపోయేది.. ముఖ్యంగా కార్నర్ షాట్ లు, గోల్ కి దగ్గరగా లభించే పెనాల్టీ కిక్కులు ... వాటి కిక్కే వేరబ్బా.. 

కాళ్ళ మధ్య నుంచి దూసుకు పోయే బంతి.. నెత్తిమీంచి కనురెప్పపాటులో బుల్లెట్ లాగ దూసుకు పోయి గోల్ పోస్టుకి వెంట్రుక వ్రాసిలో వెళ్ళి గోల్ కీపర్కి అందకుండా గోల్ లో పడిపోయె బంతి.. ఇలా ఎన్నని.. ఒక్క క్షణం  టి.వీ మీదనుండి దృష్టి మరిల్చామా.. గోల్ చూసే చాన్స్ మిస్సయి నట్టే.. ఎలానూ స్లో మోషన్ వుంటుంది కాని...డైరెక్ట్ గా చూసి పక్కవాళ్ళు అరుస్తూ వుంటే ఆ క్షణాన్ని మిస్సయిపోయామన్న బాధ వర్ణనతీతం.. 


అసలు నాకు ఈ మాచులు.. గొడవలు ఏవీ తెలీదు.. నా మితృలు  శ్రీ కృష్ణా రావు గారు డ్రిల్లు మాస్టారు పైగా క్రీడా రంగానికి వీరాభిమాని.. డ్రాయింగు మాష్టారికి డ్రాయింగులోను, డ్రిల్లు మాస్టారుకు క్రీడా రంగంలోను ఆసక్తి వుండి తీరాలని రూలు లేదు.. ఏదో జీతం ఇస్తున్నారు కాబట్టి నిర్లిప్తంగా నిరుత్సాహంగా పని చేసుకు పోతారు చాలా మంది..  

కానీ కృష్ణా రావుగారు అలాకాదు అంత దూరం నన్ను నా బండి మీద తీసికెళ్ళమని అడిగి నాకు వాటి మీద ఆసక్తి కలిగేలా చేసి.. చిన్నపిల్లాడిలా కేరింతలు కొట్టి ..అంతకష్టబడి ఆ మాచులు చూసినందుకు మా జీవితాలు ధన్యం అయ్యేయని తలుచుకుని హాపీగా నిద్రపోయేవాళ్ళం..

మరడొనా గురించి చెప్పలంటే పేజీలు చాలవు.. ఎగురుతాడో, గెంతుతాడో.. పిల్లి మొగ్గలు వేస్తాడో తెలీదు అతని దగ్గరికి బంతి వచ్చిందీ అంటే ఖచ్చితంగా గోల్ లోకి వెళ్ళిపోవాల్సిందే.. 


ఎలా కొట్టాడు?? కాలితోనా.. చేతితోనా.. తలతోనా ఎవరికీ అర్ధం కాదు.. ఖచ్చితంగా రిప్లే చూడాల్సిందే..   

అయ్యా ఇదీ పరిస్థితి.. పేలవంగా కొట్టే షాట్లు.. గోల్ పోస్టుకి వెనక్కి.. పైకి కొట్టే షాట్లు.. నేరుగా గోల్ కీపర్ చేతుల్లోకి వెళ్ళేలా కొట్టే షాట్లు చూస్తుంటే ఆశ్చర్యం కలుగుతోంది.. ఇవి ప్రపంచ కప్ మాచులా మా చిన్నప్పుడు యూనివర్శిటీ గ్రౌండ్ లో ఇంటర్ కాలేజీ మాచులా అనిపిస్తోంది.. 

వ్యూహరచన లేదు.. కుయుక్తులు లేవు..ప్రత్యర్ధులను తికమక పెట్టే ఆట లేదు..ఎవడి కాలికి బంతి తగిలితే వాడు తనకు తోచిన రీతిలో కొట్టేయడమే.. అలా అని నాకు అనిపిస్తోంది..
మరొక్కమాట చెప్పి ముగిస్తాను... ఒక మార్టినా గాని, స్టెఫీ గాని, మరడోనా గాని ఈ ఆటలో గెలవక పోతే ప్రాణం పోతుందీ అన్న రీతిలో ఆడేవాళ్ళు.. 

