Sunday, February 22, 2015

"ఆకాశవాణి" కాదు అశరరీరవాణి..

రేడియో నాటికలు:
సినిమాల్లో క్వాలిటీ తగ్గినట్టే రేడియో నాటికలు మొదట్లో వున్న క్వాలిటీ ఇప్పుడు లేదు అని అందరికీ తెలుసు..
ఒకప్పుడు:


ఆదివారం 3 గంటలకల్లా "ఆకాశవాణి..సంక్షిప్త శబ్ద చిత్రం" అని ప్రకటన రాకుండానే రేడియో చుట్టు కనీసం పది మంది తక్కువ లేకుండా మూగిపోయేవారు (మంచి సినిమా ప్రసారం అయ్యేది)
.. రాత్రి తొమ్మిదికో.. మధ్యాహ్నం ఒంటిగంటకో గాని ఒక గంట నిడివి గల రేడియో నాటికలు ప్రసారం అయ్యెవి.. శబ్దం ..నేపధ్యసంగీతం.. ఇవన్నీ ప్రధానంగా సాగేవి.. 

వుదాహరణకు.. గుర్రాల డెక్కల చప్పుడు.. 
రాజులనాటి పహారాలు... బాజాలు..నగారాలు.. 
హోరున వర్షం పడిన చప్పుడు... 
ఇవన్నీ కళ్ళకి కట్టినట్టు వినిపించేవారు.. 
దానికితోడు గంభీర గాత్ర మాధుర్యాలు..
చారిత్రాత్మక నాటకం గాని పౌరాణిక పద్యాలు గాని ప్రతి వారం ప్రసారం అయ్యేవి.. 

ఇంట్లో ముసలాయన ఎవరైనా రాత్రి భోజనం అయిన తర్వాత.. 
హాయిగా నులకమంచం మీద పడుక్కొని ఆరుబయట కొబ్బరాకుల చాటున మబ్బుల్లో చంద్రుణ్ణి చూస్తూ వీలైతే చుట్ట కాలుస్తూ ఆ నాటకాల్ని, ప్రయోగాత్మక కళరూపాలను వింటూ అలా నిద్రలోకి జారుకునే వారు... 
ముసలాయన పడుకున్నారని గ్రహించిన కొడుకో, కోడలో, కూతురో, మనవడో, మనవారాలో... (దాసరి ఇస్టైల్లో) వచ్చి రేడియో ఆపుచేసేవారు.. 

 
ఈ ఉపోద్గాతం అంతా ఎందుకంటే.. మొన్ననే రేడియో నాటిక రికార్డింగు కి వెళ్ళి వచ్చాను....
రేడియో నాటికలో పాల్గొనాలి అంటే వారు పెట్టే "ఆడిషన్" టెస్టులో పాస్ అవ్వాలి... 

ఎప్పుడు బడితే అప్పుడు ఈ టెస్ట్ వుండదు.. వాళ్ళకి అవసరం అనుకున్నప్పుడు పెడతారు.. తెలుసుకుని వెళ్ళాలి..
1. రక రకాల పదాలు అంటే సంక్లిష్ట పదాలు ఇచ్చి పలకమంటారు..
వుదాహరణకి: విష్వక్సేనుడు... గోముఖవ్యాఘ్రం... సంస్థాధీశుడు.. భవబంధాలు.... 

