Wednesday, November 30, 2016

కాసు బంగారం కొన్నా...లెక్క చెప్పాల్సి వస్తుందని..

శ్రీదేవి: ఏవిటి నాధా..ఆందోళనగా ఉన్నారు??

స్వామి: దేవీ..కొంతమంది భక్తులు నల్లధనం తీసుకొచ్చి హుండీలో వేస్తున్నారు... అడ్డగోలుగా సంపాదించిన సొమ్ముని పెద్దనోట్ల రద్దుతో ఆ పాపపుసొమ్ముని హుండీల్లో వేసి చేతులు దులిపేసుకుంటున్నారు...

శ్రీదేవి:  (గుడి) పాలకులు నల్లకుబేరులకు నేరుగా దర్శనం కల్పించి సామాన్యభక్తులను ఇక్కట్లపాలు చెయ్యడం సాధారణమే కదా స్వామీ..మీరు కుబేరులకే దేవుడు కాని పేదలకు కాదని కమిటీ వారు fix అయిపోయారు...

స్వామి: మరే...అన్నమయ్య పాడిన కీర్తనలను మరిచారు వీళ్ళు...

శ్రీదేవి: పెద్దనోట్ల రద్దుతో అన్నపానీయాలే మర్చిపోయారు..ఇక అన్నమయ ఎక్కడ గుర్తుంటాడు??

స్వామి: మరి ఏవిటి సాధనం??

శ్రీదేవి: సర్లెండి..రోలొచ్చి మద్దెలతో మొరపెట్టుకున్నట్టు... పెద్దనోట్ల రద్దు తరువాత బంగారం మీద పడతారని భయంతో ఈ శ్రావణమాసంలో ఆడవాళ్లు బంగారం కొనడం మానేసి కూచున్నారు..కాసు బంగారం కొన్నా లెక్క చెప్పాల్సి వస్తుందని నా చిట్టితల్లులు తల్లడిల్లి పోతున్నారు...వీటికి పరిష్కారం మీరే చెప్పాలి...

(పవళింపు సేవ తరువాత కాంతతో ఏకాంతంగా అరగంట మాత్రమే విశ్రాంతి దొరికిన స్వామి గంట శబ్ధం వినగానే శిలారూపమై నల్లదొరల దర్శనానికి తిరుమల వెళ్లగా..ఉస్సూరుమంటూ మంగాపురంలో తాయారమ్మ నల్లదొరసానులకు స్వాగతం పలికింది..)

నీతి: కుబేరులు మాత్రమే నిజభక్తులని తెలుసుకోండి..పాలకులు, పాలకమండలి వారు తీసుకున్న నిర్ణయాలు కుబేరులు లబ్ధిపొందడానికే..సామాన్యులకు మేలు చేస్తాయనుకోవడం మాయ..విష్ణుమాయ...

Friday, November 25, 2016

వాడు కాదు వీడు..వాడమ్మ మొగుడొచ్చినా ఒకటే మాట‌‌...

రవి అస్తమించని తెల్లదొరల పాలన పోయినా....
ప్రజల కొరకు ప్రజల చేత ఏర్పడిన ప్రభుత్వాలెన్నొచ్చినా..

వాడు కాదు వీడు..వీడు కాదు వాడమ్మ మొగుడొచ్చినా ఒకటే మాట‌‌...

1. పేదల అభ్యున్నతికే అహర్నిశలూ పాటు పడతాం.. ఇండియా లో పూర్తిగా పేదరికాన్ని పోగొడతాం...
2. అవినీతి పరుల భరతం పడతాం...
3.కుల మత వైషమ్యాలు లేని లౌకికరాజ్యం ఏర్పాటుచేస్తాం...
4. బడుగు బలహీన వర్గాల సంక్షేమానికి కృషి చేస్తాం..
    పూలే, అంబేద్కర్ ఆశయాల్ని నెరవేరుస్తాం..
5. ముస్లిం మైనారిటీలకు రక్షణ కల్పిస్తాం..
6.స్త్రీలకు రక్షణ కల్పిస్తాం..
7. పాక్ కి బుద్ధి చెప్తాం..
ఎప్పుడు చూడు అనే మాటలు...అనే హామీలు..కొత్త డైలాగులు రాయరా???

కూల్ బాబూ...కూల్

ఎన్నేళ్లయినా ఆ హామీలే నాయకులకు శ్రీరామరక్ష...

ఆ హామీలన్నీ ఎప్పటికీ తాజాగా ఉండాలంటే...
1. పేదవాళ్లు ఉండాలి..
2. అవినీతి పరులు వర్ధిల్లాలి..
3.కులమత వైషమ్యాలు రెచ్చగొట్టాలి..
4. రిజర్వేషన్ శాతాన్ని పెంచాలి...కుల వర్గాల మధ్య పోరుండాలి..
5. ముస్లిం లు జనాభా పెరిగినా మైనార్టీలనే అనాలి..
6. స్త్రీలపై అత్యాచారులు పెరగాలి..
7.  నిత్యం కాశ్మీరు రక్తమోడేలా చెయ్యాలి..మనకి నచ్చినపుడు యుద్ధం రావాలి..అక్కర్లేనపుడు ఆపేయాలి...

ఇది రాజనీతి నాయనా...మరో వందేళ్లయినా మారని దమన నీతి...

కాని మారనిదొకటే..
కరెన్సీ నోటుపై ఒక నిస్సహాయకుని చిరునవ్వు..బోసి నవ్వు..

ఆర్ధిక నేరస్థులకి శిక్షలు వేసిన రారాజు

ఒకానొక రాజ్యం లో పరమోత్తములైన పాలనాధ్యక్షుల వారి సమక్షాన పరమ విధేయులైన కోశాధీసుల వారు రాజ్యం లో కెల్లా అత్యంత ఆర్ధిక నేరాలకి పాల్పడిన నేరస్థులను ప్రవేశపెట్టారు..

1. ఈ ముద్దాయి నెలవారీ వెచ్చాలకోసం తన భర్త ఇస్తున్న డబ్బులో కొంతభాగము మిగుల్చుకొని పోపులడబ్బాలో తన భర్త కు తెలియకుండా దాచినది..
దీన్ని తీవ్రమైన ఆర్ధిక నేరంగా పరిగణించి..ఇకమీదట ఆడవాళ్ళకి పోపులపెట్టి రద్దు చేసి....ప్రస్తుత పోపులపెట్టెలన్నీ ఈ నెలాఖరులోగా రాజ్యానికి అప్పచెప్పవలసిందిగా ప్రకటించడమైనది..

2.ఈ ముద్దాయి తన కున్న 2 ఎకరాల పొలం తాకట్టుపెట్టి లక్ష రూపాయల ఋణం చేసి వచ్చేనెలలో తన పిల్ల పెళ్ళి కోసం బ్యాంకులో వేసుకున్నాడు..
నిజనిర్ధారణ కమిటీ వేసి..జమాఖర్చులు బేరీజు వేసి కమిటీ వారు సూచించిన మేరకే వారి డబ్బు ఇచ్చి మిగిలిన సొమ్మంతా రాజ్యం లో కలిపేసుకోవలసింగా ఆజ్ఞాపించడమైనది...

3. ఈ ఉద్యోగి పన్ను ఎగవేయుటకు పి.ఎఫ్ ఖాతాలో పొదుపు చేయడం... ఋణాలు తీసుకుని ఇండ్లు కట్టుకోవడం వంటి నేరాలు చేస్తున్నాడు...
ఉద్యోగులకు పి.ఎఫ్ లు, బోనస్సులు, బ్యాంకు ఋణాలు, పండగ అడ్వాన్సులు...మొత్తం రద్దు చేసి గోళ్ళూడగొట్టాలి..

4. ఇక తోపుడుబళ్ళ వాళ్ళు, రోజుకూలీలు లెక్కలేనంత ఆర్ధిక నేరాలు చేస్తున్నారు...వీళ్ళకసలు బ్యాంకు అకౌంట్లు గానీ...ఏ.టి.ఎమ్ కార్డులు గాని లేవు..జమాఖర్చుల అకౌంటు లేదు..
అందుకే వీళ్ళకి  ఓ పది రోజులపాటు చిల్లర ‌ నోట్లు అందుబాటులేకుండా చేస్తే చస్తారు..దరిద్రం వదిలిపోద్ది...

ఇంతలో కలకలం...రాజుగార్ని సన్మానించడానికి ఓ పది మంది ఉన్నతవ్యక్తులు..పరమపురుషోత్తములైన కోట్ల ఋణాల్ని పొంది పాపం కట్టలేని బీద పరిస్థితుల్లో ఉండి ప్రజలచే మోసగాళ్ళని అపవాదు మోస్తూ ఆ అవమానం భరించలేక పొరుగుదేశంలో తలదాల్చుకున్న ఆ దీనుల కోట్ల ఋణమాఫీ చేసిన ధీరోధాత్తుడైన రాజుగార్ని సన్మానించుకోవడానికొచ్చారు..

రాజుగారు ఎదురెళ్ళి పట్టుపీతాంబరములతో..పన్నీటి జలకరింపులతో ఆహ్వనం పలికేరు..
అడ్డుగా ఉన్న పైన చెప్పిన ఆర్ధిక నేరస్థులను సైనికులు లాక్కెళ్ళి కుళ్లబొడిచారు..

Tuesday, November 22, 2016

మహతిని భారతి ఎత్తుకెళ్ళింది..

రేడియో లో బుల్లి బుల్లి మనుషులుండి పాటలు పాడతారు కామోసనుకునే  పసితనంలో 'ఏమి సేతురా లింగా..ఏమీ సేతురా" అంటూ లాలిత్యమైన గొంతు వింటూ ఉదయాన్నే సుప్రభాత వేళ పారవస్యంతో పులకరించేది మనసు..

గ్రాంఫోను గిర గిర మని తిరిగితే పాటలెట్లు వచ్చునో తెలియని లేత వయసులో "ఇదిగో భద్రాద్రీ..గౌతమి నదిగో చూడండి" అంటూ గాంభీర్యమైన గొంతు మిత్రుడింట పదే పదే వింటూ చదువు కొనసాగించేది తనువు...

వయసు‌ బాటు మారుతున్న దృశ్య శ్రవణ యంత్రాలలో
నిక్షిప్తమైన వందల..వేల కీర్తనలను అదే మాధుర్యమైన
గొంతు లో వింటూ ఆధ్యాత్మికా భావ ప్రభంజనంలో జీవన మాధుర్యాన్ని గ్రోలుతూ సంసార నావని నడిపిందీ జీవుడు.

సంగీత సాహిత్య కళా పిపాసి బాలమురళి..
సరస్వతీ మాత కొలువులో మహతి గానరవళితో
సరళ రాగాల మేలవింపుతో సరికొత్త కీర్తనావళి
సుస్వరంగా ఆలపించుటకై బ్రహ్మలోకానికి పయనమైరి..

Monday, November 21, 2016

శ్రీ మోడీ గారికి...గిరీశం రాసిన ఉత్తరం

అన్నగారైన మోడీ గారికి... ఈ గిరీశం అనేక వేల నమస్కారములతో ఛాయంగల విన్నపములు..

మీరును నా వలనే బ్రహ్మచారిగ ఉండి పోయి లోకోద్ధరణకే జీవితాన్ని అంకితమిస్తున్నందుకు మహదానందముగ నున్నది...

శీఘ్రమే మీ కొలువునకు చేరవలనని ఉన్నది గాని..చేతిలో చిల్లర లేక మీరిచ్చిన కాపర్..అదే..2000 నోటు మా వెంకటేశానికిచ్చి పావుశేరు మిఠాయి కొనుక్కురమ్మని పంపితే అంగడి వాడు దుడ్డుకర్రతో చావబాదాడు..
ఏవీ పాలుపోకుండా ఉన్నది..

ఇక్కడ మీ మావ గారు పరమానందభరితుడై మీకు కొన్ని లక్షల ఖరీదు చేసే కోటు తయారుచేయించి బంగారుటద్దముతో 'మోడీ" అన్న మీ నామధేయము అద్దానిపై చెక్కించి బహు సుందరముగ తయారుచేయించినారు..

1 వ నంబరుషరా: వివాహ ఖర్చుల నిమిత్తం మీ అత్తగారు దాచుకున్న డబ్బు ని బ్యాంకువారు ఇచ్చుటకు నిరాకరించడముతో నూతులో పడినది..కాని మేలే అయినది..నేను అమాంతం దూకి అత్తగారిని కాపాడుట వలన బుచ్చెమ్మకు నాపై అనురాగము కల్గినది..

తదుపరి..మీ నిర్ణయము వలన సామాన్యులు‌ పలు కష్టాలు పడుచున్నారని గిట్టని వారు ప్రచారం చేయుచున్నారు..ఇదంతా కేజ్రీవాల్ కుట్రే గాని మరి వొకటి కాదు..ఈ కేజ్రీవాల్ జిత్తుల జాకాల్..అనగా గుంటనక్క..

2 వ నంబరు షరా : 50 రోజుల వరకూ ఓపికవహించమని మీరు కోరిన పిదప ప్రజలు సహనం వహిస్తున్నారు..ఆ పిదప ఈ కష్టాలు యావత్తు అలవాటు చేసుకుని మహదానందముగ ఉండగలరు..
ఆ...ఇది వరకూ ఎన్ని పర్యాయములు ఇలా నాయకుల వలన ఇబ్బందుల పాలు కాలేదు??
ఈ దేశ ప్రజలు త్యాగమూర్తులు.. సహనమూర్తులు.. గనుకనే నా ఉపదేశాల్ని ఒంటబట్టించుకున్న నాయకులు ఇలా ఒపీనియన్స్ చేంజ్ చేస్తూ ఎన్నికల నాటి హామీలకు విరుద్ధంగా‌ నిర్ణయాలు తీసుకున్ననూ మిన్నకుండి గొర్రెలవలె తలూపుతారు..

3 వ నంబరు షరా: మీకు అత్యంత ప్రియ సన్నిహితులను ఎవరో ఏదో అన్నారని దూరం చేసుకోవద్దు.. వందిమాగధులతో విదేశీ పర్యటనలకు.. పట్టుపీతాంబరములతో స్వాగత సత్కార్యములకు.. ఏనుగుర్రంబులతో ఊరేగింపులకు బహు కష్టము కలుగవచ్చు...
దీవాన్జీ సాహెబు గారినడిగి బంగారపుద్దముల పల్లకీ కూడా మీ మిత్రులు సమకూర్చుతున్నారు..
ఇదంతా వృధా ప్రయాసని గుంటనక్క కేజ్రీవాల్ కూసిననూ..మీ వ్యతిరేకులందరూ దేశ ద్రోహులుగా ముద్రవేసి వారి నోళ్ళు మూయించవచ్చును..

ఇవన్నీ దగ్గరుండి చూచుకొనుటకై నన్ను‌ దత్తత తీసుకోవలసిందిగా వేడుకొనుచున్నాను..
ఇట్లు
మీ విధేయుడు
గిరీశం

Saturday, November 19, 2016

కోటి దీపోత్సవమా?? మోడీ బాకోత్సవమా??


నిన్న శనివారం భక్తి టీ.వీ వారు సభక్తికంగా నిర్వహించిన కార్యక్రమం ఆధ్యాత్మికమా నీచ రాజకీయ కలుషోత్సవమా అర్ధం కాలేదు...

శివనామ సంకీర్తలతో మార్మోగవలసింది పోయి మోడీనామ జపోత్సవంతో వెలిగిపోయింది..

ఆధ్యాత్మిక ప్రసంగాలు మాత్రమే చెయ్యవలసిన ప్రవచనకారుడు గరికపాటి వారు పురాణాలకీ నోట్ల రద్దుకీ ముడిపెట్టి ఈ కోటి దీపోత్సవపుణ్యం అంతా పి.ఎమ్ శక్తినివ్వడానికే గాని మీకుకాదని తేల్చిచెప్పి వెంకుబాబు గార్ని మురిపించి ఆయనకు ముసిముసి నవ్వులు కురిపించేరు..

ఆహా..ఏమీ భజన..ఏమీ భజన..
శివుడు వెలవెల బోవ..గంగ విస్తుబోవంగ..పార్వతీదేవి మూర్ఛబోవునటుల..యావత్ భక్తులంతా ఛీదరించునటుల ఈ బాకా పూజలు ఎవరిని కాకా పట్టుటకు??

ఈ నీచపనికి కార్తీకదీపోత్సవమని పవిత్రపేరెందుకు?? పండితులతో సంస్కృతాంధ్ర భాషలతో భజనలెందుకు??
మీరు చెప్పే నీతులు ఇతరులకేనా??

పోతనామాత్యుడు సరస్వతీ మాత ముందు "కాటుక కంటినీరు.."అనే పద్యం చదివి బాధ పడినది ఎందుకు? ఇలాంటి నీచ నికృష్ట పని చెయ్యలేరా కదా??

Wednesday, October 19, 2016

"ఈటీవీ" పేరు ను"బూతు టీవీ" అని మారుస్తే బెస్ట్

ఈటీవీ లో ప్రసారం అవుతున్న "ఢీ జోడీ" కార్యక్రమం మొదట్లో చాలా బావుండేది..
కాని ఇప్పుడు "జబర్దస్త్" కన్నా నీచంగా తయారైంది..
డాన్సుల కన్నా యాంకర్లకి జడ్జిలకి మధ్య నడుస్తున్న నీచ సంభాషణలు ఎక్కువైపోయాయి..
డాన్సుల లో కొత్త దనం లేక చేసిందే చేస్తూ ఆశ్లీల నృత్యాలతో నింపేస్తున్నారు..
"ఈటీవీ" పేరు ను"బూతు టీవీ" అని మారుస్తే బెస్ట్ అని నా అభిప్రాయం..

Friday, August 5, 2016

యాస మారినా బాస మారలేదు..

మరో సారి ఆంధ్ర ప్రదేశ్ ప్రజలు మోసపోవడానికి సిద్ధం గా వుండాలి...

ఆనాడు...
విభజన సమయములో "ఆఖరు బంతి నాదే" అని నల్లా వారు మభ్యపెట్టి.
"ఏదో జరగి బోతావుంది...అద్భుతాలు జరిగితాయి".. అంటూ తన యాసలో మోసపుచ్చినట్టే..