(ప్రాణాల్ని పణంగా పెట్టి ఆడటం) యుద్ద వీరుల్లాగ.. ఇక కోచుల సంగతి చెప్పక్కర లేదు వాళ్ళు నిజంగానే చచ్చిపోతారా అనిపించేది...

 
గమనిక: ఒక సినిమాని విమర్శించే  వాడు సినిమా తియ్యక్కర్లేదు.. కథలను విమరించే వాడు రచయిత అయి తీరాలని రూల్ లేదు..అలాగే ఈ ఫుడ్డు బాల్ మాచులను విమర్శించే వాడు ఖచ్చితంగా క్రీడాకారుడు అయివుండాలని రూల్ లేదు అని భావంతో  ఇదంతా రాసాను..
అన్ని రంగాల్లో క్వాలిటీ లేనట్టే ఇప్పుడు క్రీడారంగంలోను క్వాలిటీ మిస్సయి.. ఇతర వ్యాపార ధోరణులు పెరిగినందుకు చింతిస్తూ... దేముడు అభిమానులను కాపాడుగాక అని ప్రార్ధిస్తూ శెలవ్..

   

Sunday, June 22, 2014

మల్లా జన్మంటు వుంటే.. ఆయన తిరిగి అదే కుటుమానం లో పుట్టాలని నా కోరిక..

- ఒరే అప్పిగా..ఇటు రా యెహె..
= ఏరా నారిగా.. ఏటప్పుడే లంచ్ టయం  అయిపోనాదేటి..
- బేగి కారేజీ ఇప్పెహె..ఆకలి దంచెస్తాంది...
= మా సెల్లెమ్మ కూరేటి సెయ్యనేదునాగుంది..ఇద్గో పట్టు బొమ్మిడాల పులుసు..
- రేత్రి రెండో ఆట సిన్మా కెల్లినాం లేరా.. ఆదోరం గందా..
= అబ్బోసి.. ముసలి కాలం లో దసరా పండగని...బానే ఎంజాయ్ సేస్తున్నారే.. 



- కాదెహె..నెల్రోజులనుండి అనుకుంటున్నామురా.. ఆ నాగు గారి కుటుమానం సినిమా కెల్దారని.. ఇన్నాళ్ళకి తీరిక దొరికినాది.. పాపం ముసిలోడు..ఆ రోజుల్లో ఓ ఊపు ఊపినాడు కదరా.. 

మనం కుర్రాళ్ళగా వున్నప్పుడు..దసరా బుల్లోడని, ప్రేమనగర్ అని పిచ్చెక్కించాడు కదరా..
- అవునురా..అప్పిగా.. మొదటి రోజున మొదటాటకి ఎల్తేనే గాని మొగోడు కాదురా..ఇంతకీ ఇసయానికొచ్చీ..ఎలాగుంది ఆళ్ళ కుటుమానం బొమ్మ.. 
= తాత, కొడుకు, మనవలు అంతా బాగానే యాక్టింగు సేసినారు గాని... అందరికన్నా నాగ్గోడు బాగా సేసినాడురా...ఏది ఏమైనా ఆల్ల కుటుమానం అంతా బొమ్మలు కనపడినందుకు చాలా సంతోషం ఏసిందిరా..