ఇలా.... అంటే మనం ఒత్తులు..అవీ సరిగ్గా పలుకుతున్నామా లెదా అని పరీక్ష..  
2. ఒక డైలాగ్ ఇచ్చి దాన్ని రకరకాలుగా చెప్పాలి.... నవ్వుతూ..బాధగా.. భయంగా.. కోపంగా .. ఇలా...
ఉదాహరణకి: "నాన్నా.. నేను సంధ్యను ప్రేమించాను.. ఆమెను తప్ప మరే అమ్మాయిని పెళ్ళిచేసుకోను"..
3.  ఇంతకు ముందు నాటక అనుభవం వున్నా లేక మరేదైనా నాటకం లోని డైలాగ్ ఏదైనా ఒకటి చెప్పాలి.. (కనీసం నాలుగైదు లైన్లు.)
ఈ పరీక్షలో పాస్ అయితే రొటీన్ పధ్ధతిలో మనకి అవకాశం ఇస్తారు.. మొదట్లో చాలా ఉత్సాహంగా వుండేది..కనీసం మూడు నెలలకో సారి అవకా
శం వచ్చేది.. 
ఇప్పుడు ఏ ఆర్నెల్లకో పిలుస్తారు.. 
కాని ప్రస్తుత  పరిస్థితుల్లో  మారుతున్న కాలంతో బాటు.. 
జనాలు కూడా రేడియోలో అంటే "మీడియం వేవ్" లో వచ్చే ఆకాశవాణి కార్యక్రమాలు ఎవరు వింటున్నారు... అసలు అది పలికే రేడియో ఎంతమంది దగ్గర వుంది??
అయితే రేడియో అవసరం మొన్న తుఫానులో తెలిసివచ్చింది.. 

విద్యుత్తు లేకపోవడం వలన టి.వీ, ఇంటర్నెట్ మరియు సెల్ ఫోన్లు  ఇవేవీ పనిచెయ్యలేదు.. 
అయినా బాటరీ సహాయంతో నడిచే ట్రాన్సిస్టర్ వింటూ ఎప్పటికప్పుడు తుఫాన్ యొక్క వేగము, కేంద్రీకరించిన ప్రదేశం తో బాటు అధికారుల ప్రకటనలు, ముఖ్యమంత్రిగారి ధైర్యప్రవచనాలు  వింటూ మనోధైర్యాన్ని పొందాము.. 

వాటిని అధికారిక ఎఫ్.ఎం చానల్ (102.8) లో విన్నాము...
కాని వారు ప్లంబరు గాని ఎలక్ట్రీషియన్స్ గాని కార్పెంటర్లు కాని అవసరం అయినచో ఈ "టోల్ ఫ్రీ" నెంబరుకి ఫోన్ చెయ్యండి అని చెప్పిన నెంబర్లు పలికేవి కావు... 
మాకే కాదు ఎవరికీ రెస్పాండు  అవలేదు.. 
అది వేరే విషయము... 
ఇంటిమీద పడిన చెట్లు అవి రోడ్డుపక్కన ముసిసిపాలిటీ పరిధిలో వున్న చెట్లైనా అవి తొలగించలేదు..మా పాట్లు మేమే పడ్డాం... 
కాని రహదారులను క్లియర్ చెయ్యడము లోను.. నీరు.. పాలు సరఫరా విషయము లోను ముక్ష్యంగా కరెంటు సరఫరా విషయములోను ముఖ్యమంత్రిగారికి.. అధికారులు యావన్మదికీ... విశాఖ ప్రజలు ఋణపడి వుండాలి....వుంటారు అని అనుకుంటున్నా.. నాయకులలాగ పూటకో డైలాగ్ మార్చివేసే వాళ్ళు తక్కువ కాబట్టి... 
మా ఇంట్లో ఎప్పుడూ కొవ్వొత్తులు వుంటాయి..దేవుడికి దీపం పెడతాము కాబట్టి ఒత్తులు నూనె వుంటాయి... 
ఎమర్జెన్సీ లాంపు.. బాటరీ లైటు వున్నాయి...బాటరీ రేడియో వుంది.. ఇవన్నీ అక్కరకు వచ్చాయి..
కాని మా కొలీగ్సు చాలా మంది దగ్గర ఈ పైవేవీ లేవు... 

చాలా అవస్థ పడ్డారు... ఎంత డబ్బున్న వాడైనా నీళ్ళకోసం ఇబ్బంది పడి అహంకారాలు చాలా మందిలో తగ్గేయి... 
"బాబ్బాబు ఒక పావులీటరు పెట్రోల్ ఇవ్వండిరా బాబు" అని ఒకాయన బతిమాలాడు.. కాని ఎవరూ ఇవ్వలేదు... రెండ్రోజులు ఆటోల్లో తిరిగాడు..
ఇక ఆతని అధికార దర్పం, హోదా.. ఆస్థి అంతస్థుకి (కోటీశ్వరుడు  లెండి) మిగిలిన వారిచ్చే మర్యాద గౌరవం ఇవేవీ పనిచెయ్యలేదు...
అయ్యా...ఇదీ మానవ జీవితం...   