ఈరోజున ధిల్లీ లో తిష్టవేసిన నారా వారు కూడా "మరో వారం రోజుల్లో అద్భుతం జరిగిపోతుంది.. ఆ విధంగా ముందుకి పోతాం" అంటూ ప్రత్యేక యాసలొ ప్రసంగిస్తున్నారు...

యాస మారినా బాస మారలేదు..
నాయకుల తీరు మారలేదు...     

Wednesday, July 13, 2016

వన్ ప్లస్ వన్ - దిమ్మతిరిగే ఆఫర్లు...

అదో పెద్ద బంగ్లా...కాలింగ్ బెల్ మోగింది..
తలుపు తెరుకుచుని ఓ ఆసామి బైటకొచ్చాడు..


"సార్..వన్...ప్లస్ ఒన్ ఆఫర్ సార్..మా దగ్గర ఓ ఫ్లాట్ కొంటే మరో ఫ్లాట్ ఉచితం సార్" వివరించాదు సేల్స్ మేన్...


"అయ్య గోరు నేరు..నేను ఈ ఇంటి వాచ్ మేన్..ని" అన్నాడు.. ఆసామి.. 


"మీ అయ్యగోరు ఎక్కడికి వెళ్ళేరు?".. 


"వన్ ప్లస్ వన్ ఆఫర్ కే వెళ్ళేరు...సింగపూర్ ట్రిప్ కి మలేషియా ట్రిప్ ఫ్రీ అంట"...    


"మరి మీ అమ్మ గారు ఎక్కడికి వెళ్ళేరు?".. 


"వన్ ప్లస్ వన్ ఆఫర్ కే వెళ్ళేరు...ఒక చీర కొంటే మరో చీర ఫ్రీ అంట"..


"మరి పిల్లలు"...


"ఆ. ఆళ్ళూ వన్ ప్లస్ వన్ ఆఫర్ కే వెళ్ళేరు"...


"అబ్బాయేమో ఒక మందు బాటిల్ కొంటే మరో మందు బాటిల్ ఫ్రీ అంట అక్కడికి"...


"అమ్మాయేమో ఒక బాయ్ ఫ్రెండ్ దగ్గరకి వెళ్తే మరో బాయ్ ఫ్రెండ్ ఫ్రీ అట..అక్కడికి ఎల్లినారు"....  


"అబ్బో ..మరి నీకేం వన్ ప్లస్ వన్ ఆఫర్ లేదా??"..


"ఎందుకు  లేదూ..ఇనాగ అందరూ ఎల్లిపోతే..ఈ ఇంటిని కాపలా కాసిన నాకు.. అయ్యగోరు బెడ్రూం తో బాటు పనిమనిషి ఫ్రీ"..


దిమ్మతిరిగిన సేల్స్ మేన్ కిందపడి గిల గిలా కొట్టుకుంటున్నాడు...   

Tuesday, July 12, 2016

ఆ ఒక్కణ్ణి చూసి వందమంది నవ్వుకుంటున్నారు...

ఒకప్పుడు వందమందిలో ఒక్కడు తాగేవాడు....ఆ ఒక్కణ్ణీ చూసి వందమంది అసహ్యించుకునే వాళ్ళు....
కానీ నేడు...ఒక్కడు తప్ప వందమంది తాగుతున్నారు.. ఆ ఒక్కణ్ణి చూసి వందమంది నవ్వుకుంటున్నారు... 


ఒకప్పుడు మగాళ్ళు మాత్రమే తాగేవాళ్ళు..తాగుబోతు మొగుడి చేతిలో పెళ్ళాలు తన్నులు తినేవారు..
కానీ నేడు...ఆడాళ్ళూ తాగుతున్నారు...తాగుబోతు పెళ్ళాంతో కామ్ గా కాపురాలు చేస్తున్నారు మగాళ్ళు... 


ఒకప్పుడు తండ్రులు మాత్రమే తాగేవోళ్ళు... తాగుబోతు తండ్రికి పిల్లలు భయపడే వారు...
కాని..నేడు...తండ్రులే పిల్లల జల్సాలకి..మందు పార్టీలకు డబ్బిస్తున్నారు... బలాదూర్ తిరగడానికి కార్లిస్తున్నారు.. 


తాగిన మైకంలో మైనారిటీ తీరని మద ముచ్చులు చేసిన మారణకాండకి ఏడ్చేదెవడు...ఆదుకునేవాడెవడు...
అర్రులు జాపి నోట్ల కట్టల కోసం నోర్లు బార్లా తెరిచే చట్ట, న్యాయ, రాజకీయ గద్దలు సిద్ధంగా ఉన్నాయి...

Saturday, July 9, 2016

కర్రి రత్తమ్మ - జీతం లేని పోలీసు ...



ఇప్పుడు నేను రాస్తున్న కథ పూర్తిగా నా ఊహాజనితమే... ఎవరినీ ఉద్దేశ్యించి రాసినది కాదు అని మనవి....
"కర్రి రత్తమ్మ" అంటే ఆ ఊర్లో అందరికీ హడల్... మనిషి కారు నలుపు..సివంగి లాంటి రూపం..చింపిరి జుత్తు..చేతిలో ఓ పొడవట్టి కర్ర...
ఊర్లో వాళ్ళ పశువులను మేతకి తీసుకెల్తుంది... పశువులతో బాటే కాయో..పండో తింటుంది...తల్లి తండ్రులు లేని అనాధ..


పొద్దుగూకేక రాంకోవెల్లో తలదాచుకుంటుంది..అలికిడి అయితే చాలు "ఒరేయ్ ఎవర్రా అది" అని కర్ర పట్టుకుని అదిలిస్తుంది..
పంతులుగారు ఇచ్చే ప్రసాదం ఒక్కటే తింటుంది..
ఇంకెవరు ఏవిచ్చినా పుచ్చుకోదు..
అల్లరి చేసే పిల్లకాయలకు "అదిగో రత్తమ్మ వస్తోంది.." అంటే చాలు టక్కున సైలెంట్ అయిపోతారు...
పోకిరీ పనులు చేసే కుర్ర నాయాళ్ళు అల్లంత దూరంలో రత్తమ్మని చూడగానే పక్క వీధిలోకి జారుకుంటారు...
పెద్దమనుషులు ఏదైనా అడ్డగోలు తీర్పు ఇస్తే చడా మడా కడిగి పారేస్తుంది...
దీని నోరుకి, కర్ర బలానికి జడిసి చెడ్డ పనులు చెయ్యాలంటేనే ఆ వూర్లో వాళ్ళు జడిసిపోతారు... 


అలాంటిది... ఓసారి ఆ ఊర్లో ఇప్పుడిప్పుడే మూతిమీదకి మీసాలు వస్తున్న కుర్రకారు ఓ నలుగులు ఊరి చివర పాడుపడ్డ నూతి గట్టుపై కూర్చుని ఆ తోవంట పోయే పడుచు పిల్లలతో ఎకసెక్కాలు ఆడుతున్నారు...
ఇంతలో పొన్నూరు కొత్త పిల్లెవరో ఒంటరిగా వెళుతూ వీళ్ళ కంట బడింది...
అంతే నలుగురూ చుట్టుముట్టారు...
అనేకరకాలుగా కామెంట్లు చేస్తూ గుండ్రంగా చేరి చప్పట్లు కొడుతూ పాటలు పాడుతున్నారు...
ఆ పిల్ల భయపడుతున్న కొద్దీ రెచ్చిపోయి మీద మీద పడి..చెంపల మీద, పిర్రల మీద చేత్తో తాకుతూ వినోదిస్తున్నారు...
పెద్దోళ్ళ పిల్లలమనే గర్వంతో మమ్మల్ని ఎవరూ ఏవీ చెయ్యలేరు అన్న ధీమాతో ఇంకాసేపు ఉంటే ఏమైనా చేసేలా ఉన్నారు.. 


ఇంతలో... "ఒరేయ్..ఎవర్రా అది.." అని ఒక పెద్ద కేక వినబడింది..
"అమ్మో కర్రి రత్తమ్మ" అంటూ పరుగు లంకించుకున్నారు నలుగురూ....
కానీ సూర్యం గాడు అదుపుతప్పి పాడు పడ్డ నూతిలోకి జారిపోయాడు...
నూతిలో నీళ్ళు అయితే లేవుగానీ లోతెక్కువ...పైకి వద్దామన్నా గోడలకి పట్టు లేదు..
కర్రి రత్తమ్మ వైపు కృతజ్ఞతా పూర్వకంగా చూసి ఆ పిల్ల వెళ్ళిపోయింది...
సూర్యం గాడు అరుస్తూ తన స్నేహితులని పిలుస్తున్నాడు... ఎవరూ లేరు...
వాడి కేకలకి కర్రి రత్తమ్మ నూతి దగ్గరకి వచ్చి తొంగి చూసింది...
నూతిలోంచి బయటకు వచ్చే మార్గం తెలీక గిల గిల కొట్టుకుంటున్న సూర్యాన్ని చూసింది...
వెంటనే చీర విప్పింది .తాడులాగ ముడతలు పెట్టి సూర్యానికి అందించింది...ఆ చీర కొస పట్టుకుని మెల్లిగా బయటకు వచ్చాడు సూరిగాడు అనబడే సూర్యం..పెద్దింటి పిల్లోడు...రత్తమ్మ అనబడే పోరంబోకు (ఎవరికీ అక్కరలేని) అనాధ అనాకారి పిల్ల చేతిని అందించింది...

బలమైన ఆ చేతినందుకుని బయటపడ్డాడు.. ఆమెను కౌగిలించుకుని భోరుమని ఏడ్చాడు.. ఏ ఆచ్చాధనా లేని ఆమె వక్షద్వయం వాడికి వికారాన్ని కలిగించలేదు..అమ్మతనానికి నిదర్శనంగా గోచరించాయి...  
"రత్తమ్మా..." అంటూ కాళ్ళపై పడ్డాడు... ఇవేవీ పట్టించుకోని నల్ల బంగారం తిరిగి చీరను వంటిపై చుట్టుకుని కర్ర నేలకి తాకించుకుంటూ ఊర్లోకి వెళ్ళిపోయింది....
అదో పల్లెటూరు ...రత్తమ్మ లాంటి జీతం లేని పోలీసులు కాపలా ఉంటారు ఊరికి.. కానీ నేడు మహా పట్టణాల్లో నిత్యం ఏదో ఒక చోట మానభంగాలు..హత్యలు జరుగుతూనే వున్నాయి... కౄర మృగం లాంటి రాక్షసుల అకృత్యాలకి ఎంతో మంది స్త్రీలు బలి అయిపోతున్నారు..... 

దీనికి పరిష్కారం పాలకులే చెప్పాలి....ఏవంటారు???

Tuesday, June 7, 2016

వస్తే ఆంధ్రా కి రండి..లేదంటే..రాజీనామాలు..చెయ్యండి...రెండే రెండు ఆప్షన్లు...

ఉద్యమ కాలంలో మేమే అందరికన్నా ముందుండి నడిపించాం అని పొద్దుట టీవీలో ఒక ఉద్యోగ సంఘం నాయకుడు చెబుతున్నాడు.. 
అయ్యా..నిజమే ..
కానీ.రాష్ట్రం విడిపోతే  మీరు హైదరబాద్ నుండి వెళ్ళవలసి వస్తుందనే బాధతో ఉద్యమంలో పాల్గొన్నారు గానీ ...రాష్ట్రం రెండుముక్కలుగా విడిపోతుందనే బాధతో ఉద్యమం చెయ్యలేదు... 
మీ వ్యక్తిగత ఆస్థుల గురించే బాధపడ్డారు కానీ.. ఆంధ్ర రాష్ట్రం గురించి ఏనాడూ ఆలోచించలేదు.. 
ఇప్పుడది తేటతెల్లమైనది... 
తెల్ల ఏనుగుల వంటి ప్రభుత్వ ఉద్యోగస్తులు..ఐ.ఏ.ఎస్..ల మనోగతాలు ప్రజలు చూస్తున్నారు... 
ఇదా చిత్తశుద్ధి..కార్యదీక్షత..?? ..
ఊకదంపుడు ఉపన్యాసలతో హోరెత్తించారే గాని ఉద్యమంలో సాధించింది ఏమీ లేదు... 
అప్పటి ముఖ్యమంత్రి తో బాటు అధికార్లు..ఉద్యోగ సంఘ నాయకులు కూడా అడ్డంగా ఆంధ్ర ప్రజలని వెర్రి వాళ్ళని చేసి అడ్డగోలు విభజించారు... 
చేసింది చాలు... వస్తే ఆంధ్రా కి రండి..లేదంటే..రాజీనామాలు..చెయ్యండి...రెండే రెండు ఆప్షన్లు...  

Wednesday, June 1, 2016

తెలంగాణ సంబురాలు ఆంధ్రలో సూపిత్తారేట్రా..మీ బతుకులు సెడ..

ఓరి..మీ అమ్మ కడుపులు గాల..
నిరంతర వార్తా ప్రసార సచ్చినోళ్ళారా..
పుండు మీద కారం జల్లినట్టు..
మూలిగే నక్క మీద తాటి పండట్టు..
తెలంగాణ ఆవిర్భవ సంబురాలు..
ఆంధ్రలో సూపిత్తారేట్రా..మీ బతుకులు సెడ..

భలే మంచి రోజు...ఆంధ్ర అంతా శంకనాకిపోయిన రోజు.

భలే మంచి రోజు...పసందైన రోజు...
ఆంధ్ర అంతా శంకనాకిపోయిన రోజు...హాయ్...శంకనాకి పోయె ఈ రోజు...


సోనియమ్మ ముంచిన రోజు...సుష్మమ్మ పొడిచిన రొజు...
గుండెలోని కోరికలన్నీ గుట్టలుగా పడిన రోజు..
(2 సార్లు)

 గుట్టలైన ఆ కోరికలే చీకట్లో కలిసిన రోజు...
హోదా మీద ఆశలన్నీ మొదలుకే నరికిన రోజు.....   

భలే మంచి రోజు...పసందైన రోజు...
ఆంధ్ర అంతా శంకనాకిపోయిన రోజు...హాయ్...శంకనాకి పోయె ఈ రోజు...

ఆంధ్ర ఎం.పీలు అడుక్కున్న రోజు.. కాంగీవోళ్ళూ నవ్విన రోజు..
చిలక పలుకులు వెంకు బాబు పలికిన రోజు..(2 సార్లు)
తెలుగుతల్లి ఆశలన్నీ..మట్టిలో కొట్టుకుపోయిన రోజు... 

భలే మంచి రోజు...పసందైన రోజు...
ఆంధ్ర అంతా శంకనాకిపోయిన రోజు...హాయ్...శంకనాకి పోయె ఈ రోజు... 

ఆ..  ఆ.. హాహా హాహా హా..  ఆ..  ఆ.. హాహా హాహా హా... 
ఆ..  ఆ.. హాహా హాహా హా..  ఆ..  ఆ.. హాహా హాహా హా... 

Friday, May 27, 2016

గేదెనే కాదు.. గాడిదను కూడా పూజించండి..ఎవరు వద్దన్నారు..ఐలయ్య గారూ..

కంచె ఐలయ్య అనే ఒక మేధావి( ?) వర్గానికి చెందిన వ్యక్తి మూడు ప్రశ్నలను సంధించాదు...:
1) ఆవునే ఎందుకు పూజించాలి? గేదెను/ బర్రె ను ఎందుకు పూజించకూడదు?
(2) శ్రమ శక్తి చెయ్యని బ్రాహ్మణ వర్గం వారికి  ఆర్ధికంగా ఎందుకు సహాయపడాలి?
(3) సర్వ మానవ సమానత్వం కోసం బ్రాహ్మణులే పాటుపడాలి...

 పై ప్రశ్నలకు సమాధానాల గురించి ఆలోచించే ముందు కొంత ప్రస్తుత విషయాలు ఆలోచిద్దాం..
ఈ మేధావికి ప్రస్తుత సమకాలీన సమస్యలు పట్టలేదా??
తెల్లారి లేస్తే స్త్రీల మీద ఎన్ని అఘాయిత్యాలు..హత్యలు జరుగుతున్నాయి...
వయసుతో సంబంధం లేకుండా మహిళలను చాలా దారుణంగా హింసిస్తున్నారు..
కోట్ల కొద్దీ ప్రజా ధనాన్ని కొల్లకొడుతూ ఎంతోమంది నల్ల డబ్బును పోగేసుకొని హేపీగా తిరుగున్నారు..
దర్జాగా విదేశాలకు ఎగిరిపొతున్నారు...
  
ప్రభుత్వ ఆసుపత్రుల్లో సరి అయిన వైద్యం లేదు..
సర్కారీ బడుల్లో చదువులు లేవు..
సగటు మనిషి వైద్యం కోసం..మరో పక్క ప్రైవేట్ విద్యా సంస్థలు..
ఆసుపత్రులు కోట్లకొద్దీ డబ్బుని రక్తం పీల్చి మరీ గుంజుతున్నారు..పబ్లిక్ గా..
నేర చరిత్ర ఉన్నవాళ్ళు  రాజకీయ నాయకులుగా మారి ప్రజలను శాసిస్తున్నారు...
పవిత్ర యుద్దం పేరుతో ఉగ్రవాదులు  వేల కొద్దీ అమాయకులను పొట్టనపెట్టుకుంటున్నారు...

అయ్యా మేధావి వర్గానీకి చెందిన ఐలయ్య గారూ...
స్వతంత్రం వచ్చిన ఇన్నేళ్ళ తర్వాత అక్షరాశ్యులు ఎంతమంది?? అందులో ఉద్యోగాలు పొందిన వాళ్ళు ఎంతమంది??
ఇంకా కూలీలుగా..కార్మికులుగా రోజు వారీ జీతం మీద ఆధారపడి దుర్భిక్షమైన పరిస్థులలోనే ఎక్కువ శాతం యువత బతుకున్నది..ఎందుకు..  అని ఎప్పుడైనా ఆలోచించారా...