-ఏటి కొడుకులు  బొమ్మలో తండ్రులుగా  పుడ్తారంట.. అంటే నాగ చైతు నాగ్ కి తండ్రి అయితే నాగ్ ఏమో నాగేశ్వర్రావుకి తండ్రి అంట.. అంతా భలే ఎగతాళిగా నవ్వుకుంటున్నారటలే...
= ఒరే దీన్నే సినిమా భాషలో కానిసెప్టు అనో గాడిద గుడ్డనో అంటారట్లే.. అయన్ని మనకెందుకు..నిజజీవితంలో తండ్రి కొడుకుని నాన్నా.. అని పిలుస్తా వుంటే భలేగా వుందిరా.. ఇంతవరకా సినిమా సరిత్రలోనే ఇట్టాంటి బొమ్మ లేదంటే నమ్మూ..
= నీ కొడుకు నీ ఎదురుగ్గా తాగి ఊగుతున్నాడనుకో..నువ్వేటి సేస్తావ్..
- నాలుగు అంటించి..ఎర్రగా కాల్చి యీపు మీద వాతవెట్టీనూ..
= మరి ఇందులో నాగ్ ఏమో చైతూ ని ఇంకా తాగు.. ఇంకా తాగు అని సీసాలమీద సీసాలు అందిస్తాడు... అదిరా సినిమా వోల్ల గొప్పతనం..
= కారు నడుపుతున్నప్పుడు ఎవుళేనా సెల్లు మాటాడుతున్నారనుకో.. కనీసం యెయ్యి రూపాయలు జరీమానం..కాని నాగ్ ఏమో మొత్తం మూడు సార్లు కారు రయ్ మని పోనిస్తూ సెల్లులో మాటాడెస్తాడొరే..అంత గొప్ప కోటీశ్వరుడికి సెవిలో ఎట్టుకునే  మెషీన్  వుండదురా పాపం..
- ఇంకో నికారసయిన నిజం ఏటంటే ఎవుళికేనా గత జనమలో నత్తి గట్రా వుంటే  ఆళ్ళకి  ఈ జన్మ లో కూడా  సరిగ్గా అనాగే నత్తీ గట్రా వుంటాది..
- ఓరి మరో గొప్ప ఇసయం ఏటంటే అప్పుడెప్పుడో అమితాబ్ గారు కొడుకుతో కలసి కాబోయే కోడలితో ఎంచక్కా డాన్సింగ్ చేసి అదర్గొట్టీసేడు గందా..సరిగ్గా ఇనాగే నాగ్.. కొడుకుతో కలసి స్టెప్పు కట్టేడు.. కానీ ఇక్కడ కాబోయే కోడలే లేదు..
=ఆ కోరిక తరవాతి సిన్మాలో తీరుస్తాడేమోలే..
- ఈ బొమ్మలో ఇంకో ట్విస్టు..అంటే గొప్ప ఇసయం అన్నమాట.. ఈ బొమ్మలో ఎక్కడా చైతు తల్లి తండ్రులు గాని.. నాగేశ్వర్రావుకి అసలు కొడుకులు గాని కనబడర్రా.. ఈ కొడుకు ఇనా కాలేజీలో తాగి తందనాలుడుతుంటే మందలించడానికి గాని పట్టించుకోడానికి గాని ఆడి అమ్మాబాబు కనబడ్రు... నాగేశ్వర్రావు అన్ని రోజులు ఆసుపత్రిలోను..నాగ్ ఇంట్లోను వుంటే ఏమయిపోయాడనుకునే కొడుకులు కనబడ్రు.. అందరూ హాయిగా ఒకే ఇంట్లో మకాం పెట్టేసి..గత జనమలను తలసుకుంటూ...ఆ జనమ లో తండ్రుల గురించి తాపత్రయపడుతూ తమ వాళ్ళని మర్సిపోతారు.. ఇదిరా నిజమైన ట్విస్టు.. 
- ఏది ఏమైనా సూపర్ బొమ్మహె... ఆ పెద్దాయనకి జోహార్లురా అప్పిగా.. మల్లా జన్మంటు వుంటే ఆయన తిరిగి అదే కుటుమానం లో పుట్టాలని నా కోరికరా
=నీదొక్కడిదే కాదు యావత్తు తెలుగోల్లందరిదీను..  

  

అసలు సిసలైన తెలంగాణా వోల్లు అంటే ఎవలు??

- ఒగో.. ఆగ.. ఏవి డబుల్ యాక్టింగ్.. సూపరో సూపర్..
= ఎవుల్దిరా..రాముడు-భీముడులో ఎంటీవోడిదా? హలో బ్రదర్ లొ నాగ్ దా??
- ఎహె..ఆళ్ళిద్దర్దీ కాదెహె.. సింహ..నరసింహ..