 
 

Sunday, February 15, 2015

ఇలా మీలో ఎంతమంది చేస్తున్నారు?? చెప్పండి..

శ్రీ. దివాకర్ బాబు రాసిన "పుటుక్కు జర జర డుబుక్కు మే" అను నాటికలో భర్త.... భార్యతో "ఏమేవ్ మన గడియారం దొంగలెత్తుకుపోయారు " అంటాడు..  
గోడ మీద గడియారం కనిపించకపోయేసరికి.. అందుకు భార్య "దొంగలెత్తుకు పోవడం కాదు.. బుజ్జిముండ 24 గంటలు టిక్కు..టిక్కు అంటూ కొట్టుకుంటూ వుంటే పాడైపోతుందని నేనే భద్రంగా బీరువాలో దాచా"... అంటుంది.. 
 
"నీకేమైనా మతిపోయిందా.. అది టిక్కు టిక్కు అని కొట్టుకోకుండా వుంటేనే పాడైపోతుందే" అంటాడు సదరు భర్త..   

ఈ నాటికలోనే పక్కింటి అమాయక చక్రవర్తి కాశీపతి వాళ్ళావిడ చీరలో ఈవిడ వుంటే పొరపాటున వాళ్ళ ఆవిడే అనుకుని.. కౌగిలించేసుకుంటాడు.. ఆ తర్వాత దీని విషయమై భర్త అయిన ప్రసాదం తనను అపార్థం చేసుకుని.. బాగా ఫీల్ అయ్యాడని.. కనిపించిన వాళ్ళందరికీ ఈ కథ పూసగుచ్చినట్టు చెప్పి ఊరు..వాడ కాన్వాసు చెసేస్తాడు...  

(.. ఇది అదేదో సినిమాలో వుందండి..అని మీరు కొట్టిపారేయొచ్చు.. ఆ సినిమా మాటల రచయిత అయిన శ్రీ దివాకర్ బాబు తన నాటికలోని సీన్లనే సినిమాలో జొప్పించాడు.. ఒక్క సినిమాలోనే కాదు రెండుమూడు సినిమాల్లో వాడేస్తారు ఈ కామెడీని..  


ఈ ఉపోద్గాతం అంతా ఎందుకు చెప్తున్నాను అంటే ఇక్కడ చూడండి నా బండి పాడైపోతుందని ఎంచక్కా కవరు కప్పేను... 


ఇలా మీలో ఎంతమంది చేస్తున్నారు?? చెప్పండి.. ఇదేమన్నా గొప్పా అని తీసిపారేయకండి.. సుమారు 50 వేలు పైగా ఖర్చుపెట్టి బండి కొన్నవాళ్ళు ఓ 300 పెట్టి కవరు కొనలేరుటండీ???
ఎన్నో లక్షలు పెట్టి కారు కొంటారు.. కనీసం వెయ్యిరూపాయల కవరు కొనలేరా కారుకి?? కొంటాం సరే.. ఇంటికొచ్చిన తర్వాత ఎవడు వేస్తాడండి.. నిముషాలు ఖర్చు అయిపోవూ???.... 


కవర్ కప్పి ఉంచడం వలన దుమ్ము, ధూళి నుండి రక్షణ మాత్రమే కాదు.. బండి కున్న రంగు షైనింగు పోకుండా వుంటుంది.. 

మీరు గమనించారా.. నా బండి కున్న నట్లు, బోల్టులు కూడా ఇప్పటికీ మెరుస్తున్నాయి.. 