వచ్చిన చిన్నపాటి జీతం మద్యానికే తగలేసి కట్టుకున్న భార్యాపిల్లలను గాలికొదిలేసిన దౌర్భాగ్యులు ఎంతమంది వున్నారో ఆలోచించారా?? వాళ్ళలో మార్పు  కోసం ఏమైనా పోరాటాలు చేసారా??
ప్రభుత్వమే మద్యాన్ని అమ్ముతూ ఖజానాన్ని నింపుకునే దౌర్భాగ్య స్థితిపై ఎన్నడైనా ప్రశ్నించారా??
మద్యం మత్తులో వాహనాలు నడుపుతూ రోజుకి ఎంతమంది ప్రాణాలు గాల్లో కలిసిపోతున్నాయి...
వారి మీద ఆధార పడి బతుకున్న కుటుంబం ఏవైపోవాలి?? వీటిమీద ఎన్నడైనా ప్రశ్నించారా??

ఇవేవీ మీకు సమస్యలుగా కనబడలేదు సారూ...
కానీ ఆవునే ఎందుకు పూజించాలి..గేదెను ఎందుకు పూజించకూడదు అన్న అమోఘమైన ప్రశ్న మీ మేధావి బుర్రలో వెలిగింది..
గేదెను పూజించవద్దని ఎవరు చెప్పారు..పూజించండి ...
గేదెనే కాదు.. గాడిదను కూడా పూజించండి..ఎవరు వద్దన్నారు..ఐలయ్య గారూ..
అన్నిటి కంటే గాడిద పాలు ఔషద గుణాలు కలిగి ఉన్నాయి కదా...
కాని ఆవుని పూజించే వాళ్ళను అడ్డుకునే హక్కు మీకు లేదుగా..
ఆవు శరీరం లోంచి ఉత్పన్నం అయ్యే ఔషదగుణాల గురించి శాస్త్రవేత్తలు సైంటిఫిక్ గా నిరూపించినా మీ మేధావి బుర్రకు తెలియలేదు...

(2) బ్రాహ్మణులు శారీరక శ్రమ చెయ్యరు కాబట్టి వాళ్ళకి ఆర్ధిక వనరులు ఇవ్వకూడదు..
అయ్యా ఐలయ్య గారు.. ముఫై ఏళ్ళో ఆపైనో మీరు ప్రొఫెసర్ గా చేసిన మీరు శారీరక శ్రమ చెయ్యలేదే...
అసలు ఈ ప్రశ్న వేసే హక్కు మీకు ఎలా వుంది??
మీరు  ఈ వృత్తిని ఎంచుకోకుండా శరీరక శ్రమ తో  కూడిన వృత్తి ఎందుకు చేపట్టలేదు..మరి ఏ శ్రమ పడని మీరు ఎందుకు జీతం తీసుకున్నారు??
ఒక కర్మాగారంలో శారీరక శ్రమ చేసే కార్మికులు మామూలు గదుల్లోనో, ఎండలోనో  ఉంటే..ఏ శ్రమ చెయ్యని మేనేజర్ ఏ.సీ గదుల్లో ఎందుకు ఉంటున్నాడు??
మామూలు ఉద్యోగస్తుడు సొంతంగా ఫాక్టరీకి వస్తే ఆఫీసర్లకి కంపెనీ కారు..ఉండడానికి వసతి..నౌకర్లు..చాకర్లు.. ఎందుకు??జీతం ఎందుకు ఎక్కువ??
ఈ తేడాలు పురాణాలలో వేదాలలో కాదు..స్వతంత్ర భరత దేశంలో మనం రాసుకున్న చట్టాలలో ఉన్నాయి... వాటిమీద పోరాడారా??

(3) కేవలం బ్రాహ్మణులను మాత్రమే టార్గేట్ చేసి విద్వేషాలు..అక్కసు...వెళ్ళగక్కే మీకు సర్వమానవ సమానత్వం అనేమాటను మాట్లాడే అర్హత ఎంతవరకూ  వుందో ఆలోచించండి...

అసలు మీ ఉక్రోషం ఏవిటంటే...
రెండు రాష్ట్రాల ముఖ్యమంత్రులు..బ్రాహ్మణులకు కాస్త గౌరవం ఇవ్వడం... బ్రాహ్మణుల కమీషన్ వేసి అంతో కొంతో ఆర్ధిక సహాయం చెయ్యడం..
ప్రతీ కార్యం తలపెట్టినప్పుడు.. కొత్త పథకాలు పెట్టినప్పుడు బ్రాహ్మణులచే పూజలు చేయించి..హోమాలు చేయించదం.. ఆలయాలను..పూజారి వ్యవస్థను బాగు చెయ్యడం.. ఇవన్నీ మీకు కడుపు మంటగా ఉన్నదని అర్ధం అవుతోంది...
ఆర్ధికంగా.. సామాజికంగా వెనకబడిపోయిన బ్రాహ్మణుల కు చిన్నపాటి సహాయాన్నే అందిస్తున్నారు. తప్ప కోట్లకి కోట్లు ధారపోయట్లా...
కానీ కులాల మధ్య చిచ్చు రేపుతూ విద్వేషాలు పెంచుతూ.. భారత రాజ్యాంగం ఇచ్చిన సమాన హక్కులను కాలరాస్తూ...గొంతు చించుకుంటున్నారు...
ఇప్పటి జీవన విధానాన్ని  శాసించేవి  చట్టాలే గాని పురాణాలు..వేదాలు కాదు...
బ్రాహ్మణుల నోటి వెంట వచ్చే మంత్రాలు మనుషులను శాసించుట లేదు...
మనస్పూర్తిగా ఆశీర్వచనం చదివి దీవించితే గౌరవం వున్నవాడు కాళ్ళకి దండం పెడతాడు..నమ్మే వాడు నమ్ముతాడు నమ్మని వాడు నమ్మడు.. ఎవరిష్టం వారిది... మధ్యలో మీకొచ్చిన కష్టం ఏవిటి...

రాజ్యాంగంలో రాసుకున్న శాసనాలు శాసిస్తున్నాయి... కాని వీటిని ఉల్లంఘిస్తున్న వారిమీద మీలాంటి మేధావులు పాటు పడాలి గాని.. మారిన వ్యవస్థలో అవస్థలు పడుతున్న పేద బ్రాహ్మణుల మీద కాదు...
    

  


Monday, May 23, 2016

ఓ "ఆత్మ" కథ...నారీ లోక వ్యధ..

 
ఎవరో గట్టిగా పిలుస్తున్నారు.. కాదు అరుస్తున్నారు...
కళ్ళు తెరవలేని పరిస్థితి..ఎక్కడ ఉన్నానో తెలియని అయోమయ స్థితి.. బలవంతంగా కనురెప్పలు విప్పాను...
ఎదురుగా ఆసుపత్రి సిబ్బంది..డాక్టర్లు.. పోలీసు వాళ్ళు.. కొందరి కళ్ళల్లో జాలి... కొందరిలో భయం..మరికొందరిలో సానుభూతి..వింతగా నావైపే చూస్తున్నారు..

అప్పుడు గుర్తుకు వచ్చింది నేను చేసిన పని...
 పిచ్చి ఆవేశంలో ఒళ్ళు తెలియని పూనకంతో..లీటరు కిరసనాయిలు...ఒక్క అగ్గిపుల్ల నా దేహాన్ని దహనం చేసింది..
ఎన్ని రోజులైందో తెలీదు.. కాని ఇప్పుడు ఇలా నా చుట్టూ ముఖాలు.. అనేక ప్రశ్నలు.."ఏమ్మా? ఎందుకిలా చేసావు? నీ మొగుడు నిన్నేమైనా అన్నాడా?" ఒక అట్ట మీద కాగితం పెన్నూ పట్టుకుని ఎస్సై కాబోలు అడుగుతున్నాడు...
"మొగుడు??" ఓహో ప్రస్తుతం అతగాడితోనే ఉంటున్నాను కాబట్టి అతగాడే నా మొగుడు కాబోలు...
ఒకపక్క బాధ ఆగని కన్నీళ్ళు... 

ఇరవై రెండేళ్ళ జీవితం ముగిసిపోతోంది.. మహా అయితే ఇంకొక్క ఇరవై రెండు క్షణాలు.. ఇంక ఈ కళ్ళు నన్ను వెంబడించవు...ఎవరి పిలుపూ వినిపించదు..
తాళి కట్టిన మొదటి భర్త కాళ్ళ పారాణి ఆరక ముందే పైలోకానికి పయనం అయిపోతే..కారుణ్య కోటాలో కంపెనీ వారు ఆసుపత్రిలో ఆయా ఉద్యోగం ఇచ్చారు..

ఒంటరిగా ఉంటున్న నన్ను శారీరకంగా వాడుకోవాలని ఎందరో ప్రయత్నిచారు.. అందులో తప్పు వాళ్లది కాదు..తప్పు నా శరీర అందానిదే...
పాలుగారే బుగ్గలు..బేల చూపులు ఏ మగాడికైనా సొంతం చేసుకోవాలనే ఆశ పుడుతుంది... 
ఎవరికీ లొంగని నేను..అతగాడికి లొంగాను...నా మనసు శరీరం అన్నీ అర్పించాను..లోకం అంతా నవ్వింది..అవహేళన చేసారు.. చెయ్యరూ మరి...అతగాడేమైనా మన్మధుడా.. అనాకారి..బక్కపలచని దేహం..జూదరి..తాగుబోతు..కారాకిల్లీ కొరికేసిన నల్లటి దంతాలు..రేగిపోయిన జుత్తు..మాసిన బట్టలు..రంభలాంటి సౌందర్యరాసి..తాగుబోతుకి పాదదాసి అయిపోయింది..
కాని అతగాడంటే నాకు వల్లమానిన అభిమానం...లోకం నవ్వినా సరే అతడు నా వాడు..నా మొగుడు.. అతని ద్వారా ఒక ఆడపిల్లను కూడా కన్నాను.. అందుకే అతడిని మార్చాలనుకున్నాను... మద్యాన్ని మానేయమని జూదానికి దూరంగా ఉండమని కోరాను.. బతిమాలాడాను.. బెదిరించాను..దేనికీ లొంగలేదు..
చుట్టుపక్కల వాళ్ళ అవహేళనలు ఎక్కువ అయ్యాయి.."ఆ తాగుబోతోడు నిన్నేం సుఖపెడతాడే..నాతో రా" అని వెంటపడే వాళ్ళు...వెకిలిగా నవ్వేవాళ్ళు... సంస్కార వంతులు "అయ్యో పాపం చివరికి నీ యవ్వనం వాడికి బలి అయిపోయిందా" అని జాలి చూపించే వాళ్ళు..

ఒకపక్క ఇంట్లో నెలవెచ్చాలు లేవు... చంటి దానికి పాల డబ్బాలు లేవు..

వాణ్ణి కట్టుకున్న పుణ్యానికి నాకు..నా కడుపున పుట్టిన పాపానికి దానికి ఒకటే కడుపు కోత...కళావిహీనం అయిపోయిన అందం...నిర్వీరం అయిపోయిన జీవితం..
ఆఖరు ప్రయత్నంగా ఒక కఠిన నిర్ణయం తీసుకుంది మనసు.. ఒకచేత్తో కిరోసిన్ డబ్బా..మరోచేత్తో అగ్గిపెట్టె తో పరుగున జూదశాలకి వెళ్ళాను..అతగాదికి ఎదురుగా నిలబడ్డాను.. "నువ్వు పేకాట బంద్ చేస్తావా..;చచ్చిపొమ్మాన్నావా??".. సూటిగా అడిగాను.. "సచ్చిపోతే సచ్చిపోవే.."నిర్లక్షంగా సమాధానం.. 

అంతే ఇక ఆగలేదు..అంతులేని ఆవేశం..దుఖం..నిర్వేదం..భళ్ళున నా ఒంటిమీదకు వొంపుకుని సర్రున అగ్గిపుల్ల గీసాను... అంతే..భగభగ మంటూ అగ్గిరవ్వలు నన్ను కాల్చేసాయి..స్పృహ కోల్పోయాను.. 
ఇప్పుడు ఇలా జీవచ్చవంలా మిగిలి..ఆత్మానుభూతి పొందుతున్నాను..
"ఏమ్మా.. మీ ఆయన పెట్టిన బాధల వల్లే..నువ్వు ఆత్మహత్యకి పాలుపడ్డావా??" నా నోటివెంట వచ్చే ప్రతీ అక్షరం రాసుకోవడానికి సిధ్ధపడుతున్నాదు ఎస్సై..
కాని స్థిరంగా చెప్పాను.. "లేదు.. నా ఆత్మహత్యకు కారణం అతగాడు కాదు.. పూర్తిగా నాదే.. అతగాడు నా మొగుడే కాదు.. అతనికీ దీనికీ సంబంధం లేదు.." ప్రశాంతంగా చెప్పాను..రాసుకున్నాడు ... 

కళ్ళు మూతలు పడ్డాయి.. చీకటి కమ్మేసింది... నా ఆయువు అనంతంలో కలిసిపోయింది...
ఒక్క సారి దిగ్గున లేచికూర్చున్నాదు శంకరం..నిన్న జరిగిన సంఘటన తల్చుకుని పడుకున్నాడేమో అక్క లాంటి ఆయా తన కథని చెబుతున్నట్టుగా కలవచ్చి కలత చెందిన మనస్సుతో ఇలా ఎందరి ఆడపిల్లల జీవితాలు బలీయ్యాయో ఈ దేశంలో అనుకుంటూ తిరిగి పడుక్కోవడానికి ప్రయత్నించాదు..

Sunday, May 22, 2016

ఖాన్ హోటల్లో పూరీలు తినే అదృష్టం ఉంటే రేపు తెల్లారే వరకూ ఈ ప్రాణం....

"ఖాన్"..నా జ్ఞాపకాల దొంతరలలో ఒక ప్రగాఢ ముద్రికను పెనవేసుకున్న బంధం...
సుమారు ముప్ఫై సంవత్సరాలు దొర్లిపోయాయి...
మణుగూరు లోని ప్రకాశవన కాలనీ.. 

నల్ల బంగారం సింగరేణి కార్మికుల గృహ సముదాయాల కాలనీ...
దట్టమైన అటవీ ప్రాంతం.. ఒంటరి జీవితం...రేపటి రోజు గురించి చింత లేకుండా .ఈ రోజుకిలా గడిచిస్తే చాలు అనుకుని....హాయిగా గడిపే యవ్వనం.. 


నిన్నటి రోజున తిన్నది మ(ము)రుగున పడిపోయి లేవంగనే గడబిడ చేసే ఆకలి....అల్పాహారం పడితేగాని చల్లారని జీవుడు..


వెలుగు రేఖలు సంపూర్ణంగా పరుచుకోక ముందే కార్యాలయంలో అడుగుపెట్టే పాదద్వయం..అటుంచి అటే అడుగులు వేసేది..ఖాన్ భాయ్ హోటల్ కి....


ఆ అడవిలో ఊరి సెంటర్ అనబడే రాస్తా లో ఒక పూరిపాక..
మట్టి పొయ్యలు..రాతి పలకల గట్లు..చుట్టు కొయ్య దిమ్మల బల్లలు..
ఇదీ ఖాన్ హోటల్..అయితేనేం పొద్దుటే వేడి వేడి ఇడ్లీలు.. పూరీలు.. దానికోసం ఎగబడే కార్మిక జనం.. 

సివిల్ ..ఎలక్ట్రికల్ కార్మికులు..కూలీలు..చిన్న చిన్న వస్తువులు అమ్ముకునే వ్యాపారస్తులు..మా ఆసుపత్రి సిబ్బంది....'ఖాన్..జర ఇడ్లీ దే భాయ్' ' అనొకడు...'ఖానన్నా..ఇంకో రెండు పూరీ ఎయ్యరాదె'. అని మరొకడు...'చట్నీ ఇంకా కావాలి' అని పేచేపెట్టే వాడు మరొకడు.. 

అక్కడ కొబ్బరి చట్నీ ఉండదు..బొంబాయి చట్నీ అనబడే జావలాంటి పాదార్ధాన్నే చట్నీగా భావించాలి..
కాని పూరీలు అద్భుతంగా వుండేవి.. అసలా పూరీల కోసమే ఎగబడే వాళ్ళు...ఉల్లిపాయలు..బంగాళా దుంపలు ఉన్నాయి అనుకుని మనసులో భావించుకుంటే ఆ కూర చాలా రుచికరంగా తోస్తుంది...
ప్లేటు పూరీ రెండు రూపాయలు...


తదనంతరకాలంలో కంపెనీ వారు కట్టించిన షాపింగు మాల్ లోకి ఖాన్ భాయ్ హోటల్ మారింది.. బల్లలు కుర్చీలు..పైన సీలింగు ఫ్యాను... వచ్చి చేరాయి..
కాని క్వాలిటీ ని మార్చలేము కదా... ఒక్కొక్క సారి వంట చేసుకోవడానికి బద్ధకించినప్పుడు భోజనము (?) చేసేవాణ్ణి.. ఎంత ?? ప్లేటు ఐదు రూపాయలు..

ఉడికీ ఉడకని పప్పు..నీరునీరుగా ఉన్న అన్నంలో కాసిన్ని బెడ్డలు...పులుసులాంటి ద్రవ పదార్ధం..కుసింత పెరుగు వేసేవాడు...
అన్నం పరబ్రహ్మ స్వరూపం..అని నోరుమూసుకుని తినేవాణ్ణి..ఎలా వుంది సారూ?? అని అడిగితే.ఒక నవ్వు నవ్వి ఊరుకునే వాణ్ణి,..
ఈ అడవిలో అంతకన్నా గతిలేదు...పైగా అరువుగా కూడా పెట్టేవాడు.. ఆ క్షణాన్న అతడు దేవుడితో సమానం.. 


ఒక రోజున విజయవాడ నుంచి కొత్తగా చేరిన కుర్ర మాష్టారు భోజనానికి కూర్చున్నాడు..పైన వర్ణించిన విధంగా వడ్డించిన పదార్ధాలను తినలేక కోపంతో అలిగి భోజనం ప్లేటులో చెయ్య కడుక్కుని లేచిపోయాడు..
పాపం ఖాన్ చిన్నబుచ్చుకున్నాడు...బతిమాలుకున్నాడు....
సారూ..ఈ అడవిలో ఇంతకన్న బాగా చెయ్యలేము సార్..
అని వేడుకున్నాడు.. అయినా ఆ అబ్బాయి వినకుండా వెళ్ళిపోయాడు.. మౌనంగా తింటున్న నా వేపు అదోలా చూస్తూ...

