Saturday, July 1, 2017

బోరు బావి లో ఇంకిన కన్నీళ్ళు...



కన్నబిడ్డ కానరాక..
కన్నతల్లి కన్నీరాయె..

పాలబుగ్గ పసిపాపను
పాడుబుగ్గ మింగెనమ్మ..

విలవిల లాడెనమ్మ పసిపాణం..
వలవల పోయెనమ్మ పేగు బంధం..

పాపాత్ములైన పాడు మనుషులు..
పాతాళానికేసిరి  పాడు బావులు..

బుడిబుడి అడుగుల బుజ్జాయి..
తడబడి అడుగంట జారిపోయి..

అమ్మ కోసం ఆక్రోశించె బిడ్డ..
బిడ్డ కోసం రోదించె అమ్మ..

ఇంకిపోయిన బావిలోన..
ఇంకరాని కూన కోసం..
ఇంకెనమ్మా కన్నీళ్ళు..

ఇంకెన్నాళ్ళయ్యా ఈ అగచాట్లు???

(రచన, బొమ్మ: ఓలేటి.శంకర్)

No comments:

Post a Comment