అందుకు కారణం నేను ప్యూర్ ఇంజన్ ఆయిల్ (2టి) ఆయిల్ అరలీటరు కొని దాన్ని పిల్లర్ లో పోసి.. వారానికి లేదా కనీసం నెలకొకసారైనా ఆ ఆయిల్ తో క్లీన్ చెస్తే ఇలా తుప్పు పట్టకుండా వుంటాయి... అన్ని భాగాలూ... 
అయితే.. చాలామంది కొబ్బరి నూనె గాని మెకానిక్కు వాడే మడ్డి ఆయిల్ గాని వాడతారు.. అయితే ఈ రెండిటి కన్నా మీరు ప్యూర్ ఇంజన్ ఆయిల్ కొని (ఖర్చు గురించి ఆలోచించొద్దు)... వాడి చూడండి...
ఇక కారు విషయానికొస్తే ఒక కిట్ కంపెనీ వాళ్ళు అమ్ముతారు.. 

అందులో 
ఒక షాంపూ డబ్బా..
ఒక అద్దాలను శుభ్రపరిచే కొలిన్ ద్రవం.. 
ఒక బాడీ పాలిష్ ద్రవం.. 
మరియు డాష్ బోర్డు తుడిచే సొల్యూషన్ వుంటాయి.. 
ఈ కిట్టు ఖరీదు మహా వుంటే ఓ మూడొందలు వుంటుంది..  
అవి కొని ఇంట్లో పెట్టుకుని కనీసం నెలకోసారి వాడి చూడండి.. 
అద్భుతం గా వుంటుంది..
ప్రతి ఆదివారం ఒక అరగంట బండి లేదా కారు గురించి కేటాయిస్తే ఏ మికానిక్కు అవసరం లేదు..
నేను కేవలం క్లీనింగు కోసం ఇంజన్ ఆయిల్ కొంటునప్పుడు గాని.. కారు కిట్ కొంటున్నప్పుడు గాని షాపువాళ్ళు నన్ను వింతగా చూసారు.. 

కారు సర్వీసింగు సెంటరు వాడు అయితే రేటు వెంటనే చెప్పలేక పోయాడు.. దానికి కారణం ఎవరూ అంతవరకూ ఆ కిట్ ని కొనలేదు కనక.. 
"ఏవిటండీ ఓ పదో పారకో పారెస్తే సర్వీసింగు సెంటర్లో కడిగిపారేస్తారు".. అని మీరు అనొచ్చు.. కాని మన బండిని మనం క్లీన్ చేస్తే వున్న ఆనందం... పరాయి వాడు క్లీన్ చేస్తే  దొరకదు.. పైగా వ్యాయామం   కూడా..
అలాగని నేనేం పిసినారిని కాదండి.. 

సరిగ్గా మూడు నెలలు తిరగ్గానే బండి కంపెనీ సర్వీసింగు సెంటరుకు అప్పచెప్తా.. 
మనలోమన మాట.. నాకు నా భార్యకన్నా బండి అంటేనే ప్రాణం.. ఈ విషయం పెళ్ళయిన వారంలోనే అర్థం అయ్యింది మా ఇంటావిడకు... అప్పుడప్పుడు మాత్రం "చాల్లెండి తుడిచేరుగాని." అని డెప్పిపొడుస్తూ వుంటుంది...
మరో విషయం ఏవిటంటే మా మిత్రులు, బంధువులు...ఈ విషయంలో ప్రోత్సహిస్తారు కూడా.. 


ఎవరైనా ఇంటికి వచ్చిన వాళ్ళు "బండి మీదేనా...కొత్తగా కొన్నారా" అని ఎవరైనా అంటే చాలు ఛాతీ పొంగిపోతుంది..  


"కీప్ ఇట్ అప్ సార్.." అని ఆఫీసులో చాలా మంది అంటారు..     
 అన్నట్టు నా బండి కొని  మూడేళ్ళు పైబడింది.. చూసారా.. బుజ్జిముండ ఎలా మెరిసిపోతోందో.. 