ఖాన్ నావేపు తిరిగి.. "సారూ...మీరు ఎప్పటినుండో తింటున్నారు.. అయినా ఎప్పుడూ నన్ను పల్లెత్తు మాట అనలేదు...మీకు ఉన్న ఓపిక ఎవరికీ ఉండదు"..అని చేతులెత్తి దండం పెట్టాడు.......
కాని నేను కూడా ఖాన్ భోజం నచ్చకే కష్టపడి వంట చేసుకుని తినేవాణ్ణి..
'కష్టపడి' అని ఎందుకురాసానంటే.. అప్పుడు గాసు పొయ్యలేదు..రెండు గంటలు కుస్తీ పదితే గాని మండని రాక్షసి బొగ్గుల కుంపటి మీద వంట చేసుకొనే వాణ్ణి..
ఇంతకీ ఈ కథ ఎందుకు రాసానంటే ..
అప్పుడప్పుడు ప్రస్తుతం ఈ లోకంలో లేని ఖాన్ భాయ్ గుర్తుకు వస్తున్నాడు.. దూరంగా విసిరేసినట్టు ఉన్న క్వార్టర్లో..చలికి గజగజా వణుకుతూ రెండుమూడు దుప్పట్లను ముఖం మీదికి లాగుకొని నిద్రించు సమయాన "దేవుడా నేను ఈ చలికి ప్రాణం విడిస్తే నా కోసం రాలేనంత దూరంలో ఉన్న నా తల్లితండ్రులు వస్తారో రారో తెలీదు కాని... 
ఖాన్ హోటల్లో పూరీలు తినే అదృష్టం ఉంటే రేపు తెల్లారే వరకూ ఈ ప్రాణం ఉంచు తండ్రీ" అని దండం పెట్టుకుని పడుకునే వాణ్ణి...

Sunday, May 8, 2016

"బ్రహ్మోత్సవం" పేరు దుర్వినియోగం - అపవిత్రం ...అపచారం ..

దేవుని పేర్లతో సినిమాలు తీసి ఆ పేరులకు, సినిమాకి ఏమాత్రం సంబంధం లేని సినిమాలు చాలా తీస్తున్నారు..
ఉదాహరణకి "సీతమ్మ వాకిట్లో సిరిమల్లె చెట్టు" ఆ సినిమా కథాంశానికి సినిమా టైటిల్ కి సంబంధం ఏవిటో ఆ దర్శకునికే తెలియాలి.. 
"మంత్ర" అనే పవిత్ర మాటను టైటిల్ గా పెట్టి దెయ్యాల సినిమాలు... 

ఇలా చాలా ఉన్నాయి... ఇప్పుడు "సీతమ్మ వాకిట్లో..." దర్శకుడే "బ్రహ్మోత్సవాలు" అని టైటిల్ పెట్టి మహేష్ తో కొత్త సినిమా రిల్లిజ్ చేసున్నాడు.. 

"బ్రహ్మోత్సవాలు" అంటే సాక్షాత్తూ  బ్రహ్మదేవుడు నిర్వహించే ఉత్సవాలు అని భక్తుల నమ్మకం.. 
ఈ పేరు కేవలం విష్ణుమూర్తికి మాత్రమే చెందే పవిత్ర నామం..
"తిరుపతిలో బ్రహ్మోత్సవాలు" అనగానే ఒకింత భావోద్వేగానికి..బ్రహ్మోత్సవాలు కన్నుల వైభవంగా తిలకించేవారి మానసిక ఉద్వేగం మాటలలో చెప్పలేము.. 
బ్రహ్మోత్సవాలు అయిపోయినా సరే తిరుమలలో కొన్ని రోజుల పాటు ఆ భక్తి పారవశ్యము... ఉత్సవ శోభ కనభడుతూనే వుంటాయి..   
"బ్రహ్మోత్సవం" అన్నది కేవలం ఆ దేవాదిదేవుడైన విష్ణుమూర్తికి తప్ప ఏ ఇతర దేవుళ్ళకి ఉండదు.. 
అటువంటిది ఆ నామాన్ని మానవ మాత్రులు పెట్టుకుని ఆ నామానికి ఉన్న పవిత్రతని దెబ్బతియ్యకూడదు.. 

పైగా నిన్న జరిగిన ఆడియో రిలీజ్ లో వక్తలు..ముఖ్యంగా మహేష్ బావ సుధీర్ తిరుపతిలో జరిగే బ్రహ్మోత్సవాల కి ధీటుగా ఈ ఆడియో ఫంక్షన్ జరిగిందని చెప్పడం  తిరుపతి "బ్రహ్మోత్సవాలను" కించపరచినట్టే.. 
టైటిల్ చివరి సున్నాలో విష్ణుమూర్తి పాదాలను ముద్రించారు.. 

ఈ సినిమా భక్తి సినిమా అయితేనే ఆ పవిత్ర పాదాలను వాడుకోవాలి.. 
అలా కాక రొటీన్ మసాలా మూవీ  గా తీసి పవిత్ర విష్ణుమూర్తి పాదాలను...పవిత్ర నామాన్ని దుర్వినియోగం చేసి...భక్తుల మనోభావాలకు వ్యతిరేకంగా పనిచేసినట్టే లెఖ్ఖ.. మరి మీలో ఎంతమంది నాతో ఏకీభవిస్తారు... ..   ...  

Monday, May 2, 2016

కప్పస్థంభాన్ని అపవిత్రం చేస్తున్నారు..అందుకే ఆంధ్ర ప్రదేశ్ లో అనర్ధాలు..


ప్రసిద్ద సింహాచలం  ఆలయానికి ప్రముఖులు ఎవరు వచ్చినా.. 
కప్పస్థంభానికి కట్టివేసి ఫుటొలు తీసి పేపర్లలో పబ్లిసిటీ ఇస్తారు...
నిజానికి ఎంతో పవిత్రమైనది కప్పస్థంభం.. 
మా చిన్నతనంలో సంతానం లేని వారు కప్ప స్థంబాన్ని ఆలింగనం చేసుకుంటే సంతానం కలుగుతారని కేవలం పిల్లలు లేని వారు మాత్రమే ఆలింగనం చేసుకునే వారు.. 
దానికి ఎటువంటి రుసుము ఉండేది కాదు.. 
మధ్యన కప్పస్థంభం దానికి అటు, ఇటు దంపతులు ఇద్దరూ ఒకరి చేతులను ఒకరు పట్టుకుని కౌగలించుకొనే వారు..  .. 
ఆలింగనము అంటే కౌగిలించుకోవడము అంతే కాని పృష్ట భాగాన్ని (శరీర వెనుక భాగము) కప్ప స్థంబానికి తగిలేలా చేసి తాడుతో కట్టివేయడము కాదు.. 
ఇది ఎంతో అపవిత్రము..కాని మన దేవాదాయ శాఖ వారికి నమ్మకాలకన్నా ధనార్జన ధ్యేయం..
అందుకే మనిషికి ఇంత అని రేటు పెట్టి వచ్చిన ప్రతీ వారిని వెనుక భాగం తగిలేలాగ గుడ్డతో కట్టివేసి సొమ్ము చేసుకుంటున్నారు.. 
ప్రముఖులు..వి.ఐ.పీ లు ఎవరు వచ్చినా ఫొటోలకు ఫోజులు ఇప్పిస్తున్నారు.. 
అందుకే నేడు అనేక అనర్ధాలు..ఇలాగే చాలా ఆలయాలు అధికార్లు, నాయకులచే అపవిత్రం అయిపోతున్నాయి.. 
ఇప్పుడు ఈ ఆంధ్ర రాష్ట్రానికి జరిగిన అన్యాయం ఏ ఇతర రాష్ట్రానికి జరగలేదు.. దానికి కారణం పవిత్ర పుణ్యక్షేత్రాలలో (తిరుపతి, అన్నవరం, శ్రీ కాళహస్తి, బెజవాడ దుర్గమ్మవారి దేవాలయం.. సింహాచలం లాంటి ప్రసిద్ధ ఆలయాలలో) అపవిత్ర, అనాలోచిత కార్యక్రమాలు జరగడమే.. అనర్హులు అయిన వారిని ఈ.వోలు గా నియమించి దైవ భావనల కన్నా ధనార్జనె ధ్యేయంగా పెట్టి ఇష్టానుసారం రేట్లు పెట్టడము,,సామాన్యులను బాధపెట్టడము,,డబ్బున్న వారికి,,వి.ఐ.పీలకు పెద్దపీట వెయ్యడం లాంటి కార్యక్రమాల వలన రాష్ట్రం ఇంత అధోగతి పాలు అయినది.. 
 
ఇప్పుడు పనిలేని ఆడవారు కొందరు పనికిమాలిన ఉద్యమాలు చేస్తున్నారు..
దానికి మీడియా ప్రచారం.. దేవాలయాల స్థల పురాణాలు, విశేషాల ప్రకారం ఆయా దేవాలయాలలో ప్రవర్తిస్తేనే మంచిది...
మతాచారాలు మనిషిని సత్ప్రవర్తన కలిగేలా చేస్తాయి.. 
చట్టాల కన్నా గొప్పవి మతాచారాలు.. 
చట్టం విధించిన శిక్షల కన్నా ..
దైవ ప్రేరణ ద్వారా మనిషిలోని మానవత్వం మేల్కొంటే తప్ప ఆ మనిషి సత్ప్రవర్తన అలవరచుకోలేడు..  

Saturday, April 30, 2016

రాముడంటే ఎన్.టీ.వో డే ... అంబేడ్కర్ అంటే... నేనే..


గబ్బర్ సింగు మూడో పార్టు తీసుకో...లేదా కొత్త పెళ్ళాన్ని వెతుక్కో...


సార్ధక నామధెయుడై గాలి తిరుగుళ్ళు తిరుగుతూ ఉంటే... 
అన్నయ్య హీరోని చేసాడు... 

హీరో లాగ నిజమైన ఫాక్ష్యనిష్టులతో ఫైట్ చెయ్యబోతే....

గుండు కొట్టి వదిలేసారు... 

హీరో లాగ నిజజీవితంలో ముగ్గురో నలుగురో యువతులను లవ్వాడి పెళ్ళాడాడు...  


హీరో లాగ అన్నయ్య పార్టీ ప్రచారంలో పంచ్ డైలాగులు కొడితే పంచెలూడతీసారు.. 


హీరో లాగ సొంత పార్టీ పెట్టబోయినా.... 

అన్నకు పట్టిన గతే పడుతుందని భయపడ్డాడు.. 

ఎవడికీ అర్ధం కాడు...ఏంచేస్తాడో ..ఏం మాట్లాడతాడో తెలీదు... 


ఇలాంటి గొప్పోడు.. వేలకొద్దీ పిచ్చ అభిమానులున్న హీరోగారు... 


ట్విట్టర్ లో సన్నాయి నొక్కులు నొక్కుతున్నాదు... 

సుద్దులు చెబుతున్నాడు...  

కాంగీ వోళ్ళు చేసిన తప్పులే చెయ్యకండని మితృలకు హితవు పలికాడు.. 


ఇన్నాళ్ళూ ఏమైపోయావు నాయనా.. ఇప్పుడే గురుతుకు వచ్చిందా రాష్ట్రం..


రెండేళ్ళు ఆగితే ఎలచ్చన్లు వచ్చేత్తాయి... 

ఈ మొసలి కన్నీళ్ళు అప్పుడు కారిస్తే..  

పిచ్చజనం నీమాటలకు ఊగిపోయి ఈలలు వేసి..

నువ్వు సెప్పినోడికి ఓట్లేత్తారు..

అందాకా గబ్బర్ సింగు మూడో పార్టు తీసుకో...లేదా కొత్త పెళ్ళాన్ని వెతుక్కో...
ఎంజాయ్...

Thursday, April 14, 2016

దేవుణ్ణి అలాగే వుండనివ్వండి.. అంబేద్కర్ ని అలాగే వుండనివ్వండి..

ఈరోజు డా.అంబేద్కర్ జయంతి కాబట్టి..
 ముఖ్యమంత్రులు..నాయకులు..డా.అంబేద్కర్ ని పొగడుతూ కుల తత్వం పోవాలని..అగ్రవర్ణ ఆధిపత్యం పైన పోరాటం చేసిన మహనీయుడు అంబేద్కర్ అని ఆకాశం అంత ఎత్తైన విగ్రహాలు పెడతామని.. అదని ఇదని ఎన్నెన్నో వాగ్ధానాలు చేసారు..
కాని..అర్ధరాత్రి 12 దాటితే శ్రీరామనవమి.. ముఖ్యమంత్రులు.. మంత్రులు..నాయకులు శ్రీరామ నవమి ఉత్సవాల్లో ఉత్సాహంగా పాల్గొంటారు.. పట్టు వస్త్రాలు.. తలంబ్రాలు నెత్తిన పెట్టి తీసుకుని వస్తారు.. 
వర్ణ వ్యవస్థకి మూలాధారం అని అరోపించిన రామాయణ కాలం నాటి రాముణ్ణి భక్తితో ఆరాధిస్తారు..
ఇందులో ఏది నటన.. ఏది నిజం.. ఎందుకీ రెండు నాలుకల ధోరణి... ఎవరిని మోసం చేస్తున్నారు.. ఇంకా ఎన్నాళ్ళిలా మోసం చేస్తూ పరిపాలిస్తారు.. 

మాకు ఓటు వేస్తే ఒక దళితుణ్ణి ముఖ్యమంత్రి చేస్తాను.. అని వాగ్ధానం చేసిన నాయకుడు తీరా గెలిచాక తాను ముఖ్యమంత్రిగా...తన కుటుంబ సభ్యులను మంత్రులుగా పదవులు చేపడితే ప్రశ్నించలేని సమాజం ఎన్నో వేల సంవత్సరాల కిందట జరిగిన సంఘటనలను ప్రశ్నించడం ఎంతవరకు సబబు.. 
అంబేద్కర్ విగ్రహం ఆకాశం అంత ఎత్తున టాంకు బండు మీదనో..ఇంకా ఏర్పడని రాజధాని అమరావతి లోనో వెలిస్తే దళితుల సమస్యలు తీరిపోతాయా.. 
ఆ విగ్రహాలకయే ఖర్చు ఎవరిది?? ప్రజలదే కదా.. వీళ్ళ జేబులోంచి తీసి ఇస్తారా?? 
ఇంకో పక్క వేలకి వేలు ఖర్చు పెడుతూ దేవాలాయలను అభివృధ్ధి చేస్తామంటారు.. ఈ డబ్బు ప్రజలదే... చక్కటి పురాతన శిల్పాలతో కూడిన కట్టడాలు కూల్చివేసి బోడి గుండులాగ దేవాలయలాను కోట్ల రూపాయలతో అభివృధ్ధి చెయ్యమని ఎవడు అడిగాడు.. 
ఎవడబ్బ సొమ్మని ఖర్చు పెడతారు...
దేవుణ్ణి అలాగే వుండనివ్వండి.. అంబేద్కర్ ని అలాగే వుండనివ్వండి..
మీ కుటిల రాజకీయాల కోసం దేవుణ్ణి..దేవుడి లాంటి నాయకులని వాడుకుంటూ ఎన్నాళ్ళు మోసం చేస్తారు.. 
ప్రజలు ఎన్నాళ్ళిలా మోస పోతారు??

Friday, April 1, 2016

బ్రిడ్జి కూలిపోవడానికీ..హిందుత్వానికీ ముడిపెట్టేవాళ్ళు ...



 


అక్రమార్జనకు ఆశించారు....
అడ్డగోలుగా కట్టారు..
అడ్డదిడ్డంగా కూలిపోయి...జనం
అట్టుడికి పోతుంటే....

అబ్బెబ్బే తప్పంతా దైవానిదే గాని..
ఆ తప్పు మాది కాదంటున్నారు..... 

ఉప శృతి.:
బ్రిడ్జి పడిపోయింది బి.జె.పి పాలిత రాష్ట్రం లో కాదు..
లేకుంటేనా
ఒక రాహుల్..ఒక కేజ్రీవాల్.. ఒక కమ్యూనిష్టు నాయకుడు..
వచ్చి శవ రాజకీయాలు చేసేవారు..
అసహనం ప్రదర్శించేవాళ్ళు..
బ్రిడ్జి కూలిపోవడానికీ..హిందుత్వానికీ ముడిపెట్టేవాళ్ళు ...  
ఆర్.ఎస్సెస్స్ వలననే ...బ్రాహ్మణిజం వలననే..
బ్రిడ్జి కూలిపోయిందని గగ్గోలు పెట్టేవాళ్ళు...


జూనియర్ థోని హాయిగా బజ్జున్నాడు...

ష్...ముద్దుల మా బాబు నిద్దరోతున్నాడు..
సద్దు చేసారంటే ఉలికి ఉలికి పడతాడు..
రేపే వస్తాడు వాడి బాబు...
తీస్తాడు నూటొక్క బైకు...
తీసుకెళతాడు బాబును షికారు....