 
 =ఓగ్..ఆ పెద్దయనదా?? నిజంగా నిజమేరా. రూపాయిబిల్లంత నికార్సయిన నిజంరా.. 
-అయితే ఈయన గాని సినిమాల్లో ఏసంకడితే ఆస్కార్ అవార్డు 
గ్యారంటి ఎహె.. 
= కానొరె ఈ పత్రికలోల్లే అనౌసరంగా గగ్గోలు పెడుతున్నార్రా.. "ఇక్కడోమాట అక్కడోమాట ..మరీ ఇంత ఘోరవా( ?" అంటూ ఏదో మర్డర్ జరిగిపోయినంత ఫీలయిపోతున్నార్రా..
- నాకు తెలీక అడుగుతానొరే ఇన్నాళ్ళు ఈ రాజకీయ నాయకులు సేసింది ఇదే కదరా.. అక్కడ అమ్మ దగ్గర ఒక మాట.. ఇక్కడ జనాల దగ్గర ఒక మాట సెప్పి.. ద్రౌపదీకి దుశ్శానుడు సీర లాగేసి నట్టు నిండు సభలో వస్త్రాభరణం సేసీసారు కదరా..
= అందుకే కర్సై పోయారు...నా కొడు.....(ఒరే ఇక్కడ బూతులు సెప్పకుడదు.. సెన్సార్ కటింగు సెయ్యి..)
- అవునుగానొరే..ఏదిఏమైనా పక్క రాష్ట్రం ముఖ్యమంత్రి  సానా గొప్పోడు రోయ్..
= ఆగాగు.. కొంపదీసి అలవాటులో పొరపాటుగా నోరు జారతావేమో.. బొక్కలో ఏసీగల్రు..
- అదేవిరా.. స్వతంత్రం వచ్చిన తర్వాత ఆనాటి నెహ్రూ నుండి నేటి మోడీ దాక అందరిమీద వ్యంగ్య వ్యాఖ్యానాల్లు...కార్టూన్లు కోకొల్లలు..ఎప్పుడూ లేని ఈ ఆంక్షలు ఏట్రా.. 




= ఆమాటకొస్తే..మన జననేత.. ప్రియతమ నాయకుడు అంజయ్య గోరిమీద ఎన్ని బొమ్మలు రాలేదు...
 
బుడ్డోడు సేతిలో బొమ్మనాగ ఎలికాప్టర్ బొమ్మ కూడా గీసేసీ వోరు.. 

- ఎంటీ వోడు మీద ఎన్ని బొమ్మలు రాలేదు..
నెహ్రూ గోరు అయితే ఆయన మీద కార్టును కనబడక పోతే పత్రికాఫీసుకి ఫోను చేసి మరీ అడిగేవోడట.. 

=ఒరే అందుకే ఆళ్ళు గొప్ప నాయకులుగా మిగిలిపోనార్రా.. 
-అదిసరే గాని పంజాబ్ లో "వాగ్ధా" బోర్డరు కాడ వుండాల్సిన సైనికులు..మన సచివాలయంలో వున్నారేటి.. కొంపదీసి వుగ్రవాదులు దాడికి వచ్చేరా..
=కాదెహె..అన్నీ వెధవ డౌటు అనుమానాలు నువ్వూనూ..  వుప్పుడు మనం తెలుగోళ్ళం  రెండుగా సీలిపోనామా?? 

మరి గంతుసేత  సచివాలయంలో అటు వాళ్ళు ఇటేపు- ఇటు వాళ్ళు అటేపు రాకుండా.. మధ్యలో కంచె పెట్టేసి సరిహద్దులో సైనికులు కాపల పెట్టినట్టు ఎట్టేరు.. ఒకేల ఎవుడైనా ఇటేపు వచ్చినా కన్నెత్తి సూసినా పిట్టని కాల్చినట్టు కాల్చేస్తారన్నమాట..అదీ కొత్త ప్రభుత్వం ఆర్డరు.. 