 
అన్నట్టు చెప్పడం మరిచా ఇది నా జీవితంలోకి ప్రవేశించిన  ఐదో బండి..మైలేజి ఇవ్వట్లేదని కైనెటిక్ 4ఎస్ మరియు బజాజ్ పి.ఎల్ 170 అని ఒక సెకండు హాండు బండిని త్వరగా మార్చివేసాను గాని మిగిలిన వాహనాలు పదేళ్ళు పైబడి చక్కగా మైంటేన్ చేసిన ట్రాక్ రికార్డు ఇక్కడ..  
  

Sunday, February 8, 2015

ఎవడివెనకాల ఏ బాబు వున్నాడో ఎవరికి తెలుసు..

మనం నడిపేది ఏ వాహనం అయినా మనం ఆపితే ఆగేటట్టు వుండాలి... ఆఖరుకి సైకిల్ అయినా సరే...
సైకిల్ కూడా స్పీడ్ గా వెళ్తున్న సమయములో హటాత్తుగా బ్రేక్ వేస్తే ఎగిరిపడి నడుపుతున్న వాడు తుళ్ళిపడి ఒక్కసారిగా రోడ్డున పడతాడు.. 
చిన్న బండికి చిన్న దెబ్బ పెద్ద బండికి పెద్ద దెబ్బ.. పిండి కొద్దీ రొట్టి అన్నమాట..
ఈ విషయం మర్చిపోయి బండి చేతిలో వుందికదా అని రయ్యిన దూసుకు పోతే ప్రమాదాల్ని కొని తెచ్చుకున్నట్టే..
యవ్వనంలో వుంటే సాధారణంగా ఎవరైనా రెచ్చిపోతారు.. అది వయసు ప్రభావం.. ఆడైనా మగైనా.. కొత్త స్కూటరు లేదా మోపెడ్డు అమ్మాబాబులు కొనిస్తే స్నేహితుల ముందు గొప్ప కోసం రోడ్లమీద దూసుకుని పోతూ కాలేజీ కాంపౌండ్ లోకి రాగానే కసక్కని బ్రేక్ కొట్టి అందర్నీ ఆకర్షించడంలో వున్న కిక్కే వేరు.. 

కాని అది అందరికి సాధ్యపడదు.. కొవ్వున్న మాబాప్ వున్నవాళ్ళకే సొంతం..
అయితే జీవితంలో స్థిరపడి కారో.. బైకో కొనుక్కునవాళ్ళు కూడా అతి వేగంగా ప్రయాణిస్తూ ప్రాణాల్ని బలితీసుకుంటున్నారు... బలి పెట్టుకుంటున్నారు.. 
వోల్వో బస్సు కూడా గంటకి 80 కి.మీ దాటి ప్రయాణం చెయ్యకూడదు అట..
అలాంటిది కార్లను గంటకు 120 లేదా ఆపైబడి వేగంతో వెళ్ళడం అవసరమా??
ఆలోచించండి... 

ఎంతో విజ్ఞత కల్గి చక్కటి ఉచ్చారణతో వార్తా విశేషాల్ని మంచి ఆసక్తి కరంగా విశ్లేషించే బద్రి గారి మరియు వారి కుటుంబ సభ్యుల ప్రమాద వార్త విని చాలా విచారించాము.. 

మిగిలిన న్యూస్ రీడర్లకు భిన్నంగా ఎటువంటి వివాదాల వాఖ్యలు చెయ్యకుండా చర్చని పక్కదోవ పట్టించకుండా చక్కగా విశ్లేసిస్తూ టి.వి.9 లో వున్న ప్రతిభగల వ్యక్తికి ఇలా జరగడం దారుణం.. ఇలాంటి వాటి వలన మనం కూడా జాగ్రత్త పడే విషయాలు ఆలోచించుకోవాలి.. 

ముఖ్యంగా దూర ప్రయాణాలు పెట్టుకున్నప్పుడు ఒక గంటో రెండు గంటలో ఆలస్యంగా వెళ్ళినా మనకు నష్టం ఏమీ వుండదు.. ఎలాగూ ప్రిపేర్ అయే వెళతాము..అలాగని మరీ నెమ్మదిగా వెళ్ళకుండా ఏవరేజ్ న 60 కి.మీ వేగం అయితే చాలు అని నా అభిప్రాయం... 