Tuesday, March 29, 2016

"చాలా గొప్ప వాడయ్యా బాబూ మీ నాన్న..."అంటూ వ్యంగ్యంగా

ఎల్.ఐ.సీ...అంటే లైఫ్ ఇన్సూరెన్స్ ఆఫ్ ఇండియా..
ఇందులో పాలసీ కట్టని వ్యక్తి వుండడేమో నేడు.. కానీ ఎల్.ఐ.సీ పెట్టిన కొత్తల్లొ ఆ సంస్థ గుమ్మం తొక్కడానికే భయపడే వారు ... ఎల్.ఐ.సీ ఏజెంటు వస్తే చాలు యమ భటుడు వచ్చినట్టు ఫీల్ అయ్యే వాళ్ళు.. సదరు ఏజెంటును గుమ్మం తొక్కనిచ్చే వారు కాదు...
ఇవాళ టి.వీల్లో ప్రకటనలు ఇస్తున్నారు "మీ కుటుంబానికి మీరు ఇచ్చే గొప్ప ప్రేమ లేఖ మీ ఇన్సూరెన్స్ పాలసీ" అని...
ఆ రోజుల్లో అయితే ఎల్.ఐ.సీ ఏజెంట్లు ఎంతో  కష్టపడి..ఒక్కో పాలసీ యొక్క విశేషాలు.. అంటే కాల పరిమితి..ప్రీమియం చెల్లింపు..చివరాఖరున గానీ లేదా ఆ వ్యక్తి మధ్యలో చనిపోతే ఎంత ఇస్తారూ ఇవన్నీ సవివరంగా బోధపరిస్తే గాని పాలసీ తీసుకుందుకు ముందుకు వచ్చేవారు కాదు..
"ఏంటీ చచ్చి పోతే డబ్బులు ఇస్తారా?? ఎల్లెల్లవయ్యా..'శుభం పలకరా పెళ్ళికొడకా అంటే పెళ్ళికూతురు ముండేది??' అన్నాట్ట నీలాటోడే" అని..   కొట్టినంత పనిచేసేవారు ఏజెంటుని...
అయితే కాలక్రమేణా... జీవిత భీమా చేయించుకున్న వాళ్ళకి ఈ సంస్ఠ ద్వారా అందుతున్న సేవలను గుర్తించి...
ఒక వ్యక్తి హటాత్తుగా చనిపోతే సదరు వ్యక్తి తాలూకా కుటుంబం రోడ్డుపాలు కాకుండా పాలసీ తాలూకా సొమ్ముని అందుకున్న ఇతర వ్యక్తులను చూసి.. అందరూ ఎల్.ఐ.సీ పట్ల ఆకర్షులు అయ్యారు..
మరొకటి ఏవిటంటే పాలసీ పట్టాలను ష్యూరిటీగా చూపించి హౌసింగ్ లోను సౌకర్యం కూడా ఎల్.ఐ.సీ వారు ఇవ్వడంతో ఎంతో మంది మధ్య తరగతి వారు సొంత ఇల్లు కట్టుకోవడానికో పిల్ల పెళ్ళికో ఎల్.ఐ,సీ లో పెట్టిన సొమ్ముని వాడుకుంటూ తమ అవసరాలను తీర్చుకుంటున్నారు... 


ఇలాటిదే ఆ రోజుల్లో జరిగిన ఒక నిజ సంఘటన మీ ముందుంచుతాను...
ఒక మధ్యతరగతి ప్రభుత్వ ఉద్యోగికి పరిమితి కన్న ఎక్కువ సంతానం..ఒక రోజు ఎల్.ఐ.సీ ఏజెంటుని ఇంటికి పిలిచాడు..
సదరు ఏజెంటు ఎంతో ఉత్సాహంగా వచ్చాడు. ప్రభుత్వ ఉద్యోగి కదా ఒక పెద్ద పాలసీ అంటే తనకు లాభం వచ్చే పాలసీ చేయిద్దాం అనుకున్నాడు...
"చెప్పండి సార్..ఇదిగో ఈ తక్కువ కాలపరిమితి గల ప్లాను అయితే ఇలా ఉంటుంది.. లేదూ లాంగ్ టెర్మ్ అయితే మీరు రిటైర్ అయ్యేటప్పటికి ఇంత డబ్బు వస్తుంది" అని పెద్ద భ్యాగు నిండా కాగితాలతో ..రకరకాల పట్టికలు ఉన్న రంగు రంగుల కాగితాలు తీసి చూపిస్తున్నాడు .. కళ్ళనిండా ఆనందం.. పిలిచి పాలసీ చేస్తాను అన్నవాడు దొరికాడు కదా అన్న సంతోషం...
కానీ ఆ ఆనందాన్ని బ్రేక్ చేస్తూ "పాలసీ నాకు కాదయ్యా ... మా అబ్బాయికి" అన్నాడు ఆ మ.త.మనిషి. ..

ఒక్కసారి తన ముందు నేల మీద కూర్చున్న అబ్బాయిలందరి వేపు సాలోచనగా చూసాడు.. ఒకడికీ పదహారేళ్ళు దాటినట్టు కనబడలేదు.. "సార్ మైనారిటీ తీరని వాళ్ళకి పాలసీ కట్టాలంటే బోలెడు తతంగం ఉంటుంది ..అయినా చూస్తూ వుంటే ఇంకా పదవ పరీక్ష కూడా రాయని పిల్లలకెందుకు సార్.. మీరు చేసుకోండి..మంచి టర్మ్ ఉన్న పాలసీ చెప్తాను" అన్నాడు...
కానీ మ.త. మనిషి పట్టు వీడలేదు.. "చేసి తీరీఅల్సిందే ..అడుగో వాడికి.." మధ్యలొ ఉన్న ఒక పిల్లాడి వేపు వేలు చూపెట్టాడు.. తండ్రి తన వేపు వేలు పెట్టి చూపిస్తుంటే "అందరిలోకీ వాడే తెలివైన వాడు.. చురుకైన వాడు" అని తండ్రి ఆ వచ్చిన స్నేహితుడితో చెప్తున్నాడు గాబోలు అని ఆ పిల్లాడు మురిపోయి.. మళ్ళీ పుస్తకం వేపు బుర్ర తిప్పాడు.. మధ్యలో ఒక చెవి అటువైపు పడేసాడు...

అతగాడు ఏదో చెప్తున్నాడు.. ఇతగాడు బుర్ర అడ్డంగా ఊపుతున్నాడు.... ఇద్దరి వేపు ఆశ్చర్యంగా , అయోమయంగా చూస్తున్నాడు పిల్లవాడు.. వీళ్ళూ ఏదో మాట్లాడుకుంటున్నారు.. నా గురించే కానీ ఒక్క ముక్క అర్ధం కావట్లేదు... కాని నెలకింత అని జమ చెయ్యాలి అని అర్ధం అవుతోంది.. ఓహో నా చదువు కోసం ఏదో పొదుపు పథకం ఆలోచిస్తున్నాడు తండ్రి అని ఊహించాడు.. 'ఆహా నా మీద  మా నాన్నగారికి ఎంత శ్రధ్ధ.....ఇప్పట్నుంచే నా కొసం అదేదో బాంకులో డబ్బులు వేస్తున్నరన్నమాట'.. అనుకుంటూ చదువువుకుంటున్నాడు....

ఎల్.ఐ.సీ ఏజెంటు ఆ అబ్బాయిని దగ్గరగా పిలిచాడు... టేప్ పట్టుకుని చాతీ కొలిచాదు... ఎత్తు కొలిచాడు..చూచాయగా బరువెంతో రాసుకున్నాడు.... పుట్టిన తేదీ.. ప్రస్తుత వయసు రాసుకున్నాడు....
"సార్ ఒక పనిచేద్దాం.. అదీ మీరు తప్పదు అంటున్నారు కాబట్టి ఓ ఏడాదిన్నార ఆగి చేద్దాం.. అప్పటికి పద్దెనిమిది ఏళ్ళు వస్తాయి కాబట్టి మెడికల్ సర్టిఫికెట్లు అవీ ప్రొడ్యూస్ చెయ్యక్కరలేదు... అని చెప్పాదు...
"అలాగే" అని అయిష్టంగా ముఖం పెట్టాడు... "సార్.. మీ కోసం ఒక్క పాలాసీ కూడా తీసుకోరా?" అని అడిగితే తల అడ్డంగా తిప్పాడు...

అతను నిరాశగా వెళ్ళిపోయాడు.. కానీ వెళ్ళిపోతూ "చాలా గొప్పవారండీ బాబూ" అని గొణుకుంటు వెళ్ళిపోయాడు.... 
రోజులు గడుస్తున్నాయి.. ఈ లోగా ఆ అబ్బాయి తమ ఇంటికి వచ్చింది ఒక ఎల్.ఐ.సీ ఏజెంటు అని ఆయనకు తన పేరుమీద పాలసీ కట్టించమని తండ్రి చెప్పినట్టు గ్రహించాదు.. కాని మైనారిటీ కూడా తీరని నా మీద ఎందుకు ఎల్.ఐ.సీ పాలసీ తీసుకోవలనుకుంటున్నారో ఎంత ఆలోచించినా ఆ చిన్న బుర్ర కి తట్టలేదు...
పది క్షణాల కాలంలొ గిర్రున ఏదాదిన్నర పూర్తీయ్యింది...
సదరు ఏజెంటు తిరిగి  రావడము.. చక చకా కాగితాలు రాసుకోవడం..కొలతలు తీసుకోవడము.. పుట్టు మచ్చలు ఎక్కడున్నాయీ...వగైరా అన్నీ పూర్తి అయ్యాయి...
"సార్.. ఇంత పట్టుదలగా మీ అబ్బాయికి ఎల్.ఐ.సీ పాలసీ ఎందుకు తీసుకుంటున్నారు??" అని ధర్మ సందేహం అడిగాదు..పిల్లాడు కాస్త దూరంగా వున్నా ఒక చెవి ఇటు పడేసాడు.. అతని సందేహం కూడా తీరుతుంది కాబట్టి..

"ఫ్యునరల్ ఖర్చులకి!!!"..  నిర్మొహమాటంగా చెప్పాడు ఆ మ.త.మనిషి..
"ఒకవేళ వీడు చచ్చిపోతే దహన ఖర్చులెవడిస్తాడు... అందుకు చేయిస్తున్నాను.. ఇప్పుడు అర్ధం అయ్యిందా.. ఇక వెళ్ళు" అన్నాడు... నివ్వెర పోతూ నోరెళ్ళ బెట్టాడు ఏజెంట్ ..
పక్క గదిలో వున్న పిల్లాడికి గొంతుకలో ప్రాణం లేదు...నిశ్చేష్టగా ఆకాశం వైపు చూస్తున్నాడు ... తన పేరున ఎల్.ఐ.సీ పాలసీ తీస్తున్నాదు తండ్రి అంటే తన చదువుకోసమో ఉజ్వల భవిష్యత్తు కొసమో అనుక్కున్నాడు.. కానీ..చచ్చిపోతే బూడిద చెయ్యడానికి కట్టేల ఖర్చుకోసమట..తాను చచ్చిపోతే తన తండ్రికి పదివేల రూపాయలు వస్తాయంట.. దానికోసం నెలకి ఇరవై  రూపాయలు కడితే చాలంట... 
అసలు చావు అన్నది ఒకటి ఉంటుందని...దానితో జీవితం పరిసమాప్తం అయిపోతుందని.. అని తెలియని వయసు అతనిది..
భావి జీవితం కోసం ఎన్నో కలలు కంటున్నాడు... ఇంజనీరో.. కాలేజీ లెక్చరరో అవ్వాలని అతని కోరిక అప్పటికి.... కాని తను చనిపోతే ఏర్పడే ఖర్చులకి ఇప్పటినుండే జాగర్త పడుతున్న తండ్రిని చూసి నవ్వాలో ఏడవాలో తెలియని పరిస్థితి..
చేష్టలుడిగి చతికిల పడ్డ ఆ పిల్లాడి ని చూస్తు బయటకు వెళ్తున్న ఏజెంటు "చాలా గొప్ప వాడయ్యా బాబూ మీ నాన్న..."అంటూ వ్యంగ్యంగా చూసిన చూపు..ఆ పిల్లాడి లో పదిలంగా వుండిపోయింది... ఎల్.ఐ.సీ భవనం చూసినా.. పాలసీ కాగితాలు చూసినా ఆ సంఘటన గుర్తుకు వస్తునే వుంటుంది... ఇలాంటి  మధ్యతరగతి మానవులను ఎంతమందినో ఆదుకుంది ఎల్.ఐ.సీ... ఒక్కొక్కరిది ఒక్కొక్క అవసరం,...     

Friday, March 18, 2016

విధిగా జెండా కి వందనం చెయ్యాలని రాజ్యాంగం లో వుందా??







ఏదైనా సంస్థలో స్వాతంత్ర దినోత్సవ వేడుకలకి పది శాతం ఉద్యోగులు కూడా  హాజరు కారు..
వచ్చిన వాళ్ళు కూడా ఆరోజు అవార్డు పొందే వాళ్ళు .. కవాతు లో వున్నవాళ్ళు.. చాకలైట్ల కోసం వచ్చే పిల్లలు ఉంటారు.. 

అసలు భారతదేశానికి  స్వాతంత్రం ఎలా వచ్చింది?? ఎన్ని ప్రాణాలు అర్పితం అయ్యాయి... ఇవేవీ ఇప్పటి జనరేషన్ కి అక్కరలేదు.. 

హిందూ..  ముస్లిం..సిక్కు.. ఇలా అన్ని మతాల వారు కలసి "భారత మాతా కి జై" అనో.. "జై హింద్ " అంటూనో ..బ్రిటీష్ వాళ్ళ చేతిలో చావు దెబ్బలు తిని... జైళ్లకు పోయి.. ప్రాణ త్యాగాలు చేస్తేనే మనకు స్వతంత్రం వచ్చింది ... 

ఇంకా కులమతాల మధ్య చిచ్చు రేపుతున్న కుహనా మేధావులు.. మనకి అవసరమా?? 
ప్రతీ దానికీ రామాయణ.. భారతాల సంఘటనలకి ముడిపెడుతూ విద్వేషాలు పెంచుతూ విష బీజాలు నాటే  అపర సామాజిక వాదులు అవసరమా ?? 

మర్చిపోయిన గాయాల్ని గుర్తుచేస్తూ అనుక్షణం... విద్యార్ధి లోకంలో గందరగోళాన్ని సృష్టిస్తూ యువతరాన్ని పాత నాగరికంలోని అలవాట్లకే పరిమితం చేస్తూ.. అభివృధ్ధి నిరోధకులుగా వున్న  నాయకులు అవసరమా..

Tuesday, March 15, 2016

బ్రాహ్మణులకు మంచి రోజులు వచ్చాయి..

రెండు తెలుగు రాష్ట్రాలలోను బ్రాహ్మణులకు మంచి రోజులు వచ్చాయి..
ఇంతకు ముందే ఆంధ్ర రాష్ట్ర ముఖ్యమంత్రి శ్రీ చంద్ర బాబు
బ్రాహ్మణ సంక్షేమ కమీషన్ ఏర్పాటు చేసి దానికి రిటైర్డు ఐ.ఏ.ఏస్. అధికారి శ్రీ.కృష్ణా రావు గారిని  చైర్మన్ గా  నియమించడం జరిగింది.. 
బ్రాహ్మణుల సంక్షేమానికి నిధులు ఏర్పాటు చేసి అనేక పథకాలు ప్రవేశ పెట్టడం జరిగింది.. ముఖ్యంగా నిరుపేద బ్రాహ్మణ యువకులకు సుమారు మూడు లక్షల సహాయనిధిని ఏదైనా వ్యాపారనిమిత్తం అప్పు ఇచ్చుటకు ధరఖాస్తులను ఆహ్వానించారు.. 
ఇంకా విధివిధాలు పూర్తిగా ఖరారు చెయ్యలేదు కాని... నత్త నడకన సాగే అన్ని ప్రభుత్వ శాఖలలాగే ఇదీ మెల్లగా పనిచేసినా భవిష్యత్తులో పురోగతి సాధించవచ్చు.. అసలే ఆంధ్రప్రదేశ్ లోటు బడ్జెట్ లో వుంది..

మరోపక్క.. కాస్త దూకుడుగా తెలంగాణా  ముఖ్యమంత్రి శ్రీ కె.సీ.ఆర్ గారు పక్కా ప్రణాలికలతో
బ్రాహ్మణ సంక్షేమ పథకాలు ప్రకటించేరు.. వెయ్యి కోట్ల భవిష్యత్ నిధులతో అనేక కార్యక్రమాలు చేపడుతున్నారు... ఆలయాల పునరుధ్ధరణ..బ్రాహ్మణ  సాంప్రదాయాలను కొనసాగించే విధంగా వసతి ఏర్పాట్లు..వృధ్ధులకు ఆశ్రమాలు.. ఇలా అనేక సంక్షేమ కార్యక్రమాలు రూపొందించి పక్కా ప్రణాళికతో ముందుకు సాగేలా ఆదేశాలు జారీ చేశారు.. ఎంతైనా డబ్బు ఉంటేనే కదా పథకాలు ప్రవేశ పెట్టి వాటిని అమలు పరచేది.. 

బహుశా.. శ్రీమతి మాయావతి తన పార్టీలో ఎక్కువ మంది
బ్రాహ్మణులకు స్థానం ఇచ్చి..స్వాతంత్రం వచ్చిన తరువాత మొదటిసరిగా బ్రాహ్మణులకు అగ్రతాంబూలం ఇచ్చేరు.. తరువాతి కాలంలో సమైక్య ఆంధ్ర ప్రదేశ్ ముఖ్యమంత్రిగా పనిచేసిన దివంగత శ్రీ రాజశేఖర్ గారు బ్రాహ్మణులకు పరోక్షంగా అనేక సంక్షేమ పథకాలు అమలుపరిచారు..  దీపం పథకం పెట్టి మూత పడిన ఆలయాలు తెరిపించారు... టీచర్లకు జీతాలు పెంచడం.... రిటైర్ అయిన టీచర్లకు కూడా పెన్షన్ ఎక్కువ చెయ్యడం వలన ఎక్కువ శాతం బ్రాహ్మణులు టీచర్లే కాబట్టి ఇవాళ ఉపాధ్యాయ రంగంలో ఉన్నవారు... రిటైర్ అయిన వారు దర్జాగా ఏ చీకు చింతా లేకుండా కాలం వెళ్ళ బుచ్చుతున్నారు...
స్వాతంత్రం రాగానే బ్రాహ్మణులకు  అన్యాయం జరిగింది.. కారణాలు అనేకం... అందులో రిజర్వేషన్ విధానం కూదా ఒకటి... పైగా భూములను ..అగ్రహారాలను లాక్కునారు... దేవుని గుడులను లాక్కున్నారు... ఎలాగో ఒకలాగ బతుకు ఈడుస్తుంటే...ఇక్కడ ఆంధ్ర ప్రదేశ్ లో ఒక ముఖ్యమంత్రి కాలంలో కరణము, మునసబు విధానాలు రద్దు చెయ్యడము... ఉపాద్యాయుల రిటైర్మెంటు కాల పరిమితిని తగ్గించి అకస్మాత్తుగా రోడ్డున పడవేయడం జరిగింది... 

ట్రైబల్ ఏరియాలో నాన్-ట్రైబల్ వాళ్ళు జాగాలు కొనకూడదు..ఇళ్ళు కట్టుకోడదు.. ఆఖరుకి గవర్నమెంటు వారిచే నడవబడుచున్న రిసార్ట్స్ ల లో పనిచెయ్యకూడదు.. గైడులుగా ఇతరులు ఉండరాదు..అడవి ఉత్పత్తులను అమ్ముకునే అవకాశం కూడా లేదు..ఇవన్నీ ట్రైబల్ సంక్షేమానికే... 