-అబ్బో.. కొత్త రాష్ట్రం వస్తే
నచ్చల వుద్యోగాలు వస్తాయని..రైతుల అప్పులన్నీ తీరిపోతాయని..గరీబోడు కడొరపతీ అయిపోతాడని ఎన్నో కలలు కన్న ప్రజలకు.. సక్కటి కానుక ఇచ్చేసి నారు దొరవారు..
అవునొరే ఇన్నాళ్ళు ఆంధ్రా వోల్లు మోసం చేసి నల్గొండలో తాగడానికి మంచినీళ్ళు లేక అల్లాడిపోతున్న జనాలకి నీల్లొత్తన్నాయా??..
=ఆగరా.. ఏటా తొందరా. ఇప్పుడే గందా రాష్ట్రం ఏర్పడి కుర్సీలో కూకున్నారు.. అసలు సిసలైన తెలంగాణా వోల్లు అంటే ఎవలు??.. రూపాయి బిల్లంత నికార్సయిన తెలంగాణా వోడు అంటే ఆడు మాత్రమే కాదు.. ఆడి బాబు.. ఆళ్ళ బాబు బాబు అంతా అక్కడ్నే పుట్టాల్నంట.. మరి ఆ బర్త్ సర్టిఫికెట్లు అయీ పుట్టించినోళ్ళకి ..అదే..అదే...సూపించినోళ్ళకు మాత్రమే ఈ రాయితీలు గట్రా వుంటాయి..  
-సరె ఆల్లసంగతి అనాగొగ్గీ గాని మన బాబుగారేట్రా... మనల్నేదో వుద్దరిస్తాడని కుర్సీలో కూకో బెడితే సూపులన్ని పక్క రాష్ట్రం మీదే పెడుతున్నాడు... ఎంతబేగిన  అక్కడ కుర్సీలో రుమాలు గుడ్డ పరిసేసి సీటు ఆక్రమిద్దామని తాపత్రయపడుతున్నాడు..





=నీ బుర్ర మోకాలులో పెట్టుకున్నావు.. అక్కడైనా..ఇక్కడైనా డెవలప్ మెంట్ అంతా ఒక్క హైదరాబాదు లోనె జరిగిందని జగమెరిన సత్తెం.. దానికి మౌన సాచ్చికం ఆళ్ళ పెద్ద సెరువు లో నిటారుగా నిలబడ్డ రాతి బుద్దుడు..
మరందుసేత మెడ మీద తలకాయున్నోడు ఎవుడైనా ఓ గులాబ్ జాం... ఓ బాద్ షా.. ఓ బర్ఫీ నాంటి అయిదరాబాదు మీద సర్వ హక్కులు వుండేలా నవాబులవ్వాలని కోరుకుంటారు గాని.. ఈ కల్లు పాకలు, రాతి గోడలు, మొండి శిధిలాలు వున్న ఇతర ప్రాంతాల మీద అభిమానం వుంటుందా.
అయితే ఇవన్నీ నటనలో భాగం..

-నచ్చల వుద్దోగాలు ఇచ్చేత్తాం.. సేతినిండా అప్పులు సేసీయండి.. మావు తీరుత్తాం..ఆడోల్లకు ఋణాలు, రేసన్లు..మగోల్లకు పంచెలు..గోసీలు ఫ్రీగా ఇచ్చేత్తామ్.. ఇయన్నీ..
=అయన్నీ..సినేమాల్లో డైలాగుల్లాటివిరా పిచ్చికన్నా... నువ్వు ఏడ్సినప్పుడల్లా తేనె రాసిన పాలపీపా వొకటి నీ నోట్లో ఎట్టి..జోలపాడి నిద్రపుచ్చి...అటక మీదనున్న బెల్లం, జీడిపప్పు ఆల్లు మింగుతార్రా పిచ్చి సన్నాసీ.. 
-పద పద బేగెల్దాం.. లేటయితే మన కడుపు కాలిపోద్ది.. ఆల్లకేం ఏ.సీ గదుల్లో సల్లగా తొంగుంటారు..