రోడ్డు క్లియర్ గా వుంటే మేగ్జిమము 80 కి.మీ దాటి వెళ్ళరాదు.. 
మీది ఎంత పెద్ద బండి అయినా సరే.. ఒకవేళ బండి నడిపే వాడు అంతకన్నా ఎక్కువ గా వెళ్తే పక్కనున్న వారు హెచ్చరించాలి.. 
ఈరోజుల్లో ఇంటర్నేట్ సౌకర్యం వలన మనకి రూట్ మేప్ మరియు ఎంత దూరం అన్నది స్పష్టంగా తెలిసిపోతుంది.. 
దాన్ని బట్టి ఎన్నిగంటలకు బయలుదేరాలి.. 
దారిలో ఎక్కడ భోజనం చెయ్యాలి అన్నది ముందే ప్రణాళిక వేసుకోవాలి.. హడావుడిగా కాక దారికొసాకూ ప్రకృతిని ఎంజాయ్ చేసుకుంటూ మధ్యమధ్యలో ఆగుతూ వెళ్తే అలసట అన్నది రాదు..కారుకి కూడా విశ్రాంతి లభిస్తుంది..
మా మితృడు ఒకాయన ఒక సారి చెప్పాడు వాళ్ళు "గ్జైలో" కారులో వెళ్ళారుట..రాజమండ్రి 2 గంటల్లో తీసుకుని వెళ్ళాడంట (వైజాగ్ నుండి).. మధ్యలో కిటికీలోంచి చూద్దామని ప్రయత్నిస్తే కళ్ళు చెదిరే స్పీడు లో పోతున్నదట.. మీటరు చూస్తే 120 కి.మీ దగ్గర మీటరు వుందట.. భయం వేసి ఇక కిటికీ నుండి బయటకి చూడ్డం మానివేసాడట.. 

ఎంతో గొప్పగాను..కాస్త భయంగాను చెప్పాడు.. అదీ రాత్రిపూట ప్రయాణం.. ఎందుకు భయ్యా అంత స్పీడుగా వెళ్ళారు అంటే ఆ కారు ఓనర్ అయిన అతగాడి మితృడు తన స్నేహితుల ముందర తన డ్రైవింగ్ చాతుర్యం ప్రదర్శించడానికి అట.. 
కాని "అంత స్పీడ్ లో వెళ్ళకూడదు భయ్యా" అంటాడు ఆఖర్న...
ముఖ్యంగా ఆటోవాళ్ళు ముందర వున్నప్పుడు అప్రమత్తంగా వుండాలి.. వాడు కుడిపక్కకి తిరగాలి అనుకున్నప్పుడు కాస్త ఎడం పక్కకి తిరుగుతాడు..సడెన్ గా కుడి పక్కకి తిప్పేస్తాడు.. వెనక కారు వస్తున్నదీ... స్కూటర్ వస్తున్నదీ వాడు పట్టించుకోడు.. 

చాలా మంది ఆటోవాలాలకి  డ్రైవింగు లైసెన్సు వుండదు.. 
గాల్లో హెలికాప్టర్ని నడుపుతున్నట్టు నడుపుతాడు.. గాడిద వెనకాల వున్నా ఆటొ వెనకాల వున్నా ఒకటే అని నా భావన.. ఇక ఈ మధ్య మద్యం తాగి నడిపే వారు ఎక్కువ అయ్యారు... 
    చదువుకున్నవాళ్ళూ కూడా అడ్డగాడిదల్లాగ తయారు అయ్యారు... 

ఏం చేస్తాం కలి కాలం మహిమ.. అడ్డంగా వస్తారు.. తిరిగి మనవైపు ఎర్రగా చూస్తారు.. ఎవడివెనకాల ఏ బాబు వున్నాడో ఎవరికి తెలుసు.. 

పూర్వం వెనకటి రోజుల్లో  సిగరెట్టు తాగుతూ ఓ చేత్తో చివర్న వున్న బూడిదను స్టైలిష్ గా రాలుస్తూ కారు నడపడం ఫాషన్.. 
ఆ దుమ్ము వెనక వచ్చే వాడి కళ్ళల్లో పడితే ఇంకా ఆనందం.. 