సముద్రంలో చేపలు పట్టేవారికి (జాలర్లకు) అనేక రాయతీలు... సంక్షేమ పథకాలు ..కోట్లకు కోట్లు పెట్టి ఫిషింగు హార్బర్ల నిర్మాణం..పరిరక్షణ.. కొత్త బోట్ల కొనుగోలుకు.. వలల కొనుగోలుకు అనేక రాతీలతో కూడిన అప్పులు ఇచ్చి.. వారి హక్కులను కాపాడుతున్నారు..
అలాగే వ్యాపార రంగంలో ఉన్నవారికి ఎన్నో రాయితీలతో కూడిన అప్పులు ఇస్తారు.. రైతులకు కూడా తక్కువ వడ్డీతో అప్పులిచ్చి ఆదుకుంటున్నారు... ఋణమాఫీలు కూడా చేస్తున్నారు.. 
కానీ
బ్రాహ్మణులకు (అర్చకులకు) భక్తులు తృణమో ఫణమో భక్తులు సమర్పిచుకునే అవకాశం లేకుండా చేసారు. హిందూ దేవాలయాలను (అధిక ఆదాయం వచ్చే వాటిని మాత్రమే) ప్రభుత్వం లాక్కుని...భక్తులు సమర్పిచే కానుకలను తమ ఇష్టారాజ్యంగా ఖర్చుపెట్టే విధంగా చట్టాలను తయారుచేశారు.. 

కాని మిగిలిన మత ప్రార్ధనాలయాల జోలికి వెళ్ళరు...
విచిత్రం ఏవిటంటే హిందూ మత విశ్వాసాల మీద...దేవుని మీద భక్తి విశ్వాసాలు లేని వారిని ఇ.వో లుగా నియమిస్తూ హిందూ దేవాలయాల పవిత్రతను.. మత విశ్వాసాలను దారుణంగా పక్కకి నెట్టేస్తూ నాయకులకు...తమకి నచ్చిన వారికి ఆలయ ప్రవేశం కల్పిస్తూ సాధారణ భక్తులకి అన్యాయం జరుగుతున్నా "ఇదేవిటీ? " అని ప్రశ్నించే అవకాశం కూడా లేకుండా చేస్తున్నారు....  
వివక్షత..దేవుణ్ణి మనసారా దర్శనం చేసుకోవాలనే భక్తుల మధ్య వివక్షత నేటికీ కొనసాగుతూనే వుంది...వివక్షతలో మార్పు ఏవీ లేదు సరికదా మరింత ఎక్కువై సామాన్య భక్తులకు అనేక కష్టాలను కలుగ చేస్తోంది... 
 
అప్పుడు వర్ణ వివక్షత పాటించేరని బ్రాహ్మణుల మీద అపవాదు వేసిన మేధావులు.. 
ఇప్పుడు ఆలయాల అధికారులు..నాయకులు...పాటిస్తున్న వివక్షత గురించి ఎందుకు ప్రశ్నించ చలేకపోతున్నారు??? 

ఫలానా ఘడియలో మాత్రమే ఆలయ తలుపులు తెరిచి పుణ్యకాల సమయంలో దేవుని దర్శించాలన్న పండితుల మాటను త్రోసిరాజని అధికారుల ఆదేశాల మేరకు మాత్రమే పూజలు నిర్వహించాలన్న నియమ నిబంధనలను బలవంతంగా రుద్దుతున్నారు..  

భక్తుల సంక్షేమానికి మాత్రమే పనిచెయ్యవలసిన అధికారులు.. పూజలు ఎలా నిర్వహించాలో అన్నదాని మీద అజమాయిషీ చలయిస్తూ.. నేటి హిందూ దేవాలయాను అస్తవ్యస్తం చేస్తున్నారు.. 

ఆఖరుకి తిరుమల శ్రీనివాసుడికి సైతం కేవలం అరగంట మాత్రమే విశ్రాంతి కల్పించి అర్ధరాత్రి వరకు దర్శనాలు కల్పిస్తున్నారు.. వి.ఐ.పీలకు పెద్దపీట వేస్తూ సామాన్య భక్తులకు అసౌకార్యాన్ని కలుగ చేస్తున్నారు.. 

దేవుని కళ్ళు మూసేసి పాపాలు చేసేస్తున్నాం.... ప్రజలు దేవుని మీద భక్తి విశ్వాసాలతో సమర్పించే కానుకలను.. ధనాన్ని అక్రమార్గంలో తరలించేస్తున్నాం..

ఆలయాలలో వచ్చే  ఆదాయాన్ని  పేదల సంక్షేమానికి వినియోగించాలి.. పెద్దల ఆనందానికి వినియోగించకూడదు.. 

అందుకే తెల్లవారి లేస్తే ఇన్ని ఘోరాలు.. అనర్ధాలు.. ప్రమాదాలు... గతి లేని జీవన ప్రమాణాలు.. రక్షణ లేని బ్రతుకులు...
ఏది ఏమైనా
బ్రాహ్మణుల సంక్షేమానికి కృషి చేస్తున్న విడిపోయిన తెలుగు రాష్ట్రాల ముఖ్యమంత్రులిద్దరూ కృషి చేస్తుందందుకు.. వారి శిరస్సు వంచి పాదాభివందనం చేస్తూ ..వారు.. వారి కుటుంబ సభ్యులు ఆయురారోగ్య సుఖ సంతోషాలతో తులతూగాలని.. ఇహ పర సౌఖ్యాలు కలగాలని.. శ్రీమన్నారాయణుని కరుణా కటాక్షాలు వారిపై సదా ఉండాలని...జగన్మాత ఆశీస్సులు ఎల్ల వేలలా ఉండాలని ప్రార్ధిస్తున్నాను..   

Monday, March 14, 2016

నాట్యం..సంగీతం..సాహిత్యం..మేలు కలయిక ఈ కళారూపాలు.. అద్భుతం .. అపురూపం...

తెలుగు ప్రాచీన వైభవాలకు దర్పణాలైన "హరి కథ" మరియు "బుర్ర కథ" ప్రత్యేక శైలి కలిగిన కళా రూపాలు.. 
రెండిటింకీ మూల ప్రస్థానం కళల కాణాచి అయిన విజయనగరం అని చెప్పుకోవాలి... 


హరికథలకు ఆది గురువు..హరికథా పితామహుడు..శ్రీ.ఆదిభట్ల నారాయణదాసు అని పిలువబడిన శ్రీ సూర్యనారాయణ  గారు అయితే.. బుర్రకథలకు ఆది గురువు కుమ్మరి మాష్టారుగా పిలువబడే శ్రీ దార అప్పలనారాయణ గారు.. ఇద్దరూ విజయనగరం వాస్తవ్యులు అవడం ప్రత్యేకంగా చెప్పుకోవాలి.. 


విజయనగరం జిల్లా
అజ్జాడ గ్రామంలో జన్మించారు కాబట్టి అంతా శ్రీమత్ అజ్జాడ ఆదిభట్ల నారాయణ దాసు గారిగా ఇప్పటికీ హరికథా విద్వాంసులు ఆయనికి గురు పూజ చేయనిదే హరికథ మొదలు పెట్టరు.. 
అనేక హరికథలను ఆయన స్వయంగా రచించి లోకానికి అందించినారు.. అనేక వేల మంది హరికథ లనే జీవన మార్గంగా ఎంచుకుని నాలుగు రాళ్ళు సంపాదించుకునేలా చేసారని చెప్పవచ్చు.. 
ముఖ్యంగా ఈ హరికథా రూపాన్ని బ్రాహ్మణులు మాత్రమే చెప్పేవారు..
హరికథలో పద్యాలు రాగయుక్తంగా పాడటమే కాక సంధోర్భానుచితమైన చలోక్తులు కూడా విసిరి ప్రేక్షకులను రంజింప చేయాలి.. మా చిన్నతనంలో బుర్రా సుబ్రహ్మణ్యం గారు ఇంకా అనేక మంది పండితులు హరికథలను చెప్పేవారు.. 
స్త్రీలు కూడా హరికథా రంగంలో రాణీంచిన వాళ్ళు అనేకులు వున్నారు... 

మైకులు లేని ఆ రోజులలో ఆదిభట్ల నారాయణ గారి గంభీర గరళం తెలుగు పద్యాలను అలవోకగా పలికేది..  విజయనగరం రాజు గారు ఆనందగజపతి వారి ఆస్థాన విద్వాంసునిగా చేర్చుకుని గౌరవించారు..  అయిననూ ప్రజల మధ్యలోనే తప్ప రాజాస్థానంలో పద్యాలు పాడేవారు కాదు.. 
మైసూర్ మహారాజువారి మన్ననలను పొందారు.... బ్రిటీష్ పాలకులు నోబుల్ ప్రైజుకి నామినేట్ చేద్దామనుకున్నా శ్రీ నారాయణ గారు సున్నితంగా తిరస్కరించారట.. 

బుర్ర కథలను శ్రీ కుమ్మరి మాష్టారి కన్నా ముందు చాలామంది చెప్పినా.. కుమ్మరి మాష్టారితో బుర్ర కథ గొప్ప విశేష కీర్తిని ఆర్జించింది...

ఈయన  విజయనగరం జిల్లా, గజపతినగరం మండలం కోడిదేవుపల్లిలో జన్మించాడు. 
కుమ్మరి మాష్టారి బుర్రకథకి ఇసుక వేస్తే రాలనంత జనం వచ్చేవారు... ఆయన నోట వెంట వచ్చే  ప్రతీ మాట చెవులు అప్పగించి వినేవారు... 
క్షణం తలతిప్పితే ఒక గొప్ప భావాన్ని మిస్ అయిపోతామేమో అని తల తిప్పకుండా చూసే వారు... 
కుమ్మరి మాష్టారు ఆకాశవాణి లోను... అనేక సినిమాలలో  తన  బుర్రకథా గానాన్ని వినిపించేరు.. అనేక బిరుదులను సన్మానాలను పొందేరు.. 
సువర్ణ కంకణాలు పొందేరు.. 

అప్పటి ముఖ్యమంత్రుల ప్రసంశలను పొందారు..ముఖ్యంగా "బొబ్బిలి యుద్ధం" బుర్ర కథ విన్న ప్రతీవారికి రోమాలు నిక్కబొడుచుకుంటాయి... ఈయన శైలిని అనేక మంది బుర్ర కథ కళాకారులు అనుకరించి భుక్తిని పొందారు... 
ఒక వేనులో ఈ బుర్ర కథ బృందం ఆంధ్ర దేశం అంతటా ప్రదర్శనలు ఇవ్వటం నేను ప్రత్యక్షంగా వీక్షించాను.. అది నా అదృష్టంగా భావిస్తున్నాను... వీరి కుటుంబ సభ్యులే  ఇతర పాత్రలను పోషించేవారు...

ఇప్పటి తరం వారికి బుర్రకథలు.. హరికథలు అక్కరలేదు..కాని  ఒకప్పుడు ఈ రెండు కళా రూపాలు తెలుగు వారిని ఒక ఊపు ఊపేశాయి... ఒక మామూలు మనిషిని మహాత్మునిగా ఎదిగేలా చేసాయి... 


నాట్యం..సంగీతం..సాహిత్యం ఈ మూడింటి  మేలు కలయిక ఈ రెండు కళారూపాలు..  అద్భుతం .. అపురూపం...


నైతిక విలువలు...మానవతా విలువలు... పెంపొందించి యువతను సక్రమ మార్గములో నడుచుకేలా చెయ్యటమే గాక పెద్దలకు ఆధ్యాత్మిక ధ్యానం కలిగేలా హరికథలు ఉంటే... చారిత్రక ఘట్టాలను కళ్ళకు కట్టినట్టు చూపటమే కాక సమకాలీన సమస్యలపై శంఖారావం పూరించేవి బుర్రకథలు.. యువతను ఆలోచించేలా చేసేవి... 


విజయనగర వాసులుగా ఎంతో గర్వించదగ్గ కళారులు పుట్టిన గడ్డ లో పుట్టినందుకు యావత్తు తెలుగు జాతి అంతా ఈ కళాకారులకు ఎంతో ఋణపడి ఉంటారు..




Sunday, March 13, 2016

తొక్కలో కుక్క... దానికి కొంచెం తిక్క.. అదో లెక్కా??




ప్లీజ్ ...ఈ పోస్టుకి టైటిల్ మీరే పెట్టండి...


చట్టానికి....చట్టాన్ని కాపాడే రక్షక భటులకి... 
పేద రైతు లోకువ... దొరబాబులంటే  మక్కువ.. 

కొద్దిపాటి అప్పు కట్టలేని బీదల నడ్డివిరగొడతారు..
వేల కోట్ల అప్పు చేసే దొరబాబులకు సలాం చేస్తారు.. 

పంట లేక కూలబడిన  రైతులను పీడిస్తారు.. 
అప్పు లతో కోట్లకు పడగలెత్తిన వాని పాదాలు మొక్కుతారు.. 

అప్పుతీర్చలేక   ఆత్మ హత్య  చేసుకున్న రైతుని లెక్కచేయరు.. 
చట్టం కళ్ళు కప్పి దర్జాగా విమానం ఎక్కి చెక్కేసిన దొరబాబుని కీర్తిస్తారు..

"నువ్వు దొంగ" అంటే...  "కాదు నువ్వే దొంగ".... అని .. 
అర్ధం పర్ధం లేని వాదనలతో కాలం వెళ్ళ బుచ్చి.. 
 వేల కోట్ల ప్రజాధనాన్ని కొల్ల గొడతారు.. 
అందరూ  దొంగలే.... గప్ చుప్.... 

Saturday, March 12, 2016

తూ..గో..ప..గో జిల్లాల వాళ్ల మర్యాదలు..మాట తీరు అన్నీ వేరే... కల్తీ లేని వంటకాలు.. మనసులు..

ఎన్నాళ్ళ బట్టో అనుకుంటున్నాం.. కారులో ద్వారకా తిరుమల్ వెళ్దాం అని... ఇదిగో ఇన్నాళ్ళకి తీరింది... మా చిన్ననాటి స్నేహితుడి చెల్లెలు కొడుకు పెళ్ళి ద్వారకా తిరుమలలో తే.11-03-2016 (నిన్ననే) అయ్యింది.

వాళ్ళు పిలుపులికి వచ్చినప్పుడే చెప్పాం.. "ఎన్నాళ్ళబట్టో ద్వారకా తిరుమల కారులో వెళ్దాం అనుకుంటున్నాం.. సరే ఈవిధంగా స్వామి కార్యం.. స్వకార్యం రెండూ కలసి వస్తాయి కనుక తప్పని సరిగా వస్తాము".. అని... ..
కాకపోతే ఓ మూడు రోజులు సెలవు..మూడువేలు ఖర్చు..తప్పవు.. 


కాని.. రోజూ చూసే ముఖాలే చూస్తూ...చేసిన పనే చేస్తూ ఉండే ప్రాణాలకి ఆటవిడుపుగా వుంటుంది.. 

ప్రకృతి ఒడిలో కాస్త సేదతీరే అవకాశం  వుంటుంది కనుక...అవి కొన్నిలక్షలు ఖర్చుపెట్టినా రావు కనుక...అప్పుడప్పుడు ఇలా పుణ్యక్షేత్రాలు దర్శనం చేసుకుంటూ ప్రయాణాల్ని ప్రణాళికా బద్దంగా చెస్తే ఏ తిప్పలు పడకుండా ఇంటికి రావచ్చు...
ప్రణాలిక: మేము కాకినాడ మీదుగా ..భీమవరం వెళ్ళి (భీమవరంలో చుట్టాలున్నారు).. అక్కడ నైట్ హాల్ట్ పెట్టుకుని మరురోజు ద్వారకా తిరుమల వెళ్దాం అని ప్లాన్ వేసాను... ముందుగా గూగులమ్మ ని అడిగి రూట్ వివరాలు రాసుకున్నాను... దాంతో మా ప్రయాణం సులువు అయిపోయింది... 


దారిలో సైన్ బోర్డులున్నా ఎందుకైనా మంచిది అని టర్నింగుల దగ్గర అడుక్కుంటూ వెళ్ళాం.. కాకినాడ దగ్గర ఒకతనికి సందేహం వచ్చింది..."హాయిగా హైవే లో వెళ్ళిపోక ఇలా ఎందుకొచ్చారని??"
"ఈ పచ్చటి పొలాలు...దారిపొడవునా కొబ్బరి వనాలు.. పంటకాలువలు చూసుకుంటూ.. మనసు పరవశించిపోతూ.. మనసులొ జ్ఞాపకాల దొంతరలు పదిలంగా దాచుకుంటూ...అద్భుత యాత్రగా మలుచుకోవాలని.. ఇలా వచ్చాం" అన్న భావాన్ని టుకీగా .."ఇలా పళ్ళెటూళ్ళ మీదుగా వెళ్తాం" అని  చెప్పాం.. 


తునిలో ఫలహారాలు అయ్యాక..పిఠాపురం  లో "కుక్కుటేశ్వర స్వామిని..పురూహితికా దేవి"  దర్శనం అయ్యాక .. తిన్నగా రావులపాలెం 12 గంటలకల్ల చేరుకుని ..చక్కటి భోజం చేసాం... "బ్రాహ్మణ బోజన హోటల్"లో ... 

పూర్వం "రాజుల హోటల్".."బ్రాహ్మణ భోజన హోటల్" అని రెండే పేర్లుతో హోటళ్ళు వుండేవి.. అంటే కులాన్ని బట్టి కాదు.. వెజ్..నాన్ వెజ్ హోటళ్ళకి ఈ పేర్లు వుండేవి.. రాజుల భోజనం అంటే నాన్ వెజ్ అని అర్ధం..ఇప్పుడు వెజ్ అండ్ నాన్ వెజ్ హోటల్ అని పేర్లు పెట్టి రెండూ ఒకదగ్గరే పెడుతున్నా... వెధవది..వెజ్..వంటకాలు కూడా నాన్ వెజ్ కూరల్లాగే తగలేసి చస్తున్నారు... మసాలా వాసనలు... ఒక్కోసారి తినక తప్పదు.. అలాంటప్పుడు కాస్త రసం..పెరుగుతో సరిబెట్టుకుంటాం... 

రావులపాలం లో చక్కటి భోజనం రూ.70/- లకే పెట్టాడు చాలాబావుంది.. మజ్జిగ పులుసు..గోంగూర పచ్చడి... చాలాబావున్నాయి..వయసుతో బాటు తిండి యావ తగ్గింది పైగా ప్రయాణాల్లో మితంగా తింటేనే డ్రైవింగు చేసే టప్పుడు ఇబ్బంది వుండదు..
రావులపాలెం నుండి తిన్నగా భీమవరం.... "వీరవాసరం" మీదుగా...వెళ్ళాం.. ఆ రోజు  భీమవరంలో  "సోమారామం" (సోమేశ్వర స్వామి) మరియు "మావూళ్ళమ్మ" వారి దర్శనం అయ్యాక రాత్రి విశ్రాంతి తీసుకున్నాం..
శుక్రవారం ఉదయం ఎనిమిదిన్నరకు అల్పాహారం అయ్యాక గణపవరం.. చేబ్రోలు మీదుగా హైవే చేరుకుని భిమడోలు మీదుగా 12 గంటలకల్లా ద్వారకా తిరుమల లో కొండమీదనున్న కళ్యాణమండపానికి చేరుకున్నాం...  
దారిలో మళ్ళీ పచ్చటి వరిపొలాలు...సైనికుల్లా ఒక వరుస క్రమంలో గర్వంగా నిలబడిన కొబ్బరిచెట్లు.... దారిపొడవునా పంటకాలువలు... చేపల చెరువులు...ఇవన్నీ అశ్వాదిస్తూ వెళ్ళాం... 


దాన ధర్మాలకి పెట్టింది పేరైన గారి తాత గారిని తల్చుకుని  వారి హయాంలోనే.. హారతి కర్పూరమైన ఆస్థులను తలచుకుని మా శ్రీమతి ఎంతో దుఖించి గొంతు మూగబోయింది.. .. 

దాన ధర్మాలకు.. ఆడపిల్లల కట్న కానుకలు..పురుడు పుణ్యాలకు.. శుభకార్యాలో సంతర్పణ..విందుభోజనాలకు..కొన్ని వందల ఎకరాలను అమ్ముకుని చివరికి మిగిలిన నాలుగు ఎకరాల పల్లపు భూములను కూడా వారి  పెత్తండ్రి గారి హయాంలో అమ్ముకున్న వైనాన్ని చెబుతూ కన్నీళ్ళ పర్యంతం అయ్యింది మా ఆవిడ...
శుక్రవారం ద్వారకా తిరుమలలో వివాహ వేడుక...దేవుని దర్శనం అయ్యాక...తిరిగి శనివారం అంటే ఈరోజు ఉదయం ఏడు గంటలకి బయలు దేరి..మధ్యలో అన్నవరం ప్రసాదం హైవే మీద కొనుక్కుని...మధ్యాహ్నం ఒంటి గంటకల్లా..వైజాగ్ వచ్చేసాం...  

పెళ్ళిభోజనాలు అద్భుతహ..  దేవరపల్లి వారి కేటరింగు.. . 
కాని ఏమాటకి ఆ మాటే చెప్పుకోవాలి... 

భోజనం అంటే తూ..గో..ప..గో జిల్లాల వాళ్లదే.. ఆ మర్యాదలు..మాట తీరు అన్నీ వేరే...  కల్తీ లేని వంటకాలు.. మనసులు.. ఇప్పటికీ...
ఆ పంటలు అలాగే చల్లగా వుండాలి... ఆ మనసులు అలాగే చల్లగా వుండాలి.. అంతకన్నా ఏం కోరుకుంటాం...
పట్నాల్లో  చక్కటి కాఫీ కాని.. టీ గాని దొరకదు.. 100 రుపాయలు పైబడి ఇచ్చినా కమ్మటి భోజనం దొరకదు.. నెయ్యిలో కల్తీ...నీళ్ళల్లో కల్తీ....మనసులు కల్తీ...
సరే గాని ఫుటోలు చూసి ఆనందించండి...   



     1.at KaakinaaDa
 2.(at Mandapeta)
 3.at Bhiimavaram
 4.at Chebrol

 5. at Kakinada

Monday, March 7, 2016

నీచపు రాజకీయాలు చేసే వాళ్ళే శవం యొక్క కులాన్ని బట్టి మాత్రమే స్పందిస్తారని....

మొన్న స్మృతీ ఇరానీ లోక్ సభలొ చేసిన ప్రసంగం నెట్ లో హల్ చల్ చెస్తే నిన్న అనుపం  ఖేర్ ప్రసంగం ప్రస్తుతం హల్ చల్ చేస్తోంది... 
మరొక టీనేజ్ అమ్మాయి 'ఝాన్వీ బెహాళ్' చేసిన సవాల్ కూడా ఈరోజు పేపర్లో సంచలనం సృష్టిస్తోంది...
ఇవన్నీ కేవలం మోడీ సర్కార్ ని సపోర్టు చేసినవి మాత్రమే కావు.. ఈ దేశ ఔన్నత్యాన్ని.. సమగ్రతను దెబ్బతీసి ... సెక్యూరిలిజం పేరుతో జాతి విద్వేషతను పెంపొందిచే శక్తులకు వ్యతిరేకంగా ఉన్నాయి... 


తెలుగు రాష్ట్ర రాజధానిలో ఆత్మహత్య చేసుకున్న ఒక విద్యార్థి వలననో...దేశ రాజధాని లో దేశ సమగ్రతకు భిన్నంగా ప్రవర్తించిన విధ్యార్ధుల అరెష్టుల వల్లనో ఈ నాటి మీడియా వలననో ఇవి ప్రపంచం అంతా బహిర్గతం అయి వుండవచ్చు.. 


కాసేపు రాజకీయాలని పక్కకి పెడితే.... 
కాని దాదాపు అన్ని విద్యా సంస్థలలో విద్యా ప్రమాణాలు ఏ విధంగా వుంటాయో.. రాగింగు చేష్టలు ఏవిధంగా వుంటాయో.. విద్యార్ధులు అనేక పర్యాయాలు తమ నిరసనల్లో భాగంగా ఏ విధంగా అల్లర్లు చేస్తాయో అంతమందికీ తెలుసు.. గతంలో అనేక రాజకీయ పార్టీలు విద్యార్ధులను అనేక విధాల వాడుకోవటం అందరికీ తెలుసు.. 


ఆ మధ్య వచ్చిన "దృశ్యం" సినిమా లో ఒక అత్యుత్తమ అధికారంలో ఉన్న ఐ.పీ.ఎస్ అధికారిణి కొడుకు ఏ విధంగా ప్రవర్తించాడో ...ఆతని బారి నుండి తమను తాము రక్షించుకోవడానికి ఆ తల్లికూతుర్లు ఆ అబ్బాయిని చంపేస్తే.. కేసు నుండి తన కుటుంబాన్ని రక్షించుకోవటం కోసం ఆ తండ్రి పడ్డ కష్టాన్ని చక్కగా చూపించారు.. ఈ దృశ్యం నేటి విద్యార్ధుల జీవిన గమనాన్ని సజీవంగా చూపింది కాబట్టి ఈ సినిమా ప్రేక్షకుల మన్ననలను పొందింది.. 

మునిసిపల్ స్కూళ్ళు మొదలుకొని.. జూనియర్ కాలేజ్.. డిగ్రీ కాలేజ్ ..చివరకు యూనివర్శిటీల్లో కూడా ఒక పది.. ఇరవై  శాతం మంది అల్లరి / గొడవ బేచ్ వుంటారు..  వీళ్ళు సరిగ్గా క్లాసులకి రారు.. వచ్చినా క్లాసులు జరగనివ్వరు.. భవిష్యత్తుపై గంపెడాసలు పెట్టుకుని... 


తల్లితండ్రుల కలల సాకారం చెయ్యడానికై చదువుకొని ఎంతో ఉన్నతంగా ఎదగాలని కాలేజీకి వచ్చే విద్యార్ధులను ఎగతాళి చేసి.వారి చదువును ఉజ్వ్యల భవిష్యత్తును  పాడుచేస్తూ ఉంటారు...  లెక్చరర్లు కూడా తూ.. తు మంత్రంగా సిలబస్ అయ్యిపోయింది అనిపించేస్తారే గాని... తాము చెప్పేదీ ఒక్క ముక్కా ఎవరికీ అర్థం కాకపోయినా పట్టించుకోరు... 

వేలకు వేలు పొసి ట్యూషన్లు.. గైడ్లు..కోచింగ్ సెంటర్లను ఆశ్రయిస్తే గాని...పరీక్షల్లో పాసవని స్థితి... ఇంజనీరింగు పూర్తయి పి.జీ లో చేర్పించాలన్నా...ఉన్నత కోర్సులు చదవాలన్నా లక్షలు లక్షలు సమర్పించాల్సిందే...
దిక్కుమాలిన ఎం.సెట్..ఆ సెట్టు.. ఈ సెట్టు లలో రాంకులు రాకపోతే...మేనేజ్ మెంటు కోటాలో లక్షలు ...కోట్లు ఖర్చుపెట్టి తమ పిల్లలను డాక్టర్లను.. ఇంజనీర్లను చేస్తున్నారు నేటి తల్లితండ్రులు...
రాత్రనక పగలనక పనిచేసో.. అప్పులు తెచ్చో... ఉన్న ఆస్థిని అమ్ముకొనో...ఇంత డబ్బు పోసి బిడ్డలను కాలేజీలకు పంపించి.. తాము పడుతున్న కష్టాన్ని తమ బిడ్డ పడకూడదనే ఒకే ఒక్క తాపత్రయంతో ఉన్నదంతా ఊడ్చి బిడ్డల చదువుకోసం ఖర్చు పెడుతున్నారు నేటి తల్లితండ్రులు... 


ఇలాంటి తల్లి తండ్రులను నివ్వెర పోయేలా చేస్తోంది.. ఇప్పుడు జరుగుతున్న పరిణామాలు... ఏం జరుగుతోంది..?? ఏమవుతుంది..మన బిడ్డల భవితవ్యం అని చేష్టలుడిగి అచేతనంగా నిలబడి పోతున్నారు..
రోహిత్ తల్లి కూడా ఇటువంటి బాధే పడుతుంది.. జె.ఎన్.యూ విధ్యార్ధుల ప్రతీ తల్లితండ్రులు కన్నీరు కార్చకుండా వుండరు..
తప్పు ఎవరిది.. దానిని ఎలా సరిదిద్దాలి అని ఒక బాధ్యత కలిగిన తలితండ్రులుగా ఆలోచించాలి... అంతే కాని శవ రాజకీయాలు చేసే రాజకీయ నాయకుడిలాగ స్పందించకూడదు.. 


ఇది కుల మతాలకు అతీతం.. విద్యార్ధులను తమ రాజకీయాలకు బలితీసుకున్నారు అన్నది సత్యం..
రోహిత్ తన మరణ వాన్మూలంలో స్పష్టంగా రాసాడు..తాను ఇరుక్కున్న పరిస్థితులను..తనను తన కులాన్ని ఏవిధంగా వాడుకుని వదిలేసారో చాలా స్పష్టంగా తెలియబరచాడు.. తన మరణాన్ని రాజకీయం చేసి రాధ్ధాంతం చెయ్య వద్దని కూడా వేడుకున్నాడు...
ఇక జె.ఎన్.యూ సంగతి అందరికీ తెలిసిందే....ప్రత్యేకంగా రాయక్కర్లేదు.. తప్పు విద్యార్ధులది కాదు.. వాళ్ళని ప్రభావితం చేసిన రాజకీయ మేధావులది..     


ఇది ఒక కులానికో మతానికో మాత్రమే సంబంధించిన సమస్య కాదు.. దేశ ఔనిత్యానికి....సమగ్రతకు .. రాజ్యాంగ పరిరక్షణకు ...సంబంధించిన సమస్య...
దీనిని సహజంగానే రాజకీయ నాయకులు మోడీ సర్కార్ ని బదలాం చెయ్యడానికో ... చట్ట సభల్లో అల్లరి చెయ్యదానికో వాడుకుంటారు.. సహజం.. పదవి లేక పోతే వాళ్ళకి పిచ్చెక్కి పోతుంది.. కష్టపడకుండా ఇలా అడ్డ దారిలో అందలం ఎక్కడానికి శవ రాజకీయాలు చేస్తారు.. 


రాజకీయాలు మనకి ఇక్కడ అప్రస్తుతం.. ఒక భారతీయ పౌరుడిగా బాధ్యత గల తలితండ్రులుగా ఆలోచించాలి..   
కాని కొంతంది కుహనా మేధావులు.. బ్లాగు శూర్ఫణకలు దీనిని కులం రంగు పూస్తూ విషజ్వాలను వెదజల్లుతున్నారు.. ప్రజను రెచ్చగొట్ట డానికి విఫల ప్రయత్నం చేస్తున్నారు...
వీళ్ళ మూర్ఖపు వాదనలు ఎవరూ పట్టించుకోని స్థితిలో వున్నా ....వీళ్ళకి ఏమి కావాలో  స్పష్టత లేకపోయినా.. పాడిందే పాటరా పాచిపళ్ళ దాసరి అని ప్రతీ సంఘటనకు కుల, మత రంగులు పూస్తూ...విద్యేషాల్ని రెచ్చ్గొడుతున్నారు....
ఈ మూర్ఖ శిరోమణి పిచ్చి రాతలవలన..అసభ్యకరమైన కామేంట్ల వలన.. కొంతమంది బ్లాగులను రాయడం మానేస్తే.. "కూడలి" లాంటి ప్రముఖ అగ్రిగేటర్లు కూడా విరక్తి చెంది మూతబడటం జరిగింది.. ఇది జగమెరిగిన సత్యం..
నీచపు రాజకీయాలు చేసే అవసరం.. అవకాశం.. మాకు లేదు.. అది వున్నవాళ్ళే శవం యొక్క కులాన్ని బట్టి మాత్రమే స్పందిస్తారని తెలుసుకుంటే మంచిది..లేకపోతే మరొక్కసారి స్మృతీ ఇరాని...అనుపం ఖేర్ ల ప్రసంగాన్ని చదువుకున్నా అవగతం అవుతుంది..  ..            

Saturday, March 5, 2016

సామాజిక కార్యకర్తలం. అభ్యుదయ వాదులం అని చెప్పుకుంటూ కోడి గుడ్డు మీద ఈకలు పీకే మేధావులు...

మనం ఒక బ్యాంకులో నిలబడ్డామనుకోండి... "సార్! కాస్త ఈ ఫారం నింపండి" అని విత్ డ్రాల్ ఫాం మన చేతిలో పెట్టే వాళ్ళు నిముషానికి  కనీసం ముగ్గురైనా వుంటారు..

మనం రైలు బండిలో ప్రయాణిస్తున్నపుడు కాస్త ఈ నెంబరు ఎక్కడుందో చెప్పండి అని టికెట్టు మనచేతిలో పెట్టేవాళ్ళు.. ఒక బోగీలో ఎక్కబోయి.. మరో బోగీలో ఎక్కేసే వాళ్ళు.. ఒక రైలు ఎక్కబోయి మరో రైలు ఎక్కేసే వారు చాలా మంది  వుంటారు.. అనౌన్స్ మెంట్ లొ స్పష్టంగా  మూడు భాషల్లో ఏ రైలు ఏ ప్లాట్ ఫాం లో వుందో చెప్తున్నా...తాము ఎక్కవలసిన రైలు ఎక్కడో తెలీక తికమక పడుతూ ఉంటారు..

ఇక ఏ.టీ.ఎం మిషన్ బటన్లు నొక్కి నొక్కి తగలేసే వాళ్ళు కోకొల్లలు.. లిఫ్ట్ బోయ్ లేకపోతే లిఫ్ట్ ఎక్కి తమకి కావలసిన ఫ్లోర్ బటన్ నొక్కడం ఎలాగో తెలియని వారు కొంతమంది...

సెల్ ఫోనులో గ్రీన్ బటన్ రెడ్ బటన్ తప్ప ఇంకే బటన్ నొక్కడం తెలీని అమాయకులు మరికొంతమంది.. ..

పోనీ వీళ్ళేమైనా అజ్ఞానులా అంటే కాదు... ఆటో వాడికి ఒక్కరూపాయి కూడా ఎక్కువ ఇవ్వని ... కూరగాయల వాడు ఒక్క రూపాయి తక్కువ ఇచ్చినా ఒప్పుకోక గొడవ పడే గడుగ్గాయులు..

ఒక పక్క ప్రపంచం లోని ఇతర దేశాలు ఆధునిక టెక్నాలజీ తో ముందుకి సాగిపోతూ వుంటే,..ఇక్కడ మన దేశంలో కనీస పరిజ్ఞానం అవగాహనా శక్తి లేక అజ్ఞాన అనాగరిక లక్షణాలు కలిగి వుండి ఆయా పరికరాల వినియోగం తెలియక పాడుచేస్తూ కాలాన్ని డబ్బుని వృధా పరిచే వాళ్ళు ఎక్కవ...

ఆఫీసు లొ కంప్యూటర్లు ఇచ్చి.. ఇకమీదట ట్రాన్సాక్షన్ అంతా ఆన్ లైన్ లోనే జరగాలి అని చెప్పారనుకోండి... నూటికి తొంభై మంది "అయ్యా.. మాకు కంప్యూటర్ వాడటం ఎలాగో రాదు సార్" అని తప్పించుకుంటారు... 

మిగిలిన ఒకడో ఇద్దరో ఆఫీసరుకి దొరికిపోతారు..పనంతా వీళ్ళ చేత గాడిద చాకిరీ చేయించుకుంటారే గాని.. రాని వాణ్ణి పిలిచి.. "ఇదిగో నువ్వు నెలరొజుల్లోనో.. వారంలోగానో ... ఇది ఎలా చెయ్యాలో నేర్చుకో" అని ఆదేశాలు జారీ చెయ్యరు..  
కాని ఇక్కడ ఆఫీసులో కంప్యూటర్ గురించి రాదు అనేవాళ్ళే ఇళ్ళదగ్గరో... నెట్ సెంటరు లోనో తమకి కావలసినవి అన్నీ కొట్టుకుంటూ వుంటారు.. మరి ఇది అజ్ఞానమా ... గడుసుతనమా...   