ఇప్పుడు  ఒంటిచేత్తో డ్రైవ్ చేస్తూ మరో చేత్తో సెల్లు లో సొల్లు మాట్లాడుతూ వుంటే అదో ఫాషన్.. 

ఈ దిక్కుమాలిన చేష్టలే మన కొంప ముంచుతున్నాయి..                
        

Sunday, February 1, 2015

వైట్ హవుజు వాస్తు బాగోలే..కొత్తది కట్టించు ఒబామా..

ఓబులేసు: అలో ఒబామన్నా... ఔ ఆర్ యూ అన్నా...


ఒబామా: హలో మిస్టర్ ఓబులేసు.. హౌ.ఆర్ యూ మేన్... 


 
ఓబులేసు: అన్నా.. నే మంచిగున్నా..గాని.. నీకు జర్రంత జాగురూత్ సెప్పెటందుకె ఫోన్ చేసిన..
ఒబామా: వాట్..మిస్టర్ ఓబులేసు.. 


ఓబులేసు: అన్నా.. అర్జంటుగా నువ్వు గీ వైట్ హవుజు ఖాళీ చేసి..కొత్త వైట్ హవుజు కట్టరాదె.. 


ఒబామా: ఏమైంది ఓబులేసు గారు.. ఎందుకు ..
ఓబులేసు: గీ వైట్ హవుజు వాస్తు బాగోలేదన్నా...గందుకే నీకు మంచి జరగట్లే..


 

ఒబామా: నాకేం ఇప్పుడు బాగానే వున్ననుగా.. నా ముందటి ప్రెసిడెంట్లు అంతా బాగానే వున్నారుగా..
ఓబులేసు: ఏం బాగు.. గతమంతా గలీజు సరిత్రనాయె..
ఒబామా: ఈ వైట్ హవుజు నా అబ్బ సొత్తు కాదు ఓబులేసు గారు.. ఈ పదవి లో వున్నం
వరకే ఈ రాజభోగం.. 

ఓబులేసు: అయితే మాత్రం పదవిలో వున్నంతకాలము పైకెదగాల్నా వద్దా..
ఒబామా: అయినా వున్నపళంగా వేరొక వైట్ హవుజు కట్టాలంటే బోలెడు పైసలు కావాలి కదా.. కోట్లకొద్ది ఖర్చు.. మా వాళ్ళు ఒప్పుకోరు బాస్.. 


ఓబులేసు: గదేంటి బాస్ గిప్పుడు వేల కోట్లు ఖర్చుపెట్టి మాతాన కొత్త సెక్రట్రియేట్  కట్టిస్తున్రు...మాతాన మస్తు పైసలున్నాయి...
ఒబామా: అందుకు మీ వాళ్ళు ఒప్పుకుంటారా భాయ్.. అదంతా ప్రజల సొమ్మే గా.. పర్మిషన్ గట్రా అక్కర్లేదా..


ఓబులేసు: అరె భాయ్.. గిప్పుడు మవోళ్ళూ ఆడింది ఆట.. పాడింది పాటా.. గిన్నాళ్ళూ గీ సీమాంధ్రా గాళ్ళు తొక్కీసున్రు భాయ్... మరో మాట.. మా వోడు సొంత మొక్కులన్నీ మంది పైసల తోటే తీరుస్తుండు...  


ఒబామా: మీవోళ్ళందర్నీ ఎలా మెనేజ్ చేస్తున్నారు భాయ్..
ఓబులేసు: ఎదురు తిరిగితే బొక్కలు (ఎముకలు) ఇరుగుతాయ్ భాయ్..   


ఒబామ: మీ దగ్గర పైసలు ఎక్కువున్నట్టు వున్నయి... పైగా అడిగే దమ్మున్న మగాడు కూడా లేడు.. జర అప్పు ఇప్పించ రాదె...
ఓబులేసు: ఇస్తా అన్నా.. కొత్త వైట్ హవుజు కట్టుకో...