పబ్లిక్ టాయలేట్ అవనివ్వండి..ఆఫీసు టాయిలెట్ అయినా.. కొళాయి తిప్పి నీళ్ళు వాడే వాళ్ళే గాని పనయిపోయాక కొళాయి కట్టే వాడు ఒక్కడూ కనబడడు.. కోటీశ్వరుడు అయినా టాయిలెట్ కి వెళ్ళి అలాగే వచ్చేస్తాడు గాని నీళ్ళు ఫ్లష్ చెయ్యడు దౌర్భాగ్యుడు...

ఇళ్ళ దగ్గర ఎలా అఘోరిస్తారో తెలీదు గాని పబ్లిక్ లోకి వచ్చేసరికి న్యూసెన్స్ గా బిహేవ్ చేస్తారు... చెత్తలు పోసినదగ్గరనుండి.. ఎక్కడబడితే ఉమ్ములు ఉచ్చలు పోయడం...రూపాయి గురించి షాపువాడితో గొడవపడటం... ఆడవాళ్ళతో మిస్ బిహేవ్ చెయ్యడం...పబ్లిక్ గా మద్య ధూమ పానాలు చేస్తు ఇతరులకి వెగటు కలిగేలా చెయ్యడం....

ఇవీ నేటి (అ)నాగరికుల లక్షణాలు... ఇవి రోజు రోజుకీ పెరుగున్నాయి తప్పితే  జంటిల్మన్ లాగ బిహేవ్ చేసే వాళ్ళు తక్కువ అయిపోతున్నారు... పైకి డాబుగా కనిపించినా చేసే పనులన్నీ చెండాలపు పనులే.....
మగవాళ్ళనే కాదు ఆడవాళ్ళనీ నమ్మలేని పరిస్థితులు వచ్చాయి....తళుక్కు మని పించే అందాలు చాటున మందిని మోసం చేసే నెరజాణలు చాలామందే వున్నారు... ఏ మగువ తన జీవిత కాలంలో ఎంత మంది మగాళ్ళను మోసం చేసి ఎన్ని కోట్లు సంపాదించిందో తెలుసుకోలేని స్థితి... సినిమాల వాళ్ళు అయితే చెప్పక్కర్లేదు.. వలువలకి విలువలకి తిలోదకాలు ఇచ్చి అనతి కాలంలోనే కోట్లు సంపాదించేసుకుంటున్నారు...

స్వతంత్రం వచ్చి వందేళ్ళు కవడానికి ఎంతో దూరం లేదు... అధికారం లోకి వచ్చే ప్రతీ రాజకీయ నాయకుడు బడుగు..బలహీన ప్రజల అభివృధ్ధికి కృషి చేసి దేశాన్ని ప్రగతి పథంలో ముందుకు తీసుకు పోతానన్న వాడే.... కుల మత వైషమ్యాలు లేని నవ నాగరిక ప్రపంచంలొకి దూసుకు పోతామని చెప్పేవాడే... నూతన రాజధానిని...ఇతర పట్టణాలని సింగపూర్ జపాన్ లాగ తీర్చి దిద్దుతామని ప్రతిన పూనే వాడే...

ఆధునికత వైపు.. మారుతున్న టెక్నాలజీ తో బాటు జీవితాల్ని కూడా మార్చుకోవాలనే ధృక్పథాన్ని ప్రజలకు అందిచే వాళ్ళు కరువై పోయారు... తెలుగులో స్పష్టంగా బస్సు మీద ఆ బస్సు ఏ ఊరుకి వెళ్తుందో రాసున్నా... బస్సు బయలు దేరే సమయంలో పరుపరుగున పిల్లా పాపలతో వచ్చి "బాబా.. ఈ బస్సు ఏ ఊరికి వెళ్తింది బాబయా.." అని అడిగే వాళ్ళు ఇంకా వున్నారూ అంటే ఎంతో సిగ్గు పడవలసిన విషయం...

సామాజిక కార్యకర్తలం అని అభ్యుదయ వాదులం అని గర్వంగా చెప్పుకుంటూ కోడి గుడ్డు మీద ఈకలు పీకే మేధావులు...వేల కాలం నాటి  వేదకాలంలోనో ...చరిత్రకందని మనుధర్మ శాస్త్రం లోను...కాలం చెల్లిన భ్రాహ్మణీకంలోను అన్యాయం జరిగిపోయిందని కుల మత వైషమ్యాలు పెంచుతూ  ప్రజలను తిరోగమనం లోకి నెట్టుతూ...పబ్బం గడుపుకుంటున్నారే గాని....ప్రపంచ దేశాలతో బాటే భారత దేశం కుడా ఎదగాలి.. భారత దేశ ప్రజలందరూ ఆధునిక టెక్నాలజీ ఫలితాలు అందుకోవాలీ అనే ప్రయత్నం  చేశారా???
పాలకులు తీసుకునే ప్రతీ చర్యకు.. కుల మత వైషమ్యాల్ని అంటకడుతూ ప్రతిబంధకం లాగ తయారవుతున్నారే గాని... మంచి పనులకు సహకరించారా ఎన్నడైనా... సీటులో కూర్చునే వాడు ఎప్పుడు దొరుకుతాడా అని గోతికాడ నక్కలాగ కాసుకుని కూర్చుని గగ్గోలు పెడతారే గాని.. జెంటిల్మన్ పద్దతిలో అయ్యా మీరు చేసిన ఈ పని తప్పు అని రాజ్యాంగ బద్ధమైన పోరాటం ఎన్నడైనా చేసారా...????          

 

మేధావులమని చెప్పుకునే కంచర గాడిదలు.. అగ్రవర్ణాలపై తమ బ్లాగులో విషం కక్కే శూర్ఫణఖలు ....

అదొక భోజనశాల.. ఎంతో మంది వస్తున్నారు.. వెళ్తున్నారు.. తింటున్నారు...త్రేంచుతున్నారు..తిన్నదానికి బిల్లు చెల్లించి పొతున్నారు.      .. వండేవాడు ఎవడు?? వడ్డించే వాడు ఎవడు?? ఎవరికీ అక్కర్లేదు..
ఎంగిలి లేదు ..అంటు అంతకన్నా లేదు.. ఎవడి ఆతృత వాడిది.. ఎవడి కడుపు గోల వాడిది... "అన్నా ప్లేట్ మీల్స్ ఎంతన్నా?? ఇదిగొ తంబీ కాస్త సాంబార్ పోయ్.. " 
అంతే.. కులం లేదు.. మతం లేదు.. ఆవేశ కావేశాలు అంతకన్నా లేదు...  

అదొక సెలూన్.. ఏ.సీ కావచ్చు.. నాన్ ఏసీ కావచ్చు.. వచ్చే వాడు వస్తుం
టాడు.. పని అయిపోయిన వాడు పోతునే వుంటాడు...గీసేవాడు ఎవడో తెలీదు... మాలిష్ చేసే వాడు ఎవడో తెలీదు..."అన్నా జర తగ్గించ మంటావె.. తంబీ కాస్త మెల్లగా మాలిష్ కొట్టు... " 
అంతే.. కులం లేదు.. మతం లేదు.. ఆవేశ కావేశాలు అంతకన్నా లేవు..

అదొక జాతర.. హిందు మతం వాళ్ళదో తెలీదు.. ముస్లిం..క్రైస్తవుల పండగో తెలీదు... గుంపులు గుంపులుగా జనం.. వెళ్ళేవాళ్ళు వెళ్తున్నారు... దిగే వాళ్ళు దిగుతున్నారు... కడుపు కాలేవాళ్ళు ఆత్రంగా ఏవేవో తింటున్నారు.. రోడ్డు మీద దొరికినవే....కారుల్లో..మోటారు బండ్లలో..ఆటో రిక్షాల్లో.. జనం..జనం..

కులం లేదు.. మతం లేదు..ఆవేశ కావేశాలు అంతకన్నా లేవు...

బస్సు స్టాండుల్లోను.. రైలు గాడీల్లోను..షాపింగు మాలుల్లోను....రైతు బజార్లలోను...జనం.. జనం,., కడుపు కాలే జనం.. ఆకలి తీర్చుకునే జనం.. పొట్ట చేత్తో పట్టుకుని..ఈ పూటకు గడిస్తే చాలు అనుకునే జనం...

కులం లేదు..మతం లేదు.. ఆవేశ  కావేశాలు అంతకంటే లేవు....

కానీ..కొంతమంది మేధావులు... గగ్గోలు పెడుతున్నారు... టీవీల్లో అరుస్తున్నారు.. న్యూస్ పేపర్లలో రెచ్చిపోతున్నారు... అసహనం అంటూ ఆక్రోసిస్తున్నారు... అన్నిటికీ మూల కారణం..వేదాలూ...అగ్రవర్ణాల ఆధిపత్యం అంటూ వెర్రి కేకలు పెడుతున్నారు...
కానీ జనం పట్టించుకోవటం లేదు.. ఎవడి ఆకలి గోల వాడిది...
రాజ్యాంగం రాసింది అగ్రవర్ణాల వారు కాకపోయినా.. రాజ్యాంగంలో అగ్రవర్ణాల వారికి ప్రాముఖ్యం లేక తగలడి పోతున్నా...రాజ్యాలు పోయి..అగ్రహారాలు కూలిపోయినా.. ఇంకా..వెంటపడి వేధిస్తూనే వున్నారు... 


కంచర గాడిదల్లాగ ఓండ్రపెడుతూనే వున్నారు... శూర్ఫణకల్లాగ ఫిట్టింగులు పెడుతూనే వున్నారు... వీళ్ళకి ఎవరిమీదా సానుభూతి లేదు.. గోడమీద పిల్లులులాగ అగ్రవర్ణాలకి..దళితులకి మధ్యన నిరంతరం చిచ్చు పెడుతూ ఆనందిస్తూ వుంటారు... సమాజంలొ అసమానతల్ని పెంచిపోషించడమే ఈ కుహనా మేధావుల లక్ష్యం.. దానికోసం కుర్రాళ్ళని రెచ్చగొడతారు..రాజ్యాంగేతర శక్తులుగా తయారు చేస్తారు.. ఉగ్రవాదులుగా  తయారు చేసి వారిని కన్న తల్లుల కడుపుకోత కోస్తారు..

అధికారంలో ఉన్నది ఎవరైనా వీరికి ఒకటే..  అరిచి గోల పెట్టి..ఉన్నవాణ్ణి దించేయడం... ఎక్కడ ఏమూల చిన్న సంఘటన జరిగినా మీడియా సాక్షిగా గోల చేసి హడావుడి చెయ్యడమే.... పోనీ జీవితం లో ఒక్కసారైనా ఎన్నికల్లో పోటీ చేసి గెలుస్తారా.. అదీ చెయ్యరు... నిలబడినా పాలించే అంతటి మెజార్టీ వీళ్ళకి వుండదు... 

ప్రస్తుత ఆకలి కేకలు వీళ్ళకి అక్కరలేదు... రామాయణం లో సీతమ్మ కొప్పులో పువ్వులెందుకు లేవని గోల పెడతారు.. భారతంలో ధుర్యోధనుడి గద పుచ్చిపోయింది కనుకనే ఓడిపోయాడని.. దానికి బ్రాహ్మణుడైన  గురువు ద్రోణుడే కారణం అని పుంఖాను పుంఖాలుగా వ్యాసాలు రాస్తారు.. 


రాజ్యాంగంలో ఎన్ని చాప్టర్లు వున్నాయి...ఎన్ని చట్టాలు వున్నాయి.. అవి ఏమి చెబుతున్నాయి... వాటిని మనం ఎలా గౌరవించి బతకాలి.. ఇవేమీ ఏ మేధావీ రాయడు... ఎన్నో వేల సంవత్సరాలనాడు వేద కాలంలో జరిగిపోయిన అన్యాయాలను ఉదాహరణలతో విశదీకరిస్తాడు.. ఎవరి కళ్ళు తెరిపించి ఎవరిని బాగుచెయ్యడానికొ అర్ధం కాక బుర్ర గోక్కొనే సామాన్యుడు ఏంచెయ్యాలో తెలీక ఎవరి మీద ఆవేశ పడాలో తెలీక మతికోల్పోయి...మనుగడయే కోల్పోతున్నాడు...   

ఒక డాక్టరు కులపక్షపాతంతో వ్యవహరిస్తే ???? ఒక గడ్డం గీసేవాడు కుల పక్షపాతంతో రగిలిపోతే?? ఒక డ్రైవరు తన బస్సులో వున్నది ఎంతమంది నా కులం వాళ్ళు అని ఆలోచిస్తే... ఈ ప్రపంచం ముందుకు సాగేనా.... సామాన్యులెవరూ ఆలోచించని కుల మత వర్గ వైషమ్యాలు ఉన్నత విద్యని అభ్యసించే విద్యార్ధులకెందుకు??? ప్రొఫసర్లు.. రచయతలు.. సామాజిక కార్యకర్తలం అని గర్వంగా చెప్పుకునే మేధావులకెందుకు??

భారతదేశాన్ని అహర్నిశలు ప్రాణాలొడ్డి కాపాడుతున్న సైనికులమీద...స్వతంత్రం వచ్చాక.. తమకున్న ఆస్థులు..భూములు..ఉద్యోగాలు...సర్వసం కోల్పోయి ఇప్పుడిప్పుడే కోలుకుంటున్న అగ్రవర్ణాల మీద...నిత్యం విషం కక్కే అధికారం వీళ్ళకి ఎవరిచ్చారు...

ఎవడి గోలలో వాడు వున్నట్టు కనిపించినా...సామాన్య ప్రజలెప్పుడూ తమచుట్టు ఏం జరుగుతోందో గమనిస్తూనే వుంటాడు... కుల మతాలకి అతీతంగా జన జీవన స్రవంతి గంగా నది ప్రవాహంలా నిత్యమూ కొనసాగుతూనే వుంటుంది... 

ఇది పవిత్ర భారత దేశము...ఈ దేశాన్ని ముక్కలు చెయ్యాలని దుష్టులెన్ని ప్రయత్నాలు చేసినా.. భరతమాత ముద్దు బిడ్డలు ప్రాణాలకు తెగించి పోరాడుతూ భారత దేశ ఔనత్యాన్ని చాటి  చెపుతూ వుంటారు.. నాయకుడి కులగోత్రాలతో పనిలేదు...కార్యదీక్షుడై ముందుకి సాగుతారు...ఆయుత చండీయాగం చేసి పండిత పామరులకు సమానంగా పెద్ద పీట వేసే నాయకులు..పీర్ల పండగను..అమ్మవారి జాతరను..మేరీమాత జన్మ  వేడుకను ...గణేష్ దుర్గా నవరాత్రి ఉత్సవాలను.. ప్రతీ పండగను కుల మతాలకి అతీతంగా ఆనంద పరవశులై జరుపుకునే పెద్ద మనసున్న ప్రజలున్నంత కాలము...ఈ మేధావులమని చెప్పుకునే కంచర గాడిదలు.. అగ్రవర్ణాలపై తమ బ్లాగులో విషం కక్కే శూర్ఫణఖలు ఏవీ చెయ్యలేదు.. తస్మాత్ జాగ్రత్త..   

Sunday, February 28, 2016

రేపటి కుల పోరాటాలు.....

 కుల వర్గాల వారీగా.. :

1. రైళ్ళలో ఉచితంగా  బెర్త్ లు కేటాయించాలీ .... విమాన చార్జీల్లో రాయితీ ఇవ్వాలి.. 

2. ఒలింపిక్స్ లలో... నేషనల్ గేమ్స్ లలో ఓడిపోయినా సరే విజేతలుగా ప్రకటించాలి... 

3. క్రికెట్ లో 5 రన్స్ చేస్తే 50 రన్స్ గాను.. 10 రన్స్ చేస్తే సెంచరీ  గా డిక్లేర్ చెయ్యాలి.. 

4. పద్మ అవార్డులలో కేటాయింపులు కావాలి.. 

5. తిరుపతి దర్శనం నేరుగా కల్పించాలి.... ఒక్కో కులానికి ఒక్కో క్యూ లైన్ ఉండాలి..కులాన్ని బట్టి లడ్డూలు కేటాయించాలి. 

6. అంత్యక్రియలు ప్రభుత్వ లాంచనాలతో ఘనంగా చెయ్యాలి.. 





Friday, February 5, 2016

బ్రాహ్మణ భావజాలమంటే..

'అభ్యుదయ భావం' అంటే...
బ్రాహ్మణ భావజాలాన్ని వ్యతిరేకించడం..


బ్రాహ్మణ భావజాలమంటే..
వర్ణ వివక్షత కల్గి ఉండుట..
దురాచారాలు ఆచరించుట..
మూఢ విశ్వాసాలు పెంపొందించుట..
సమాన హక్కులు భంగపరచుట..
స్త్రీ స్వేచ్ఛను కాలరాయుట..


అందుకే బ్రాహ్మణ భావజాలాన్ని వదిలిపెట్టాం..కానీ... 

దాంతో బాటుగా..కింది జాడ్యాల్ని వదిలి పెట్టాం..

ఆయాచితంగా వచ్చేవాటిపై ఆశ లేకుండుట..
నిస్వార్ధం, నిష్పక్షపాతం తో పనిచేయుట..
వినయ విధేయతతో విరాజిల్లుట...
గౌరవాభిమానములతో మనుగడ సాగించుట..


అందుకే హాయిగా..
దొరికినంత దోచుకో..
దోచిందంతా దాచుకో..
ఇదీ అభ్యుదయ వాదం..
ఇదే నేటి ఆధునిక సిద్ధాంతం..




కులాల కుమ్ములాటలో దిక్కులేని చావు చస్తాం.. 
కాని అగ్రవర్ణాల ఆధిపత్యాన్ని సహించం..

హక్కుల కోసం పోరాడతాం... 
అడ్డొచ్చిన వారిని అడ్డంగా నరికేస్తాం.. 

అరాచక శక్తులకు అండగా నిలబడతాం.... 
హిందు పురాణాలను ఎండగడతాం.... 

ఇదే అరవై ఏళ్ళ రాజ్యాంగం మాకిచ్చిన హక్కు.. 
కాదని ఎవడైనా కూసేడో.. అసహనం వెళ్ళగక్కుతాం.. 
మీడియా సాక్షిగా దేశాన్ని అగ్ని గుండంగా మారుస్తాం.. 
ఖబడ్దార్..